رد : لنكن بجانبها بسبب تكرار مشاكل زوجها مستجدات في الرد405
هو عارف نقاط ضعفي ، و الدليل تراجعي في كل مرة اتكلم فيها معاه ..
( ليت عالأقل ، لو شفته يسعى لمحاولة تحقيق نص أو جزء من الشروط أو الطلبات )
أو حتى عالأقل لو شعرت إنه فعلا تغير و انصلح حاله ؟
احساسي يقول كذاب ..
و الشيخ المصلح قال لي رأيه ، إنه ما شعر من نظرات زوجي أي شي يدل على ندمه أو توبته أو جديته و صلاحه
هذا و هو المصلح ؟
و المستشار كان رأيه نفس الشي ، إنه يشعر بعودة زوجي للطريق هذا ..
.
.
زوجي كأنه يقول لهم
( اشترطوا مثل ما تبغوا و قولوا اللي تبغوه ..
أنا زوجتي و ضامنها ، و راح ترجع لي بدون ما أنفذ لها أي طلب و هي اللي راح تتنازل بنفسها عن كل طلباتها و شروطها ..
عشان كذا تفاجأ قدام الشيخ ؟؟؟
و جلس يقول لي بعدين ، مين عبى لك راس ؟
كلمتي مين أمس ؟ )
.
.
عالعموم ، أنا ما ورايا شي ..
إذا هو باله طويل ، أنا بالي أطول من باله ..
يا يتعدل و يصير آدمي ، يا البعد عنه غنيمة ..
أصلا بدأت اتعود على غيابه ..
.
.
فاكهة
ماعرف ليه صرت حاسة إنه عنده انفصام ..
وجه حقود و نذل و شراني و كل شي .. كان يهدد بإنه ما راح يطلق و راح يخليني أخلعه
و يشترط بالتنازل عن الأولاد وووو إلخ ..
و أنا بكل برود أصلا جاوبته ( تبغى تاخد الأولاد .. خذهم عندك )
قام سكتت و قال ( بأحرمك منهم ) .. قلت له ( طيب )
أصلا قال لي المستشار ، إنه ما يحق لزوجي ياخدهم و إنه غير مؤهل لتربيتهم ..
و قال لي ما اظهر له أبدا إني متعلقة بالأولاد .. و هو أصلا ما يبغاهم ..
.
.
شوية ، و يبان الوجه الثاني البشوش الطيب و الضحوك و المزوح ,,
يالله حبيبتي امشي نروح و الشيخ عنده اجتماع ، نجي بعدين الأحد و وعد إني أجي ..
و يجي يجلس جنبي عند الإنتظار و يهرج و يتكلم عادي و ما كأنه فيه شي و يحكي لي عن أحداث أمس ..
و يتريق يقول يالله يا شيخة امشي نروح البيت ، بلا كلام فاضي ..
.
.
ما رضيت اتحرك و أروح البيت غير لما تأكدت إنه القاضي خلاص بيجي الأحد إن شاء الله