الله يعينك عليها و يعينها على نفسها

امين ي رب .. !!!

لاتهمك تحذف الواتس او تكسر الجوال حتى
ماادري ليش مطوله وهي قصيره
دق عليها وقل انت وش تبين بالضبط ؟؟؟
وضع معها النقط ع الحروف بمكالمه وانتهينا
رسايل واتس ومحاويق ماكانكم زوجين وش هالحاله استغفر الله
هاللحين تبي تفرح أنكم تامين سنتين وهي في بيت خالها وطالبه الطلاق ويننا وين الفرح بس
سنع امورك تكفى
الدعوه ماتبي كل هالدراما
الله لايبلانا بس ويعينك

سبق وان سوت نفس الحركه .. حذفت الواتساب ورجعته

بعدها ارسلت ورجعت لنفس الحكايه ..

اشوف اهلها لازم يتدخلون في الموضوع ..

شوري عليك اسحب عليه لما تولد وعش حياااتك
لعلها بعد ماتولد تزين الأمور وتكون الشغله شغلة هرمونات لاأكثر
ارتاح بس وانساها هالفتره ولااتابعها ابدااااا
لما يعلمونك بولادتها ان شاء الله ساعتها لكل حادث حديث


كم لها من طلعت من بيتك ؟؟؟

قرابه الشهر ..

الخطوط السعودية مسوين عرووض رهييبة للطيران اختر لك مدينة واستمتع 😄

مرحباً أخي

ولا كأنك شفت الرسالة أو قرأتها أنساها تماماً

كل إللي عليك الآن

أن ترتاح وتأخذ إجازة فكرية وذهنية لمدة أسبوع أو أسبوعين... وتريح أعصابك... وتلتفت لنفسك وعملك ووالديك وعبادتك

وأكثر من الدعاء لها ولك بصلاح الحال والحياة السعيدة وكذلك صلاح طفلتك وأن تعيش حياة جميلة وتربية صحيحة إسلامية بين أبوين حبيبين

ولا تخاف... بالأغلب والله أعلم
أنها ستعود لمواصلتك مرة أخرى إما برسالة أو إتصال

وملخص موضوعنا الآن
هو الثبات على ما بدءنا به
فإما ستتواصل معك وتشرح لها ما مضى من نقاط
أو
لابد إذاً من إدخال أهلها والتفاهم معهم
وبإذن الله... أنا متفائل برجوعها... ولكن فقط الصبر


بارك الله فيك

-سبقني الأخ الفاضل الرسمي بما أود قوله لك.
-يدور في ذهني منذ البارحة اقتراح لك بأن تسافر خلال اليومين القادمين خارج مدينتك مع أحد الأصدقاء الجيدين حتى ترتاح قليلاً وتبتعد عنها.

فكرتني بنفسي وقت الملكة زعلت من زوجي وحذفت الواتس ورجعته في اقل من ساعه
راح ترجعه اطمن