الله يرده لك ردآ جميلا باعلمك واتمنى تستفيدين لك ولغيرك عندي عميله وتخيلي عندها ملاييين ملاييين بس ماتقدر تسحب ريال المحكمه قضت بعدم سحب ولا ريال حتى يكبر جميع ابنائها باعتبارهم الورثه لانها غير مؤهله الملايين سببت لها اكتئاب وتطور حتى صار ثنائي القطب وانفصام بسيط بالشخصيه لما قرات وبحثت بحالتها الي فهمته انها كانت بمشاكل مع زوجها وتحاسبه حتى بالتحركات وتمن عليه عطيتك سويت ووو لين ماامل منها وجاب زوجه معها بنفس البيت وقال لها خذي فلوسك وملايينك وعيشي فيها وانا مع هالحرمه الي بتقدرني وتضرب لي حساب مع سوء حالتي قالت ماني طالعه ظنت نفسها قويه وظلت معهم وشافت الزوجه الثانيه زادت بدلالها ودلعها لزوجها وزوجها حبها وووو المهم تطول السالفه ماتحملت ومرضت عالجوها حتى عملوا لها جلسات كهربائيه ووصلت الى حد لايامنونها على نفسها واودعوها احدى الدور ولدها قابلته هو الي حكى لي القصه قلت له امك عندها ملايين وحاطينها بدار تزوج واشتري فلتين لك وحده وامك جيب لها ممرضه وخدامه وطباخه قال فلوس امي محجوره حتى يبلغ اصغر واحد السن القانوني الحين لما تصحى لنفسها تجيني وتقول الله يخليك زوجيني اخوك واعطيه فلوسي شوفي وين ودتها الفلووس لو تشوفين حال عيالها يرثى له تقول لي بنتها لو ترجع امي عشر سنوات ماسوت الي سوتها |
القصة مغلووطة وفيها ثغرة يا أختي ..
خليني أقولك الأخت اللي قلتي حكايتها فيه أحد إتجه للقضاء ممكن زوجها أو أحد أولادها - اعرفوا اللي رماها بالدار بتعرفون منو اللي حجر عليها - وطلب الحجر على أموالها بحكم إنها مريضة وممكن ما تحسن التصرف في أموالها .. اللي بيصير إن القاضي لو ثبت له صحة هذا الإدعاء راح يحكم بالحجر عليها ويعين قيم ( يعني ولي ) يدير أموالها ويحافظ عليها بما يعود عليها بالمنفعة .. وهالقيم يحق له شراء بيت لها وتوفير خادمة وسائق ويعالجها بمالها و يصرف عليها بالمعروف من حر مالها اللي هو أمانة عنده .. الكلام اللي قاله ولدها كذب في كذب أمه عايشة صاحبة الأموال ماماتت اش دخل أصغر عيالها في الموضوع ؟! الحي يرث ولا يورث .. إذا كان الشخص المتوفي دماغيا اللي يعتبر طبيا مافي أمل منه محد يورثه ماهو هاذي ! |
غلطانه يااحبه غلطانه 😭😭
واذا خلاك تشيلين الشنطه تروحين ترجعين للنكد اول ماجاب السحور حضريه واجلسي واكلي معاه من البدايه نفس حركة الجلسه بالمقعد الخلفي احبه قلنا خليك طبيعيييييه لو محلك خليت الشنطه بالسياره وهو بيروح يحيبها بعد مايتسحر ومصيره يجيبها ومارست حياتي طبيعي انتبهي من العجله وقلة الصبر ع كل حال لاتستقعدين له عالحبه كل حبه تعملينها قبه ونومته بالغرفه يعني نهاية المشكله تدرين متى تزعلين لانه بيتعود ع زعلك ويطفش ويمل ويطق ويهرب ويتركك ازعلي من المواقف الي نقول زعلتنا سب شتم عدم احترام قذف لعن لعن الاهل خيانه تجريح للنفس اذيه لك بس شلتي الشنطه زعلتي !!! لا بكره بكره يجي من دوامه وانتي مبسووطه ومتحرره من حساسيتك وزعلك البيت نظيف والريحه تخطف الانفاس والاكل مالذ وطاب وروقي وروقيه |
جاب سحور من المطعم اللي أحبه وهالمطعم يبعد عن مدينتنا ساعتين .. جاء وحط السحور وجلس ناداني تبغي سحور قلت لا بالعافية واخذت بسكوت وجلست اكله بغرفة نومنا وانا عيوني تدمع واقول خلاص هنت عليه لدرجة اني اشيل الشنطة بهالثقل ولافكر يشيلها عني يبي يعاقبني لاني ماخليته يشيلها يوم وداني لاهلي .. المهم جاء عندي وقال ليش ماتجين تتسحرين بتصومين على بسكويت قلت بالعافية ماأبي .. قال: قومي حسبت حسابك.. قعدت شوي .. قال قومي بيأذن الفجر وحناباقي ماتسحرنا .. قمت وجلسنا تسحرنا وحنا ساكتين.. خلصنا السحور قام غسل وجاب مويه وسألني متى يأذن؟ علمته .. بعدين سألته فيك حيل تتسبح؟ قال ايه ..جلست عند رجلينه وقعدت ادلكها له .. قام اتسبح وجهزت ملابسه وصلى ورجع غرفتنا نام معي على السرير ..
وش رأيكم؟ |
عزيزتي الدار حكوميه ولا يمكن ولدها يكذب لدينا اوراق المحكمه بملفها ولكن حالتها استدعت للقاضي بهذا الحكم لا يوجد لها اخ ولا اب ولا سند وزوجها طلقها والقاضي عيين بالمسمى من يستلم الاجارات ووخلافه حتى يكبروا ابنائها جميعهم انا طلبت نعالجها بعياده بعيد عن الدار تعبنا نحصل من اموالها قيمة العلاج ابنها يضرب به المثل وسبق وطلعت امه وكان يشتغل ويدرس عمره 24 عام ولكن اثناء دوامه بالجامعه فتحت الباب وطلعت اضطر يرجعها لنا |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|