قريت رد امي ملكومه .. يعلم الله ان عارف هالسيناريو اللي تبيه زوجتي المصون .. هي تبي كذا لا من بعيد ولا من قريب ويوم قلت لها ووقت مايزورنا اهلي في بيتنا .. صارت تقول يجونك تروحه لهم شي راجع لك .. بس انا مااقدر اجلس معاهم ولا شئ ..

هنا حسيت انها ماتبي توصل لنقطه صلاح من طرفها .. وهي حاسه وعارفه ان هالشئ مرفوض من جهتي ..

المصيبه انها حامل وشايل هم البنت اكثر شئ !!! بعدين مع الزمن والعشره .. حتصير مواقف منها وخصوصا ان الام قريبه من امها في مرحله التربيه .. طبعا احتمال زوجتي تؤثر على شخصيه البنت .. من ناحيه ان اهلي ظلموها ووووالخ .. هنا بنتي راح تكون في صف امها ومصدقه امها مهما كان .. ممكن يكون لي تأثير عليها وعلى شخصيتها ..

الوالده .. ادري انها راح توافق وتغظ الطرف عشان ماتشتت بيتي وبنتي .. لكن انا داخليا ماراح اكون سعيد من الموقف ..

في حاله انها تواصلت وتبي حل لمشكلتها .. راح اقدم شروط مقبوله وعادله للطرفين .. ان رغبت بالاستمرار على العين والراس وان رفضت لا يكلف الله نفسا الا وسعها ..

أختي مكلومه الله يساعدك الألم واضح بين سطورك وكتابتك
عشان كذا ننصح الأخ ان مايسبب هالألم لوالدته ولأهله..
ليش يصير قطاعه لسنواات عشان سبب تافه ..
الزوجه المحبة لزوجها تتواصل مع اهله من اجل زوجها وابنائها
من أجل عين تكرم مدينه

اخي الكريم، الله عز و جل قال و اخفض لهما جناح الذل من الرحمه و قل ربي ارحمهما كما ربياني صغيرا

يعني كيف بتشوف انه زوجة ابنك ترفض تستقبلك ببيت ولدك، اخي هذي الوالدة الجنه تحت اقدامها، زوجتك كبرت في بيئة سيئة، هذا قدرها، بس الاحترام واجب عليها،

مين متى صاروا الناس يرفضوا يستقبلوا الناس ببيوتهم، يا اخي انت و مالك لابيك و الام مفضله على الاب ثلات مرات

اربح امك و انتصر لها، و هذا الصح و سلوك زوجتك لازم يتقوم، يعني كيف يعني اهلك يزوروك و هي ما تستقبلهم، اكيد راح يحسوا يالاحراج فلا عادوا يرجعوا يزوروك، هل تحب ان تلقى والدتك الله عز و جل، بعد عمر طويل ان شاء الله و انا اسفة على هدي الاشارة، و هي تحمل في قلبها هذا الجرح

شرط زوجتك معناه طرد اهلك، فنصيحة اشتر كرامتك، و علمها كيف يكونوا بنات الناس، و بيتك لازم يظل مفتوح لزيارة الاهل و تستقبلهم بوجه مسرور، غير كذا اسمح لي بس انت بتضيع عمرك و حياتك مع وحدة غير ناضجة، و بنتك الجايه قبل لا تتولوها ليها رب اسمه الحق ما بيضيع حق اي واحد، و انت على الحق فاثبت عليه

و انا بادعي ربنا انه يهديها و يحنن قلبها عليك و يحببها في اهلك
انا ما اخبب عليها بس من حقك تبني اسرتك على اسس سليمه حتى تقدر تنطلق في حياتك العمليه

نصيحتي لك لما تكلمك رد عليها بكل حزم انه هذيك امك و اهلك و اللي ما يريدهم معناه ما بيريدك، و يا ترد بيتك تولد عندك يا تبقى ببيت اهلها للابد و بنتك بتظل بنتك ما يمنعك منها احد

و الاخت مكلومه الله يجزاك على صبرك بس للاسف تصرفك خاطئ و يشجع على هذي التصرفات المقيته
و الله يوفقنا و اياك لما يحب و يرضى

ممكن نعرف شو هي الشروط الي بتقدمها

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

اخوي

على قد المواقف الي عملتها لي حماتي سابقا .. و آخذي لموقف معها ..
لكن ما عمرها غضبت علي .. كانت دايم تقول لزوجي من خلفي ..
زوجتك الله يعينها عليك ..

و مرة قلت لزوجي .. لو امك لا سمح الله في يوم من الأيام احتاجت لأحد ..
راح أوقف معاها و افتح لها بيتي ..

لكن ما توصل اني اقول لزوجي اهلك ما يدخلوا البيت ..

.
.

أصلا لو قلت له كذا .. و وافق على شرطي ..
راح استحقره بداخلي ..

الغالية مكلومة ..

ما توقعت عندك احفاد ماشاءالله عليك ..
خوفتيني الصراحة من المستقبل و من تزويج أولادي

طيب عالاقل .. المفترض ما تعزموها في عزايم الأهل ..
لا أخواتك و لا اخوانك يعزموا زوجة ابنك ..

ما يصير زي كذا ..
تجاهلوها و لا تعبروها لحد ما تحس نفسها منبوذة
و بعدها راح تلاقيها تدور عن رضاك

كلامك عين العقل و ربنا يجعله في ميزان حسناتك

ما شاء الله عليك اختي روح الطير
الله يفرج همك وييسر امورك يا رب
الزوجة اذا وصلت لمرحلة ترفض استقبال اهل زوجها في بيتها او الجلوس معهم
فهذه مصيبة لكن المصيبة الأكبر والاعظم لما الزوج يوافق على هالشرط
وتمشي الحياة عادية بينه وبين زوجته ويترك جرح في قلب الام الي هي سبب وجوده في الحياة بعد مشيئة الله سبحانه وتعالى
يا رب ما يحطني بموقف هذه الام في يوم من الأيام

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

مكلومة الله يعوضك خير..لاحول ولا قوة إلا بالله يجيها يوم حرمة ولدك ربك يمهل ولا يهمل...ليت ولدك شرط عليها اهلها مايدخلوا بيتها عشان تعرف مدى بشاعة شرطها....على المشاكل اللي صارت لي من ام زوجي اول حياتي مع اني كنت مسالمة جدا ماعمري اذيتها الله يسامحها لكن والله حتى في وسط الوجع كنت اقول لزوجي لو وصل الامر اما انا او امك لاوالله امك جنتك ونارك وانا زوجة بتلاقي غيري زوجة اما امك ماراح تلاقي عنها عوض ولا يمكن يجي يوم اخيرك بيني وبينها وكنت اعينه على برها والى الان الحمدلله..وسبحان مغير الاحوال تغيرت عن زمان ولله الحمد واصبحت علاقتنا طيبة ولله الحمد....


صاحب الموضوع الله يصلح لك زوجتك ويجمع بينكم في خير يارب

__________________
سبحان الله وبحمده..سبحان الله العظيم

طيب ممكن تجيها من باب المنطق والعقل

هل ترضين اني ماستقبل اهلك في بيتي وارفض دخولهم لمنزلنا

لو اخوك نرفزني باسلوبه ورديت عليه بنفس الوقت ومن بعدها قاطعتك انت وزعلت عليك
علشانك ماقاطعتي اهلك ..وحطيتك بموقف بايخ بيني وبين اهلك وقلت لو تحبيني دافعتي عني وتزاعلتي معهم
انت وش رايك تشوفين هالشئ الصح؟!

وحتى لو ابوك يرسل لي احاديث مثل خيركم خيركم لاهله وعن الرفق بالنساء تشوفينه صح ازعل منه واعطيه بلوك ؟

قبل ماتتخذ قرار التطنيش ..اقنعها بخطئها وبعدها اهجر
اكتب لها هالكلام واتز لعل الله ينير بصيرتها ويهديها