آه ياأختي مكلومه بكيت من قلبي وانا اقرأ تفاصيل قصتك مع ابنك الرابع وزوجته 💔💔💔😭😢

آه من قلوب قست ع الأمهات الحنونات الرحيمات !
تظل الام أحن قلبآ وأكثر تضحية واعقل رأيا وابعد رؤيه وهذا مافعلتيه اختي المكلومه مكلووومه
مكلومة في ابنها وزوجته
اعانك الله و جبر كسر قلبك وعوضك عزآ ورفعة في الدنيا والاخره
عندها ولدين الان وسيرزقها الله بالمزيد ان شاء الله
وسترى مافعلته ب ام عينها طال الزمن او قصر
وعندها ستعرف قدرك وتعض أصابع الندم ان سمحت لنفسها ان تضع الام بجلالة قدرها ندا لها 😔
واسال الله لكل امهاتنا وآبائنا الفردوس وان يجزاهن عنا خير الجزاء كما ربونا صغارا
واسال الله ان يرزق اولادنا زوجات صالحات تقيات رضيات يكن خير لأولادنا ع امر دينهم ودنياهم
وخير عون لهم ع بر والديه الذين هما احق الناس قدرا عليه لا سبب فرقه وقطيعه وعقوق والله المستعان

اختي ريماس .. سبق وان بينت هالنقطه بشكل سلبي ..

ذكرت موقف ان كانت هناك موقف لها مع اخيها .. عشانه كان يغلط علي بحضورها .. وانها وققته عند حده وكانت بتكلم عمانها على هالموضوع .. طبعا انا ماصدقت هالحكي ابدا .. لان اخوها اعرفه زين .. هي للاسف ماتواطنه خير شر .. عشانه اصغر منها وولي امرها بعد وفاه ابوهم ..

حركتها فيها دراما كثير !!!

طيب يآخي حركاتها فيها دراما
وتحقد من مواقف بسيطه
وطالبه تقطع رجل إمك من بيتگ

اتبع نصيحة الاستاذ الرسمي والاستاذ البليغ
طنشها ( طناش كامل )
ترسل واتس اب
ترسل مزرعة ورد
ترسل كلام برغبتها عن الانفصال
تتظلم وتتشكئ وتتبكي طنش

خلها لين تتعب وتبداء تغير سياستها وتعرف انه عيب وحرام الي تطلبه

لاتتوقف كثير عند تصرفاتها وتصير اسير عالمها ( قالت / سوت / فعلت )
وتتعب نفسگ بتفسير كلامها وتصرفاتها

اخي مو معقول كل ماارسلت شي او اتصلت بترد وتبرر وتفهم فيها
وانت الي دافع الثمن من اعصابگ

زي هي ماتحب الراحه والخير لنفسها
انت بعد حب الخير والراحه لنفسگ

اخي لو انت سامع نصيحة الاستاذين الرسمي والبليغ من اول
ومطنشها ومقفل جوالك ، يمديها الحين جت لحد عندگ تدور الحل

مخوفتگ بالانفصال وحال البنت بالدنيا والظلم الي جاها منگ ومن الوالده الله يحفظها
خلها تحصد الي زرعته ،

رايتگ بيضاء لحد هنا ، حاولت ، تكلمت ، تنازلت
بس اكثر من كذا انت بتظلم الوالده وتحرق قلبها وتظلم نفسگ

اصحئ يا اخي ، وانتبه لحياتگ وغير من مفاهيمگ
لاتساعده علئ ضلم امگ

يآخي طيب بس من باب التجربه قفل جوالگ اسبوع بس اسبوع لو انت مو قادر تقفله اكثر
وشوف النتيجه ،

هالاسبوع لاتجلس لحالگ ، اطلع وغير جو
شارگ بمواضيع المنتدي
اطلع تمشئ انت والوالده او اي احد من اصحابگ
سوي عزيمة صدقه لوجه الله بإستراحه ، اذبح 2 او 3 خرفان واجمع جماعتگ واصحابگ واخوانگ واخواتگ
ولو تقط انت واخوانگ مشاركة للاجر افضل الرواتب علئ الابواب
غير بديكور البيت عندك
اخلق لگ عالم ينسيگ الضغط النفسي والعصبي والدوامه الي انت عايش فيها

ترسل ايش ماترسل طنش وقفل جوالگ
هي عند اهلها بعز ودلال ع قولتها ، وماعليها خوف مدبره نفسها
قومها صح وافرض قوامتگ عليها ،

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

جزاك الله خير اختي رائحة البخور 👍

وانت يااخي كان الله في عونك واصلح زوحتك وهداها لك
انظر في نفسك يااخي وراجع حساباتك مع الله
قد تكون اذنبت ذنب هين عندك وهو عند الله عظيم فسلط الله عليك زوجتك واقلقت راحتك
موضوعك آلمنا كثيرااااااا وقلوبنا تنزف نزفا
ليس لان بينك وبين زوجتك مشكله لا والله ف بيت سيد الخلق اجمعين لم يسلم من المشاكل ولكن
لامتهان الأمهات بهذا الشكل المؤسف والله المستعان
عشت مع أهل زوجي رحمه الله اكثر عمري في بيت كبير واااحد واعتبرتهم اهلي واعتبروني ابنتهم
وتحصل بيننا كما يحصل في كل البيوت وبين الام وبناتها حتى ولكن في النهايه الام هي الأساس والقلوب صافيه والخوف من الله موجود وكما قالت الغاليه روح الطير لو الزوج وقف بصف زوجته ضد أمه من غير سبب كبير وظلم بين اول من سيحتقره زوجته التي وقف معها
زوجي كان حكيمااااا كنت كلما حصل خلاف بيني وبين اخواته زااااد بره وحنانه وعطائه لهن وكنت لصغر عمري آنذاك اقول كيف تفعل ذلك فيرد يامال الجنة البارده مالي دخل بسواليف الحريم وكنت في لحظات الصفاء أصارحه يازوجي ان جئتك مرة باكية شاكيه اسمع لي واحتويني فقط وهدئني ولكن لاتتخذ اي تصرف يسيء لهن لأَنِّي أكون في حالة غضب ولكن عندما اهدأ ترجع المياه لمجاريها ويرجع الحب والانسجام بيننا وكأن شيئا لم يكن
خوات اختلفن فتصالحن وش دخل الرجل بيننا هههه
توفي زوجي منذ سنوات طويله ولازلت كل أسبوع ازور والديه يوما كاملا واحفادهم الذين هم ابنائي خدم لاجدادهم وتحت امر عمومتهم وعماتهم والحمدلله ع توفيق الله وفضله
ارى حبهم ودعواتهم لي ولأولادي ولزوجي رحمة الله عليه واستغرب جدا ممن لاتزور أهل زوجها نسأل الله العفو والعافيه ...

تقدر تسافر تغير جو؟؟

مكبر الموضوع زيادة عن اللزوم
زوجتك من الناس اللي خلاص نفسها ما تتحمل والنوع اللي كذا مستحيل تقدر تعالج مشاكلها مع الناس بالقوة او الغصب ، الزمن بالنسبة لهؤلاء هو كفيل بمعالجة تقبلهم للآخرين
للعلم هي غير ملزمة برؤية أهلك ولا يمكنك إلزامها بذلك ، لكن لا يمكنها منعهم من زيارتك وأعتقد انها لن تمانع حين تخبرها بذلك

مااختلفنا نعم هي اخطأت وامك وأختك يتحملون نسبة من الخطأ أيضا في التدخل بينك وبين زوجتك
لكن التطنيش في وضعك الآن مو حل ! انت بهذه الطريقة تفاقم المشكلة وكل ما طالت المدة تسمح بتدخل اطراف اخرين في مشكلتك من ناحية زوجتك وماتعرف قد ايش ممكن يكون الاثر و رح تعطيها سبب آخر لتكملة الدراما ( انتا سبتني حتى في آخر ايام ولادتي وولدت وانتا مو معايا ....... الخ)

اختي رائحه البخور .. اشكر ردك المفصل وفي طياته المعاني الكثيره والمصوره لوضع زوجتي المصون ..
بدون شك لاحظت على ولادتي مدى حزنها على ماتفعله زوجتي من افعال وتصرفات راعنا بكل ماتعنيه الكلمه .. الأم ماتتعوض لكن الزوجه تتعوض ..
مااستنتجته من زوجتي هو .. قله خبرتها في فضل الأم وقله خبرتها في التعامل مع الناس ..

خلال سنتي الاولى من الزواج .. كانت زوجتي في شد وجذب مع امها .. بعض الاحيان تصل بأن لاتتحدث مع والدتها بالاسابيع وتجمعهم مواقف او مناسبات عائليه .. وبعدها يرجعون لتواصل مع بعض .. امها ماتتوافق مع اختها الصغيره من ابيها .. لانها مدلعه وغير مهتمه وفيها غرور نوعا ما .. ومع هاذي الاحداث .. زوجتي كانت تتضايق من تصرفات امها .. اذا قامت بالنصح لها او مخاصمتها اذا فعلت شي غلط .. تشوفها زوجتي شي كبير ومزعج من امها .. هاذا كافي بأنها لاتعرف كيف تتعامل مع الامهات ..

بديت اشوف حتى عماتها وخالاتها يستنكرون حركتها بالتعامل معاهم او مع الناس ..
زوجتي تعشق اللي يطبل لها ويويدها سوى صحيحه ام خطاء .. للمعلوميه زوجتي اكبر مني بسنه واتوقع انها تحس انها اعقل واحكم بحكم فارق السن بيننا .. لكن ماتركت لها مجال انها تتمادى بهاذا التفكير .. وزياده على ذالك ماعمري حسستها انها اكبر منى للامانه ..

لدى افكار كثيره في اشعال غيرتها ولكن لا ادري ان هالطريقه فعاله ام لا بالوقت الحالي ..

بحكم اني اشتريت سياره جديده فاخره ولله الحمد .. كانت دايما تخاف ان اطلع لوحدي واكون مترتب ومتشيك .. تبداء ترسل لي لا تروح المولات ولا تروح الشارع الفلاني ولا ..... الخ

اخي الصغير شار عليه بفكره اضحكتني نوعا ما .. قال لي بعد اسبوعين اذا لم تشاهد منها اي تجاوب منها .. خلينا نصورك بالمشلح وننزلها بالانستقرام والواتساب والسناب ونكتب الف مبروك والله يتمم لك ع خير ونحط لك تعليقات .. حتى اهلها هنا راح يكلمونك وتبداء الحركات من طرفهم .. وبعدها نصور سيارتك مشرعه ومزينه بالورود والقلوب وننشرها بوسائل التواصل الاجتماعي .. وبعدها بفتره اكتب في الحالات .. صوره طياره مع علم امريكا و قلب وختام وحركات عرسان .. قالي صدقني راح تولع وتجيك تركض .. لأن زوجتي عارفه اني مااقدر ع تكاليف عرس ثاني ... بحكم القروض اللي على .. والتزامات اخرى .. فمدري عن هالطريقه ومدى فعاليتها ..

الله يهديها ويجعلها تفكر في مصلحه الاسره والبيت

اختي Guerlain

يظهر لي انك ماقريتي الاحداث كامله ..

ترى جلست انا وزوجتي مع بعض وحطينا سلييات وايجابيات كل شخص وكانت الامور ممتازه .. لكن كانت المشكله ماهي منتهيه بالنسبه لها وذالك بعد يوم من الجلسه .. ارسلت وفتحت الموضوع مره ثانيه ويينت بصريح العباره انها ليس علاقه بأهلي لا من قريب ولا بعيد لا عزاء ولا عيد !!!! هل تتوقعي ان المفروض اني اقبل بهالشرط .. مما يؤدي الى دمار صله الرحم وشحن النفوس زياده ..
هل تعلمي ي اختي ان زوجتي لو دخلت على العزاء وحشمت وقدرت الناس .. كان اختي وامي وبالتحديد اختي سلمت ع راسها وانحلت المشكله ..

ايه طبعا .. مخطط عالعيد ان شاءالله

مزوجة عيالي وهم صغار وعندي أحفاد الحمد والشكر لله.. وتراني شابة لا تتخيلوني عجوز

الأخت اللي قالت بلاش تنعزم بمناسبات أهلي..
كل عيالي يحضرون مع حريمهم وبزارينهم والصغير يدخل لوحده ؟!!!
الصدق ما أتحمل كسر خاطر ولدي أبدا أبدا أبدا هذا السبب الأول..

السبب الثاني كيف عياله مايختلطون بأطفال العايلة ويجتمعون معهم..هذول أحفادي مقدر أفصلهم عن العائلة..يكبرون مايعرفون أحد ولا أحد يعرفهم..وأنا أريد الأمور تمشي بطبيعتها
وزوجة ابني إن شاء الله بيجي يوم تتغير وتتحسن العلاقة أملي بالله كبير وأنا حاسة بقلبي بيجي هاليوم..

مازلت أقول صغيرة وجاهلة..بكرة بتفوق لنفسها وتصلح اللي خربته بإيدها..
هي فقدت عز أم الزوج وأبو الزوح وهم أقوى سند للزوجة بعد الزوج..

أكيد أكثركم خطأني..يمكن كنت خطأ يمكن أنا صح إلى الآن مدري..لكن هذا اللي طلع مني..
والحمد والشكر لله علاقتي بعيالي وأحفادي فوق الممتاز..يبون رضاي بكل الطرق..وخاصة الرابع..علاقتي به ما اتأثرت برجوع زوجته..بالعكس الحمد والشكر لله حاطني فوق راسه ...

الأخت اللي فيها فضول تبي تعرف السبب..
الموقف بإختصار
كانت عندي وكنا جالسين نسولف..وجلسنا نحكي عن التعيينات اللي بالقرى وكيف الأسر تتشتت من أجل الوظيفة..
قلت لها والله الحرمة اللي مو محتاجة ماديا تستقر ببيتها أفضل لها ولا تروح مكان بعيد..
هي قالت لا .. لازم تروح عشان تبني مستقبلها والرجل غير مضمون ووو.....الخ من هالكلام
قلت لها لا والله الأفضل ماتروح وتترك الزوج والعيال...

قالت أجل أنت اللي معبية راس زوجي بهالكلام !!!!!!!!!
(هي وولدي تكلموا بشأن الوظيفة..وابني كان رأيه نفس رأيي)
وأنا والله مدري عنهم ولا عن حواراتهم لكن صدف أنا وولدي كانت ردودنا متطابقة.

هنا هي زعلت ووقفت وقالت رجاءا لا تتدخلين بحياتنا ولا بخصوصياتنا وإنت السبب زوجي رافض وظيفتي..

وأنا والله ما أدري عنهم جاتها وظيفة ولا شي.. ولا حتى حصل حوار بيني وبين ابني ولا أخذ رأيي بشي..هي حبت تشبك الأمور وتزعل وخرجت من عندي زعلانة..

فهمها ولدي أمي مالها دخل ولا عندها علم لكن أبت تفهم..
كبرت الموضوع وصار اللي صار..لكن الله يهديها ويصلحها..