في بالي هالحل بجربه بس خايفه تسير من بعده مشاكل

انا ما ابغى عيال كثير اربعة كفايه خير وبركة الا اذا ربي كتب هذا شيء ثاني

مافيه زوج يطلق عشان زوجته حملت !!!
انا ضد التخبيب تمام وانا هنا طلبت منها ان لا تتصادم معه بالجدال اللي هو ممكن فعلا يؤدي للزعل
تطيب خاطره و تصير حليله معه لين تحصل اللي تبي
افضل من تاخذ حقها بالتصادم هذا بنظري
ولم اسمع بزوج طلق زوجته لانها حملت منه 🙂
صاحبة الموضوع اكثري من الاستغفار فانه يفتح الابواب المغلقة

كلمته قبل شويه وتخاصمنا واحتد الموضوع مصمم على رأيه قلت تراني بدخل اهلي فالموضوع لاحظت ماعجبته هالنقطه بعدين رجع قالي حتى لو دخلتي احد فالموضوع ماراح اغير رأيي
وقلت له كلام كثير مصمم اخر شيء قلت له بسيب لك البيت باخذ بنتي واروح بيت اهلي قلي براحتك اللي تبغينه سويه ولاعاد تفتحي هالموضوع

انا عارفه هالشيء مو عادي علاقته كويسه بأبويه وله معارف من جماعتنا يعني مو حلوه بحقه ولا حق اهله يوم اسيب البيت ويقولوا مانعها من الحمل
وهو اللي اضطرني لهالشيء لو سويته

وليش تطلعين من البيت؟ .. وليش كل الأهل والمعارف يعرفون السالفة؟

إنتي مب قررتي تكلمين أبوج؟ .. خلاص قولي له الموضوع وخليه يتصرف مع زوجج بالشكل المناسب .. واطلبي من أبوج أن الموضوع يتم بينكم أنتم الثلاثة.

لكن ماله داعي تروحين بيت أهلج.

__________________


اللهم طِيبَ الأثر .. وحُسْنَ الرحيل.

والله قهرني لم قلي براحتك ليته سكت ولا رد

ابغى الموضوع يبقى فباله ويفكر فيه ويعرف اني ماراح اسكت عليه

كنت ابغى اشوف ردك يامهرة وبعض الاعضاء
ولا يهونون البقيه بالعكس حسيت عندي احد افضفض له واشاوره حاسه بكتمه مو قادره اكلم واشاور احد

__________________

لاحظت عليه اليومين اللي فاتت كأنه يجس نبضي او يلطف الجو
ما ابغى اخسر بيتي وحياتي وفنفس الوقت ما ابغى اتنازل عن موضوع الحمل

إن شاء الله ما تخسرين بيتج وحياتج يا وردة.

لكن استهدي بالله ولا تتسرعين وتقولين كلام ما تقدرين تتحملين نتايجه.

الله يهديج تقولين زوجج يعزل حتى في أوقات غير التوبيض .. يعني عازم وجازم ومصمم على رأيه وما عنده استعداد لأي غلطة .. فكيف تتوقعين إنه بيرضخ ببساطة لما تهددينه إنج تروحين عند أهلج؟!!

الغالب إنه بيعاند .. يعني رده عليج كان متوقع جداً.



إذا لازلتي حابة تدخلين أبوج في الموضوع مب مشكلة .. لكن رأيي تنتظرين شوي.

وما دام زوجج يحاول يلطف الجو .. فأجلي خطوة الوالد كم يوم .. وفي نفس الوقت خلج متحفظة معاه عشان ما يفكر إن الموضوع انتهى .. وفي نفس الوقت لا تقصرين في مسؤولياتج تجاهه وتجاه البيت أو حتى تجاه عياله.

وإذا فتح الموضوع كلميه بهدوء واستعطاف.

نعم يا وردة .. باستعطاف.

أدري أن الإنجاب حقج .. ومب من حقه يحرمج .. لكن في نفس الوقت مب حلو إنج تحققين مثل هالمطلب الحلو بهواش وزعل .. وفعلاً خلي عندج بعد نظر وفكري في المستقبل كيف راح يتصرف في كل المواقف المتعلقة ببيبي يا غصب عنه .... طبعاً ما راح يأذي البيبي لكنه غالباً بيطلع حرته فيج إنتي.

والأهم .. إنه غالباً ما راح يستجيب وينفذ طلبج ما دمتي تطلبينه بطريقة: (مب من حقك) .... يا حبهم للعناد يا وردة حتى لو الحق معاج 100% .. ويا كرههم للإجبار والغصيبة حتى لو كان في صميم مسؤولياتهم وواجباتهم.

لذلك استعطفيه.

ولا تبررين بالعمر ولا المسؤولية .. ولا حتى تقارنين بينج إنتي أم البنت الوحدة وبينه هو اللي عنده ثلاثة .. تكلمي فقط عن مشاعر الأمومة ولهفتج تشوفين عيالج حواليج.

ويا سلام لو بكيتي ونزلتي دمعتين.

وشوفي شو بيقول.




وحتى لو قررتي بعد كم يوم إنج تدخلين أبوج .. كلميه من نفس المنطلق (مشاعر الأمومة واللهفة على العيال) .. وابتعدي تماماً عن سالفة حقي وحقه والأسلوب الهجومي .. لأن الوالد ممكن من باب المساندة يتقمص نفس مشاعرج الهجومية وياخذ بعض كلامج ويوصله لزوجج مثل ما قلتيه.

__________________


اللهم طِيبَ الأثر .. وحُسْنَ الرحيل.

٨
٨
ماشاء الله
الحبيبة مهرة كفت و وفت ..
اعملي بنصيحتها ..

الله يرزقك بالذرية الصالحة ..

__________________
[ اللهم لكَ العتبى حتى ترضى ]