اذا أردت أن يكفيك الله ماأهمك فقل سبع مرات

الأرز المعمر


المقادير:

- 2 كوب ارز
- 4 كوب لبن
- 4 ملعقة سمن ( او زبد )
- ملح


الطريقة:

- يدهن طاجن الفخار ، او صينية الفرن جيدا بالزبد
- يوضع الارز المنقي والمغسول في الطاجن ثم يصب فوقه اللبن المملح ويوضع نصف مقدار السمن او الزبد
- يوضع في فرن متوسط الحرارة حتي يقترب من النضج
- عندئذ يقدح باقي الزبد او السمن ويرش على سطح طاجن الارز ثم يعاد للفرن ثانيا حتي يتم نضجه ويحمر لون الوجه .. يقدم ساخناً

-الفول المصرى

طريقه تدميس الفول البيتى (( فول ام جيجي ))


المقادير
كوب فول مصرى (( نقوا الفول الكبير ويكون لونه فاتح مش بنى غامق ))
نصف كوب فول مقشور (( اللى هوا الفول المتقشر ومقسوم نصين )) مدشوش
ربع كوب عدس احمر مغسول ومصفى
ماء
نصف ليمونه

طريقه التحضير

يغسل الفول والفول المجروش جيدا وينقع لمده يوم كامل او لحد ما الفول ينفش

نصفى الفول المنقوع جيدا ونضعه فى دماسه فول ومعه العدس واليمون والماء

نتركه يغلى على النار وبعد الغليان ننقله على سخان كهربائى صغير وهادئى الحراره ومغلف بورق فويل ونترك الفول الى ان ينضج جيدا والنضج على حسب رغبه وذوق كل شخص

وهوا غالبا بياخود من 4 الى 5 ساعات
__________________________________________________ __

اسرار نجاح الفول والحصول على الطعم المظبوط


اهم حاجه فى الفول التوووووووابل لازن نهتم بيها كويس جدا

اولا اساسيات الفول
الكزبره والكمون

لازم تشتريهم حصى وبعدين فى البيت تحمصى الكزبره جيدا لحد ما ريحتها تطلع وتتحمص وبعدين تطحنيها وكذلك الكمون


الشطه الحمرا المطحونه

__________________
انواع الزيوت

الاساسى زيت الذره او عباد الشمس او الكانولا او الزيت الحار

اما زيت الزيتون ليه بعض طرق مخصوصه مثل الفول بالحمص والثوم

فى انواع الفول اللى بالزبد او السمن
لااااااازم سمن بلدى طبيعى او زبده طبيعيه ما ينفعش اى نوع تانى غييييييييير

الثوم لازم يدق بالهون مايتعملش فى الخلاط او هراسه الثوم اليدويه
البصل كذلك لازم يتقطع باليد مش بالقطاعه او المبشره


__________________________________________________ ___

- فول اسكندرانى


المقادير

مقدار من الفول المدمس السابق او علبه فول مصفيه ومغسوله
طحينه بيضا
كمون وكزبره وملح وليمون وشطه حمره حسب الرغبه
بقدونس وطماطم وبصل اخضر مفرومين
زيت ذره او عباد الشمس

الطريقه

سخنى الفول جيدا
ضيفى كل المكونات وقلبى جيدا واهرسى الفول حسب الرغبه

وبالف هنا وعافيه

__________________________________________________ __

فول بالبيض

المقادير

مغرفه فول مدمس
ثلاث ملاعق زبده طبيعى انكور
بيضه
فلفل اخضر مكعبات
فلفل اسود وملح وكمون وكزبره

الطريقه
سيحى الزبده ضيفى الفلفل قلبى قليلا ثم ضيفى البيضه والفلفل الاسود انتظرى دقيقه لحد ما تجمد قليلا ثم قلبى البيضه وبعدين ضيفى الفول والكمون والكزبره والملح واهرسى الفول حسب الرغبه
وبالف هنا وعافيه

اذا أردت أن يكفيك الله ماأهمك فقل سبع مرات

الأرز المحمر بالكبد والقوانص

المقادير:

- نصف كوب أرز
- نصف كوب سمن
- كوبين من الماء أو الشوربة
- ملح و فلفل و كبد و قوانص الطيور مقطعه


الطريقة:

- يغسل الأرز و يصفى يحمر فى السمن المقدوح حتى يحمر ثم ينشل من السمن
- تحمر الكبده و القوانص و يوضع عليها نصف مقدار من السمن المتخلف و يصب عليه الماء و يترك على النار حتى يغلى و يتبل
- يضاف الأرز و يترك على النار حتى يجف ماهه ثم تهدأ الحراره جدا و يترك حتى يتم النضج

الفول بالطماطم

المقادير

علبه فول مغسوله جيدا
طماطم مكعبات
ملعقتان معجون طماطم
5 فصوص ثوم مدقوقين
بصله مقطعه جوانج
فلفل اخضر رومى جوانج
فلفل قرون حار قرنينن (( اختيارى))
كمون وكزبره قرفه ناعمه فلفل اسود ملح فلفل احمر حار
زيت ذره
بقدونس وكزبره خضراء مفرومه
بيض مسلوق مقطع حلقات للتزين

طريقه التحضير

فى طاسه كبيره نحمر نصف البصل وبعدين نضع الفلفل وبعدين الثوم لحد ما ريحته تطلع ويصفر ثم نضع الطماطم المكعبات والمعجون ونصف كوب ماء والتوابل كلها وباقى البصل يغلى قليلا ثم نضيف الفول ونقلب جيدا ونغطى ونتركه يتسبك خمس دقائق

ثم نضع البقدونس والكزبره الخضراء ونقلب ثم نضعه فى طبق التقديم ونزينه بالبيض المسلوق

وبالهنااااااااااا

اذا أردت أن يكفيك الله ماأهمك فقل سبع مرات

البصارة


المقادير:

- 2 كوب فول مجروش
- 2 بصلة
- كزبرة خضراء
- نصف ملعقة صغيرة ملوخية جافة
- ملح
- شطة


التغليفة:

- 2 بصلة مفرومة
- 4 فصوص ثوم
- ملعقة صغيرة كزبرة ناعمة
- 3 ملعقة زيت


الطريقة:

- ينقي الفول المجروش ويغسل جيدا ثم يوضع في اناء به ماء يكفي لتغطيتة الفول ويرفع على النار حتي يغلي

- يلقي الماء ، يصفي ثم يضاف للفول مقدار آخر من الماء والبصل المقطع رقيقا والكزبرة

- يرفع الإناء على نار هادئة مع عدم التقليب ، وكلما جف الماء ، يضاف اليه مقدار ماء آخر وينزع الريم من السطح كلما ظهر حتي ينهري الفول تماماً

- نضرب الفول بالخلاط وندعه في القدر مع اضافة الملح والتوابل والملوخية ويترك على النار حتي يغلي مع التقليب حتي يصير قوام البصارة مناسبا

- يقدح السمن او الزيت في مقلاة ويحمر فيه البصل المفروم حتي يصفر لونه وياخذ نصفه جانبا لتجميل البصارة

- يضاف الثوم المدقوق والكزبرة الناعمة لباقي البصل ويقلب معه بسرعة حتي يصير لون التقلية احمر فاتح

- نصب التقلية على البصارة ويعاد تقليبها ويضاف اليها قليل من الشطة (حسب الرغبة)

- تغرف في صحون ، وتترك لتبرد قليلا ثم تجمل بباقي البصل المحمر ويقدم ساخنا او باردا

الحبشتكنــــــــــــــــــــــــــــــــــــــــــ ــــــــات


طريقه رقم 1
المقادير

المقادير حسب عدد الافراد
مقدار من الفول الاسكندرانى (( سبق ذكره ))

نصف كميه الفول مقالى شعبيه ماعدا الكوسه والباذنجان العروس (( شرحها فى الاسفل ))

بيض مسلوق ومقطع حلقات بالقطاعه

طعميه مقليه دوائر ضغيره

كميه من المخللات مقطعه صغير

خبز حبوب كامله مش شامى كل رغيف مقسم نصفين اذا كان حجمه صغير


طريقه التحضير

نخلط جميع المكونات على بعضها
( الفول الاسكندرانى على المقالى على المخلل على الطعميه على البيض )

ممكن يقدم فى طبق وممكن نعمل منه سندويتشات بحشو انصاف الخبز وعند التقديم تسخن السندويتشات فى الفرن الكهربائى او الميكروويف

وبالف هنا وعافيه

طريقه اخرى لعمل الحبشتكنات

المقادير

مقدار من الفول بالطماطم
مقدرار من المسقعه الشعبيه بدون لحم طبعا
بيض مسلوق ومقطع حلقات

التحضير

نخلط على المقادير وبالف هنا






المقالى الشعبيه


قرنبيط مقطع زهرات صغيره او متوسطه مسلوق نصف سلق على البخار او فى الماء المغلى المضاف له القليل من الملح والكمون الحب وقطعه خبزه
عجينه تغطيه القرنبيط (( بيضه ملح وفلفل وقرفه ناعمه وبابريكا وكزبره وكمون ودقيق )) نخلط كل المقادير الى ان تتكون عجينه سايله الى حد ما


كوسه مقطعه اصابع او دوائر
بطاطس صغيره فى حجم الليمون الصغير مسلوقه ومقشره ان وجدت اومتوسطه ومقطعه حلقات سميكه او رفيعه حسب الرغبه بعد السلق طبعا


باذنجان مقطع دوائر سميكه
باذنجان اسود عروس
فلفل قرون صغيره او رومى مقطع شرائح سميكه بالطول


مقادير تتبيله الباذنجان والفلفل
( ثوم مدقوق وفلفل احضر مفروم وطماطمه صغيره مفرومه كمون كزبره فلفل احمر حار ملح وخل وليمون وزيت ) تخلط كل المقادير وتدق جيدا


طريقه التحضير

اولا نقلى شرائح الفلفل او القرون الى ان يذبل ونخرجهم

نتبل البطاطس والكوسه بالملح والفلفل والدقيق والكزبره والكمون ثم نقليهم فى الزيت ونخرجهم على ورق ماص لزيت

ثم نقلى الباذنجان العروس والباذنجان الرومى الدوائر ونخرجهم على ورق ماص

ونفتح الباذنجان العروس بالسكين من النصف ونحشيه بالتتبيله السابقه وكذلك نتبل دوائر الباذنجان الرومى والفلفل الاخضر

ملحوظه (( يمكن بدل قلى الباذنجان العروس نسلقه فى ماء ونصفيه ونفتحه ونحشيه ونحفظه فى علبه بلاستيك وناخذ منه )) هوا يشبه المكدوس عندكم شويه

واخيرا نغطى زهرات القرنبيط بالعجين ثم نقليها فى الزيت الى ان يشقر لونها ونخرجها على ورق ماص

فى طبق تقديم كبير نضع القرنبيط فى جنب والباذنجان النوعين فى جنب والفلفل فى جنب والبطاطس والكوسه فى جنب وكمان نضع معاهم طعميه

اذا أردت أن يكفيك الله ماأهمك فقل سبع مرات

الكـــاليمـــارى



الكاليمارى أو السبيط أو السيبيا أسماء مختلفة لكائن بحرى من فصيلة الأخطبوط و لكن بأحجام أصغر يكون على شكل مخروطى و له العديد من الأرجل
و هناك العديد من الطرق لعمل منه الكثير و الكثير من الأطباق الشهية و قد سبق أن قدمت الكاليمارى المقلى و هو يعد من الكاليمارى المقطع
و هنا أقدم طبق آخر مختلف تماما من الكاليمارى و لكن يلزم لإعداده إبقاء الكاليمارى على شكله الخروطى بعد التنظيف ليمكن حشوه

الكاليمارى المحشى
المقاير
كيلو كاليمارى
2 بصلة كبيرة مفرومة
رأس ثوم مفروم
3 كوب عصير طماطم
ملح- فلفل- كمون- بهارات سمك
كوب بقدونس - كوب شبت - كوب كسبرة
زيت نباتى
3 أكواب رز مصرى

الطريقة
1 - نحمر البصلة فى الزيت و بعد 5 قائق نضيف الثوم وبعد قليل نضيف عصير الطماطم و البهارات و نتركها تتسبك
2 - نطفىء النار و نضيف الشبت و البقدونس و الكسبرة و الرز و نقلب جيداً
3 - نحشى الكاليمارى و نضعها على جنب
4 - نضع الخلطة المتبقية فى طاجن و نضع الكاليمارى المحشى واقفاً فى وسط هذه الخلطة
5 - نغطى الطاجن و نضعه فى الفرن إلى أن ينضج الرز ثم تكشفه ونولع الشوايه إلى أن يحمر الوجه
و بالهنا و الشفا
ــــــــــــــــــــــــــــــــــــــــــــــــــ ــــ
الممبااااااااااااااااااااااار





المقادير
مقدار من المصارين المقلوبه و المنظفه جيدااااااااااا جدا بالليمون والملح والخل وملح الليمون والدقيق وتكحت بالسكين جيدا او تدعك فى مصفى وتنقع فى خليط التنظيف ساعه وبعدين تشتطف جيدا وتغسل بقليل من سائل غسيل الاطباق ثم تشطف جيدا لحد ما تطلع بيضاااااااااااء وشفافه تماماااااااااا بس خودى بالك من الشطف جيدا لانها بتشرب الملح اتاكدى انها غير مملحه

مقدار من الحشوه السابقه بالاضافه الى قطع كبده صغيره تحمر مع البصل فى اعداد الحشوه وممكن الاستغناء عنها وضيفى ايضا طماطم وفلفل وبصل مكعبات صغيره الى الخلطه

زيت للتحمير

ماء مغلى مضاف اليه ملح فلفل هيل لورا

طريقه التحضير
احشر الممبار واعمليه حلقات واقفليها باعواد الخشب او بالخيط مع مرعاه عدم ملئه لالا ينفجر عند السلق
يسقط الممبار فى الماء المغلى ويترك ليتسلق ثم يصفى ويقلى فى الزيت الحار وبالف هنا

اذا أردت أن يكفيك الله ماأهمك فقل سبع مرات

الخشاف

المقادير
كوبان من التمر ( الناشف ) اليابس منزوع النوى ومقصوم نصفين
فول سودانى مقشر نصف كوب
لوز مقشر
قراصيا ( البرقوق المجفف)5 وحدات
مشمش مجفف 5 وحدات
تين مجفف 5 وحدات
جوز هند ناعم او قطع او خليط من الاثنين نصف كوب


ليتر حليب طازج عليه ماء ورد اوووووووو منقوع قمر الدين ( قطعه قمر الدين + ماء)


طريقه التحضير

تخلط كل المقادير وتنقع لمده ساعتين او اكثر حسب الرغبه فى الثلاجه اما فى الحليب او فى منقوع عصير قمر الدين الخفيف جدا وليس سميك


وبالف هنا وعافيه

اذا أردت أن يكفيك الله ماأهمك فقل سبع مرات

الجلاش باللحم

المقادير

باكت جلاش مجلد
قلب زبده انكور الكبير (454) جرام


مغلى على النار لحد ما يترسب اللبن فى القاع

مقادير الحشوه( العصاج)
نصف كيلو لحم مفروم
بصله كبيره جوانح
قرن فلفل حار حسب الرغبه
ملعه زيت
وبهارات ملح وفلفل وبابريكا وبهارات وهيل مطحون


كوب حليب سائل + بيضتين + ملح وفلفل وقرفه ناعمه ( مضروبين فى الخلاط )

جبن مبشور حسب الرغبه
طريقه التحضير

تجهز الحشوه يقلى البصل فى مقلاه ويضاف الفلفل واللحم والتوابل وتعصج جيدا الى ان يصبح لونها بنى ( مثل حشوه الكبه )

تجهز صينيه فرن كبيره وتدهن بالسمن وتوضع 10 طبقات الجلاش وتدهن كل طبقه بالسمن السائح ثم يفرش الحشو وتوضع عشر طبقات اخرى وتدهن ايدا كل طبقه بالسمن ثم تقطع سمبوسكات او مربعا وتغطى بطبقه جلاش وتدخل الفرن لمده ربع ساعه ثم تخرج وتنزع طبقه الجلاشه الاخيره وتشرب بخليط الحليب والبيض وترش بالجبن المبشور حسب الرغبه وتدخل الفرن مره اخر الى ان يحمر الوجه وتترك لتبرد ثم تسك القطع وترص فى طبق التقديم
وبالف هنا وعافيه

ملحوظه يجب تحمير الجلاش من تحت اولا الى ان ينتهى وثم الوجه
وبالعاااااااااااااافيه

اذا أردت أن يكفيك الله ماأهمك فقل سبع مرات