اختي ما فكرتي تضغطين على زوجك بالطرق المعروفه

عادي ياقلبي هذي أعراض نزول الضغط تجيني احياناً ....اذا رجعت لك روحي شوفي الضغط بيعطوك ابره ترفعه ...وان شاء الله ماترجع لك

والله ضحكت ع الي يقول روحي لدكتور نفسي تخيلي عاد تقولي له محتاجه زوجي 😕

أول شي تسوينه هو، أنك تكلمي زوجك وتقولي قررت بعد مايخلصوا ابنائي الدراسة السنة هذي انقل عندك، وخلي كلام احنا محافظين مامحافظين وصعبة أروح على جنب، فهالكلام ذا مايوكل عيش، ولا علاقة للمحافظة بالعيش في بلد أصلاً هو يحمي حق المحافظين بأن يستمروا على محافظتهم بل ويدافع عنهم.

حجة الأبناء والعري والخرابيط هذي حجة سطحية جداً، ففي الوقت الراهن لايوجد شيء أسمه حجب وعدم اطلاع على كل شيء، ومن يريد أن يطلع على كل عري وخرابيط فسيطلع ولو كان وسط الصحراء القاحلة، لذلك لاتنظري لتلك الحجج الواهنة، بل بالعكس أن يذهب أبنائك لمكان في بيئة تعليمية متطورة وراقية وعالية الجودة أفضل لهم، بس انتبهي تضربينهم هناك، ترى تروحين في ستين داهية ، الزبدة استخري واسمعي كلامي زين، وكلمي ابو العيال وقولي له على ماقلت لك خصوصاً أنكم تبي تجلسون هناك سنين طويلة، اللحين كم شهر غاب عنك وطار عقلك اجل شلون لاصار خمس سنين.

__________________
ياصبحِ لاتِقبل !!
عط الليل من وقتك..

الله يعيينك اختي جد حالتك صعبه ولازم تدخلي اهلك ياختي انا من بيئه محافظه وسافرت ادرس امريكا مع زوجي الوضع مو بذيك الصعوبه والحمدلله اشوف كثير بنات يغطون ونقاب وكانهم بالسعوديه انا مادري انت من اي بلد بس جد لازم تشوفين حل وتدخلين احد بينكم هؤلاء الاطفال مسئولية امهم وابوهم وبعدين مادام انه مسافر عمل فبغالب العمل يدفع تكاليف سفر الاهل مع الزوج خصوصا لو كان عمل حكومي وبجد خمس سنوات كثيره مره اتخذي موقف قوي ياماتردين عالجوال وتبينين زعلك منه والا تكلمين اهلك اخوانك يكلمونه انك تعبانه نفسيا وممحتاجته بس جد قولي اذا انت خايف على فتنة العيال انا اخاف عليك انت كمان والفتنه هناك وبعدين امريكا فيها نسبه كبيره مسلمين هذولا كلهم انفتنو عيالهم مليانه مسلمين وربي انا بتكساس ماتشوفين مكان الا تلقين محجبات وبعد ناس حجاب اسود كامل وفي مدن نسبة المسلمين عاليه مره بمتيشقن لدرجة المحلات بالعربي واذا كان بمدينه كبيره الا ماتلقين مدارس اسلاميه بعد يدرسونهم دين وكذا اضغطي عليه لازم يحس فيكم وحنني قلبه على اولادك خليهم يكلمونه بابا اشتقنا لك ارسليله فيديو ايش يسون والا يبكون من شوقه لهم وجد سوي لك موقف قوي انا جربت البعد شهرين عن زوجي وتعبت نفسيتي بالرغم اني كنت عند اهلي وعندي بنت منه كنت خصوصا لاكان حنون وطيب بتتعب الوحده استعيني بالله واستشيري الكبار بالعايله وجد هذي ماهي حاله اذا فيه امكانيه ياخذكم ياخذكم ولايتعذر بالدين والفتنه الفتنه بكل مكان بس جد انت انتبهي لنفسك عشان اولادك وانتبهي لهم وانصحك تروحين تكشفين كشف عام ممكن عندك نقص فيتامين دال يجيب اكتئاب او الغده الدرقيه ناقصه روحي اكشفي والله يهون عليك ويهدي زوجك طريق الصواب

الله يعينك اختي ومشكلتلك لها حل تقدرين تشبعي غرزيتك مع زوجك بالحلال حتي لو مسافر فيه محادثات محادثات ع اللاب صوت وصورة اعتقد انتي فاهمة قصدي وعيالك مايجوز شرعا تضربينهم الا لسبب تربوي وضرب خفيف حرام ايش ذنبهم زوجك مسافر وحياته ماشيه ليه تعذبي نفسك عشانه وفيه حلول انتي تهدمين شخصيتك قبل ماتهدي شخصيه اولادك اتقى الله فيهم وفي نفسك كلنا مانصبر عن ازواجنا بس مانظلم انفسنا واولادنا وفيه حلول مع زمن التقنية

ليش مين قال ان تربية الاطفال رح تتاثر ،، بالعكس رح يتعلمو الصدق الاخلاص المثابرة يشوفو الحياة من منظور اوسع ،، بالاضافة لان انتو لازم تشتغلو ع الجانب الديني

يعني زوجك خايف ع اطفال من الفتنة ومو خايف على نفسو ،، مع ان الاطفال بهالعمر ما بينخاف عليهم ،، هو الي بينخاف عليه

__________________
استغفر الله ،، والحمدلله ،، ولا إله إلا الله ،، والله أكبر

يا الحبيبة ..
انا اعرف مشكلتك :
( إنتي حاطة ببالك إن الزوج هو مصباح النور )

يعني ما تشوفي طريقك إلا بوجوده ،

اولادك يا غالية هم اجمل شي بالكون
لازوج ولا غيره يعوض عيون اطفالي ..


مدت اليد على طفل ( جريمة )
تماما كمدة يد ( الرجال على المرأة )


اختي انا أتمنى احضن عيالي ..
أتمنى أقضي يومي كله معهم ..

لكن هيهات ، هيهات !!

الله يجمعني بهم عاجلا ..


غالتي ، سالفة الشهوة ، هذي لأنك حاطتها
في بالك ومتفرغة ومالك هدف وقلك صاير جدا قاسي ..


قسيتي على نفسك وبعدو على اولادك وبعدو على ربك
فالله سبحانه ، يشوفك ويعلم مافي قلبك ..
اصلحي وضعك مع الله ..
تتضبط امورك ،
عليك بالحلم والصبر ، لا تكثري طلعات ..
ما وراها الا الفتن ..

لا تشوفي او تسمعي محرمات ..
وحافظي على صلواتك
وعلى اذكارك ..


وخلي يومك لعيالك ، شوفي هذا ايش مشتهي
سولفي مع هذا

ادخلي مع الشغاله سوي طبخات لعيالك وفاجئيهم

اطلعوا كلكم بالويكند لمطعم وتغدوا


وترى الضرب يزيد جنون وغضب الطفل
والحوار الهادي واحترام الطفل وعدم ضربه

يخليه مؤدب وذكي وراكد ..
لا تتلاعبين بكرامتهم وتبين يحترمونك
والشغاله تنقص يدها المفروض ما تلمسهم !

تعلمت سوء الخلق منك
فحاولي تعلميها العكس ..

لان مو بس اولادك ضحية لها
كل بيت تدخله بتسوي اللي علمتيها ..


مشكلتك واضحة ، مافيك الا العافية
ولا عندك مشاكل ، ماشاء الله

عندك بيت وشغالة واطفال ورفاهية
وزوج جالس يكافح عشانك
غيرك تتمنى يتوظف كل ما توظف استقال ..

وعندك فلذات كبدك اللي طلعت روحك عليهم
حمل وولادة ونفاس ..

استمتعي بوقتك ..
ادخلي مواقع مفيدة

اعملي رياضة مشي بالهواء الطلق مع اطفالك
بعيدا عن النوادي ومنكراتها

استمتعي فقط بحياتك ، هذا اللي ناقصك
مو زوجك ..

عجزت اتعاطف معاك ... قولي لي ايش من قلب عندك تشوفي حرمة غريبة تمد يدها على اطفالك وتسكتي ومو بس كذا تكمليها بهروب تام من حياتهم ومسؤليتهم بحجة شوقكك لزوجك ... قولي لي انت جايبتهم من الشارع عشان تسترخصيهم بهذي الطريقة ... عيالك مالهم ذنب عشان يدفعو فاتورة غياب ابوهم اللي حاطتها الشماعة لاجرامك في عيالك ..
والله العظيم استهون اي معاناة في الدنيا إلا الطفل يتقطع قلبي عليه لأنه مسكين ماله حيلة يدافع عن نفسه فكيف والمجرم الأم إذا كانت الشغالة تضربهم قدامك كيف متخيلة راح تسوي من وراك وانت طول وقتك خرجات وصديقات ونوادي ... خافي ربك ياشيخة تحسبي ماانت مسؤولة أمام الله عن أطفالك واللي يسير لهم بسبب اهمالك ..يعني المساكين الآن بحسبة الأيتام لاأم ولا أب ...
والغريب في موضوعك السابق تقولي أن مشاكلك مع زوجك أغلبها بسبب برودك ولما راح ماشاء الله فجأة تأججت المشاعر ولا الشيطان لقي له مجال عليك ... لاتقولي اللي يده في الموية مو زي اللي يده في النار كلنا متزوجات وعارفين وفاهمين تأثير غياب الزوج بس مانخلي أطفالنا وسيلة تفريغ لمشاكلنا ..
تصدقي أتمنى فعلا تروحي أمريكا ومع احترامي لك مو عشانك لكن عشان أطفالك لأنك لو فكرت بس تفكير تمدي يدك على عيالك راح تعرفي أن الله حق هناك وتدفعي ثمنها غالي مو زي هنا يعيش ويموت الطفل ماأحد درى عنه ...الله المستعان بس ماأحب القسوة في الردود بس معاناة الأطفال تستفزني لابعد الحدود.

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

قرأت الردود جميعها و عورني قلبي زيادة على حالي
معقولة الاجرام اللي اجرمته ف حق نفسي و عيالي
يارب سامحني

اشكر اللي نبهتني للفحص الطبي و الضغط و انها اعراض هبوط الضغط
فعلا انا كنت اعاني من هبوط الضغط و تعالجت و تعافيت منه صار 3 سنين الحمد لله و نسيت موضوعه لحد ما ذكرتيني

و عيالي خلاص ما عاد اضربهم
توبة
يكسرون الخاطر

ادري انه لو سافرت مافي مجال للضرب لاني بروح فيها
اصلا لما يكون زوجي موجود البيت يكون هادي و رايق بشكل مش طبيعي و حتى العيال تخف شقاوتهم و تخريبهم و بالتالي انا اهدأ و ارتاح و تنفتح نفسي لهم و اقعد معاهم و اكون رايقة نوعا ما

الله يحفظهم و يبارك فيهم

و ان شاء الله تتيسر الامور

اللهم اهدني ثم اهدني ثم اهدني


ما توقعت انه الفتنه و الوحدة قاتلة

اشكركم من كل قلبي الموضوع و الردود رجعتني لصوابي شوي كنت على وشك الجنون

الانسان يحتاج اشباع حاجاته في عدة مجالات
اجتماعية روحية و نفسية عاطفية و غيرها
اذا نقص واحد يتم اشباعه من جهة اخرى
طبعا هذا الكلام ف ايام قوتي كنت اضغط ع نفسي و اوازن بين جميع الحاجات و اشباعها و كنت مرتاحة

ان شاء الله ارجع زي قبل و احسن


اشكر اختي قلبي سر معاناتي على عرضها اثلجتي قلبي