عزّي نفسك .. انا مش موظفة لكن ما احب اطلب من زوجي فلوس .. عندي مصروف واديره وارتبه بحيث ما احتاج
مثلا عندي مناسبة جلست اجمع لها من قبل كم شهر ..
عندي سفرة او شيء ..
اما لو كنت موظفة اكيد ثلث الراتب لازم تدخرينه .. اذا ما ادخرتي راح تعبك ع الفاضي !
انتي لازم تبدين بنفسك وتراقبين مشترياتك مو معقول كل شهر تصرفين كل الراتب !
تقولين تجهيز ولدك بيعطيك 7 الاف ممتاز جدا !
انا ما اقول اطلبي رخيص بالعكس انا ضد الرخيص لكن فيه اشياء جودتها ممتازة ..
قضّي من نكست أونلاين ملابس ب1000 تكفي الى عمر سنة ..
ب500 اشتري لبس للاستقبال ..
500 سوي التقديمات مثلاً ..
روحي ايكيا واشتري سرير مع طاولة تغيير مع مفرش بيكلفك 1000
هذي 3000 شاملة كل الأساسيات بدون ماتحرمين نفسك !
وهدايا الولادة بتجيك هدايا كاش اشتري فيها سترولر عليه القيمة ، بتجيك جلاسات ومشايات وكراسي اكل الخ
الزايد رجعيه للمحل واستبدليه بشيء ثاني تحتاجينه .
اما بخصوص الصرف الزايد معليش زوجك شايف انك مرة تصرفين بالهبل فيقول بباله تصرف ع بيتها احسن من يروح الصرف لغيرها
ببساطة لا تخبرينه عن صرفك الاساسي مثلاً راتبك 6000 قوليله ألف للسواق و ألف قطة الفطور وقطة مكيف وقطة مدري ايش 😅
والفين جمعية والفين اصرفها ..
وبالواقع مثلا 1000 سواق وثلاث الاف اصرفيها بالمعقول وادخري الزايد والفين ادخريها بحساب بدون بطاقة عشان ماتسحبين منه 😂
انتي لا تشدين معاه ولا تطلبين بصراحة .. ولا تضغطين نفسك بالصرف .. ارفضي باسلوب لبق والله ياحبيبي ودي بس مامعي والله
او يووه اتمنى امنيه اني اسافر واغير جو بعد الشغل والكرف بس مامعي شيء !
وجيبي احيانا بالسواليف موضوع الاستقالة مثلا قولي وحدة معي بالدوام استقالت تقول تعب وكرف بدون نتيجة الراتب طفسة ويروح ع خرابيط .. وكثير ايدوها يابختها الخ .
باختصار شيء كمالي لعيالك ماقدر زوجك يجيبه لاااا تجيبينه . هذا الاساس .. عيشي ع العيشة اللي زوجك قادر يوفرها لك لا تحاولين تعيشين ببذخ اكثر لانك انتي اللي بتدفعين الثمن سواء الان او بعدين
قالك تجهيز ب7000 قولي كثّر خيرك يارب وجهزي بهالمبلغ .. ابحثي عن التخفيضات والعروض والاسعار مو عيب هالشيء ..
عاد تدرين انا مو موظفة وزوجي اقترح نجيب خدامه لكني انا اللي رفضت لان سعرها مرة تو متش غالي ( وانا مو دافعة فيها ريال ) 😂
بس بهالمبلغ نقدر ندخره ونلقاه بعدين ..
الحل نتعاون انا وهو وييسر الله .
ع فكرة ، حتى انا ادخر للمناسبات ، ممكن يعطيني زوجي او يتكفل بالاساس بس الباقي زي الكوافير والمصففة لا انا من قبل ادخر من مصروفي وادفعها ..
هذي القاعدة ، الزوج يتكفل بالاساس وانتي بالخرابيط😄