انا ضغطت على حالي قبل كذا ، عشان اقنع حالي به و امنحه الاهتمام و الحب و الحنان ووو إلخ
و شفت النتيجة كل اللي صار منه ..

فماقدر اضغط على حالي حاليا - عشان اتعايش معاه - ..
قدامي حلين ، يا يلتزم بالشروط الي انا طلبتها و هو وعد بتنفيذها .. أو نتطلق ..
ألم الإنفصال و الطلاق عندي ، أهون من الألم النفسي اللي أعيشه يوميا معاه ..

ليش اعيش معاه و هو يماطل بالشروط ؟
ليش اعيش معاه و هو بيرجع لأصحاب السوء من جديد ؟
ليش اعيش معاه و هو عاطل عن العمل ؟

ماقدر اتجاهل الشروط الي انا وضعتها حتى نرجع لبعض و نفتح صفحة جديدة ..
ايش الحل ؟
و لا أقدر اتجاهل الالام الي بداخلي و اللي تتجدد كل مرة اشوفه أو افتكره ؟

.
.

فكرت فعلا اروح لأي أحد يعالجني نفسيا ، أو شيخ أو أي شي ..
لكن هو يسخر مني و يقول لي مافيك شي و يشوف اني ابالغ ..
يبغاني انسى بسهولة و بدون ما يبذل أي مجهود ..

بالتاكيد راح يشوفني كذا ، لإنه شخص نشأ في بيئة بالشكل هذا ، و شخص لا يوجد بداخله مشاعر الغيرة ..!؟

.
.

و أنا متذبذبة و مترددة فعلاً ..

عشان كذا كم مرة كنت اتاخر بالرد .. لإني مو عارفة شي ..

فاكهة

أنا اخر شي عرضت عليه ، ما يشتغل و لا يدور على شغل و راضية به خلاص ،، بما انه هذه قدراته خلاص ..
و أنا اصرف خلاص عالبيت و الأولاد و اجيب حتى سيارة جديدة .. و متنازلة عن شروطي كمان ..
و كفاية عندي الورقة اللي كتبها على نفسه و وقع و بصم عليها ..

لكن بشرط يجلس بالبيت معانا و مع الأولاد ، و يخرج مو مشكلة عندي ..
لكن مو يجلس طول يومه برة و يتحجج كالعادة و إنه بيدور على شغل و هو كذاب ..

.
.

و اللي خلى المشاعر السلبية انها ترجع ، لإني ماعرف ايش جالس يعمل خارج المنزل ؟
أعرف ماله بالعلاقات حاليا لإني أول وحدة اشعر بتغيره أو بوجود شي ..

لكن ماني فاتحة له بيتي - ملجأ - أو - فندق - ..
رجوعي له عشان الأولاد ، خلاص يجلس مع الأولاد .. مو يخرج و هما نايمين و يرجع و هما نعسانين ؟

حاليا كيف اتصرف معاه ؟
و بكرة ايش اعمل بالمحكمة لو قابلته ؟ و ايش اقول للشيخ المصلح ؟
و بعد المحكمة هو راح يقول ارجعك البيت ، و راح ارفض ..
ايش اعمل معاه ؟

روح قاعدة تمشين بسرعة ألف وأنت أصلا محتاجة تأني وهدوء
اهدي شوي يا روح ، مضى الكثير وما بقى الا القليل
.
.
اسمعيني
من الآخر واللي أشوفه من كلامك أنك أنتِ تبينه وتحبينه بعد بس رجعتكم لها شروط
بنفس الوقت قاعدة تلغين اتفاقاتكم بنفسك
مش عارفة ليش قلتي له راضية تجلس بالبيت بس يهتم بالعيال
هو دوبه رجع مدينتكم الآن
وزوجك مش راعي مؤهلات علشان بسرعة بتوظف
عطيه وقت بنفس الوقت لا تفتحين له المجال على الاخر يطلع بكيفه
حطي النقاط على الحروف روح
بالأسلوب المناسب لكم كزوجين فهمييه ان له وقت يخرج به يبحث فيه عن وظيفة
وباقي اليوم خلاص يرجع
مافي تقديم شغل أعتقد بعد العصر يا روح
اتفقوا حبيبتي على أموركم
مادام عنده القابلية انه يتفاهم معاك
.
.

لا تجعلين الصك ورقة خاسرة بزواجكم كل شوي لوحتي له بها وهددتي بها
خلاص انت ضمنتي انها ورقة رابحة لك ولها قيمة فعلية بتأكيد أكثر من قاضي
متى ما يأستِ منه نهائي استخدميها بشكل فعلي عليه وخلاص
أما التذبذب هذا مش في صالحكم
لازم تقوي وترتبي أمورك بشكل أهدأ وأروق

روح مش في صالحك الآن الانفصال
ولو تبين رايي اطلبيه مني مباشرة وراح اعطيك رايي الكلي بموضوعك
لاني كل ما جيت أكتبه دخلتي بتفاصيل أكثر فأتوقف حتى تنتهي من كل مافي نفسك
لاني يهمني راحتك بالمقام الاول و الأخير
مش أعطيك راي وأنت لازلت متعبة من داخلك

بالنسبة لسؤالك عن المحكمة
بصراحة ماعرف بايش أجاوبك
لأني ماعرف أساساً ليش رحتِ الآن للمحكمة ...

__________________
الحمدلله الذي بنعمته تتم الصالحات

فاكهة

ماني عارفة اساعد حالي ..
انا كتبت الموضوع هذا لما شفت انه مماطلاته زادت
و كنت متوقعة اني ما راح أتحمل اكثر و باضطر اروح للمحكمة

حجتي بكرة امام الشيخ
اني ما اجلس مع شخص عاطل

فاكهة انا ما طلبت منه يترك عمله

حاولت لعدة شهور اني انا و الاولاد ننقل و نروح عنده
و هذا كان اقتراحه اول شي
ثم قال لي انه يمكن و احتمال ينقل عندنا ..
كذاب لانه بس عشان أنسى حكاية انه ننقل له
لانه ما يقدر يتحمل مسءلويتنا

المهم
انا تدرجت معاه و صبرت
لما طالت حكاية انه ممكن ينتقل لعندنا
قلت له نحن نروح معاك و قلت له انا تعبانة و بكيت وقتها

هو عمل حاله البطل المغوار
و قال و لا يهمك بكرة اقدم استقالتي عشان اجي عندكم و أساعدك
و لا

و أساعدك و لا تتعبي و لاشي

يبغى يغير موضوع انه نحن ننقل عنده
و يتهرب من الاعتراف لي انه مفصول اصلا من شغله

قلتله قبل لا تترك شغلك و تجي هنا
نظم وضعك و رتب حالك هنا .. مابغى ارجع مثل زمان و لا راح استحمل من دحين اقولها
انه يخرج طول اليوم و يتحجج مرة عنده مقابلة شخصية
و مرة خارج عندي تقديم لوظيفة و مرة و مرة و هو كذاب و مليون كذاب

قال لا لا لا مو كذا
راح اجلس معاكم و اهتم فيكم و اخرج لو فيه شغلة ضرورية

نقل من غير ما اطلب منه اصلا
مجرد اشترطت اهتمامه بالأولاد اهم شي

فهمت عليك روح
انتظري ردي الأخير

__________________
الحمدلله الذي بنعمته تتم الصالحات

فاكهة

فيه اشياء صغيرة كانت تحصل بس كنت أحاول اتجاهلها و اكبر دماغي و ما استخدم الصك كورقة ضده ..

راح اذكرها بسرعة على شكل نقاط مختصرة ، حصلت خلال 6 أشهر الأخيرة ..
طبعا ما كنت اسكت عنها في لحظتها :

1. أصحابه اللي هو وعد انه بيتركهم و هما شلة أخوه ، ضافوه في قروب و ضافوا اخوه ..
و قروب جديد كان ، و عارضين فيها صور حشيش و انواع حشيش و مقاطع فيديو من النت عن عاهرات مع اصحابهم.
و قام خرج من القروب لما انصدمت انا بصور الحشيش و تخاصمت معاه ، لو انه صحيح تركهم ..
ما كانوا تجرأوا يضيفوه ..

2. بعض مرات أخوه و أصحابه يروحوا له المدينة الي هو يشتغل فيها .. يمكن مرتين أو ثلاثة فقط اللي عرفتها بالصدفة.
شلة تافهة و ضايعة و إمعة و حثالة القوم لو تشوفي أشكالهم أو طريقة حياتهم أو مظهرهم .. أنا ماني عارفة هو كيف يتكلم معاهم

3. لما كان ينزل اجازته يومين مثلا ، تاني يوم يبدأ يتأفف من الأولاد و يتمنى انهم يختفوا من حياته .. يقول انت أهم شي عندي
انت الأساس و هما الفرع .. ( كذاب معليه و كذاب و كذاب ) .. مع انه أصحابه يشهدوا له انه يموت فيا .. بس أنا ما أصدقه

4. طيب كان مرات ينام عن الصلاة ، يهمل الصلاة و اكثر من فرض ، ما يروح الجمعة .. فين اللي كان يقول خلاص أنا تبت
و أنا الي خلاني اغلط اني بعدت عن ربنا و اهمل صلواتي و اهملت الجمعة .. إلخ ؟
ليش يرجع يهمل بصلاته و يبغاني اثق فيه بانه راح يستقيم ؟

5. راتبه ما أشوف منه غير 1200 مصروف الأولاد و منه يقول لي خرجي كل شي يلزم البيت .. و يقول يكفيكم ..

6. باقي راتبه فين يروح ؟ مستأجر سيارة و يدفع عليها 2500 ريال بالشهر أقل شي .. و رافض يرجعها ؟
ليش طيب متغرب عننا و تنزل لنا ثلاث أو خمس مرات في الشهر ، و راتبك هذا انت مو مستفيد منه شي ؟
2500 للسيارة + 550 ايجار الغرفة الي هو كان مستاجرها هناك + 1200 ليا و الأولاد + 500 تسديد ديون و ماعرف ايش ؟
طيب الباقي كم ؟؟؟؟ 500 ريال ؟
يعني بالله متغرب عن اولادك و بيتك و زوجتك و تشتغل 7 ايام في الأسبوع .. عشان 500 ريال تدفعها على البنزين و الدخان
و فاتورة الجوال ؟

.
.

عشان كذا بالأخير رضيت انه يجي عندنا و ينقل .. خاصة لما بديت احس اخر شهرين انه مفصول بس يخبي ..
و اشترطت انه يجي عندنا بس ماراح يكون فيه مثل زمان ، كل شوية يجلس في الشارع .. و يتحجج بأي حجة ..
أنا ماني مثل قبل ..

و لما كنت أقول له عن الشرط حقتي و انه مافي مثل قبل ،.
يقول لي مرات ( أنا كذا ، ما راح أتغير ، تبغي تروحي المحكمة روحي )
أو يطبطب علي بكلمات مو من قلبه ، و بالأخير يعمل اللي براسه ..

و على فكرة ..
هو جلس فقط اليومين هذيك مع الأولاد ..
و ما قدر يتحمل بعدها و يتحجج بأي شي عشان اجيب شغالة هي تمسكهم ..
طيب انت ايش فايدة وجودك ؟

إذا السواق اللي يوصلني انا و ولدي للعمل و المدرسة بياخد 1000 ريال ، و الشغالة تاخد 2000 ..
و مشاوير للسوق أو أي مكان .. اي احد من السواقين يوصلوني ..
و فوق هذا كله ، هو راكب سيارة بالإيجار و يدفع فيها 2500 ريال ..
و كمان الشركة حقة سيارة الإيجار متصلين عليه كل شوية لإنه ما بيدفع لهم ؟
طيب فين راتبك يروح إذا ما بتدفع اصلا ايجار السيارة ؟

.
.

هذا لو راح معايا الغربة ، مثل كذا يتعبني ..
كنت بس امشي وراه و أسدد غرامات ، و هو يصرف راتبه و ماعرف فين يروح راتبه ..

.
.

اليوم عند الشيخ بصراحة ، لو الرجال هذا ما راح يتعدل ..
أنا ما أبغى اعيش معاه ..

و بعدين لما ينقهر مني ، يروح يضرب الكبير و يحط حرته فيه ..
ليش اعيش مع شخص معقد نفسيا ؟
و اولادي على فكرة ، ما يعرفوا اهل ابوهم .. لا زوجي اللي ياخد اولاده يزوروا اهله ، و لا هم اللي يسألوا ..

و هو يجي ينام و يصحى و يخرج ..
معليه ، أنا لما حطيت شروطي كلها .. وعد بتنفيذها و جلس يماطل ..

.
.

فاكهة ..

أنا لما وضعت الشروط ، حطيت مهلة محددة و مدة زمنية بالتاريخ و اليوم .. لو ما نفذ فيها الشروط هذه ..
يعني فترة هدنة .. و هو يدري بالشي هذا ..

كنت متفقة معاه اني اروح المحكمة و اقدم الصك و يفسخوا النكاح ..
انتهت المدة ، على اساس نهاية العام الهجري ..
تحجج و طلع اعذار وماعرف ايش .. و خليناها لنهاية العام الميلادي ..
رجع يتحجج و ماعرف ايش .. خليته لنهاية الترم الأول ..
رجع برضو يتحجج وووو .. خليته لبداية الترم الثاني ..
جلس كمان يماطل و مادري كيف ،. خليته لحد ما ينتقل عندنا .. و اعرف احكم بالضبببببببط و اقرر ..

مع كذا ، أنا ما رحت أمس و طلبت فسخ عقد النكاح ، و لا رحت للقاضي ..
القاضي هذا معروف مررررررررررررررة مرة ، إنه انسان ذكي و شديد جدا و حازم و قاسي في عقوباته ..
قال لزوجي في اذنه و بعد ما ختم عالصك ، و بعد ما خرجنا من عنده ..
قاله ( بيض وجهي قدام زوجتك ، و والله لو بيوم جاتني زوجتك .. اني ما راح ارحمك و راح اتخذ أقسى عقوبة فيك )

.
.

أنا رحت للشيخ المصلح .. في نفس المحكمة لكن مكتب تاني ..
و رحت طلبت من الشيخ انه يهدده و يخوفه ..

و اخر الحلول ، الطلاق لو ما يتعدل ..

لإنه زوجي كان كل مرة تنتهي المدة المحددة و اللي كنا متفقين عليها ..
كان يقول لي ( تبغي تروحي المحكمة ، روحي .. تبغي تطلبي الطلاق ، روحي .. بس رجعي نص المهر ) ..
أو يقول لي ( لا تحلمي تشوفي الأولاد ، راح اخدهم و ارميهم و ما تدري عنهم )

طبعا كلام بس كذا ، و تهديد عالفاضي مثل الأطفال ..

.
.

و وقت ما نتناقش ، كان يقل ادبه في استخدام الكلمات و الألفاظ ..
أنا أكلمه بهداوة و احترام .. ( و لو سمحت .. طيب اسمعني شوية .. إلخ )
لكن هو يا يرد ردود هبلة و يحاول يستغل عاطفتي مثل زمان ( يا حبيبتي .. يا روحي .. يا عمري .. إلخ )
عشان ينسيني الموضوع و يتقفل .. يعطيني مثل ابر مخدرة ، لكن ما يتخذ حلول ..

و لما يشوف انه محاولاته هذه ( فشلت ) ..

يبدأ يتكلم كلمات و ألفاظ سوقية مثل البيئة الي هو اتنشأ فيها ..
كلمات نفس كلمات أهله ، بالضبط ..

كم مرة ارفض انه يكلمني بالكلمات هذه ، أو يشتمني بالألفاظ هذه ..
لكن هو كل مرة يزيد ، كل مرة يزيد .. و أنا أصلا بداخلي - الجروح - لسى ما اتعافت ، عشان تجي حضرتك و تزود علي ..

.
.

خلاص ، اليوم نروح للشيخ ..
و اصلح غلطتي في اني اعطيته فرص ، و قلت بيتعدل ..

.
.

و مع العلم إني كشفت مرة انه توه كان مشتري جوال جديد ، يشبه جواله الأصلي ..
عشان لما أأشوف بيده الجوال التاني ، ما اكتشف إنه مو هو جواله الأصلي ..

شايفة كيف جالس يتلاعب ؟
و يقول لي مو جوالي ، جوال صاحبي طلب مني اصلحه له و افرمته ..
قلت له جوال صاحبك و مسجل بإيميلك و اليوزر نيم و الباسورد حقتك و محمل فيه الألعاب الي تلعبها ؟

إيش الهدف إنه يرجع يطلع جوال تاني ، و باحتراف اكثر من قبل ؟
و نسخة من جواله الأصلي ؟

.
.

لا يتعب لي أعصابي ..
يا ينفذ طلباتي ، يا نتطلق ..
يا يصير رجال ، يا نتطلق ..

أنا رجعت بشرط إنه هو اللي يرتقي لمستوانا ، مو أنا اللي انزل لمستواه ..
مو أنا اللي اتعايش معاه ، هو الي يتعايش معايا ..

لو مو راضي يمشي على نفس أسلوب و نمط حياتي ..
خليه يروح .. يكفي السنوات الي تجاهلت فيها نفسي و حاولت كثير اني افهمه و انزل له و اقلل من قيمتي و مقداري عشان ارضيه

أنا ما راح اجري وراه ..
هو الي خسران لو تركنا ، هو الي راح يضيع ..
و خلي أصحابه ( ينفعوووووووووووووووووه ) ..
خلي أخوه ( ينفععععععععععععععه ) ..

اسفة ، كلام طويل و ادري انك تعبانة مع الحمل ..
سامحيني فاكهة ..

فاكهة

هذه قدراته قلتي .. و أقنعت حالي بالشئ هذا بالفترة الماضية
لما الأغلبية قالوا قدراته و تقبليه و تعايشي و خلاص

لكن هذه ماهي قدراته و الدليل الفترة الي يحاول فيها انه يثبت صلاحه و استقامته
او الفترة الي كان فيها يراهق و عمل البلاوي الزرقاء هذيك !

زوجي باستطاعته يعمل المستحيل و اعرف قدراته .. و جربته
لكن هو ( كسول )
و لما يشوفني كويسة معاه .. يتكاسل اكثر

و زوجي ترى نفس طبائع زوج ( موهبة الكويت ) مريض نفسي
يحبني لما امرمط فيه و ابهدله .. يحب القوية الي ما تسكت له ..
انا ما احب كذا و اكره المرأة المتسلطة .. لكن هو يجبرني ..
قلتلك مريض نفسي

حتى مع اولاده ..
كثيرين يشبهوا ولدي الوسطاني فيا ..
هو يعشق الوسطاني .. لانه ما يسمع كلامه و عنيد و يعمل الي براسه ..
عكس أولاه الكبير و الصغير .. يحترموه و يسمعوا كلامه و كل شوية يحط حرته فيهم و يستغل ضعفهم
بس انا ما اسمح له يكسر شخصيتهم و كرامتهم .. مو قدامهم طبعا ..

لما اكون كويسة معاه .. يطفش مني و يمل بسرعة ..
نفس الشي لما اولاده مرة يلصقوا فيه و يتدلعوا عليه .. يطفش و يتافف منهم ..

يبغى يجلس برة البيت لانه ضامن بيرجع البيت و يلاقي زوجة صابرة و ساكتة و مبتسمة و تضحك له و تعمل له مساج
و تدلعه و تهتم فيه ..

لما اهتم فيه .. و بما انه ما تعود عالاهتمام .. يتكبر علي و يجرحني بالكلام و يغلط علي ..
او يتجاهلني و يطنشني ..

بمزاجه يبغى كل شي ..

يحب يعمل لك أفلام و اكشن في حياته ..

الزبدة

انه هذه ماهي قدراته ..

.
.

و استعدي للأفلام التركية الي راح تجي منه بعد المحكمة ..

امس كلمني و قال بعد المحكمة على طول جهزي حالك نروح للشيخ يقرا علينا
صار لي 8 اشهر و اقول له نحجز عند شيخ
و هو مرة يقول طيب و مرة يتريق و مرة يتحجج انه الشيخ مسافر او مو موجود او او

امس قالي بالجوال جهزي حالك بعد المحكمة على طول في العصر
تجي معايا عند الشيخ يقرا علينا
قلت له يمكن يكون مسافر الشيخ !
قالي : قلت لك جهزي نفسك العصر نحن عنده