بإذن الله ..
أعترف ..أنا خطأئي إني تاركته على هواه كله بغرض إني أريحه وأسعده ..لكن هالشيء تسبب في إنه من أول موقف لازم يتحمل فيه مسؤولية يجلس يتذمر ..وأنا مشكلتي ما أحب التذمر خصوصا لما أكون من جهتي أقدم له الأفضل لأني أنتظر الأفضل كمان ..

ممتنة جدا لنصائحك ..بإذن الله أطبقها ..الله يوفقك يارب

أهلا عزيزتي
سبق و عملت الإختبار .. وكان استحقاقي طبيعي

لاحظت في ردود كثييرة مركزة على هالنقطة ..أحسكم ما فهمتوا جانب من شخصيتي ..
لو إني ما أشوف إني أستحق كان ماكتبت الموضوع هذا ولا سردت لكم المواقف ..

بس أنا أحب أحصل ع الأشياء من الآخرين بكل محبة ولطف ومبادرة ..مو بطلب وتصريح وإصرار ..

بالعكس أنا أشوف إني أستحق وهذا اللي مستغربته إن اللي أستحقه ما حصلته منه .. والشيء اللي نبهوني له الأعضاء مشكورين أهمية التوضيح و التصريح بالطلب ..والإصرار عليه ..

حتى استجد الوضع علي حاليا وصارت المواقف الأخيرة اللي يحتمل فيها إن زوجي جالس يرمي بعض المسؤوليات علي
وافر الشكر والتقدير

حبيبتي
معاناتك معاناه كل زوجه موظفه

مبارك عليكم العشر.. أسأل الله أن يعيينا على الصيام والقيام ويتقبل منا ..ويبدل سيئاتنا حسنات ياب العالمين ..


أعتذر والله على كثرة رفعي للموضوع ..بس لأن في أمور استجدت ..وأعتذر إني استشيركم كل شوي ..لكن كما يقال لا خاب من استشار إضافة إلى إني استصعب إني أقول لأهلي عن هالأشياء أحب مايشوفون إلا الزين ..

التحديثات :

السنة الماضية زوجي خيرني في الإجازة اللي قبل العيد بين إنه يوديني لأهلي أو اكون عنده لكن أنا اخترت الجلوس معه من باب إننا تونا عرسان و(نأجز سوى ونعيد أول عيد سوى ) لكن كان طووول الوقت طالع مع أصدقائه ....ضايقني ولا أظهرت مضايقتي وقتها ..لكن بعد بفترة قلت له وصارحته إني توقعت إنك رح تكون مهتم على الأقل اسم إنه أول عيد لنا سوى ..

حاليا :
زوجي طلب يوديني لأهلي في إجازة ماقبل العيد..لأن وده يفلها مع أصدقائه ووجودي في المنزل عنده رح يمنعه من هالراحة ...يقول لو حبيتي تجلسين بكيفك لكن رح اضطر أجبر نفسي على الجلوس في البيت مجاملة لك وأنا ما أحب أغصب نفسي ..

شعوري وموقفي :
ضايق صدري طبعا , السبب إني أحب الجو الأسري السوي , يعني مفترض الإجازة تخليه يزيد عدد الساعات لنا مو تكون لأصدقائه .. وأيضا أصلا هو يجلس معهم في الأيام العادية أكثر مني ..يعني ماكنت أصلا مانعته أو معبره عن مضايقتي وقتها ..كله لأجل لما يرجع للبيت يكون مستانس ومشتاق ..

تمنيت يوم العيد نطلع سوا لصلاة العيد وأكون أول شخص يهنيه ..تمنيت أعيش هالأشياء بس الآن ماعاد أدري ..أصلا كرامتي ماتسمح لي أقوله رح أجلس عندك! لأنه فعليا رح يتركني طول الوقت لحالي ..

رجاء لا تقولون لي إني مخليته كل اهتماماتي ..أشوف إن هذي أسس في حياة أسرة ومو جالس يحترمها ولا يكلف على نفسه يتعود عليها حتى ..

وفيني صفة إني مع البعد رح أحس بالجفاء تجاهه , لأنه هو اللي طلب البعد مو أنا ..

ما اعتقد ان فيه زوج بالدنيا يجلس مع زوجته بالعيد الا اللي يكونون اسرة كبيرة
معروف العيد اجتماعات مع الاهل وزيارات وطلعات ..

انبسطي مع اهلك ولا تتدققين .. شخصيا انا زيك اجلس عند اهلي بالعيد واعايدهم ونجلس سوا وبعدها اطلع لاهل زوجي اعايدهم بعدين ارجع لاهلي
يعني زوجي ماشوفه بالعيد الا بمشوار السيارة 😂 ومبسوطة وفرحانة .. تدرين ليه ؟
لاني جربت زوجي باول عيد لنا سوا كنا ماخذين اوتيل .. وكنت حاطة ببالي بيجي وبيعيد علي وبنعيش كأسرة ومدري ايش واحلام رومانسية .. بس جاء من صلاة العيد وخبّني بسرعة بسرعة يالله تأخرنا وطلعنا وحنا نركض لاهله وعيدنا معهم ورجع للاوتيل وعطاني ظهره ونام 🙂 ولما صحى المغرب طلع يعايد الباقي من اهله ومن اهله لاصحابه سهر معاهم للفجر..حتى ماشاف ولا لبسي وانا كنت متوقعة انه بيمدح ذوقي ع اختياري للفستان 😑
طبعا كان مالنا متزوجين الا شهر ونص 😂

فانا جدا مبسوطة اني اتعايد مع اهلي يالله من فضلك.. مفروض تنبسطين يختي غيرك حتى اهلها يمنعها عنهم
وخلي التدقيق الزايد والرومانسية وجو الأسرة بيوم ثاني العيد أحلى مع لمة الأهل والأخوان والخوات 😻😻

ارسليله مسج حلو صباح العيد وارسليله صورة كشختك وعايديه والحمدلله ❤صدقيني أبرك لك من انك تجلسين عنده .. هذا وانتي عروس وتركك اجل هالعيد وش بيسوي اجل 😂

__________________
سبحان الله وبحمده ، سبحان الله العظيم

طيب وبعدين وجلستي معاه يوم العيد .. وقلتي له كل سنة وانت طيب .. طلعتي معاه للمسجد رجعتوا للبيت وجهزتي قهوتك وتقهويتوا .. وبعدين ؟ بيطلع يعايد اهله واصحابه وانتي جالسة بين اربع جدران !!
معليش يعني بس وش بينفعك التأسيس والحياة المحترمة وأنت محجورة بالبيت وبيوم العيد 😅 خلينا منطقيين !

عن نفسي بحسه سجن مب عيد ! لاعادت من زواج اذا بيقضي العيد بهالكآبة ! ومابين عيوني الا عيد اهلي بالوقت اللي انا اعد الوقت هم مختبين ويتقهوون مجتمعين 💔 وش بستفيد من تأسيس حياتي وهي بهالكآبة 😭
بصراحة فكري بنفسك انتي وش تحبين بعيد عن تأسيس الحياة والحياة بعد 20 سنة ومدري ايش .. فكري بهالعيد وكأنه هو العيد الوحيد لك وش بتسوين عشان تنبسطين ؟

واذا مرة مرة بخاطرك تكونون سوا اطلبي منه تضبطين لك حجز رحلة ع العصر مثلاً اذا صحى من نومة العيد يوديك المطار وتروحين لاهلك .. وبكذا تكسبين كل الاثنين

__________________
سبحان الله وبحمده ، سبحان الله العظيم

أهلا غادة

حبيبتي افهميني الله يخليك نا زوجي مو بس العيد ...يبغى من الإجازة تخيلي ..يعني مخطط من يوم الخميس هذا إلى نهاية الإجازة و هو متخلص من مسؤوليتي ..حتى الـ(خمس) أيام الأخيرة من رمضان يبغى يستغلها مع أصدقائه ..



الصدق مع شعوري الحالي لو استمر معي ما أقدر ..أحس ودي أبارك لكل الناس إلا هو .. وودي أوري كل الناس إلا هو ..

السؤال ليه مانطلع سوا ؟ علاقتي بأهله زينه الحمدلله ..يعني مارح يشيل هم لو رحنا وعايدناهم ..
النقطة الثانية ..حتى عيد أهله أصلا في نفس مدينتي ...يعني على الظهر رح يروحون لمدينتي حتى يتعيدون فيها ..يعني مو جالسة حتى أكلفه مشوار ..
هو يطلب مني أروح لأهلي من هالأيام إلى أيام العيد .. يعني الناس في أواخر رمضان يتهجدون وهو يبغى يروح لأصدقائه ..أتوقع مخطط حتى النوم ينام عندهم ..

مو عشرين سنة ..خلينا أقرب هالسنة مثلا ..لو جانا بيبي .. ايش هالجو اللي رح يعيشه وكل الأطفال مع آبائهم إلا هو ..

زوجك يقهر الله يصلحه
بس اذا هو معزم ومقرر مالك حل
لاتجبرينه ولا تفتعلين معه مشكله
حاولي تنبسطي زي ماقالت غاده
وعيدي وهيصي مع اهلك
جهزي هدايا بسيطه للعيد
وصينيه حلا
وصوري سنابات
وانبسطي
ولاتشغلي تفكيرك اذا جانا عيال ومدري ايش
عيشي يومك لا تحاتين المستقبل
ماتدرين بعدين ايش بيصير
الهدايه من رب العالمين

طيب وش رديتي عليه
من خلال مواضيعك حسيت انك حساسه
وتبغين الشخص الي قدامك يفهمك وانتي ماتكلمتي معاه
انتي تقولين ان زوجك ذكي ويفهمك ياحبيبتي كيف بيفهم
وانتي لغه الحوار بينكم مقطوعه
ومعطيته الضوء الاخضر

__________________
استغفر الله وأتوب إليه

أتمنى أقدر
شكلاا جزيلا