اولا اشكر لاعضاء المنتدى مساعدتهم لاخوانهم ومساهمتهم في حل مشاكلهم عسى الله يجعلها في ميزان حسناتهم



ثانيا انا مشكلتي مع زوجي انه مايحب اي شي من طرفي من كل النواحي ما ابالغ اذا قلت حتى الافكار اذا فكرتي يكرها ويرى انها خاطئه بس لو اقول له فكرة اي شخص ثاني يتقبلها

في الطعام لو اي احد بالعايله يقدم له صنف ويعجبه واكون انا اظبط نفس الصنف والله انه مرات حتى مايذوقه بس لاني انا الي سويت هذا الطبق ..

باللبس لما البس واكشخ يعلق على البنات جدامي شوفي هذي لبسها حلو وشوفي هذي حتى مرات نفس البدله عنديياها مايعلق عليها بس يعلق على غيري

الهدايا ,, اتمنى مره اعطيه هديه تعجبه .. كل انواع الهدايا بالدنيا شريتله ,, الغالي الرخيص العملي الاستعمال اليومي ..
اتمنى على الاقل لما اكون مغلفه الهديه انه يفتحها تخيلو يقولي انتي بطليها ولما افتح الهديه يقولي مشكوره ويقوم وماياخذها

بالجنس مايعجبه اي شي اي وضعيه اي لبس البسه اي رائحه كل شي يكرهه ويقولي انا مجبور اني انام معاج

بالمفاجآت .. يعني هذي السوالف الي اقراها بالمنتدى (ليله بماء البحر) و (ليله بالبالونات) , , , , الخ .. كل شي جربت مايعجبه ..

رسائل الحب المدح الشكر حتى دروع اهديته على كل صغيره وكبيره اكتبله رسالة شكر

لاتتعتقدون ان زوجي طبيعته جاف ومايعبر عن مشاعره لانه كان صاحب علاقات وكان رومانسي لاخر درجه لكن يظهر اني للابناء فقط
شكلي مهتمه فيه محد يصدق اني ام عيال مهتمه بكل شي لكن والله حتى الاشياء الي هو اصلن يحبها صار يكرها بسبب انها فيني


كل شي يتمناه الرجل في زوجته سويته لزوجي وحاولت اسعده بكل طريقه ياريت يكتفي بالصمت لكن
يقولي دائما .. ((انا ماتعجبني الهدايا الي تييبيلي))
((مفاجآتج كلها ماتونسني))
((مشكوره على الهديه بس ماجبتني ولاتييبيلي شي مره ثانيه))
((بوكيه الورد الي يبتيه ماينعطى ربع سعره وشكله يلوع الجبد))




ومره قالي اياها اشكره بالحرف الواحد .. ((انا اكره كل شي فيج)) من غير اي سبب



ما الحل ؟