بصراحه اختي احس ان وضعك غريب
يعني كل هالمشاكل كيف قادره تعيشين مع انسان مثله ولو كنتوا منفصلين يضل اسمه زوجك امام الناس وامام ابنائك يعني بسالك بالله ايهم ارحم كلام الناس واهلك والا عيالك ؟؟؟
الي فهمتك من مواضيعك (قريت اكثر من موضوع) ان الحيه معاه فيها خطر ومجازفه اولا لك وثانيا لابنائك
وانا احب اركز على ابنائك لانك انت عارفه خطر الحرمان العاطفي والدليل لجوئك للشات والكاميرا والتوبه عنهما والحمد لله
بالنسبه لابنائك :
* زوجك ملحد بشهادتك :
عيشتك معه وابائك حرام حرام حرام لكونه يسب الدين وانت راضيه والعياذ بالله
*زوجك انسان سكير ويحضر اصدقائه للبيت فمن الاحتمالات الوارده :
1- التعرض لاحد بناتك واغتصابها ( لا سمح الله ) بس من جد اختي لازم تخافين عليهم
2- امكانيه تحول ابنك لسكير عربيد مثل والده وان كان غير مقتنع وصدقيني غالبا ابن المدخن مدخن وانت قيسيها وخصوصا انه ما يشوف رادع او حد لايقاف والده
3- نفسيات الابناء والله استغرب تقولين ولدي الكبير قال يكون لنا اب اسم انه ابونا ؟؟؟؟؟؟؟؟؟؟ اي اب هذا خافي على عيالك منه والحقي عليهم قبل ما يبدون بمشاكل نفسيه لها اولما لها اخر
4- وش موقفك وموقف بناتك لو داهمت الهيئه بيتكم ومسكوهم سكرانين وانتوا معهم بالبيت ؟
من جد انا متلخبطه وودي اهاوشك لان ابنائك امانه بعنقك لا تزعلين علي بس انت تقولين خايفه على عيالي وانا مقدره هالشي بس فكري بعيالك وبنفسك تتوقعين صبرك عليه من مصلحتهم ؟؟؟ فكري اذا كبروا كيف سيواجهون المجتمع وهم طالعين من بيت السكير ؟؟ بناتك مين بيصادقهم ؟؟؟ مين بيتزوجهم ؟؟؟
وتدعين على نفسك بالموت ؟؟؟ ليه بالعكس ادعي لنفسك بطوله العمر علشان تحمين عيالك الي انت معتقده بعيشتك وتحملك لابوهم كل السنين تفيدينهم ؟؟؟ فكري تكفين بعد عينك مين بيربهم ابوهم ؟؟؟؟ والا اهلك الي رموك ؟؟
نصيحتي الحقي على نفسك وعلى عيالك واطلبي الطلاق وبلغي عن زوجك وخليه ياخذ جزائه
وبهمس لك بكلمه يمكن تحرك قلبك شوي ترى نظره المجتمع لوضعك الخارجي هي ( ما صبرت عليه الا لانها اردى منه ) اسفه اختى بس صدقيني الي يشوف الوضع من برى لازم يفكر كذا
زوج سكير وكل ليله سهر وشرب مع اصدقائه وزوجته صغيره وحلوه وتطلع وتدخل ومحد يسالها وين طالعه ولا من وين راجعه ؟ وش بيصبرها عليه ؟؟ فكري وجاوبي؟
ارجع واقول لك فكري بعيالك ترى هم امانه بعنقك ومحاسبه عنهم اذا ابوهم كذا الله يعينه على حساب ربه
انفصلي
انفصلي
وافتحي لك بيت ولو شقه ايجار ولدك الكبير الحين رجال ويقوم بواجبكم وهو بيفهم انك سويتي كذا من خوفك عليه وعلى خواته
افتحي بيتك وعيشي مع عيالك وريهم ان الحياه امنه ومريحه عيشيهم براحه وسعاده وخليهم يمسحون صوره ابوهم وما يذكرونه الا اذا رجع متعالج وما فيه شي بعيد عن ربك
شوفي حبيبتي انا محرومه من العيال ( الله يرزقني ) وعارفه ان الضنى غالي فكري فيهم بعقلانيه وخلي اهلك الله يصلحهم
اتمنى انك تعذريني كلامي مو مرتب بس والله طالع من قلبي والله يكون بعونك
وارجع وااكد اذا تحبين عيالك فعلا انفصلي وجربي الحياه بعيد عنه ومحد بيشيل همك وهم عيالك الا نفسك وهم برقبتك ليوم القيامه
تحياتي
دلوعه زوجي
23-10-2007, 03:02 AM
ضوابط المشاركة
العرض العادي
