احنا مقتنعين بهذا الشي الوظيفه ابدا شي مو مهم وهو بعلم الغيب هل راح الاقي وظيفه محترمه .؟؟ هل راح اقدر اوفق بين بيتي ووظيفتي ؟؟ الوظيفه ابدا مو مهمه ولاتقارن بالزواج والستر ..

لكن ..

كل هاذا الكلام تناقش ابويا معاه ووافق .. لكن اليوم الثاني اتصل وقال لا انا ابغاها ربة منزل .. ابوي وقتها قال هاذي واضحه وضوح الشمس انه يبغالك مربية وخادمه لعياله .. ومااهتم احنا ايش نبغى .. وكان كل كلمة والثانيه عيالي وعيالي .. وقال لي امس مااتطلقتي من زوجك السابق عشان نخرجك من الظلم والذل اللي كنتي عايشته عشان ترجعي له مره ثانيه

واحنا معجبين فيه من ناحيه اهتمامه بعياله وكلامك صحيح .. لكن كمان يحترم مشاعرنا ..يعني برضو تحز بالنفس انه يبغى يتزوجني بس عشان احد يمسك له عياله .. وخصوصا انه يقول انه ماسك على زوجته الثانيه ورقة طلاقها عشان يساومها على التنازل عن حضانه بنته الرضيعه .. يعني مافكر هاذي الرضيعه تحتاج لامها كل همه ان اطفاله يكونو حواليه ..


اشكرك اخي على كلامك وجزاك الله كل خير

اختى العام استخيرى مرة اخرى واسألوا علية كويس قوى
واسألو طلقتة عن سبب الانفصال
ولا تتسرعى فى الموافقة ادرسى الموضوع من جميع جوانبة الموضوع ليس بالسهل

ربنا يوفقك الى الخير ويفرج همك ويصلح حالك

الله يعوضك باللي أحسن منه يعرف قدرك وقيمتك

__________________

اسائة الظن صفه غير جيده

تأكدوا منها


وبالنسبه للوظيفه فماله داعي تشرطينها وتخلينها أمر ثابت وانت مو محتاجه فلوس

وعلى كلامك يمكن تتركينها !!

والله يالعالم ما فيه أحلى من جلسة البيت و الإستقرار النفسي

فكري زين واستخيري أكثر و الله يكتب لك الخيييييير

الله يعينك اختي
وضعه مو مريح على كل خوفه على عياله واخذ رضيعه من حضن امها غريبه
اتوقع والله العليم هو بس يبي يقهر الاولى ويحسسها انه مالها اي اهميه وانه قادر يستغني عنها
وانتي سلاحه ومو مهم ظروفك او مشاعرك
حبيبتي هذا زوااااااااااااااااااااااااااج وعشرة عمر مو يوم او يومين والي مايبين لهفته ورغبته وتمسكه بك الحين
اجل بعدين وشلون؟؟؟؟؟؟؟؟؟؟
انصحك استخيري مره ثانيه ولاتستعجلون بشي ماطلوا شهر شهرين وخلالها اسالوا طليقته او اهلها اوجيرانهم سابقا
كمان هو اذا شاريك بيكرر زياراته لكم وبتتضح الرويا ان شاء الله
وليه تتنازلين عن حقوقك لاطلبي بالمعقول
لاترخصين نفسك مو ذنبك ان ابتليتي بشخص سئ في يوم من الايام
كانك تعاقبين نفسك
معليش ياغلا قسيت عليك لكن والله اني حاسه فيك
ولو اقولك عن النماذج الي يتقدمون لي وشروطهم الله المستعان بس
لكن الوحده مننا هي الي تفكر بعقلها وتوزن الامور مع استخاره ربها واستشاره العارفين
والله بيساعدنا

هلا العام



من غلاتك ماقدرت امسك روحي غير ارجع اقول الى بقلبي يااختي


بعد ردودك زادت صفاته سواء عن قبل


مع اني من الاساس انا قلت الزواج هذا مايصلح نهائي


رجعت اقولك تكفين طلبتك يالغاليه فكري مليون مرة لاتغلطين غلطه تدفعين ثمنها غالي


لاني حسيت انك نفسك تتزوجين نفسك تستقرين تدرين صرتي مثل ايش احسك


مثل الغريق الى يبغى اي شي ينقذة من الغراق


عشان كذا اقولك فكري مرة ومرتين ومليون مرة


لانك حاسه انك غرقانه بهمومك ومتاعب الحياة ونظرات العالم وشمتت الاعداء انا عارفه هالشعور الى تحسين فيه انتي الان


اقولك ياحبيبتي مافي بنت متحس بهالشعور سواء متاخرة بالزواج او مطلقه لانه شعور قاتل يذبح والله



بس وش نعمل يعني نرضى باي واحد كان عشان بس يطلعنا من هالدوامه



لا يابعد عمري انتي لا والف لا مستحيل بعد هالصبر ان شاء الله نرضى باي شي


لو كانت تنازلت بسيطه اقول ممكن حاجه هينه نتنازل مثل التدخين مثل مطلق ومثل كذا حاجات بسيطه


لكن حاجات صعبه مثل شكه وانه يحرم ام من رضيعه هذا مافي قلبه اي رحمه او اي انسانيه بالله كيف تبغين تعيشين معه



واذا بعدك تبغين ماتقطعين اخر امل فيه وتعرفينه على حقيقته مالك غير


تكلمين زوجته وكانك اختك الكبيرة يعني لاتقولين لها انه انتي الى تقدملك


وقوليلها والله يام فلان السالفه كذا وكذا


وانا ماابغى اختي تطلع بتجربه ثانيه من زواج فاشل اذا انك شايفه عليه شي


والا مايصلح والا يشك بكل كبيرة وصغيرة والا والا والا من هالكلام

قوليلي وان والله ثم والله اعتبري هالمكالمه ماكانت والا احد يدري عنها غير ربي وانا وانتي


ومن هالكلام الطيب عشان تطمن لك وتقولك


ياحبيبتي يالعام هذا عشرة عمر سنين طويله مو سنه والا خمسه والا حتى عشرة وتنتهى


هذا اذا الله كاتبه لك طول العمر راح تكونين معاة


هل من المعقول تبغين طول عمرك تتحملين شكه


كل شي بالرجال يتحمل الا الشك والخيانه والبخل هذا كلام قريباتي المتزوجات



والله يرشدك للطريق الصح يااااارب ويلهمك الرشد والله قلبي معاك

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

اهلين ياغموض .. سبب غيابي كان بسبب حالتي النفسيه والحمدلله بدت ترجع مثل اول .. لكني ايضا تعبانه

الحمدلله انا استخرت .. وكان بيتم الموضوع لولا استخارة الله ثم اتصاله .. وبدأ يتشرط .. وهو قال بنفسه ان شاء الله راح اسعد بنتكم لانها قبلت في انا وعيالي .. لكن كلامه متناقض يعني من اول شرط طلبناه قال لا .. ولمن سألناه على وضع زوجته قال خلاص مالها رجعه لانها خرجت من قلبي لكن الصك لسا ماطلعه ويبغى اهلها هم اللي يطالبو بطلاق بنتهم عشان يساومهم على التنازل عن حضانة البنت ..


مدري احس اني محتاااره كثير ..كلامهم وتصرفاته تحير .. اخته قالت انه محتاج لااحد يعوضه .. هو قال يحتاج لام تعوض عياله .. امه قالت بنته الرضيعه ماراح تجي الآن .. وهو كان ساكت وقتها ماتكلم . .


بكره ان شاء الله بنرد عليه ونقول له على شرطنا وبنقوله انت ماتدري بكره ايش بيصير يمكن تلاقي ويمكن ماتلاقي الوظيفه المطلوبه .. وبنشوف رده بعد كذا

كلامك جدا جدا مقنع جزاك الله خير .. وبالفعل انا سمعت كلام ابوي بالخطوبه الماضيه والحمدلله كان برأيه محله

وانا خايفه من تجربة زواج فاشله مره اخرى .. عشان كذا قاعده ادرس الموضوع من كل جوانبه .. وماابغى اتزوج لمجرد الزواج وانحس عمري مره ثانيه لاقدر الله


تسلمي ياقلبي على كلامك اللي جدا ريحني الله يريح قلبك ويسعدك يارب

اللهم امين .. صحيح الوظيفه مهمه لكن الستر والزواج بالمرتبه الاولى .. لكن فين اللي يقدر ..


اشكرك على ردك ودعواتك الطيبه

والله يااختي بالبدايه انا خفت من هاذي الصفتين .. لكن قلت مافي رجال مهو عصبي .. والاساءه يمكن كانت بسبب موقف حدث بينه وبين الشخص اللي قال هاذا الكلام .. وكنت اهون على نفسي واخفف ..

لكن سبحان الله بعد الاستخاره .. ظهر هاذا الموضوع .. وهو عدم موافقته على الوظيفه .. بعد ان كان موافق عليها .. واتضحت لنا امور مااهتمينا فيها وكنا نريد انا واهلي الزواج لمجرد الزاوج فقط وليس للاستقرار والاختيار الحسن .. حتى لانعيد تجربة الطلاق مره اخرى

اشكرك اختي على رأيك والله يقدم الله فيه الخير ..