لمن قريت موضوعوج على عجل انقهرت وحسيت فيج بس بعد تمهل وبعد رجوعي للذاكره للخلف قعدت اتذكر نفسي لاني عشت مع اهل زوجي واخو زوجي
فعدت حساباتي !!
صدقيني مشكلتج في كل البيوت اللي فيها اخوان يتزوجون في نفس البيت وهذي من عيوب السكن مع بعض وصدقيني تصرف زوجك وسكوت زوجها شي طبيعي
ولاتنصدمين من كلامي بس مثل ماقلت هذي عيوب السكن مع اهل الزوج واخوانه !!
وبقولج سالفتي يمكن اطمنج او افهمج كيف العقليه تكون وكيف كانت عندي
في البدايه ماتنلامين عزيزتي هالبيئه نفس البيئه اللي عشت فيها كل شي عندهم مثل اخوووووووووج
انا كنت زوجة الكبير وكنت اكبر من اخو زوجي بسنتين ولاني تزوجت صغيره فكنت وياه قريبين في السن اكثر من زوجي واعتبرته فعلا اخوي حتى مزحه الثقيل بعد قمت اسكت عنه لاني مالاقي صدى لكلامي لو احتجيت خاصه وهو معروف عنه جرأته الزياده وحبه للاحراج
وتعودت على اهل زوجي وتعودت على اخو زوجي وسوالف معاه بس في حدود لا تمايل ولا لمس ولا اركب معاه جدام في السياره ومستحيل اصلاً
وعادي وجهي مكشوف جدامه يعني اتغطى من الغرب وهو لا وهم اللي عودوني انه عاااااااااااااااااادي سوالف ضحك عادي !! اصلا مع العشره يصير عادي وصعب ومستحيييييييييل انج ماتنكشفين جدامه وانتي بنفس البيت
وعني كنت حتى عبايه مالبس عنده وممكن نفس لبسي اللي البسه عند الضيوف عادي يشوفه اخو زوجي
ولو فيه رجال ممكن يقولي مثل مايقول لخواته تغطي في رجاجيل ( بس هو عادي محرم )!!!
مادري شلون ربونا على انه عادي !!!! ( طبعا حاليا الوضع مختلف مستحيل اقعد بوجوده بدون عبايه خاصه بعد ماطلعت بيت بروحي وحسيت انه غريب)
ومرات كثيره صارت انه يدخل الصاله فجأه وماعلي شيله وشعري مكشوف ويكون الموضوع عادي عنده حتى لو حاولت البس شيلتي بسرعه علشان الحق مايشوفني يقوم يبقق عينه عدل زياده نحاسه لي وطبعا هذا من باب المزح عنده
بس بعد ماطلعت بيت بروحي حسيت انه غريب وهو بعد حس اني غريبه
وكنت لين ازور اهل زوجي اذا جا البيت وعرف اني موجوده يقوم يطق باب الصاله قبل يدش او يبلغ اهله انه بيمر علشان اتغطى وان دش صدفه غض بصره ( وهذي من فوايد البيت المنفصل )
يعني قبل لو كان عندنا حريم وطلعوا وسال اخو زوجي في حد والا لا يقولون له لا محد ادخل مع اني موجوده يعتبروني عادي يشوفني ولا يقولون لي انه بيدخل واللحين بعد ماطلعت بيت بروحي يقولون له لحظه انتظر فلانه اللي هي انا موجوده انطر شوي يعني لين اتغطى شفتي الفرق شلون !!بس لاني طلعت بيت بروحي وماعاد فيه شي اسمه مثل اخوج !!!
ومره وانا توني ساكنه معاهم سويت حفله نجاح لمن خلصت الثانويه وعزمت اقاربي وصديقاتي والكل هاداني وبنهاية الحفله ناداني يباركلي و عطاني هديه وشكرته وبعدين في غرفتي مع زوجي كنت اقوله هذي هديه من اختي وهذي من صديقتي وهذي من اخوك ... صدقيني كان الموضوع طبيعي وكانت كلها تصرفات طبيعيه وماكان فيها شي سيء مقصود
وكنت في الافراح والمناسبات بعد مارد البيت يكون علي مكياج واغطي شعري وعادي اكشف وجهي عنده وانا بالمكياج والعدسات ويشوفني بوجود زوجي !!
وادري تصرف غلط بس مادري شلون خلونا نحس انهم عادي وحلال صدقيني كانت نظرتهم لنا غير او ان احنا كنا نحس انها غير !! يعني عادي كان يقولي فستانج حلو ومكياجج حلو... وانتي واختي فستانكم كذا او يتطنز علي وعلى خواته ويقول مكياجكم يخرع والخ عاااادي !!
انا ادري انه غلط بس الواحده اذا عاشت مع اهل زوجها واخوانه فتره طويله اكيد بيكون فيه عشره
يعني حتى لو تزوج رغم انها زوجته حلاله واقرب منه من أي حد بس يظل يعتبر زوجة اخوه واحده من هله خاصه في بداية زواجه ومن باب طول العشره فقط لاغير وطبعاً تكون مسألة وقت
بس لين طلعت بيت بروحي من سنين وبعدين هو تزوج كنت اذا لين ازورهم ويسولف اخو زوجي معاي وينكت مثل كل مره اشوف زوجته ساكته وكأنها غيرانه مني وتراقب كل حركه او كلمه مني لزوجها لدرجه كسرت خاطري لاني خليتها تغار وهي ماتعرفني عدل هذا غير اني اعرف زوجها وطبعه اللئيم ممكن كان يستغل هالشي فيها ويخليها تغار
فوقفت كلام معاه واختصرت ردي له وبدون ضحك معاه ووجهت وجهي لها وقعدت اسولف معاها باي شي عن اهلها.. دراستها.. شغلها.. أي شي ولو مو عاجبني بس اكسر الحاجز بيني وبينها
وتعمدت اوريها اني احاول اغطي اغلب وجهي اذا دخل علينا زوجها واحرص ان شعري مايبين واتاكد ان كل شي مني متغطي علشان اجيب الطمأنينه لقلبها
وحاولت اكون جاده بكلامي معاه وامدحها كثيرعند زوجها وهي موجوده أو وهي غير موجوده واجيب كل محاسنها
وبعد فتره قريبه من السنه لقيتها تتقرب مني وتتصلي كثير وتسولف معاي وتحكيلي مشاكلها وتعتبرني اختها ومو بس جذي اتدافع عني عند زوجها بعد ... وتفاجأت فيها تمدحني جدامه واذا بتطلع عيب فهي بتطلعه من اخوه اللي هو زوجي .. لدرجة صار زوجها يستغرب من كثر ماهي متعلقه فيني وماترضى حد يغلط علي ... ودايم يقولها شسوت فيج فلانه ساحرتج !!
واحيانا تقولي والله اليوم اذكروج بس زوجي دافع عنج وقال مرت اخوي كذا وكذا وكأنها مستانسه انه دافع عني عند أهله ( بعد ماكانت تغار ) وطبعا اهل زوجي الله يسامحهم كانوا سبب لغيرتها من كثر المقارنه بيني وبينها
والحمدالله ماشاء الله تبارك الله صرنا اكثر من الخوات
ونصيحتي عزيزتي حاولي تتأكدين انج ماتبالغين صدقيني العشره مع اهل الزوج تخلي الواحده تحس انها منهم وانها مو غريبه وان الحمو شي عادي بشرط ماتتعدى الحدود لالمس ولا ركوب جدام في السياره ولا يشيلها والخ من الخرابيط
ومايمنع ان تكون هناك نفوس مريضه تحاول ترضي غرورها بالحرام وتتعدى حدودها بس دايماً احسني الظن فيها ولاتبينين انج غيرانه منها
وبصراحه هذي مشكله مايحس فيها اهل الزوج يعني انا مريت فيها سابقا وعودوني انه شي عادي بس لمن انتقلت لبيت منفصل صار فيه حواجز وحدود وكلام بحدود الحاجه ولو صار واحتجته فلازم زوجته معاي محرم والا عيالي بس بروحنا مثل قبل مستحيييييييييييل
وحاليا في كثير بنات اعرفهم متزوجات وهم قريباتي ولو كنا طالعين من عرس والا مناسبه وقلت لها تبين نوصلج البيت وعرفت ان زوجي اللي يسوق ترفض تقولي لا زوجك اللي يسوق لو انتي اللي تسوقين والا السواق ماعليه بس دام زوجك لا صعبه وزوجي مايرضى اركب مع غريب ... بس بدق على اخو زوجي وبياخذني .... اقولها اللحين انا معاج محرم لج وتردين بآخر الليل مع واحد مو محرم ..! تقول لا من قال مو محرم هذا اخو زوجي !!!!!!

__________________

بادئ ذي بدء أشكر جميع من تفاعل مع مشكلتي ودعاء لي وأرجو من الله أن يشمله في دعائه :
أختي صريحه أعذريني ولكن في تصرفاتك الأولى مع أخو زوجك شعرت أنني أنظر إلى زوجة أخيه بفارق بسيط ولكن تخطي هذا الأمر لكن كيف استطيع انا أن اتخطى الأمر من جهتي ...
زوجة أحمد : لو قلت لها هالكلام بتقول زوجي واثق فيني بعدين دايم يقولي أخواني هم أخوانك وانا اعرف اخوانه مايطالعون (( كلامها الدائم في مثل هذه المواضيع ))
أم جمانه : جيتي على الجرح وأنا علاقتي معها حلوه بالسوالف والهدايا لكن المشكله في تصرفاتها مع زوجي واخوانه والمشكله انه حتى اخوانه يفضلونها علي واذا احتاجوا شي طلبوه منها وأذا عندهم سوالف ينادونها هي يسولفون معها
فوفو وانا اموت فيه : سويتها وصار يدافع عنها يعني انقلب السحر على الساحر
سما : القرض اسلامي فانا موظفه والبنوك عندنا اسلاميه ولو سويت اللي تقولين عليه بعطيه حجه لاني اسوي مثل مااهو يسوي
اتكاءة حرف : فعلا القت حجرا في الماء الراكد
أما بالنسبه لزوجها فهو مشغول 24 ساعه يجي ساعه الظهر يريح ويرجع بالليل ينام لانه عنده مزرعه مااخذه كل وقته
safwat111 و أرجوانيه : بينت لها هالشي بس لاحياة لمن تنادي
salsapil و haddaf اليد الوحده ماتصفق وبعدين بيناظرون لي اني أنا زوجة الولد اللي تفرق وماتجمع
منى : بينت والله بينت شسوي أكثر

حاولى تبعديه عنها ودايما قربيه منك واعملى معاه اللى هى بتعمله واكتر شويه واساليه لو انا عملت زى ما هى بتعمل مع اخوك هيكون رد فعلك ايه

__________________
ضاقت ولما استحكمت حلقاتها فرجت وكنت اظنها لاتفرج

السلام عليكم
انا ارى ان راي ام عبيد الله هو الاصوب لانني اعرف حالات مشابهه كان فيها لفت نظر الزوج او استحقار زوجة اخيه مشكلة كبيرة
فلفت نظر الزوج سيجعله يشك في ثقتك بنفسك و يقول عنك انك شديدة الغيرة و قد يزيد من لفت انتباهه لهاو اذا تسرب من ذلك شيئ لاسرته فستكون الكارثة خاصة انك تقولين انها محبوبة فيهم
اما النظر اليها باحتقار او لفت نظرها انك تغارين منها اصلا سوف يزيدالامور سوءا لان امراة بهذه الاخلاق سوف يزيدها ذلك رغبة في التمادي لانك بذلك ستقنعينها انها بالفعل افضل منك وهذا ما تريد اثباته لنفسها
واذا كانت لا تقصد و انما ذلك عادة فيها فان ذلك سيعقد المشكلة بدون داع
ولكن انت اعلم بزوجك فلمحي له بطرق اخرى دون تصريح ان كنت تعلمين ان ذلك سينفع معه مع تحسين علاقتك به و اغداقك عليه من الحب و اظهار المفاتن ليس الجسدية فقط و انما الاخلاقية و العقلية ولاتنسي سلاح المراة الاكثر فتنة من الجمال نفسه: _عقلها (ان مكرهن شديد)
_ و ميوعتها و اعذريني يا اختي في اخر النهار انت وهو من يغلق عليكما باب واحد و ليس زوجة
اخيه
و اعلمي ان اهتمام المراة بشكلها و راحتها النفسية وتخصيصها وقت لاشياء اخرى تحبها غير شغل المنزل من اكثر الاشياء التي تحبب زوجها فيها والا فلم يحب الرجال المراءة العاهرة التي قد يكون شكلها ليس بالجميل

الله يعينك والله اني انقهرت

عليك بسهااام الليل....


صدقيني لوحدنا مانقدر نسوي شيء... أستعيني برب السماوات والأرض...



وخليييك ثاااااااابتة على حجابك وحشمتك...


بيزعلوا ... وفي الأخير بيعرفوا الحق...


أرضي ربك .... وماعليك زعلوا وإلا رضوا..


وأكثري من الاستغفار والصدقة..

وقول... حسبي الله لا إله إلا هو عليه توكلت وهو رب العرش العظيم


وكل ما شفتيها .. قولي .. اللهم أكفينيها بما شئت...

وإذا زوجك خارج اي مكان.. أو مجتمعين العيلة... حصني زوجك

وخليه دايماً يسمعك وأنتي تقولي له وهو خارج.(.. أستودعك الله... استودع الله دينك وأمانتك وخواتيم عملك..)

وأختميها بالدعاء له ... ( اللهم أكفه شر شياطين الأنس والجن..)



كان الله في عونك.....................

بقولكم تطور جديد بالأحداث ذاك اليوم جانا عم زوجي طبعا بالنسبه لها غريب مو مثل زوجي واخوانه ولبست نقاب على غطاء طويل لما جاء من بكره قلتلها زوجي يقول اساليها من وين شرت الغطاء هذا انه ساتر وحشمه ابشتريلك زيه واشوف لها يومين ماتنزله ادعولي انها تستمر وتترك النقاب

طبعا انا ماكنت صادقه لان الحمدلله غطاي كله من هالنوع بس حبيت ابين لها تلميح ان زوجي منتبه للبسها وانه مو مايناظر زي ماتقول

أختي الفاضلة ... عليك بالتروي والتعقل لا تستعجلي بأي شي سواء انك تكلميها او تكلمي زوجك لابد من التعقل بأي كلمة راح تصدر منك حتى ما تكون ضدك .
الله يعينك ويوفقك .
أختك ..فاااتن

__________________

ياررررب تحفظ لي أولادي من كل سوء
أدعو الله مايحرمني من أولادي ولا يفرقنا ابد

الله يهديها ياااارب