نصيحة وكلي امرك لله وتذكري من توكل على الله فهو حسبه تذكري """حسبي الله ونعم الوكيل ""

عيشي حياتك بسعادة لانك وكلتي رب العباد بأمر هذا العبد""زوجك""

اختي في رجال طبعهم كذا .. يموت في الحريم .. ما يقاوم اي حرمه تمر من قدامه

الا لازم يناظر فيها .. يعني ما يعرف شي اسمه غض البصر .. وش تقولين ..مرض

والعياذ بالله ..

لكن مو معناته انك مو حلوه في نظره او هذا نقص فيك انت .. لا .. ا لنقص فيه هو ..

وان شاء الله بالدعاء راح يخاف الله و ترجع له بصيرته ..

بالنسبه الي نقله الي مكان عملك اختي حاولي انك تعطينه الثقه شوي حتى ما

تسوء الاحوال بينكم .. مع المراقبه الخفيه .. وعدم التنازلات عن حقوقك ..

وربي يوفقك .. وطمنينا عن اخر اخبارك اختي ..

أميرات / جزاكِ الله خير الجزاء..وأثلج صدرك مثل ماأثلجتِ صدري!
ويمكن لأني اول مره أنصدم بزوجي ..ماكنت أتخيل ان الرجال كلهم كذا
وكنت أتوقع ان الي يحب ...لايمكن يخون !

......

وبالنسبه لعمله خلاص تقرر نقله / مع اني والله خايفه جداً
اذا كان وهو تحت عيني ماحسب لي حسابوشلون اذا أبعد وحس بالأمان!
ماأقول الا الله يحلها من عنده ،،

ولاأخفيك أختي/ اني الى الآن من هول الصدمه مو قادره أتخذ اي قرار وماسويت اي شيئ
يمكن احساس بالضعف او العجز لبعد امي واخواتي واهلي/ او حتى احساس بـ استحالة صلاحه!
وماادري الىمتى راح استمر على هالحال!

.......

الشيئ الوحيد الي سويته اني واجهته بالرقم الي بجواله / فأجابني انه
رقم لأحد محارمه!
طبعاً انا علاقتي بمحارمه سيئه جداً لسبب واحد اني مو من عائلتهم/ وكانوا يبون
زوجي لأحد بناتهم!/ ومالي اي اجتماعات او صله بهم /يمكن آخر مره شفتهم فيها
بداية زواجي!

ومحارمه يااختي لاأخفيك أني ماارتاح لهم ابداً وادري انهم يحاولون يخربون مابيني وبينه!

.....

تصدقين انه في الصيفيه الماضيه جاءني عند اهلي وكنا آخذين شقه بعد ماطلعت من النفاس/ وتعرفين وش كثر نجتهد لأزواجنا بعدهالفتره!
المهم فتحت جواله على صوت رساله وهو كان نايم وليتني مافتحتها!
رساله شبه غراميه من رقم مجهول / انا جن جنوني حتى وهو عندي يلاحقونه
سألته أجابني ان الرقم لأحد بنات اخته الكبيره / مع اني والله ماأتجرأ ارسلها لأخوي!
طبعاً انا ماقدرت اتحمل الموقف فبدال ماتكون هديتي كذا وكذا...تجيني منه
هالرساله هديه؟؟ وعلى طول كلمت اخوي الصغير / لاني ماحبيت اوصل الموضوع
لاخوي الكبير او ابوي ...وشرحت له المشكله!
وقلت لزوجي قدام اخوي تبيني اصدق كلمها الحين قدامي وعلى الميكرفون
والله اني قلت له وانا ارجف من البكاء / فخذلني ورفض !
قال لو ماأيش مااكلمها قدامك!؟؟؟؟؟؟؟؟
( أميرات / اقسم لك اني بديت اشك ان بينهم شيئ مو طبيعي)
أسألك بالله وش تفسيرك لمثل هالرساله..؟ان كانت من محارمه
ووشلون اوقف مهاتراتهم! وقلة حياهم؟؟
وهو دايم يشكي لي منهم ويقول انهم يرسلون هالرسايل؟؟..........

اشكر كل الاخوات على ما ادلن به ...ولكن يجب ان نعلمن عن الرجال ان الرجال محببات الى قلوب النساء ..فالرجل ..قد تكون زوجته ما فيها عيوب لكنه يرغب بثانيه ...والشرع لم يقيد هذا الامر ..بل جتى اللفظ فى الايه عبر عنه " ما طاب لكم من النساء " وبعدين اختى الدلع شرقاوى قد يكون زوجك يرغب بزوجه ثانيه ..وانا اعرف انه هذا صعب على النساء وعليك ..لكن هذا الدنيا وهذا شرع الله ..اعرف انك امام امرين كلاهما مر ..ولكن لما يتزوج واكون انا على علم به واعرف اين يذهب ..خير لى من اظل فى شكوك وامور هلى عملها ام لا ...واجهيه واطلبى منه المصارحه وقولى له ..لة تريد تتزوج اتزوج بس بلغنى ..واختى الكريمة النساء خلقهن الله للرجال فهن دائما مضحيات ....ولا فان عجلة الحياه لن تسير ...ولذلك الله فضل الرجال على النساء وفضلهم بما انفقو من اموالهم ..والله صدقونا نحن الرجال ..نرغب بالنساء حتى لو عندنا زوجه اولى ..,نرغب الثانيه ..ولكن حسب نفسيات وظروف كل رجل ..فقولكن انه نصف الرجال كذا ..هذه ليست اساءه ولكنها طبيعه فى الرجال وحبهم للنساء ..فالرجل ممكن ان يكون علاقه من كثير من النساء ..فهو ممكن ان يعطى ..فى نفس الوقت عس المرآة لا يمكن ان تقيم علاقة زواج وحمل ووضع الا مع رجل واحد للطبيعة التى خلقها الله عليها ..هذا كل شى ..انا راى واجهيه وقولى له اذا كنت ترغب بحرمه ثانيه تزوج بس خلك ويانا ...وما فى داعى لكى تراوينى الوجه الاخر ليش والله انه الحياه قصيره وباكر بيرحل احدكم ..وكم يسوى يوم بيتذكر الايام الحلوه التى قضيتموها مع ..وسوف يندم حيث لا ينفع الندم...ويتمنى كل واحد كمنك انه لو طال عمر الذى رحل حق يوريه الحسن فى التعامل والمحه والحنان ..والله ان العلاقه الزوجه شى من عجائب وغرائب الخالق ..كيف ياوى الرجل الى المرآة وتاوى هى اليه ..سبحانه الخالق ...وتصورو حياه بدون نساء او حياة من دون رجل ..والله انه شى لن يطاق..

تحياتى لكم واعرف انه رائى قد يكون صعب لكن شى افضل من لا شى ..وعلى فكره نحن فى بلد الاخلاط فى فى كل مجال فكيف سوف يصمد الرجل ..فاالافضل له ان يتزوج زيستر بنت من بنات بلده بعلم زوجته

اختي كان الله في عونك ..

__________________
أستغفر الله الذى لا اله الا هو الحى القيوم وأتوب اليه...
الهم انى أسالك بأسمك الأعظم الذى اذا دعيت به أجبت وأذا سئلت به أعطيت أن تقر عينى وترزقنى الذريه الصالحة وكل اخواتى بالمنتدى وكل من تأخرن فى الانجاب
آمين ..آمين ..آمين ..

( ربي لا تذرني فردا و أنت خير الوارثين )

اللهم اغفر لاخي وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس آمين

اللهم صلى على سيدنا محمد و على آله و صحبه أجمعين[]

جوزي عمري

جزاكِ الله خيراً....،،

ــــــــــــــــــــــــــــــــــــــــ

بنان119

عمر الإنفصال ماكان حل؟؟!

وانا الى الآن ماجربت الحلول الأخرى...!
أدري الموضوع صعب ...بس بحاول لو عشان ماأهدم عائله مالها ذنب!

ـــــــــــــــــ
ranrona

جزاك الله خيراً

ـــــــــــــــــ

كلمة عتاب
جزاكِ الله خيراً...
بالنسبه لأبويه كلاهما متوفين ...الله يرحمهم!
وفعلاً الآن .....باعطيه فرصه أخرى والوقت الكافي لكي يحاسب نفسه

وانا أيضا باعيد حساباتي وبالتفت لنفسي !

مس فرابي

جزاك الله خيراً

ـــــــــــــــــــــــــــــــــــــ

طيبه جدا
جزاكِ الله خيراً
وان شاء الله باكثر من الاستغفار.....والدعاء اللي ذكرتيه!

اختي :

هناك عدة طرق تستطيعين من خلاله ان تقوي علاقة زوجك بربه منها :

سماع بعض الاشرطة للدعاة المؤثرين مثل : عبدالمحسن الاحمد او العريفي

ويكون ذلك وانتم رايحين مشوار بعيد بالسيارة .

سماع كتاب الله من خلال بعض القراء المميزين والذين يحبهم زوجك .

بعض برامج التلفاز في قناة المجد .

وغيرها كثير ولكن ابدئي بالتدرج والله يوفقك .

أنا والله ياخوي أفكر بكذا...وان شاء الله باطبق هالفكره!

ولاأخفيك اني احيانا احاول استفزه بالكلام / وان الناس عورات ومثل ماتخون
بيجي يوم وترد الدين من بيتك فيجن جنونه اذا قلت له كذا !

الشهومي
جزاك الله خيراً...،،
انت تقول الزواج .........وانااقولك والله العظيم لو انه يبي يتزوج ومقتنع في قرارة نفسه
انه يحتاج للزواج كان تزوج من زمان! ياخوي انا ادري انه في سعاده وجنه وماناقصه شيئ !
لكن بعد ادري ان دينه ضعيف وأصدقاؤه أصدقاء سوء!


ولعلمك سبق وان قلت له اذا تبي تتزوج يااخي تزوج والله يوفقك بالحلال!
لكن تلف وتدور صعب! طبعاً هو على حسب كلامه ضد فكرة التعدد والزواج من اخرى !

ـــــــــــــــ
lavie

جزاك الله خيراً

ــــــــــــــــــــــ
horse white
جزاك الله خيراً