الله يسترنا يارب دنيا واخره موضوعك رائع
ويارب تستر بنات المسلمون

__________________
http://www.shbab1.com/2minutes.htm

الله يوفقكم للخير وربي يحفظ بناتنا وبنات المسلمين


والله شي جميل الواحد يسمع كلام بهذا المستوى لأن الي اشوفه في السوق شي يكدر الخاطر والله يكدر الخاطر

الله يزيد من امثالكم ويثبتكم على الحير وحب اهل الخير

انا ما قريت الردود كلها

بس حبيت اشارك

انا ألبس عباية كتف وسيعه كريب و عالاكمام في شوية كرستال

قبل الزواج ما كنت اغطي وجهي بس بعد الزواج تغشيت (غطيت وجهي بغشوه) مع اني مب مقتنعه

لان اللي اعرفه و اللي درسته ان المرأه كلها عوره ما عدا وجهها و كفيها

بس لبست الغشوه عشان العادات و التقاليد عند اهل زوجي (او بالاحرى زوجي)

بصراحه ما اعرف شلون عباية الراس و شلون تنلبس و شلون بأكمام و بدون اكمام و الله ما فهمت شالقصد من كلامكم

احنا في قطر كلنا نلبس عباية كتف الا القليل جدا جدا يلبسون عباية الراس عشان العادات و التقاليد مب لانهم مقتنعين منها ( و صديقتي وحده منهم)

و طبعا الكبار بالسن يلبسونها مثل جدتي حتى امي تلبس عباية كتف

------------------------

بس شكلي كان غريب في السعوديه (الخبر)

كل النسوان يشوفوني من فوق لين تحت و انا اسأل زوجي فيني شي غلط؟ في شي طالع مني و هو يقولي لا يمكن يشوفونج طويله

بس توني فاهمه كانوا كلهم لابسين عباية راس

__________________

انا ساكنه الشرقيه وبالدمام تحديدا ومشاويرنا اغلبها للخبر

بالعكس عبايه الكتف منتشره كثير وياليت عاديه لا ملونه واكمام وسيعه ولافيه غطا

بالعكس عبايه الراس الي صارت قليله

شئ يضيق الصدر

__________________

والله موضوع رائع اختي ام انس
تعرفي بجد انا وامي بس الي بالعيله نلبس عبايه رأس بدون تطريز وواسعه
والحمدلله مرتاحه ولاافكر اغيرها ابدا..
الله يسعدك..

عباية راس من وأنا بزرة ....
يعني من المتوسط وأنا ألبسها وجونتي وشراب ... وهذا الشي نابع من نفسي ولله الحمد وكمان من الرجال الأشاوس اللي حولي

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

والله عندي عباية راس وعباية كتف وماارتاح الا في الكتف احسها سهلة في المشي واذا بحمل حاجة
اما عباية الراس كنت البسها دااااااايما لين جبت ولدي الله يحفظه صارت تتعبني مرة لكن الحمد لله مسترة وواسعة وقماشها عادي مش لماع ولا منقوش

__________________
اللهم لك الحمد حمدا كثيرا

غريبه!!

بالعكس كل اللي شفتهم كانوا لابسين عباية راس ساده

يمكن بس وحده اللي شفتها لابسه مثلي بس الكرستال كان وااايد ( و كانت في في الاحساء) و يمكن تكون قطريه نفسي

__________________

اسعدتنى مداخلاتكم جميعا

الله يستر علينا جميعا يارب

والله العظيم سافرت كثير وشفت كثير

لاكن مثل حجاب اهل الكويت مالقيت

اغلبهم عبايه على الراس وجونتى وشراب واخلاق ماشاء الله وفى المتبرجات الله يهديهم لاكن اغلبيتهم ماشاء الله عليهم

ومااعيب بهذا الكلام على باقى الدول لاوالله

واحمد الله انى فى بلاد الايمان والاسلام

وانتو كمان احمدو ربكم انكم فى بلد عربى يسمح بالحجاب

غيرنا يتقطع ومايقدر يتحجب يخاف الموت والله قهر الله يعز الاسلام والمسلمين فى كل مكان يارب العالمين

وبالنسبه لمحلات العبى موجود عندنا فى المدينه كل شى على الراس وعلى الكتف ساده ومطرز وماخلو شى لاكن المهم انه فيه

لاكن لمن كنت فى الشرقيه والرياض قبل لاالبس العبايه الى على الراس تعبت ادور عبايه على الكتف مافيها نقش ملون مالقيت الا بطلوع الروح لقيته صدفه فى الرياض



نورتو

__________________
قوس قزح

مماينتشرولايصح
(لاتقولو قوس قزح,فإن قزح شيطان,ولاكن قولوا:قوس الله,فهو أمان لأهل الارض من الغرق)
ضعفه السخاوى وقال الألبانى:حديث موضوع[السلسله الضعيفه2/264]
فلايصح المنع من قول قوس قزح

من رسائل الشيخ محمدصالح المنجد من قناه المجد

عبايتي ساده وعلى الراس


وعاديه جدااااا

__________________


اللهم أغفر للمسلمين والمسلمات و المؤمنين والمؤمنات الأحياء منهم والأموات ..
سبحان الله وبحمده .. سبحان الله العظيم ..
لا حول ولا قوة ألا بالله ..

لااله الا انت سبحانك اني كنت من الظالمين

استغر الله الذي لااله الا هو الحي القيوم الذي لايموت واتوب اليه



وارجوا منكم الدعااء لي بتوفيق