أخي في الله


هذا هو الكلام الصح ولو كل الزوجات والأزواج حطوا هذا الشي في بالهم عند كل خلاف كان كا المشاكل أنحلت ويمكن ماكان فيه مشاكل

سبحانه ألي خلق آدم وحواء بالاختلافات الي بينهم ورغم هذا مايقدروا يعيشوا بدون بعض وهذا ماهو ألا دليل على قدرته سبحانه

موضوعك أخ صالح مع انه مشكله بسيطه لكن سبحان الله أخذت اهتمام كبير وخلتنا نكتشف أشياء
الله يهدي كل زوجه لزوجها ويهدي كل زوج لزوجته

__________________
اللهم أحفظ لي زوجي وأولادي من كل شر

الفلوس تروح وتجي


بس الحب والزواج ما يتعوض لا تخرب بيتك عشان فلوس

متاااااااااابعه
الموضوع شيق بمعنى الكلمه اسفه اخ صالح اكيدهو مشكله بالنسبه لك ولكن ردود الاخوان خليت الموضوع نقاش
مفيدجدا

بس ما رديت علينا
اخر المستجدات
موفق

هداك الله ...
طريقتك في الرد علي أثبتت أنك سريع الانفعال ..وما تقدر تنتقي الكلمات الطيبة اللي توصل المعنى بدون ما يكون فيه إيذاء وتهميش لرأي من تكلم ..


حق الزوجة هو النفقه ..والنفقه على الزوجة ليس لها مقدار في الشرع إنما ذلك راجع لعرف مجتمعها ..
وصحيح أنه من المستحب أن تتنازل وتتكاتف مع زوجها ...لكن ليس من حقك أن تمنعها في مالها الخاص ...إن رضت برأيك فجميل ذلك وإن أرادت أن تتصرف وفق رأيها فلا تمنعها ...لأنه فعلا فرق بين خياطة المشغل النسائي والرجالي ..فرق شديد أقولها من تجربة ..خصوصاً الزوجة النفساء لأنها تغيرت بعض المقاسات عندها فتحتاج من يخليه راكز ...بعدين المشغل النسائي تعطيك أفكار واقتراحات للفستان وكذلك تاخذ المرأة راحتها في النقاش معها ..وكذلك المشغل النسائي يسوي بروفة للفستان قبل الخياطة (بالدبابيس ) ولو ضبط تمت الخياطة ...وبعدين المشغل نرجعه لها كم مرررة تعدل فيه وممكن نلبس عندها نوريها المشكلة ...... باختصار زوجتك ترى لها وجهة نظر لما أصرت على المشغل فلا تدقق ..


وأنا ما أعينها على عدم مساندة الزوج لا ...بس وضعها غير ..توها في مرحلة النفاس وتكون الوحدة حساسة مرررة .. وشئ هي طالبته من بداية النفاس يعني ماكان وليد اللحظة ...بعدين المناسبة تستاهل لأن هذا أول طفل .. والفلوس فلوسها ..

والشئ الآخر ا، الفرق 300 ريال فتستاهل من يتغاضى عشانها .. لأني أعرف لوجاك ضيف فجأة رحت تتسلف أكبر منها ..مشكلتنا نجامل الناس ولا نجامل الزوجات ...

الخلاصة :
خل زوجتك تسوي اللي تبي مراعاة ..
لنفسيتها
رغبتها الملحة
المال هدايا لها
أول فرحة لها


اعتبرها طلاعة لها لأن كل الازواج يهدون زوجاتهم بعد الولادة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،

حياك الله اختى

لا والله مو كل الرجال يعطون طلاعه اولهم زوجي وازواج زميلاتي

نسمع بطلاعه بس ماشفناه مو شيء اساسي

__________________
سبحان الله وبحمده

أجمع علماء الإسلام على وجوب نفقات الزوجات على أزواجهن بشرط تمكين المرأة

نفسها لزوجها ، فإن امتنعت منه أو نشزت لم تستحق النفقة .

والحكمة في وجوب النفقة لها : أن المرأة محبوسة على الزوج بمقتضى عقد الزواج ،

ممنوعة من الخروج من بيت الزوجية إلا بإذن منه للاكتساب ، فكان عليه أن ينفق

عليها ، وعليه كفايتها ، وكذا هي مقابل الاستمتاع وتمكين نفسها له .

والمقصود بالنفقة : توفير ما تحتاج إليه الزوجة من طعام ، ومسكن ، فتجب لها هذه

الأشياء وإن كانت غنية ، لقوله تعالى : ( وعلى المولود له رزقهن وكسوتهن

بالمعروف ) البقرة/233 ، وقال عز وجل : ( لينفق ذو سعة من سعته ومن قدر عليه

رزقه فلينفق مما آتاه الله ) الطلاق/7 .

وفي السنة :

قال النبي صلى الله عليه وسلم لهند بنت عتبة - زوج أبي سفيان وقد اشتكت عدم

نفقته عليها - " خذي ما يكفيكِ وولدَكِ بالمعروف " .

عن عائشة قالت : دخلت هند بنت عتبة امرأة أبي سفيان على رسول الله صلى الله

عليه وسلم فقالت : يا رسول الله إن أبا سفيان رجل شحيح لا يعطيني من النفقة ما

يكفيني ويكفي بنيَّ إلا ما أخذت من ماله بغير علمه فهل علي في ذلك من جناح ؟

فقال رسول الله صلى الله عليه وسلم : خذي من ماله بالمعروف ما يكفيك ويكفي

بنيك . رواه البخاري ( 5049 ) ومسلم ( 1714 ) .

وعن جابر : أن رسول الله صلى الله عليه وسلم قال في خطبة حجة الوداع : " فاتقوا

الله في النساء فإنكم أخذتموهن بأمان الله واستحللتم فروجهن بكلمة الله ، ولكم

عليهن ألا يوطئن فرشكم أحدا تكرهونه ، فإن فعلن ذلك فاضربوهن ضربا غير مبرح ،

ولهن عليكم رزقهن وكسوتهن بالمعروف " . رواه مسلم ( 1218 ) .

ج. السكنى : وهو من حقوق الزوجة ، وهو أن يهيىء لها زوجُها مسكناً على قدر

سعته وقدرته ، قال الله تعالى : ( أسكنوهنَّ من حيث سكنتم مِن وُجدكم ) الطلاق/6.

يجب على الزوج كسوة زوجته بعد العقد الصحيح وتوفر شروط وجوب النفقة بتسليم الزوجة نفسها أو استعدادها لذلك.

فإذا أحضر لها ما تحتاج إليه من ثياب حسب حالته المالية والاجتماعية.

وإن امتنع أو قدم لها ما لا يليق بها في الحدود السابقة كان لها أن ترفع الأمر للقاضي وعليه أن يفرض لها مبلغاً من المال كل ستة أشهر أو كل شهر مع ما يفرضه من الطعام، كما يجب عليه أن يعيد التقدير من جديد إذا تبين خطؤه في التقدير الأول متى طلبه من وقع عليه الغبن منهما


منقول

__________________
https://soundcloud.com/abo-faisal-9/...5-wa0024-mp3-1

اخي في الله موضوعك بسيط ولكنها بالفعل مشكله ولها ابعادها

ولكني اود ان ارد على الاخت ريفان لاني لاحظت انها متحامله جدا وارائها قويه

اولا اختي الغاليه راعي بان زوجته نفاس وواغلبنا مرينا بهاالحاله والنفسيه ماشاء الله

تكون سيئه ونكون محتاجين من ازواجنا كل تعامل طيب وراقي وبحنيه

وثانيا كل طبقه او مجتمع له عاداته الي يمشون عليها

وثالثااذا كان زوجك مايعطيك فمو شرط انك تحكمي على الباقين وتكوني سبب انه مايعطي زوجته وخصوصي اذا اقتنع بانها مو لازم

اخي العزيز اسال الله ان يهدي زوجتك ويحنن قلوبكم على بعض

بس ياريت تراعيها بها الفتره والله احنا مجربينها ونحس بشعور غريب جدا وان ازواجنا مايحبونا او انهم بعد مجي الطفل خلاص راح يبعدوا عنا شعور صعب اوصفه ولكن والله متعب

وثانيا زوجتك لاتشيل في قلبك عليها ابدا كل موضوع وضح لها وجه نظرك فيه من البدايه
وكون صارم فيه بس لاتكون لين فتعصر ولاقاسي فتكسر

واذا زوجتك وضعها المادي ميسور خلها تبسط نفسها لانه مالها ومن حقها وموشرط يكون على قوله البعض من الناس ممكن والدها او والدتها اهدتها مبلغ وقدره

انا لو بنفس وضعها راح ارد نفس الردو لا اشتري فستان بس والله بتجلس بخاطري دام عندي فلوس وملكي ليش تحرمني؟؟؟ وما راح انساها مع اني موعنيده لكن مومعقلوه افصل فستان يفشل والبسه واتفشل قدام الناس واطلع ان زوجي بخيل علي بالعكس كل مالبست لبسه حلوه قالوا ماشاء الله مومقصرعليها

طبعا مو مهم نظره المجتمع لي ولكن الاهم انا وش ابغى واذا بمقدوري اشتري ليش لا؟؟

وبعدين وبكل صراحه وبدون زعل وش تودي الفستان عند الخياط

الا اذا كان الخياط مضمون 100%

اغلب الخياطين تعطيهم القماش وبعدها على التبرعات والله ماينلبس يطلع يفشللللللللللل قدام الناس

برائي بعد ماتنتهي فتره النفاس تحاول تجلس وتتحاور معاها بكل جديه
وتفهمها وضعك المادي انه مو مضبوط وانا بنمر هالفتره بمرحله صعبه وابغاك توقفي معاي وقفه ما انساها لك يالغاليه
والله النساء يحبوا الكلام الطيب الحلو بينلها ولاتجلس نتقد
من الخطاء عدم التفاهم وان كل واحد يشيل بقلبه
لاتخربوا حياتكم على مواضيع تافهه حلوها باسلوب جيد وبدون عناد عندكم بيبي جاي لاتخلوا حياتكم تخرب بل خلوها تحلوا يوم عن يوم

وايضا انت هنا طرحت مشكلتك لنبين لك وجهات نظرنا ومن ثم انت من يقررويتخذ الاجراء المناسب لحياته وليس انت تعمل بكل ماقلنا
تخيل زوجتك تعرض مشكله تمر عليها معاك وتجلس تاخذ باراء الناس اللي موجودين بالمنتدى وش بيكون وجه نظرك
افض ما نراه ونحبه في شخصيه الرجل ان يكون هو من يتخذ قراره ويبنيه عن قناعه ورضى ويكون سليم
ولو لاسمح الله كبره المشكله وكلن راح بحاله انت تسخسر بقدر ماهي تخسر

وايضا طفلكم وش ذنبه والله حرام

والى الاخوه والاخوات ساعدوا في حلها ولاتزيدوا الطين بالله

اسال الله لكم التوفيق والسداد يارب العاليمن

__________________

حياك ربي اختى

انا مو متحامله على البنت ولا علي منه الله يسعده ويوفقه

بس اولا انا تقريبا من نفس بيئة زوجته وعرفه تفكير البنات الان

وغير كذا المشكله مو بالفلوس فقط او انه فتره النفاس ياليت ترجعن وتشوفين مشاكله مع زوجته واسلوبه وضروف الزوج الماديه هي تسمح بالمشغل والمظاهر
وجزاك الله خير

__________________
سبحان الله وبحمده

والله يا آخي تابعت موضوعك وكان بدي اقول شي وكتبته مرتين بس خفت ترد على بـطريقتك

بس سؤال


زوجتك ما تستاهل هالفستان ان شاء ب5000$

والله انها بفترة نفاس والزعل مو حلو عشانها

ثاني شي هي هلا حاملة إسمك ما صارت الناس تقول بنت مين

الا بيقولو زوجتة صالح بن صالح



والله سمعت ومني متأكدة انو كمان النفقة على الاهل مع احتساب الاجر من أسباب سعة الرزق

اكيد انت ادرى بمجتمعكم بس الحريم صنف واحد بأي مجتمع يحبون المظاهر

وزوجتك ما طلبت شي كيير ومقدرة مشاعرك وظروفك وبدها تدفع من مالها






نصيحة اخيرة

المرة الجاية وفت زيارة مدامتك




خد إبنك بحضنك و وحط عينك في عيونه

دخيل الي خلقه ما يستاهل تفرح إمه للصبي


خليها تفرح الله يرضى عليك ولا تكسر بخاطرها بأول فرحتها


الله يرزقك من واسع فضله يطعمك الرضا




الله يهدي بعض الاخوات فوق ماهي والعة بدهن يولعوها

قال جبناك يا عبد المعين لتعين


الله المستعان

أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

اذا انتي من نفس بيئتها موشرط تكوني بنفس نيتها وتفكيرها

وفيما ارى ان زوجها كاتب انها تحترمه وتبادله نفس مشاعره

وضروف زوجها هي الوحيد اللي عاشرته وعارفه وش وضعه ومقدره ضروفه في اشياء

احنا لانعلمها وهي ماطلبت تضيق عليه بالعكس قالت هي راح تسويه

وهذا اول مولود ومن حقها تفرح زي ما انتي وانا وغيرنا فرح


وكل وحده وهي حره بطريقه اللي تنبسط فيها احنا نحاول نساعده في كيفيه تجاوزه

للمشكله وحلها ومراعه ضروف زوجته وهي نفاس

اسال الله التوفيق للجميع

اختي الغاليه سابرينا اساالله ان يصلح لنا ولجميع المسلمين ذريتهم ويهديهم يارب ويحفظهم من كل سوء ويرد اولادي لي كما رد موسى عليه السلام لحضن امه انه على كل شي قدبر
والله يجزاك بالف خير على الدعاء الطيب لي والله انك اخت عزيزه وغاليه

__________________