زوجي سكر مع الناس مو معاي .. بسط له بساط الطاعة لكنه ما كان يستاهله وندمت على هذا الأمر .. وزجي ما يوديني على شان يرضي نفسه يبي يرضي الناس فقط ..

__________________
أختكم

أطلال الشعراء

اختي اطلال الشعراء اتني تقولين لي سنه تقريبا وهاذي الفتره مااعتقد انها كافيه علشان تفهمينه ؟؟؟؟؟؟؟؟؟؟؟؟

وانا صدقيني ماودي احرضك بس اذا انتي حاسه مافيه اي تفاهم ولا انتي قادرة تصبرين اكثر من كذا؟؟؟؟؟؟؟؟؟

حياتك ماهي متوقفه على شخص واحد؟؟

لافض فوكي

__________________

تصرفاته معاي خلت كل المشاعر الحلوة إلا في قلبي له تمووووووووت .. والله يختي عفته بسببه أهو ..

__________________
أختكم

أطلال الشعراء

السلام عليكم
لا تتسرعي في التفكير بالطلاق ولكن عليك ان تصلي الي اسباب بعده عنك هل هي اسباب مرضيه تبعده عنك ام اسباب نفسيه ام انها طباع قاسيه فمعظم الرجال طبعهم قاسي
كذلك تستطيعي ان تستعيني باحد الاهل الثقه الذي يقدرهم هو يسمع لهم كي يقرب بينكم ويعرف اسباب الشقاق
والله الموفق
ارجو الدعاء لي بتفريج الكرب

أتخذت قرار الطلاق بعد دراسة مطولة وتعب وشقاء ومحاولات جادة في احتواء الموضوع ويا الله يا كريم ..

بارك الله فيكِ ..

__________________
أختكم

أطلال الشعراء

عليكم السلام ورخنة الله وبركاته
أختى فى الله أطلال الشعراء
احتسبى الاجر عند الله فى اعمالك سواء مع زوجك
او مع المقربين وبخصوص معاملة زوجك اراه طبيعى
عند البعض بل يوجد من هم اكثر تعقيد من زوجك
بالضرب والاهانات فكرى فى حل المشكلة بما يرضى الله
وارى ان مشكلتك لاتوجب الطلاق بل الصبر ولاتتسرعى
فى اتخاذ اى اجراء ولو زوجك ما بيحبك ما تزوجك
وخاصة الرجل لايظهر عواطفه مثل المرأة
وان شاء الله ربى يسعدكم

__________________

والله حبيبتي مع الناس عسل والله عسل مصفى والله لمن يشوف جاهلة صغيرة يبوس فيها كأنه مع زوجته مو مع طفلة .. ولمن يشوف وحدة من قرايبهم أو واحد يسلم عليه بطريقة ما شااااااااااااااااء الله .. بس معاي كل بقساوة واحتقار وين الطبيعية في تصرفاته بالله عليكِ .. ! .. وكل شيء يشوفه فيني غلط ويبي له تغيير .. وهل يوجد أحد كااااامل .. !

والله ما أبي فلم أو مسلسل رمانسي بس أبي حقوق حقوق حقوق فقط .. شنو معناة هذا بيت أهلي أرحم من أجيب معاه أولاد وتتعقد المشكلة ..

__________________
أختكم

أطلال الشعراء

بقولك شي عزيزتي أنتي من النوع الرومانسي العاطفي وزجك عكسك وهذا طبيعة الكثير من الرجال للأسف يحرموننا من المشاعر والعواطف الحلوه ويعتقدون أن هذا يقلل من رجولتهم ويجعل المرأة تشوف نفسها عليهم مع أنه العكس المرأة نبع من الحب والحنان لاينضب بالله يامعشر الرجال إذا لم تعطوا زوجاتكم حب وحنان ومشاعر أين تذهب المرأة لتجد هذه الأشياء والله كم سمعت زوجة تشتكي من هذا الأمر وتقول والله لولا خوف الله لوجدت هذة المشاعر عند غير زوجي صدقيني عزيزتي زوجك عنده تعليمات كما هي عند كثير من الرجال الا من رحم الله لاتعطي زوجتك وجة تتغلى عليك !!أثقل لاتصير خفيف معها !!وهكذا كما هي الحال مع كثير من النصائح اللي هدمت بيوت ولكن عزيزتي دااااامك ماقصرتي معه ولم يتغير أجلسي معه جلست مصارحة قولي له ماتعانينه من أسلوبه وقولي له (إمساك بمعروف أو تسريح بإحسان )إذا أنت يازوجي العزيز فيه شيء مضايقك مني أخبرني يمكن أنا أجهله أماإذا كنت لاترغب فيني وتغصب نفسك على الحياة معي فالحب ليس بالقوة يمكن ماعجبتك فالنفترق قبل ان يكون بيننا أولاد ويكونون هم الضحية ويغني الله كلاً من سعته وعطيه مهله لتفكير مدة شهر مثلا وكوني عند أهلك حتى يتخذ قراره ولكن إياك أن تعذبي نفسك وتضغطين عليها خوفاً من لقب مطلقة...

__________________
[IMG]http://[/IMG] ((كل نفس ذائقة الموت))
ا((للهم أرحم أخي أبو عبد الإله رحمة واسعة اللهم تجاوز عنه )) طلب لمن قرأتوقعي أن يدعوا لأخي بالرحمه

(( الم * أحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * ))اللهم فرج كرب أخوي وفك أسرهم...وثبتهم على الحق الذي يرضيك...

شوفى أنا قرأت مشكلتك بتمعن لأنى عايزة أوصل لحل مش لكى لوحدك لكن لكى ولى ولآلاف مثلنا . أنا متجوزة من عشر سنوات وكان وضعى مثلك تمام والآن اتغير قليل والحمد لله لكن لا زالت هناك مشاكل طبعا كأى بيت. المهم ,عرضت مشكلتى على أهلى وأهله والناس وما حد حللى مشكلتى . لجأت لرب العالمين ودعيت ودعيت ونزلت دموعى تملى بحر وأخيرا أيقنت أنه إبتلاء من ربى . إما أصبر وأؤجر وإما أتطلق وأعيش الحياة التى لا تحبها اى واحده فى الدنيا. انتى اصلك لسه ما جربتيش يعنى ايه طلاق يعنى ايه إنك كمطلقة لما تروحى تزورى بنت خالك ولا بنت عمك ولا صديقتك تبقى بتخبى جوزها منك خايف لتخطفيه منها وأختك تدارى عليكى سعادتها مع جوزها خايفه لتحسديهم ويصير حالها من حالك. وأمك محسورة عليكى بتبكى وتدعى لك طول الوقت وأبوكى شايل همك وخايف ليموت ويسيبك فى الدنيا وحيده وأخواتك عايزين يعيشوا حياتهم ومش فاضيين يشيلوا مسؤوليتك, وانتى يمكن ما تلاقيش عريس يتجوزك تانى وتفضلى تندمى طول عمرك على فرصه كانت عندك وضيعتيها.( كل الحاجات دى دارت فى راسى مليون مره كل يوم تقريبا على مدى عشر سنوات وهى اللى خلتنى أصبر عشر سنوات) ده بقى غير ان جوزك مش هيقعد من غير جواز يعنى بالعربى ما هيصدق يخلص منك ويدور على غيرك ويمكن يحبها ويعاملها كويس ويعيشوا فى هنا ويخلفوا عيال.... وتنظرى حولك تلاقى ان انتى بس اللى خسرتى ... أيه رأيك بعد اللى قلته لكى ده لسه عايزة تتطلقى.
طيب فرضنا انك قلتى لأ مش عايزة أتطلق بس كمان عمرى ما هأقبل بإنى أعيش الحياة القاسية دى ..ده مرار وظلم وقهر و..,و...
طيب يبقى نحلل كلامك كلمة كلمه ونحاول نخرج بحل غير الطلاق . حل مرضى إن شاء الله.
انتى قلتى:
زوجي أفضل ما فيه إنه ما يقصر عليّ في الماديات ..
آدى أول ميزة فيه طيب جميل جدا شوفى بقى حال اللى متجوزة بخيل والبخل صفة لا يمكن تغييرها ابدا فى الانسان والكل ينصح اللى متجوزة بخيل بالطلاق لأن البخل آفة لا تنصلح.

زوجي من أول ما أخذته ما يقرب صوبي أبد إلا إذا بعاشرني كامل وهذا في الشهر مرة أو مرتين وأنا ما آخذ حقي في هذي المعاشرة ..
أعتقد ان دى هى نقطة الخلاف الرئيسية وهى اللى مخلياكى تحسى بكل الحرمان العاطفى اللى انتى فيه. طيب ايه العمل .. والله لو كنتى فعلا وبصدق بينك وبين نفسك جربتى كل الحلول التقليدية من زواق وتجميل وتغيير وما نفعش يبقى ما قدامكيش غير الصبر والتطنيش . هتقولى ما جبتيش جديد هأقولك يمكن لما تطنشيه يتعدل ويمكن يكون هو بيه عله ومش حابب يقولك ويمكن متضايق منك ويمكن وهذا اللى انا حاساه انه هو شايفك مركزه معاه على انك عايزه حب وحنان فبيعند لكن لما يشوفك ولا همك هيفكر هو فى نفسه هيقول هى اتغيرت ليه . ليه ماعادتش زى زمان هى بطلت تحبنى ولا ايه وهيبدأ هو يتعدل صدقينى متجربه وبتنفع فى معظم الأحيان بس انتبهى ما تبقيش خفيفه يعنى ما تعبريهوش يومين وبعد كده تجرى عليه وتقولى خلاص مش قادره لأ خلى ده نمطك فى الحياة ( حبيه شويه شويه) يعنى ما تندلقيش عليه والله انى عشت اول سنه فى زواجى بأجاهد نفسى انى ما اترماش عليه . وكنت ابكى وأقول الناس نفسها زوجاتها تحبها وانا بأجاهد نفسى علشان أقلل من حبى له!! بس بعد كده فهمت انه مش تقليل من حبى له لأ ده تزويد من حبه لى. وفعلا كان فى الآخر بيتعدل.وان كان لفترة وبعدين يرجع تانى . وأنا قرأت مره انه المفروض لما الزوج يقرب منك تقربى ولما تحسى انه بعد عنك ابعدى وبهدوء من غير زعل ده هيخليه دايما مقرب صدقينى.

أنتى قلتى:
ولمن أناقشه في موضوع يعصب ويتهرب حتى لو كان الموضوع تافه أو عن أمور حياتنا الجادة ..

يبقى ما تناقشيهوش ابدا طلباتك قوليها مباشرة أنا عايزه كذا وانتظرى الرد نعم او لأ من دون مناقشات .
وقلتى كمان
ما يحب يقعد ويايي رغم إني البس له ادلع عليه أحاول ابين له حبي وأشتياقي له و اطيعه ..

يبقى ما تبينيش حبك واشتياقك ولا حاجه ولما تكونى عايزه تقعدى وياه ادخلى له اى غرفه هو فيها واقعدى وياه ولو خرج اطلبى منه تخرجى معاه ولو كان رايح مع زمايله مثلا وانتى زهقانه اطلبى منه تروحى لأهلك أو لأهله أو لزميلتك أى مكان يعنى علشان ما تقعديش لوحدك وتفكرى كتير والتفكير بيجنن وبيعمل مشاكل. ولو مارضاش انك تخرجى اتكلمى فى التليفون او اقعدى على النت او قومى اعملى اكله حلوه او اقرأى قرآن او إدعى..... فيه مليون حاجة تعمليها وتتبسطى فيها غيره. بمعنى أوضح خليه ضمن اهتماماتك وليس كل اهتماماتك.
انتى قلتى
وكل يبيني اروح وياه بيت اهله مو بيت والده لكن العائلة الممتدة يقول لي هذا بيت افلانة وهذا بيت افلانة وأنا من طبعي خجولة وما أتكلم مع الناس كثير كلامي قليل وإذا تكلموا معاي اتكلم وهو يبيني اروح اقعد وياه ساعتين ثلاث آنة أحس إنهم بيضايقون لو قعدنا هالمدة كلها .. قلت له بروح وياك وين ما تبي بس إنت اقعد ويايي إنت أبد ما تقعد ويايي ..
لأ عودى نفسك انك تتكلمين مع الناس وتهزرى وتضحكى وتسولفى (بلغتكم) وبالعكس خليه من أحلى الأوقات واستمتعى فيه جدا ولما تروحى ده هيكون محور للحديث بينكم ( شوف فلانه ايش قالت اليوم وعلانه ايش سوت ) وطبعا كلها تكون سوالف خير وزينه يعنى ما تنميش فى حد وما تفتشيش سر حد وما تشتميش فيهم ابدا له لأنهم أهله وبيحبهم وهو لما يلاقيكى اتغيرتى وقربتى منهم هيحبك بزيادة.
قلتى ايضا
وحتى لو بالمدة ما شافني يستقبلني عادي وكأني كنت وياه طول مدة غيابي ..لو فعلا كانت مده مثل ما بتقولى ممكن فى الحاله دى انتى تقربى بس بدلع يعنى ما تبينيش انك مدلوقة عليه لأ أقفى وانظرى فى عينه وقولى له وحشتنى بس وما تنتظريش الرد.
بتقولى:
عمره ما قال لي كلمة حلوة قلت يمكن يخجل لكن حتى تصرفاته تدل على إنه ما يبيني وأنة مضايقة وايد وآنة ماكلة هم هذا الشيء ..
بصى بقى انا بأعتبر ده حساسية زايدة منك . أقولك على حاجة فيه بنات بيحاولوا يجذبوا نظر الراجل اللى بيحبوه لهم وهو ما بيكونش بيحبهم أصلا ولا بيفكر فيهم وبيقدروا وطبعا اعوذ بالله انا ما بأشجعش الكلام ده لكن اقصد انهم بيقدروا يبقى ده جوزك وحلالك حاولى انتى تجذبيه لكى وبطلى بقى كلام هو مش عايزنى هو مش بيحبنى مش مهم هو عايز ايه المهم انتى عايزه ايه خليلك شخصية.

قلتى كمان:

حتى مرة سألته شنو مشاعرك إتجاهي رفض يرد عليّ على هذا السؤال
ما تسأليهوش تانى وكل ما ييجى فى بالك السؤال ده جاوبى على نفسك وقولى بيموت فى مش بيحبنى بس وإلا ما كانش ارتبط فى واختار يكمل مشوار الحياة معايا وان اكون ام عياله انشاء الله . انتى عارفه مره خليت اخوى يقعد مع جوزى ويحاول يعرف منه اذا كان بيحبنى ولا لأ لأنه عمره ما جاوبنى على السؤال ده. قال له انه بيحبنى جدا بس هو ما بيعرفش يقول لى كلام حب لسانه بينحاش وما بيقدرش وده نتيجة تربيته وقال له لما اجيب لها كل اللى تتمناه واصرف عليها وافسحها واوديها لأهلى وادعى لها فى صلاتى يبقى ايه اكيد بحبها لكن انا حبى عملى مش بالكلام . يبقى انتى كمان جوزك حبه عملى يعنى كل اللى بيعملة من أفعال بيدل انه بيحبك بس هو ما بيعرفش يتكلم. انا كنت لما أسأل جوزى انت بتحبنى ولا لأ كان بيقولى مش عارف.!!!!!!!
قلتى:
في مرة قلت بكسر حاجز الخجل إلا بينا قمت وضميته إلى صدري بطريقة عفوية على طول باعدني .. ومرة وهو نايم على الارض يطالع التلفزيون جيت آنة نمت على كتفه قام ورماني على الارض قلت ما بيأس في يوم ثاني قمت ونمت على صدره وقلت له إنت حنون كنت حابة أعرف ردت فعله أبد حتى ما وضع يده عليّ ..
زى ما قلت لك هو عنده مشكلة بالتعبير عن الحب لكن أكيد ان اللى انتى عملتيه أثر فيه جدا ومن جواه كان نفسه يحضنك بس ما قدرش . صدقينى ده نمط تربيه .وشخصية جوزك كده.
قلتى كمان:
دائماً يكلمني بنزارة وقساوة وساعات يحرجني قدام أهله والناس من باب الصراحة إلا يدعيها .. حتى لمن أتصل له على طول أقول له هلا أو هلا وغلا أو هلا والله أهو من يشيل التلفون يقول بصوت قاسي ألوووووووووووووو آنة أقول شنو صاير يسوي نفسه يضحك ..
هو بيكون بيحارب علشان يقولك كلام زى اللى انتى بتقوليه بس ما بيقدرش فبيحول الموضوع لضحك علشان يخفف على نفسه الواضح انه خجول شويه انتى كمان خليكى زى ما انتى وشويه شويه هيتعود وهتلاقيه نطق فى مره.
قلتى:
ولمن يقعد ويايي ظهري يعوري رجلي تعورني راسي يعورني ومتملل ومتنرفز وضايقة خلقه ويطالع التلفزيون وهو ساكت ولمن اتكلم إما يحقرني أو ما يرد عليّ عدل ..
طبعا أكيد انك بتبينى له انك متضايقة من شكوته وليه لما يقعد مع اهله ما يشتكى . أنا لو منك وقال لى كده أقوم من غير كلام اعمله كوب شاى وأجيب له أسبرينه وكوب ماء وأقول له دى هتريحك وأعطيه الدواء وأقول له لو عايز تدخل تنام شويه نام. أو اتربعى وخليه يحط راسه عليكى وينام.والعبى فى شعره ( شويه رومانسيه أهو)
قلتى أيضا:
ولمن ينزل يقعد مع اهله صوته من الضحك والسوالف يوصل لعندي في الطابق الثاني .. أو إنه يطلع يلعب كورة .. ولمن يشوف جاهلة صغيرة يحضنها ويبوس فيها وكأنه زوجته مو جاهلة يعبر لها عن فرح لرؤيتها .. ولمن أطلع معاه وصدفة نلتقي بوحدة من قرايبهم أو يعرفها يسلم عليها ويرحب فيها ويصير هالرجال مثل العسل المصفى ويقول هذي فلانة ووهذي جدي وجدي ..
باين انه بيحب الأطفال . يالله شدى حيلك وهاتيله طفل يملى عليكم حياتكم ووالله انى اكاد أجزم ان كل المشكله دى هتنتهى بمجرد ما تخلفوا انتى هتتلهى فى الطفل ومش هتبقى فاضيه تفكرى فيه وهو هيغير ويقرب منك علشان تهتمى فيه.
قلتى

مرة تضايق وتهاوش معاي لأن نسيبته قالت له إني آنة قلت له ما رحنا بيتهم لأن أهو كل في عمله مشغول وهذا شيء صحيح ىنة ما كذبت عليها وتم يصارخ عليّ وما كلمني أسبوع ..
يبقى هو ما بيحبش انك تطلعيه مقصر فى حق قرايبه ابدا حتى ولو بعذر مقبول . انتى كنتى قولتيلها انشاء الله هنجيلكم فى أقرب فرصة ولا تعطين أعذار . المهم الموقف عدى خلاص بس انتى انتبهى لكل موقف حصل من وراه زعل واتعلمى منه انك ما تكرريش سبب الزعل تانى وخلاص.حتى لو مش مقتنعه انه سبب جامد يمكن هو يكون بالنسبة له سبب يستاهل.
قلتى
ألحين آنة في بيت أهلي أول مرة اشكي لهم عن مصائبي معاه ..

وأفكر في الطلاق .. لأني مو حاسة نفسي عايشة مع إنسان عنده مشاعر أبد ..
صدقينى يا قلبى لا أهلك ولا غيرهم هيقدروا يحلوا المشكله دى . انتى لوحدك اللى هتقدرى تحليها وإسألى مجرب .
همسه منى اليكى أختى فى الله:
قفى وقفة جادة مع نفسك وقولى لن أتطلق ولن أعيش حزينه . لن أكرهه ولن أجعله جل أهتمامى . سوف أحبه لكن هوينا يعنى بالراحة شوى شوى . والجأى لله فهو وحده القادر على ان يغير حاله للأفضل. ويقلب قلبه ليتجه ناحيتك .
هذا كل ما عندى لأقوله لكى ويارب أكون نفعتك . ولا تنسى تطمنينى عنك.