السلام عليكم ورحمة الله وبركاته

هناك دائماً اسئلة تزعجني بحكم اني شايب بعمر 31 سنه يالله حسن الخاتمه وعزوبي مع مرتبة الشرف لن أقول الأولى لانه فيه غيري كثير الله يسهل امر جميع العزابيه والعزابيات ويتزوجوا عن قريب العاجل يا رب يا كريم

اخواني واخواتي طرقت ابواب عديدة وتقدمت لخطبة كذا بنت وباء بالفشل قبل ما نقول يالله بسم الله وتوكلنا على الله
المصيبه
مع اول
يأتيني اتصال بعد ثلاث ايام بالرفض
يالله خيره وزوجتي لسى ما وصلت لمنزلها
ما علينا مو هذا موضوعي لان هذه قسمه ونصيب
ولكن موضوعي لبعض الملاقيف اسمحولي ان اقول عنهم ملاقيف لأنهم بالفعل ملاقيف
اخواني كل ما حاولت انسى طاري الزواج اشوي يأتيني واحد يذكرني بالزواج بسؤال وهو ليش ما تزوجت ياااااااااااااااااالهوتي اقوله لسى ما جاء النصيب وانا ما زلت ابحث >
وانا صادق ما زلت ابحث ولي الان ثلاث سنوات ابحث يالله الله يصبرني
المهم عندي مديري في العمل ابلشني ازعجني جنني يا ناس وش اسوي معه يستهبل ذا ولا وش حكايته
اقسم بالله العظيم اقسم بالله العظيم انه ما يمر شهر الا ويسئلني مرتين ها يا فلان لقيت عروس اعرست ولا لسى اقوله لا لسى فيرد علي ليش لسى يووووووووه وش الي ليش
ارد عليه اقول لسى النصيب ما جاء
يا اخواني فيه كثير من نوعية مديري بالرغم انهم اخف من مديري والله العظيم
يا اخوان اشلون اسكت هل مدير ابي اسكته تسكيته اخليه يعرف ان الله حق يا اخوان واخوات ابلشني والله العظيم ابلشني اخاف انفجر بوجه واقوله يا اخي وش يهمك فيه وش عليك اتزوج ولا لا
يا عرب الحقوني من جد عطوني راي صائب ابي ارتاح منه
لا حول ولا قوة الا بالله اللهم اجرني في مصيبتي واخلفني خيراً منها
والسلام ختام
رفعت الجلسة


الاشراف : تم تعديل العنوان , بالتوفيق