16-10-2008, 01:15 AM
16-10-2008, 07:49 PM
|
المشاركة الأصلية كتبت بواسطة seham1405
لا مافيني صيحة بس عندنا بالجامعه اول ثلاث ايام من بدأ الدوام محد يطالع بوجهي  وتكون لخبطه بالجداول وحفل معايده وووووو....الخ واللي كان ناقصنا انهم الفتره الاخيره غيروا الخطط الدراسيه مرتين هالسنه المره الثانيه وبكذا تكون فيه لخبطه وحوسه ومايروح فيها الا حنا الطلبات وهذا سبب ثاني يخليني مااروح الا يوم الاربعاء علشان يكونوا مستعدين الى اي سؤال مني المعذره لتعليقي مره ثانيه بس ضحكتني (فيكي صيحة ) |
|
المشاركة الأصلية كتبت بواسطة seham1405
المعذره منك اخي عزوبي بس رجل بس عندي تعليق لاختي الحبيبة كيوت بيبي ليه ياقلبي ماتحبي الدوام؟ هل المشكله في الاستيقاظ من النوم ؟او انك كذا من ربي ماتحبي المدرسه ؟؟ بالعكس ياقلبي حاولي تستمتعي بكل لحظه فيها لانها ماراح تتعوض وصدقيني لو تصحين كل يوم وتبدأي بأذكار الصباح وتقولي سبع مرات( حسبي الله لا إله الا هو عليه توكلت وهو رب العرش العظيم) وتقولي كمان (لا إله الا الله وحده لاشريك له له الملك وله الحمد يحيي ويميت بيده الخير وهو على كل شيء قدير) عشر مرات راح تحبي قومت الصباح الله يعينك ويوفقك يالغاليه واتمنى لك عام دراسي حافل وممتع ان شاء الله.... اقول لاتكوني معي بالجامعه وانا مدري؟؟؟ |
16-10-2008, 08:28 PM
|
المشاركة الأصلية كتبت بواسطة maynoona
بعد اذن اخوي عزوبي والله بنتج اتذكرني فى نفسي جدي دائما يقول يا فلانه تذكرين الصبح اسلام عليج او اكلمج اتصحين  و كنت اشرد منهم مره نطيت من دريشة الباص ابوي دووم يعايرني فى الصف كنت مجرمه اللى يكلمني راحت عليه  مره ضربت راس المعلمه مع الكتاب  (كنت صغيره )الحين جدي فخور فيني و يضررب الامثال اذا اقول له عن نتيجتي فى الجامعه يمدحني جدام زوجي و الكل اطير من الفرح بس لين يقول عن مغامرتي و انا نونو اصييير اخوي عزوبي ربي يرزقك ببنت الحلال اللى تفرح قلبك و تجيب لك الولد و تكتب لنا كل سنه ابني و اول يوم دراسي  و احنا نعطيك من خبرتنا بارك الله فيك |
17-10-2008, 02:51 AM
17-10-2008, 08:23 PM
|
المشاركة الأصلية كتبت بواسطة منادي 28
بارك الله فيك أخي الكريم على طرح هذا الموضوع
أنا ماعندي أطفال الآن. لكن أرى حال الأطفال في المدرسة عندنا من يوم أمس السبت طبعاً أول يوم الاطفال طبيعيين لابكاء ولاشئ عادي جداً وكذالك اليوم لماذا ؟ لأن أبوه معاه وأكيد بيصير مبسوط وفرحان وكذالك خلال هذا الأسبوع إلىيوم الأربعاء لكن بالعادة من يوم السبت الثاني من الدراسة (يعني السبت القادم) يظهر الإختلاف ويظهر التوتر والخوف من الطفل (الطالب المستجد) لأن أبوه سوف يتركه في المدرسة وهذا هو الذي يضايقه فيظهر على بعض التلاميذ الخوف والتوتر فإذا بداء الدوام في الصباح الباكر أي قبل الطابور الصباحي ترى بعض التلاميذ يبكي ويصيح ويقول : (ابغى أروح البيت ، ابغى أبوي ) وترى يبكي ويرفع صوته بالبكاء وبعضهم يظهر ذكائه ويأتي إلى الوكيل ويقول بطني يؤلمني (يعورني) ابغى أروح البيت هذه نوعيات التلاميذ وحالاتهم في بداية دراستهم الأبتدائية اليوم كنت عند خالتي ، ولدها الثاني كان معنا وهو أول سنة له في المدرسة، طبعاً كان أول اسبوع له ممتاز ومتحمس ومبسوط، لكن اليوم كأنه صار يقول افصلوني من المدرسة .... لكن فيه ملاحظة : يجب على الأب أو الأم أو الأخ أن لا يلتفتوا إلى كلام إبنهم وبكائه وخوفه هذا الخوف والبكاء في البداية طبيعي ويزول بعد إسبوعيين من بداية الدراسة تقريباً أما إذا زاد عن ذلك فيبحث في الأمر ممكن التلميذ متضايق من شئ حقيقي هذه النقطة مهمة جداً ، لأن التأثر يكون من قبل الأمهات ... ، ويظهر القلق و الخوف ..وهي مرحلة تغيير يواجهها الطفل ، ويمكن تعتبر أول اختبار حقيقي في حياته ،،، لكن عموماً الخوف والبكاء هذا طبيعي ويزول أشكرك أخي عزوبي بس رجل على طرح هذا الموضوع جزاك الله خير |
17-10-2008, 08:31 PM
|
المشاركة الأصلية كتبت بواسطة ام السوسه
الله يسعدكم يارب
وربي ضحكتوني انتي وفيافي نجد وذكرتوني باختي الي جننتني اول مادخلت المدرسه وانا بسادس فرحانه من قدي اكبر بنات في المدرسه خربت علي فرحتي كنت ابكي معاها من كثر ماكانت تبكي وتجنني كانت كل شوي تهرب من الفصل وتجي عندي وتتخبي اول مايجون المدرسات ويدورون عليهاتدخل تحت الطاوله وتبكي اغلب الحصص حضرتها معاي واكثر من مره واحنا جالسن فجاءه دخلت الفصل تبكي عندي بدون حتى استأذان بعض الاحيان بس اشوي كانت اخت صديقتي نفس الشي اس اهون من اختي لدرجه قلت لامي والله ماعاد اروح المدرسه لين تجين وتشوفين لها صرفه جننتني ولافاتك بعد ماتعودت في الفسحه ماتطاع فيه يعني مو مهمته ولاخايفه وفي الصبح ماسكه فيني وربي عانيت معاناه معاهابس هالحين ماخذينها تعليق عليها اسفه للمداخله مره اخرى |
>>>>> قرون مضت أختي ام السوسه...
17-10-2008, 08:34 PM
|
المشاركة الأصلية كتبت بواسطة cute_baby
جزااااكِ الله خير الجزاء اختي الغالية سهام لا والله ... كرهي بسبب ارتباطي بــــــــــ روتين واحد لمدة طويلة .. نوم دراسة اختبارات بحوث و و و لا استبعد أن نكون في كلية واحدة .. مو سنة الميلاد وحدة ,,  قد نكون جزاكِ الله خير الجزاء لنصيحتك القيمة .. سأضعها نصب عيني .. بارك الله فيكِ اختي الغالية .. وعذراً منكَ اخي عزوبي بس رجل , |
17-10-2008, 08:38 PM
|
المشاركة الأصلية كتبت بواسطة *الماسة*
بعد اذنك اخوي عزوبي (الله يزوجك قريب يارب)
أم بدر الله يخلي لك غادة واخوانها ويصلحهم وتفرحي فيهم وتقر عينك بيهم عجبتني بنتك ماشاء الله تبارك الرحمن شكلها فرفوشة وتحب تعيش لحظات حياتها ببراءة والله ضحكت من قلبي على حكاية حالة الإستنفار الل يسعد قلبك يارب ويحفظهم لك تحيــــــــــــــــــــــاتي |
17-10-2008, 08:44 PM
|
المشاركة الأصلية كتبت بواسطة *الماسة*
كمان اعذرني اخوي الكريم
بس لفت انتباهي رد مشرفتنا كيوت بيبي اسمعيني حبيبتي انا كنت مثلك ليلة الدوام احس بنكد وهم وطفش وأول يوم ماأروح للكلية أبدا ماأدري ليه يصير لي حالة اكتئاب رغم اني الحمد لله ممتازة في دراستي لكن اكره وقت المحاضرات واحسها طويلة جدا بس بعد ماتخرجت قبل سنة اتشوقت ارجع للدراسة مرة ثانية والله نفسي نفسي نفسي ارجع لها حياتي صارت روتين زوجي يروح الدوام ويرجع وأنا كما أنا حاولت اكمل ماجيستير بس ابو العيال رافض يقول خلاص من يوم تزوجنا واني تدرسين عيشي لحظات الدراسة والدوام والصحبات لأن بيجي يوم وتشتاقي لها ...........صدقيني عقبال ماتبشرينا بتخرجك وبزواجك ياقمر تحيـــــــــــــــــــــاتي |
18-10-2008, 11:12 PM
|
المشاركة الأصلية كتبت بواسطة ندى_1406
صراحه الموضوع جدا جدا حلو وشيييييق وتفاعل الأعضاء قمة في الروعه
أنا لما أقول لأختي الكبيرة متى بنتي تكبر وتدخل المدرسة ؟تقولي لاحقه على الهم ههههه مع أن بنتها من يوم هي بأول أبتداءي الى يومنا هذا (هي بصف سادس):14: ماشاء الله عليها كل يوم تروح المدرسة وهي كلها نشاط وحماس عمرها ماتوترت أو خافت الأ أذا قامت من النوم متأخره ولا بعد أحيانا تصيح بس أختي من صغرها تكره قومت الصبح |
| مواقع النشر |
| الكلمات الدليلية |
| أول, حال, دراسي, يوم |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
