أخوي

اللي عايشة مع أب شخصيته ضعيفة ، و هي الكل في الكل في البيت و الكل يسمع كلامها

تبغى زوجها يكون نفس الشئ ، و إنت يوم سألتها عن الرسالة اللي في الجوال ، قامت تبغى تنتحر و حركات مالها داعي

علشان مرة تانية تتعلم إنك ما تتدخل في خصوصياتها ، يعني تصير إنت كمان خاتم من الخواتم اللي تمشيهم على كيفها

و هي في البداية كانت تمام معاك ، لإنه هناك ناس تتمسك لحد ما تتمكن ،،

و يوم تمكنت من ( حبك و قلبك ) .. قالت : خلاص ( يعني حست بشعور انتصار بداخلها ، و خلاص ما تبيك )

أهم شئ إنها جابتك .. هذا تحليلي و الله أعلم .. لإنه هناك بنات كذا تفكيرهم ( تفكير مراهق )

و الأخت أميرات كلامها عين العقل

ربي يسعدكم اخواني وأخواتي انا صاحب موضوع (خطيبتي طلبت الطلاق فجأه ) قبل أمس رجعت خطيبتي من المدينه ومكه يعني تعمرت وزارت الرسول ..قلت يمكن الله يهديها لكن مدري للاسف شسوي وياها رحت لبيتهم اليوم رغم كل اللي عملته معاي شهر ونصف وانا احاول الغي فكرة الطلاق عنها لكن للاسف الشيطان موسوس لها اليوم يوم رحت سلمت على امها اقول لامها وين زوجتي ابغي اسلم عليها تصدقون تقول امها بس سمعت انك جيت راحت قفلت على نفسها الغرفه ..انا بجد انقهرت يعني هم جاي اسلم عليها ماتقابلني ..انا قلت لامها خلاص عند بنتك يومين
يعني ترد علي يوم الجمعه اذا تبيني زوج ولا براحتها ترى زودتها اتحدى انسان يحب بنت زي كذا عطيتها روحي وقلبي وكل رومانسيتي ومو قصر عنها لا بدلال ولا بدلع ولا بشي ..قالت امها عداك العيب يا ولدي بس بنتي عنيده واحترت وياها ليش انقلبت عليك بعد ماكانت تحبك كثيير ..قلت لها بكيفها بعد يومين
ابغي رد نهائي وكفايه اني شهر ونصف وانا صابر على معاملتها لي بالصد والزعل بدون سبب
ارجوكم اخواني من لديه رأي او تجربه من قبل لايبخل علي والله يا اخواني انو هالبنت احبها بجنووون
وماني داري شنو قلبها 180 درجه ..انا ادري انها عنيده قبل لا اخطبها بس ماكنت متوقع بنت تحب تشيل لقب مطلقه بس عشان عناده وفرض راي وبس ..وربي يسعدكم ولايحرمكم من الصحه والسعاده ..

طلبته فجأه ومن دون سابق إنذار .....؟

هناك عدة إحتمالات ..

الأول .. أتوقع فيه سبب ..

لأنه حتى لو كانت عنادية .. مآ ظنيت يتعدى الأمر للطلاق من دون سبب قوي ..

الثاني .. لاحظت حبك لها .. و تبي تشوف مدى تعلقك بها وعدم استغناءك عنها ..

::

من وجهة نظري ..

يومين جداً قليلة ..

كان قلت لهم اسبوعين أو شهر ..

وبهالفترة تتركها .. ولاتحاول تتصل بها ..

عشان تفتقدك .. وتحس بالنعمه اللي هي فيها ..

وانت كمان تلزم الإستغفار ..

قال تعالى ( وما كان الله معذبهم وهم يستغفرون )

وقال عليه الصلاة والسلام ( من لزم الإستغفار جعل الله له من كل هم فرجا

ومن كل ضيق مخرجا , ورزقه من حيث لا يحتسب )

وارجع استخييييير .. عشان لو كتب طلاق ( الله لايقدر ويسخر قلبها لك )

ما تندم .. لأنه مآ خاب من استخار ولا ندم من استشار ..

انت بطل لأنك استشرت وباقي عليك تستخير ..

بعد هالمده ارجع لهم وأسألهم عن ردهم ..؟

و صدقني ربي بييسر لك الخير ..

::

الإستغفار ألف مره في اليوم ..

بعد كل صلاه مئتين مره ..

ولا تستصعبه يآ اخوي ..

ما ياخذ أكثر من خمس دقايق ..

..

الله يوفقك وييسر أمورك ..

ويسخر لك قلوب اهل الأرض والسماء ..

__________________
[IMG][/IMG]

اخوي انت سويت اللي عليك وسويت اللي يرضيه ربك ثم يرضي ضميرك
وبعدين هي اللي خسرانه
وصدقني بتندم وبتقول ياليت وليت ومفروض ارسلت لها مسج وقلت لها
لك وبين انك خلاص وصدقني بتشوف ردها لك بالمسج كيف اذا قالت بهالسهولة تتخلى عني
اعرف انه تبيك وتتغلى
اخاف انها تبي شي وانت مالبيته له حاول تفكرزين شنو اللي صار لان جد اللي بينكم مره غريب
قرت هي ع نفسها ولاكيف
الله يكتب لك اللي فيه الخير يارب

مآقصرتي يآمجنونة > الله لآيعوق بشر

تم دمج الموضوعين.. الإشراف.

__________________

والله يا أختي المسأله صار لها شهر ونصف وهي مقاطعتني

وانا صابر عليها لاني بجد احبها بجنووون حتى يوم سافرت المدينه استكثرت علي تقول مع السلامه

ورسلت لي ماسج تقول ترى بروح المدينه طبعا من جوال اختها جوالها كاسرته اهي من قبل

انا بكل طيبه وحب رحت بسلم عليها يوم رجعت من السفر يوم رحت مااستقبلتني ..!!

انا بجد انقهرت يعني مهما يكون اهي خطيبتي وزوجتي اروح اسلم عليها ماتقابلني ..

انا وربي ماقصرت معها بشي بالعكس يعني معطيها كل شعوري وحبي وهدايا وطلعات حلوه

بس صار بينا سوء تفاهم خفيف قلبت الدنيا فوق تحت وطلبت الطلاق وانا كل يوم اقول

ان شاء الله انو ربي يهديها خصوصا انها الحين تو جايه من مكه والمدينه يعني تعمرت وزارت

الرسول وهدأت ان شاء الله نفسها ..بس مدري شقول ..تصدقين حتى امها تبكي

وتقول اقولها هالايام حظ البنت الي يجيها نصيب وانتي جاكي واحد يحبك

وحبيتيه وكنتي طايره فيه ليش قلبتي عليه فجاه ..مدري شقول بس

انا عطيتها يومين بس راح اصبر اسبوعين احسن واشوف اخرتها وربي اني احبهاااااااااااااا

لاتقولون انت تهين نفسك ومدري شنو وربي اني احبها من كل قلبي بس

الشيطان تغلب عليها بسالفة طلب الطلاق ..الله يسامحها والله حتى نوم مانام وزني نقص كثير

يعني الواحد اذا حب من قلب يجازى هكذا ..!! غريب هذي الدنيا ..

مشكوره خيتو مجنونه على تفاعلك واهتمامك

والله يا أختي ماعمرها طلتب مني طلب ومالبيته لا معنويا ولا ماديا يعني سواء من حب وشوق

ورومانسيه وماديا مومقصر كل اسبوع هديه حلوه غير الطلعات والنزهات ...

بعدين اهي كانت طايره فيني وتقول انت امي وابوي واخوي وزوجي وكل شئ ..

يعني مع اول سوء تفاهم تنسى هالحب الكبير بينا ..في بنات كذا اختي ...

خلاص ياخوي اللي عليك سويته ..

جزاك الله خير وما قصرت ..

اللي من بدايته كذا ينعاف تاليه ..

الله يوفقك ببنت ناس تنسيك عمرك مو بس خطيبتك ..

وفقت

__________________




ربِ هب لي من لدنك ذرية طيبة أنك سميع الدعاء

أخي صار الموضوع واصل للحد .. يعني انت اعطيتها أكثر من فرصة ولكن هي لم تقدرها ولم تقدر حبك وتمسكك بها..
وفي المستقبل لن تقدر معنى الحياة الزوجية ..
غريب أمرها فعلا.. لكن أكيد في سبب قلبها معقولة مجرد انك سألتها عن رسالة جوال تنتجر وتطلب الطلاق؟!!

أخي الكريم مثل ما لبيت لها كل رغباتها من قبل.. لبي لها اخر رغبة وطلقها وان شاء الله ربي يعوضك أفضل منها ألف مرة وتكون مقدرة لحبك واخلاصك..

الله يوفقك ..

__________________