زوجها رقم 1 ،، و أهلها رقم 2 .. ما قلنا لأ ..
بس مو معناها تروح تشتغل و تتعب و تصرف عليه ،،
إيش فايدة الرجل هنا ؟ للفراش فقط ؟؟؟؟؟


و ما أظن 300 ريال أو نقول 100 ريال راح تأثر على ميزانيته ..
ما قالت أعطيني 3000 ريال ..؟؟؟؟

هي واضح جدا مقصدها ..
إنه لا يتعود على راتبها + إنه يشعر بالمسؤولية تجاهها ..


و هي مو غبية علشان ما تفهم إنه زوجها تزوجها عشان راتبها و وظيفتها ..
ما صارت دكتورة أسنان ، إلا و هي تفهمها و هي طايرة ..

لو يحبها ، خلاص يثبت لها إنه يبغاها علشان ذاتها ، مو علشان راتبها ..
و اللي تساعد زوجها ، بتساعده عن طيب خاطر لإنها شافت الحب و الإحترام معه ..
و شافت تضحياته من أجلها ..

أخي الكريم
انا رأيي من رأي الأخ سعدون الوافي

لاكن ترى زوجتك عليها حقوق بعد
فهمها انك متغاضي عن اشياء من حقك.
لاكن انا اتوقع ان الموضوع والله اعلم فيه جزء لم تذكرة والله أعلم.


الله يوفقكم

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

والله ياخي في الله اني لم أزيد ولم أنقص أنني طرحت الموضوع كاملاً بتفاصيله

أشكر كل من رد على موضوعي وشاركني في رأيه

الله يوفقكم جميعا

اخواني وأخواتي في الله

حصل بيني وبينها نقاش في صباح هذا اليوم

وقلت بما أن الأجار بينتهي في 1/3/1431هـ وأنه ليس عندي استطاعه ادفعه سوف أنقل للخرج واستأجر شقه على

قدنا قالت لا أنا ما أروح بالخرج عشان دوامي قلت لها يابنت الحلال تأخذين نقل زيك زي الناس قالت لا انا ماني معلمه

عشان احصل نقل أنا طبيبه ودوامي من 8 الى 4 يلزمني سواق قلت طيب جيبي سواق خاص بزوجته رفضت وقالت

مستحيل انا بسكن عند اهلي وانت ليا بغيتي تجي ونأخذ شقه مفروشه حتى يتم نقلي للخرج وانت خلك عند اهلك

وتجيني خميس وجمعه ناخذ فيها شقه مفروشه -- قلت مستحيل ازين كذا ابد. قالت خلاص ننفصل وانت دور رزقك وانا

أدور رزقي قلت روحي للمحكمة اطلبي خلع.

(( مع العلم ان أهلي بالخرج-- وعندهم غرفتين ودورة مياه مالهم فيها حاجه مسكرينها --- ويقولون اسكن فيها

وهي رافضه هذا المبدا))

والله لو اخذت منها ريال واحد و زعلت منك لتقلب على ريالها الدنيا وتسمعك كلام انت بغنى عنه

يخليك تكره اليوم

اللي تزوجتها فيه ,

يا اخي بما انك اخذتها بنية انها تساعدك تراها ماهي ملزومه منك , انت اللملزوم منها انت اللي تصرف

وانت اللي تدفع وانت اللي عليك كل شي ,

خيرها بين وظيفتها وبين بيتها وشوف وش تختار

ان اختارت بيتها , خير وبركه

ان اختارت وظيفتها

مع احترامي لك هذي وجودها زي عدمها

روح شوف وحده فاضيه ومتفرغه لزوجها وبيتها مو للطب ومادري ايش

انت تزوجت عشان تستقر مو عشان تزيد همك هم

ومابني على باطل فهو باطل

انا بقولك قصه حصلت عندنا بالعائله

عندي وحده من قريباتي موظفه وراتها ماهو ذاك الراتب جداً قليل بس اسمها تشغل نفسها

وزوجها راضي انها تشتغل يوم جاء وقالها الراتب اللي تاخذينه انتي اصرفي منه على البيت ومادري ايش

وسيارتي مادري اشفيها , قالت انا اشتغل عشان خاطر ماطلب منك قال هذي مشكلتك

تركت الشغل وجلست في البيت عشان خاطر بس تبين له انك انت اللملزوم فيني مو انا الملزومه فيك ,

وإن شاء الله وصلت لك المعلومه

الله يفرج همك ويهديك ويهدي زوجتك

__________________

نصيحه لك لا تأخذ منها ريال واحد

ولا تجيب طاري الفلوس وإن عطتك برضاها ارفض

حاول تضيق على نفسك شوي وتوفر الضروريات والاساسيات حتى تخلص التزاماتك

لاسمح الله عند حدوث أي مشكله راح تمن عليك وتحسسك إنها ردت عليك الروح

فالباب اللي يجيك منه ريح سده واستريح

__________________
إن بعض القول فن ، فاجعل الاصغاء فناً ..
>> المعرف لرجل <<

كلامك سليم لكن الجزء الأخير فيه نظر وبعيدا عن الجدال الفقهي في المسألة فالغالب الأعم أن الزوجة هي التي

تقوم بأعباء المنزل خاصة أصحاب الدخل المحدود ولا كان ما إتزوج من الأساس إذا كانت بتضيف عليه أعباء ماليه جديدة

نحن معه في أمرين الأول أنه ماهو مجبور يتحمل تبعات عملها فالسماح لها بالعمل لا يعني التقصير في حقه

ثانيا أن الزوج يعاني من ضيق ذات اليد ولم تساعده لأنها ليست مجبره على ذلك

ولكن أن تضيف عليه أعباء ماليه ليس ملزم بها كمصروف اليد بينما هي لم تلتزم بواجباتها المنزليه ؟؟

طبعا نحن مع أن الزوج يزهد في مال الزوجه مادامت لا تعطيه عن طيب خاطر لكن لسنا مع الزوجه في إثقال كاهل الزوج

موفقة

__________________

[استغفرالله وأتوب اليه.]

هل مصروفها الشخصي الي يعتبر جزء من النفقة
صار عبء ؟؟ حبيبتي هذا واجب شرعي عليه ..
والواجبات المنزلية ماهي واجب شرعي عليها

صدقيني والله ماقول هالحكي لاني ماحب اقوم بشغل
البيت ولقيت دليل فقهي يايدني وصار موقفي اقوى !

لكن والله حركات بعض الرجال واستغلالهم وحبهم لمصلحتهم
بالدرجة الاولى يخليك تسوين نفس الشي .. تتعاملين
على اساس الواجب والاساسي فقط .. دام الدعوى
فيها منة ولف ودوران ..

شوفي انا شخصيا (انا روعة ) ما ادقق بهالامور كثير
وانا موظفة وزوجي موظف ولا اخذ منه مصروف
ولا افكر اخذ منه
الا في حالة وحدة اذا جلست بالبيت .. لسبب
ما معي فلوس مو بس لانه واجب عليه

لكن ان طلبت هالدكتورة منه .. فحقها ولاباس
لو 200 ريال مو مخربة الميزانية ..

اشوف بعض الاخوان يشجعونه ينتقم منها
بس لانها طلبت حقها الشرعي .. يقولون اسكن
بمحلق ولا يقولون خلها تترك عملها وتطبخ لك
مع انه بالاصل اخذها وهي موظفة .. وراضي

يا ترى لو تركت وظيفتها بيعيشها بالمستوى الي هي
تحبه ؟؟ لا لان ظروفه على قده وبتراعيه
طيب هل لو راعته .. وفتح ربي عليه بعد فترة
هل بيقدر وقفتها معها ويعوضها عن سنين الحرمان؟
الله يعلم .. ما تدرين .. والاسوا ممكن يتزوج عليها

فبالله عليك .. بعذر بنات هالايام لا صارو يخافون ويامنون
مو مستقبلهم والله معذورات .. طالما في رجال ما تهمهم
في الحياة الا مصلحتهم

__________________
شتان .. بين من تسيره مبادئه ، ومن تسيره مصالحه

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين