شكرا كتير يا نورة
انا شلتلو البامبرز مبارح و لليوم صار عامل وي وي على حالو 5 مرات
كنت بس صرخ شوي عليه
بس اليوم شديتلو أدنه و رجع عمل مرة تانية و شديت ادنو (بعد نصيحتك و نصيحة أمي أنه يشوف عقوبة )
الله يهونها بس نفسي يفهم شو السيرة و ما يعود يكررها .. !


ما زبط معي ولا منبه عندي 3 ولا واحد فيهم برن كل ساعة لازم كل ساعة انا ارجع عيره بإيدي
بتهون ان شاء الله شكرا لدعمك و نصائحك

__________________
.
.

استودعتك أهلي في سوريا يا من لا تضيع ودائعه

السلام عليكم
اليوم مر 24 ساعة و ما لاحظت انه ابني مستوعب المشكلة تماماً
لاحظت انه ما بحبس يعني عم بعمل الوي وي أول بأول
و المشكلة انه مو كل ساعتين و لا كل ساعة
عمبعمل الوي وي كل خمس دقائق أو ربع ساعة و بالكتير نصف ساعة ..
صار عملها عالأرض أكتر من عشرين مرة
مرتين جبرته يجلس على البوتي (القعادة) و كافأته
و مرة عالتواليت عملها و كافأته
و كلما عمل شي ببكي لأنه بلل نفسه .. بزعلني انه مو عارف ليش هيك عم بصير معه بس بحاول انهره و مرات عم بشد ادنه مشان يعرف انه غلط
و أحيانا هو بصرخ و بعمل حركات كأنه هو لازمه حمام و لما باخده للتواليت ما بعمل شي بطلع من الحمام بعد دقيقتين بعملها عالأرض
باقي شوي وبطقلي شي عرق
عادي هالوضع ؟

__________________
.
.

استودعتك أهلي في سوريا يا من لا تضيع ودائعه

ماريا حبيبتي


اللي وصلتي له الى الان ممتاااااااز


عملها مرة في الحمام


وانتي في ثالث يوم


هذا بحد ذاته انجاااز ..


انا ولدي اول مرة عملها في الحمام بعد سته ايام ..


لما ولدك يبدأ يعملها في الحمام اكثر من مرة



ابدئي معاه اسلوب الحرمان


يعني خذي لعبة هو يحبها


وحطيها في الحمام وفهميه انه اذا سواها في الحمام راح ترجعيها له


..


وفعلا اول ما يعملها اعطيه اياها ..


هذا الاسلوب له مفعول اكبر بكثير من الضرب وقرص الاذن ..



بالتوفيق حبيبتي .

__________________

برافو ماريا هذا شي كتير حلو

بس نصيحة لو عاقبتيه بشد الاذن او الصراخ هو ما بيعرف ليش عم ينضرب وراح يربط الصراخ والعصبية منك بالحمام وممكن يتعقد ويضيع تعبك

فنصيحة سايسيه بهداوة يعني 3 سنين وهو بعمل بالحفاظ وبدك يتعلم بيومين

شوي شوي ومثل ما قالت شعاع عاقبيه بدون ضرب او صراخ ابداً ابداً وابنك ماشاء الله بستجيب بسرعة مقارنة بباقي الاطفال اللي بياخدوا اسبوعين وفي شهر

اسلوب الحرمان


تتخذيه اذا عملها على نفسه ..


فيكون عقابه اللي ذكرت سابقا ..


حبيت اوضح اكثر ..



الله يعينك .

__________________

يوووووووووووووه من جد الله يعينك ويساعدك

والله ماعرفلها غيري مريحة راسي من هالحكاية

بس طولي بالك انتي قلتي بحاول اسبوع او عشر ايام

__________________
ربنا هب لنا من أزواجنا وذرياتنا قرة أعين واجعلنا للمتقين إماما

عن جد ؟
شكرا كتير شعاع من نور - شكرا كتير سعاد ، و الله فرحتوني
مشان موضوع العقوبةانا بقيت 3 ايام ما عم بعاقبه بعدين حسيت انه هو مو فهمان انه هالشي غلط
و أمي و noora قالولي انه بعد الضرب عطى نتيجة أكتر فقلت لحالي لازم عقوبة ..
قبل ما شد ادنه قلت لزوجي صرخ على ابنك مشان يفهم... زوجي صار يعاتبه عتب كأنه شغلة بسيطة فكان لازم شد ادنه و انهره


بياعة الورد
أملي بأنه اخلص من تغيير البامبرز أكتر شي بصبرني
اتعذب هالعذاب كم يوم و لا اني غير بامبرز 10 مرات (اقل شي) كل يوم

__________________
.
.

استودعتك أهلي في سوريا يا من لا تضيع ودائعه

لا تعاقبيييييييييييييييييييييييه ابدا ابدا

العقاب و الحرمان ييجي بعد ما يفهم الموضوع كله و تطلعي فيه من غير حفاضة و يعملها على حاله .. هون بس العقاب

لكن الان حراااااااااااااام .. اكيد بينسى انه الحفاضة مو موجودة .

شي متعود عليه 3 سنين ممكن يتعود بدونه بيوم و ليلة يعني ؟؟؟ مستحيل

لالطفال بينسوا كتييييير لازم تنتبهي لهالشي بعدين انا طلعت معي نتيجة بعد 10 ايام

و ليه شلحتيه الحفاضة ؟؟؟؟؟

شوفي حبيبتي عادي يعملها كل 5 دقايق انا ابني كان هيك يعني لما ادخله كل ساعة تكون الحفاضة فيها دليل انه عاملها بالساعة كذا مرة ...

لا تشلحيه الحفاضة الا لما تحسي انها جافة او على الاقل مش مليانة كتير بين الساعة و التانية


لكن تشحليه الحفاضة من االن و هو مش عارف شو القصة ؟؟ صعبة عليه و ما رح يفهم و رح يتلخبط و بعقاب كماااان ؟؟ كتير هيك عليه


هاي نصيحتي و تجربتي

خبرينا شو بصير مستجدات

__________________
باحثة عن الحق

هلأ مشان العقاب اقتنعت اني ما عاقبه "بشدة"
بس مشان البامبرز أكيد اذا حطيتا ما رح استفيد شي لأني رح يكون كونفيوزد (مو عرفان راسه من رجليه)
هو لازم يعرف انه اذا عملها رح تنزل على رجليه و انه مو أمان يعملها إلا بالتواليت هدا الهدف يا باحثة عن الحق

انتي قصدك تعليم عالمدى البعيد ... بس انا بدي عمله بكم يوم و اخلص

__________________
.
.

استودعتك أهلي في سوريا يا من لا تضيع ودائعه

الله يعينك حبيبتي..


طيب استخدمي السراويل اللي قلت لك عنها ..


انا القاها هنا في امريكا في قسم تجهيز المواليد ..


سراويل بلاستك من الخارج مبطنة بقماش ..


تمسك سبعين بالميه..


وفي نفس الوقت تتبلل ملابسه ..




حاسه فيكي ومتابعه

و معك قلبا وقالبا ..


بالتوفيق .

__________________