يابنت الحلال اصبري ،، اصبري

مستعجلة على ايه ،، يابنتي اتمتعي بشبابك وعمرك في بيت ابوكي

احترمي رغبته وكبريه

وسايسيه

انا يابنتي عارفة شخصيتك كويس مش بتحبي تكوني تحت ضرس حد

قوية ذات رأي وإراده وشخص عنيد جدا جدا

بس تيجي عند امك وابوكي وتخفضي لهم جناحك وافهميهم

اعترضي واضربي عن الجواز اساسا ،، ماحدش هيجبرك على شئ

العمر قدامك طويل

انما ابدا ابدا ماترميش نفسك في حُضن راجل غريب وتقولي اتجوزه

ماحدش هينصرك وهتشوفي قمة الذل ،، خصوصا من اهله ومن المحيطين

البنت ياحبيبتي في مجتمعنا لازم يكون لها قيمه معينه قدام الكل

لما بتنزل عنها بتفضل مهانه طول عمرها

حبيبتي انتي كائن عاطفي لسة

ومشاعرك لسة مش موجهة بشكل كبير

يعني انتي عاوزة تهربي من مادية ابوكي لإيه بالظبط؟؟

انتي كنتي بتحبي زوجك واطلقتي وفجأه حبيتي العريس اللي بعده بتاع المانيا بسهوله وسرعة جدا جدا

وده دليل على ان مشاعرك لسة مش ثابته

اصبري اصبري على نفسك

الجواز مش كل شئ ومش جنه الله على الارض

ولو انتي فاكرة انك هتروحي تتجوزي وهيبقى لك بيت ويومك كله عسل وجنس وملكة مطاعة في بيتك وبس تبقي واهمة

انتي بتتجوزي وتعيشي في مجتمع ومنظومة كاملة واهلك واهله

وكذلك اولادك بإذن الله

والحياة مثقلة بالمسؤوليات

ماتضيفيش عليها شئ يمس سمعتك وشرفك الله يخليكي

وفكري تاني

__________________

بابا بيحبني بشكل صعب بيخاف ان زوجي يزعلني ولا يرفضلي طلب فعايزني اجوز بشرط اعيش بنفس العماره وكان بيشرط علي اي خاطب لكن مرتين وافق اعيش برا لانهم عرسان كويسه لكن لما بتخطب بيتعب ويحلم احلام سيءه وبيفركش الجوازه قبل الزفاف في المرتين قرر نفس الخطأ ويدور علي اي سبب تافه يقولوا أخر مره أيام أحمد كك الناس كانت تقوله حرام عليك وهو مصمم للعلم حبي لأحمد اقل بمراحل لحبي لأبويا لكن لازم يعرف طعم الظلم لما اجوز واسافر

__________________

اخص عليكي يامصرية والله اخص بجد عيوني دمعت وافتكرت ابويا الله يرحمه

اوعي تعملي كدا في ابوكي

والله لو يرجع واشيله ولو كوم عظم على رقبتي كل يوم ،، بس يرجع

لو تعرفي قد ايه ده سندك وقيمتك في الدنيا ماتقوليش كدا

طيب انتي مش خايفة عليه؟؟

ولا خايفة يموت من القهر على بنته؟؟

مش خايفة يموت غضبان عليكي ؟؟

مش عارفة عمالة ابكي ،، حسيت ابوكي شخص بيحبك بجد مانتي حته منه

وبيحلم احلام سيئة عشان انتي جزء من تفكيره وحياته ،، وجزء من احساسه في الدنيا

والراجل خايف عليكي ،، وبيحبك ،، وعاوزك جمبه ،، خصوصا الاب بيبقى صعب عليه بشده انه حد ياخد وردته ،، بتبقى علاقة من نوع خاص جدا ماحدش يقدر يتخيلها

مزيج بين انه حافظ عليكي وجوهرته طول عمره ،، وغريزة غيره كدا رجوليه

ودايما يحس العريس ده غريم ليه ،، ومنافس ،، والمفروض تساعديه ويكون في شوية تطمين من ناحيتك

والعريس نفسه يعمل كدا مع ابوكي ويطمنه وياخده على قد عقله ،، ويثبت انه قد المهمة

انتي عارفة ان العلاقة دي نفسها مع الام وابنها الذكر ،، وبتبقى دايما مرات الابن غريمتها ،، لحد ماتثبت الدخيلة دي انها مش غريمة ولا حاجة وتسيب الساحة بذكاء للأم في كام ناحية

عادة يا مصرية العريس اللي بيتحمل واحد زي والدك

بيقى احسن شخص ممكن ياخدك وبجداره صدقيني ،، وتجارب ناس كتير تثبت

ولما بيجي نصيبك والدك شخصيا هتلاقيه اتنازل عن حاجات كتيرة من اللي كان متشبث بيها

يعني رغم اللي بيعمله ابوكي صدقيني اللي بيثبت قدام تصرفاته بيبقى نجح في الامتحان

وبكره هتشوفي بس اصبري ،، وتراجعي ياحبيبتي والله انا بنصحك من قلبي لا اعرفك ولا اعرف ابوكي

ومحدش من الناس ليه الحق يغلطه ،، وانتي لسة صغيرة والعمر قدامك طويـــل ،، وهتلاقي نفسك بتتجوزي في السن المناسب اللي ربنا رايده

والمكتوب ليكي هتشوفيه ،، لما ييجي نصيبك ماحدش هيقدر يمنعه ،،

انتي عارفة يا مصرية ان في بنات كتير اوي بيرفضوا الزواج عشان يمرضوا ابوهم وهو كبير في العُمر

وتلاقيها كبرت في السن وبعد ما ابوها يموت تبتدي تفكر ،،

آه هي رغبه منهم وارادة حرة اولا وأخيرا ،، بس هل ابوكي يقل عنهم في شئ،،

مايستحقش على الاقل تصبري عليه ،، مايستحقش تقدير لغيرته عليكي ،،

ساعديه يعدي بالمشاعر دي بسلام ويتقبلها،،

وصدقيني في الوقت المناسب ،، هتتجوزي وهتطلعي من بيت ابوكي ،، وابوكي يسلمك ليه بإيده وانتي راسك مرفوع

ابوكي معملش حسنة فيكي تخليكي تتحملي شوية؟؟!!

مانزلش بيكي واقضيتي مضجعه وطيرتي النوم من عينيه خوفا عليكي وجري بيكي وانتي سخنه مولعه في نص الليل للدكتور ؟؟!!

طيب ماشتغلش بقوته وعرقه عشان يوفرلك لقمه وانتي نبته صغيرة لاتعي شئ ووفر لكي الحماية ؟؟

الواحد يعدد ايه ولا ايه

يعني معقول تعملي فيه كدا

مش معقول يامصرية هي دي شخصيتك ورد المعروف والجميل ؟؟

ولا ايه

__________________

حبيبتي فكرتي يامك وابوكي وقت يوقع عليهم خبر هروبك وسفرك مع زوجك


يمكن تصيبهم نوبة سكر او قلب ويدخلو المشفى او يمكن جلطه على الدماغ او يموتو

او يغضبو عليكي


رضاهم والجنه يا بنتي احسن طول عمرك رح تندمي


انتي الآن زعلانه منهم وحب احمد مأثر عليكي وزعلانه على زعلو وعلى نفسك

ولكن كل هذا لن يوازي شعره من شعر ابوكي اذا سقطت حزنا عليكي


انتي قويه واوراقك جاهزه انا معك وتقددري الآن تسافري ولكن والديكي


ثم صدقيني اسألي جميع المغتربات ومنهم انا اللي مالها ظهر تنسدن عليه تنزل


حبيبتي الآن احمد يغدق عليكي الكلام المعسول والحب والغرام وانا لا اشكك بعواطفه نحوك لا بالعكس انتي تستاهلي كل حب


ولكن عند اول اختلاف بوجهات النظر رح يقول لك انك عاصيه لوالديكي ولا يوجد لك ظهر تنسدني عليه وستعيشي اسيرة كلامو


وتعيش ندم وخسره لفراق امك وابوكي



صحيح ان حب ابوكي لك زياده عن كل الناس ولكن من خوفه عليكي

احلامه بمحلها يريد ان يطمئن على ابنته وهذا حقه مع انو زودها شويه وكتيرررر


ولكن خذي رضاهم صدقيني ما رح تندمي
يلعن ابو الزواج اللي يخليني اخرج عن طوع والدي ووالدتي


انتي تقولي انو من حقك انو توقفي بوجو بالمحكمه وتزوجي نفسك
انا معك في هذا ولكن هذا ليس جار اقف امامه في محكمه

انه ابي


لن تعلمي معنى الامومه والابوه الا وقت تنجبي اول طفل وقتها تشعري بالالم والخوف على المولود

ووقتها رح تخافي عليه من نسمة الهوا الطاير

استهدي بالله

احمد يوجد مليون احمد ولكن اب وام واحد ما في غيرهم


حب طالما القلب ينبض سيحب وسيحب وسيحب مليون والف احمد ولاظفر من والدي او امي ولا حتى دمعه

وفي الاخير عقلك براسك تعرفي خلاصك

اللهم اني بلغت اللهم فاشهد

اللي اعرفو انك آخر العنقود

وتقريبا كل اخوتك متزوجين

وانتي آخر العنقود ومن حقهم يخافو عليكي

بنتهم المدلله ارحمي امك وابوكي بكبرهم

__________________
http://live.gph.gov.sa/
اللهم اني استودعك اولادي

اختي مصريه
استهدي بالله واهدي شويه وفكري بالراحه
ابوكي وامك هما الي باقينلك وهما سندك وضهرك في الدنيا دي
والله من كلامك ابوكي بيحبك جدا لدرجه انه مش عايزك تفارقيه
ياريت ابويا كان عايش وانا ابوس ايده ورجله كل يوم
اختي انتي لسه صغيره 20 سنه مخطيش اي تجارب بتتكلمي بعاطفه الحب الي بعد شويه هتخف
ايه ضمنك انك بعد ما تتجوزي وتسافري جوزك بيزلكيش علشان انتي هربتي معاه من غير مشوره اهلك
والله لو هو بيحبك عمره مهيقلك اعملي كدا لانه هيخاف عليكي وعلي اهلك من الفضيحه
وانتي عارفه انه في بلدنا مصر البنت لما تهرب وتسيب بيت اهلها دي فضيحه ومصيبه للاهل حتي لو هربت علشان تتجوز
اختي ارحمي والديكي من الي هيحصلهم لو قدر الله عملتي كده
وانا زيك من مصر وعارفه الناس هتعمل معاهم ايه وهتقلهم ايه
وايه مصير اخواتك من بعد ما تعملي كده مفيش حد هيتقدملهم علشان الي عملتيه
حرام عليكي اهلك دول هماسندك
هما ابوكي وامك
اعقلي اختي واصبري وان شاء الله ربنا يعوضك بالاحسن منه والي يرضي ابوكي واهلك
ربنا ينورلك طريقك ويهديكي
وسامحيني ان كنت تقلت في الكلام بس والله من خوفي عليكي وعلي والديكي

والله انا مش قادره اطلع من موضوعك من كتر ما انا حزينه علي والديكي
فوقي فوقي فوقي يا مصريه ومتعمليش كده
اوعي تبهدلي ابوكي وامك بعد ماربوكي وعملولك كل الي انتي عيزاه
ارحميهم من الي هيحصلهم ومن كلام الناس ارحميهم
الزوج يجي ويروح لاكن الام والاب دول مفيش غيرهم
متخليهمش يغضبوا عليك وغضب الوالدين كبير كبير وعواقبه وخيمه
والله انا بانصحك زي اختي الصغيره ربنا يهديكي

__________________
لكى يا مصر السلامة....... وسلاما يا بلادى
إن رمى الدهر سهاما...... أتقيها بفؤادى
...واسلمى في كل حين

مصرية باختصار


تفتكري لو عملتي كدا بابوك

ربي بيوفقك في حياتك ؟؟؟؟؟؟

تفتكري بتعيشي سعيدة مع اي زوج ؟؟؟ ربي بيطرح البركة في زوجك و اطفالك ؟؟؟؟

فوقي من كلام الحب و الاوهام

الزوج مكانه زوج
لكن ابوك و امك لو قهرتي قلوبهم والله لاتبكي دم بعد ما يموتوا و تفتقديهم
ربي يطول بعمرهم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يخلي ابوكي وامك لك

ترى والله لازوج ولاغيره يغنيك عنهم

دحينا انتي بنشوة الحب والشباب تقولي تبغي تروحي وتجي وتحبي لكن احمدي ربك ابوكي يبغالك الاحسن وزي ماقولتي وافق على عريسين برى العماره لانهم كويسين

احمدي ربك في اباء مايزوجوا بناتهم عشان رواتبهم وعشان وعشان

انتي عشان يبغالك الانسب

تصدقي انا لما يجي احد يتقدم مستحيل اقول كلمه او حتى افكر او اي شي الا لما اعرف انو بابا موافق من كل الجوانب

بعدها ابدا انا بالتفكير


واصبري وربي بيعوضك خير

حمدالله على سلامتك يا مصرية وحشتينى اوي بجد
قدر الله وما شاء الله فعل
هقولك كلمة واحدة بس اوعى تعصى امك وابوكى او تتجوزي غصب عنهم
حبيبتى انا اتجوزت غصب عنهم ومكانوش موافقين زعلت بكيت ضغطت عليهم بكل الطرق عملت المستحيل وكنت زيك كده و اكتر والحب كان عامينى
اهلى زي اهلك بيخافو عليا جدا بس عملت اللى فى دماغى واتجوزت بعد ما حاربت الدنيا كلها وفى الاخر بعد 3 او 4 شهور لقيت حد تانى مش نفس الشخص اللى اتجوزته وحببيته وزعلت اهلى علشانه
وفى الاخر اتطلقت ورجعت لأهلى بعد ما اتبهدلت وشهر بيا هو واهله وسرقوا عفشى واتكلموا فى عرضى وسمعتى
متتخيليش عملت ايه مع اهلى بوست رجلهم واترجيتهم علشان يسامحونى والحمدلله بحمد الله ان هما دول اهلى وانهم بيحبونى اوي كده وشايفين مصلحتى اكتر من اي حد تانى

خلى بالك استعيذي بالله من الشيطان
اتوضى وصلي ركعتين ربنا يفرج عنك يا حبيبتى طمنينا عليكى

__________________

يا مقلب القلوب ثبت قلبى على دينك

حبيبتي والله انت كأنك بتحكي عن تفاصيل حياتي..

كثييييييييييييييييير تشابه بين مشكلتي ومشكلتك..
لكن حبيبتي يمكن حالك أفضل مني لأني أكبر منك بكثير.. انت ما زلت صغيرة..

على أي حال الله يفرج همي وهمك وهم كل مهموم..
لكن إياك تفكري تتزوجي من غير أهلك.. أكيد انت بتقولي الكلام ده من باب الضيق والزعل لكنك
مستحيل تعملي كده ،، صح؟؟
على أي حال حاولي تقنعيهم بالعقل.. والله يهدي الجميع.

__________________

اختى ارجوا الا تأخذك احزاك لنسيان ما فعله
والدك من آجلك طوال عمر

تذكرى ايام مرضك وكيف كان يهتم بك

تذكرى عند تخرجك وحفلة التخرج التى اقامها لك

تذكرى عندما ذهب الى عمره واحضر لك
كل ما تحبى

اختى والدك ما شاء الله اب مثالى ولكن هذا
خوف طبيعى من اب لاصغر بناته

والتى يخاف ان يتركها وهى مازلت لم
تعتمد على نفسها فتشقى فى الحياه

يا اختى تذكرى اذا فعلت ما تنوى ماذا
سيحدث له وماذا سيصيبه

اترضى له ان تكونى سبب موته لا قدر الله

ولا تنسى امك اغلى شىء فى حياتك
ماذا سيحدث لها اذا فعلت ما تنوى

وانت تعلمى ما بها من امراض ومدى
تأثير المشاكل على حالتها الصحية

اسأل الله ان يهدى قلبك ويقدر لك الخير

__________________