هلا اختي زهرة نجد

والله انتي اكثر وحدة حاسة فيني فعلا

الله يعينك على طليقك

بس اقولك ولدي كان فيه زكام وفي دواء يشربه لمدة اسبوع

في الويك اند تصوري من دون اي انذار الساعة ثلاث تصوري ثلاث الظهر بعث رسالة على الموبايل يلا يلا جهزي الولد انا بشيله يبات معي وتعمدت ما ارد عليه

والله هو وين وانا وين ولدك مريض وانت ما همك غير تبيت ولدك معك عشان على قولتك تربيه تربية رجال
بعدين طلبت من امي تكلمه تقوله الولد مريض ومايقدر يبات شيله لين المسا ورجعه
الله العالم وش قال
لكن ابني لما سمع انه ابوه جاينه جن جنونه وقعد يصيح ويصيح وانا الطف الجو واقوله حبيتي بتروح معاه المزرعة وبتشوف كذا وكذا وبتشوف عمك الى اسمه زي اسم صديقك في الروضة وبتشوف عمك الثاني الى اسمه زي اسم ولد خالتك وكذا لين جاته السكينه الحمدلله

الحين لما يطلب مرة ثانية يبات معه وش الي يصبرني

والله الولد في هذي السن ياخذ من المحيط الى حوالينه

__________________
الله ينصرني على من ظلمني

في شي محيرني وش اللي حادكم اذا القاضي اللي ماحكم بالزياره لطفل اقل من سبع ليه تعقدون عيالكم بالله احد يجاوبني اذا عيالكم مابعد اعتمدو على انفسهم -

حتى الزياره لها اوقات معينه ايش يرجعهم اخر الليل وش هالضعف والخوف الزايد اللي انتم فيه ترى الدعوه فيها قانون

صحيح الدعوة فيها قانون وحدد موعد للزياره بالساعه لكن من يطبقه
كلمت مره الشرطه وقلت لهم عشان ارفع فيه بلاغ انه مانفذ الحكم كما هو
دوخوني كل واحد يحولني على جهه وبعدين في النهايه بلغوني اذا تبينه ينضبط صحيح فلازم تودين اطفالك للشرطه قسم الشؤون العائليه يستلمهم ابوهم هناك واذا انتهت الزياره يرجعهم بنفس الطريقه
بالله هذ طريقه؟ معقوله ارضاها على اطفالي اعاملهم على انه عهده لازم اثبات استلام وتسليم
قالي المحامي على طريقه ثانيه وهي اني امنعه من اخذ اطفاله لحد ما يروح ويشتكيني في الشرطه اني مانفذت حكم الزياره
عشان ارد واقول مو صحيح انا ما منعته ولا ابي امنعه لكن هو اللي مانفذه مضبوط ولا عندي اي مانع اكتب تعهد بتنفيذ الحكم بشرط هو ايضا يكتب تعهد بالالتزام بالمواعيد المحدده في الحكم
لكن اذا سويت كذا معنا اننا جالسين نعاند بعضنا بعض والضحيه هم اطفالنا

مطلقة صغيرة خلي القانون على صوب
الحين الطفل ما يبغا يشوف ابوه؟ والله ولدي لو انه يصيح لما يروح عند ابوه لكن لما يشوف اصدقاءه عندهم اب يغار

ويمكن الاب لما يشوف ابنه في سن صغيره يحن عليه ويرحمه

انا ضد انه الاب مايشوف ابوه

انا انحرمت من ابوي وانا صغيره

وما اريد ابني ينحرم من ابوه

__________________
الله ينصرني على من ظلمني