السلام عليكم
انا سبق وطرحت قضيتي انو خطيبي بشك والحمدلله انحل الموضوع وابدا هاد الموضوع ما بنطرح لا من بعيد ولا القريب والسبب وبصراحة تدخل الاهل وعرف خطيبي انا مين وكيف اخلاقي
لكن مشكلتي الجديدة اصعب جدا والله اني عارفة و اعمل
خطيبي بحبني كتير وانا عادي وكلشي بده ابادله اياه وانا مو حاسة كتير متله بده يكون معي بكل ثانية من حياتي ولما فهمته انو هاد الاشي صعب جدا بدي احكي مع اهلي شوي بدي احكي مع صاحباتي بس شوي قلي لا تخسريني وفعلا بدأ يخفف تعاملة جدا معي
ومحتاااااااره شو اعمل؟

حبيبتي الموضوع مش انو شايفين انو مافي امل..

الموضوع انو ازا كان هيك وانتو لسه عالبر، كيف بعد الزواج؟؟؟

الموضوع انو هالكلام الحلو يلي مصبرك هلا، 90% مارح تسمعي منه ولا كلمة بعد الزواج..

بالعاده الخاطب يظهر اجمل وجه عنده اثناء الخطبة! (هاد يعني يمكن يكون احسن شي عنده!!!!)

ولا يغرك الوعد يلي قطعه قدام اهلك واهله وووو، بكرة رح تكوني انت واياه لحالك، مافي حد معك..

الشك مرض، ويلي مجرب كتير وشايف من هالدنيا كتير خاصة من بنات هالايام مستحيل يعطي ثقته لبنت..

هلا انت قلت انه من اسبوعين صار منيح والتزم معك بالاحترام، صح؟؟

انا عندي اقتراح لتشوفي هل فعلا هو تغير والا بس ظاهريا هيك..

شو رأيك تشغلي موبايلك بوقت عارفة انه رح يحكي معك فيه (يعني حركة استفزازية) وطولي بالمكالمة

متلا احكي مع اختك او صديقتك او اي حد من قريباتك ، المهم انك تاخدي وقتك بالحكي..

القصد انو يتصل ويلاقي الخط مشغول فترة، وشوفي بعدين كيف رح تكون رده فعله..

مو شرط هاي الحركة، ممكن تعملي اي شي عارفة انه بيستفزه وبيعصب منه، وشوفي رده فعله كيف..

وان شاء الله يكون توقعك انت صحيح ويكون بالفعل تغير وكسر قاعده (الطبع غلب التطبع!!)..

هاد مو حب ..


هاد حب تملك ..

انك انت ملكه وممنوع تعرفي اي حدا تاني (حتى اهلك!!!)

شكرا الك عالمساعدة وانا رح اعمل قصة التليفون وفعلا خطيبي بحب يتملكني جدا وما اشوف غيره بس للصدق هاي الفترة انا اعطيته الاهتمام الكامل الي كان يتمناه وحسته تغير صار يقولي بوصل عند صاحبتك بنزلك عالسوق قبل كانت كلمة لا اول اشي وفعلا وصلني انا استغربت كيف الرجال جواهم طفولة حلوة
وعنجد رح اعمل قصة التليفون ان شاءالله وبنشوف وبخبرك وان شاءالله خير

لأ لأ لأ
لاتكملي حياتك معاه حرام يروح عمرك مع هالاشكال

بعد الزواج والله راح يضربك ويبهدلك صدقيني وأسألي أي مستشار/ه في الحياة الزوجيه عن صفات زوجك

الحين يتمسكن لحد ما يتم الزواج ويتمكن

راح يحرمك حتى شوفة اهلك وصاحباتك ويعزلك عن العالم الخارجي ويدقق بكل تصرفاتك ويشكك بنواياك حتى

__________________
سبحان الله وبحمده..سبحان الله العظيم..

الشكر للجميع
ممكن احكيلكم شغله صارت معي
تصدقو انو انا الي صرت اشك فيه وصرت اذا رنيت ولقيته مشغول انجن واسأله عن كل اشي حتى امنعه يطلع عند صحابه
الظاهر اني حبيته بجد لدرجة اني بدي اشوفة كل ثانية هاد حب والا تملك والله ما بعرف
الله يبعتلي خير هاد الزواج ويكفيني شره