11-02-2011, 04:47 PM
11-02-2011, 05:05 PM
|
المشاركة الأصلية كتبت بواسطة شيخة البنـــات
؟؟؟؟؟؟؟؟؟؟؟؟؟؟؟؟؟ أول مرة أشوفج جذي وأشوف كلامج غير ؟؟؟!! بصراحة مادري شقولج وشكتب لج أحس إن يبي لي 100 صفحة أكتب لج فيها حجي وأحس إن ودي أشووفج ألحين وأقعد معاج وأظل أتحجى وياج لين الصبح وأحس إنج بجد تعباااااااااااااانة نفسيـــــا والهم ماكلج أكال وذابحج وأحس إنج قاعدة تاكلين ف نفسج شوي شووي وبعدين ؟؟؟ والحل ؟؟؟؟ صبووورة الله سبحانه وتعالى عطانا عقل نفكر فيه , وخلانا نميز كل شي نسوويه فحياتنا , وف نفس الوقت عطى كل منا نصيب في هالحياة , ناس من تعيش لما تموت تظل تدور عن الحب وماتلاقيه , و ناس من تعيش إلى ما تموت وهي المرض ماكل فيهم أكال , وناس تعيش فلوس وقصور لكنها فتعاسة شديدة , وناس تعيش بفقر وديون لكنها مرتاحة وضميرها مستريح , وناس تحب وتعشق لكن الله ما يريد إلى هالقصة تكتمل , فتتهي وكل من يروح لحاله ويعيش مجروح , لكن بسألج يعيش مجروح على ماضي القصة الأليمة جم ؟ سنة ؟ سنتين ؟ 10 ؟ 20 ؟ مرده ف الأخير يكون له ولنفسه طريج يديد وحياة يديدة لو كان هو نفسه يبي يغير ! وناس ياصبوورة مثل حالج وأردى تعيش تعشق وتعشق وتعشق , تتملك وتحس إن هالعشيق بدوونه تمووت والحياة ما تنعاش , هذي بالضبط انتي وتفكيرج . انتي مخليته هو محووووور حياتج مخليته هو أساس حياتج , مخليته كل شي , هاملة ورافضة التفكير بأي شي ثاني غيره , كل همج هو , ومو أي شي ثاني , غير هذا تتحسسين لأقل شي عنه , ويخصه , وأي كلام يجيج من صوبه أو من حد من أهله خلاص بالنسبة لج شي مؤكد وشي مصيري ! كل هذا هو اللي فيج واللي تمرين فيه ماقاعدة تحسين إن الهم يكبر بقلبج ؟ وإن الحياة صايرة بعيونج ضيقة وماتوسع لشي أبد ؟ وإنج ودج تنتقلين لعالم ثاني مافي ولا أحد غير زوجج وبس ؟ وإنج تتمنين المووت ( اسم الله عليج ) بأي طريقة ؟ إذا كلامي غلط وتحليلي غلط فآنا آسفة و سامحيني , أما إذا تحليلي صح فما تشوفين إنج قاعدة تسوين ف روحج عذاب وانتحار ؟؟؟؟ وهذا الشي غلط غلط غلط وأكبر غلط , تعذبين نفسج وروحج ليش ؟ تدخلين كل شي ف نفس الموضوع , كلام أخته , زوجته الأولى , البنت اللي خطبها على قوله وبعدين طلع متزوجها , كلامه الطويل ف التلفون , إحساسج إنه يبيج تسافرين !! كل هذا مخليته يدوور ف مخج ويطغى على تفكيرج ! ياعمري الأمور أبد ما تنوخذ بهالمأخذ والمنحى ولو كل وحدة فالعالم حبت زوجها وعشقته وفكرت بنفس ماانتي تفكرين جان شفتي الحياة ملخبطة والناس ما بتقدر تعيش صح ؟ حطي في بالج شي مهم , الماضــي ماااااااااااااااضي وراااااااااااااح من اسمه ماضي يعني شي صار وانتهى وعدى , انتي ما تدرين أسبابه شنو ومبرراته شنو , وبعدين انتي تعرفين نفسج وزوجج يدري عنج إنسانة غيووورة موووت , تبينه يقول لج كل شي ببساطة ؟ عشان حزتها تقلبين الدنيا فوق راسه وتزيدين فوق همج هم ؟؟؟ جدتي الله يحفظها دوم تقول : اللي فات ماااااااااات ,, وعفا الله عما سلف , انتي مالك الأحقية تحاسبينه على شي سواه وانتهى , انتي ما تدرين بالضبط , انتي الحين تدرين شقاعدة تسوين ؟ قاعدة تنبشين فالماضي وتجمعينه مع الحاضر كل هذا ليش ؟ قولي لي فايدة وحدة من هذا كله ؟ ولا شي غير الهم والنكد والتعب والألم والصياح وعوار القلب ! فرضا إنه طلع متزوجها وداخل عليها , طيب وبعدين , هل بتقدرين تمحين هالشي ؟ لا تقولين ليش ما قال لي جان ما تزوجته من أساس هذا غلط , هو نصيبج وربج كاتب تاخذينه , حتى لو كان قالج وخبرج هذا النصيب الواحد ما يقدر يهرب منه انتي تقنعين رووحج بهالحجي وهو غلط ! ثم انتي وش عليج من كلام اخته ولا كلام زوجته الأولى , خلهم يقولون اللي بقولونه لا تسمعين من الآخرين أي شي ولا يخر مخج أي حجي يقولونه لج , انتي ما عليج إلا من نفسج وبس , ثم وبدون تشكيك يعني انتي ما تضمنين نية الشخص اللي يكلمج ! ولا تعرفين المغزى الأصلي منها , والمفروض بمجرد ما اخته تتحجى بأي شي يخصه ولا تتحجى عن زوجته الأولى بأي شي , تقولينها بكل بساطة لو سمحتي ما ودي أدخل بكلام يضايقني خلينا في موضوع ثاني أحسن , كثر ما تسمعين حجي وكلام كثر ما تزيد حالتج , وانتي من النوع اللي وايد يتأثر بالحجي ويصدقه بسرعة , فلذلك لا تسمعين حجي من أي أحد ولا يهمج كلام أي أحد ,, مسألة الطلاق هذي الطامة الكبرى , انتي فاكرتها بسيطة !؟ انتي بنفسج تقولين أبوسه وهو نايم انتظره يطلع من المسجد بين الناس , اموت لما يطلع من عندي , طيب بستحملين الحياة بدوونه ؟؟؟؟؟ قولي لي بتقدرين ؟؟؟ بتقولين بحاوول أتأقلم , شوفي طالما بتظلين قاعدة ف بيتكم ما في شي بيتغير أبد وبتزيد حالتج أكثر لا، حبج له مو حب عادي حب تملك وتعلق , ولما تفقدين كل هذا ( الله لايقوله ) انتي بيصيدج اكتئاب حاد أكثر من هذا كله وحياتج بتصير جحيم , إلا إذا انتي فعلا ناوية تاخذين منحى ثاني فحياتج ما بعد الطلاق ( لاقدر الله ) , يعني ناوية تغيرين نفسج من العشق المرضي الل فيج , هني أقدر أقول دربج خضر وبتعيشن بألم صح وذكريات مرة صح , لكن مع مرور الوقت والعلاج وتغيير نمط الحياة كله , راح تعيشين حياة ثانية أكثر اتزان . أما إذا انتي لا , ما تقدرين على بعده وهذا الأرجح , واللي أعتقده انج قاعدة تقولين كل هالكلام بس لأنج ف حال عصبية جدا , وبعده الكلام مؤثر فيج ومو قادرة تتحملين , ربما بعد فترة تطخين وكل هالحجي اللي قلتيه يتغير وهذا اللي اعتقده , لازم تبدين تسوين لج حل جذري مع الموضووع , لأن جذي بهالحالة على أقل شي تسمعينه راح يسبب لج أزمة نفسية وهالشي مو زين لج وبيأثر على حياتج كثيييير , تسوين لج حل للغيرة , حل للشك اللامعقول , حل للتملك اللي مسيطر عليج وعلى كل أحساسيج , صدقيني كل مشكلة ولها حل , ولا تقولين مافي حل ولا ما أقدر ولا ما يصير بقولج لا يصير وتقدرين وفي حل , بس الحل يبدا من وين منج انتي , انتي أساس الحل كله , يبدأ من قلبج من داخل قلبج , إذا انتي فعلا ناوية التغيير هذا راح يصير , ووايد فيه أمثلة ناس كانت شنو وصارت شنو , أكثر من واحد آنا أعرفه من منطقتنا كان متزوج ويحب زوجته بدرجة كبيييييييرة , لدرجة إن كل اللي تطلبه أوامر , مايقدر يفارقها , كان مهووس فيها , قبل لا ياخذها تخيلي يخلي سيارته يم بيتهم كل يوووووم ويغسلها علشان بس يشوفها ويتطمن عليها , كان كل اللي في الفريج يتحجى عنه , خطبها وأهلها ما وافقوا عليه لأنهم يعرفون عنه عصبيته الزاااااايدة وتصرفاته , لكنها قالت تبيه , وأخذته فالنهاية , حبها حب مو طبيعي , عشق مو طبيعي , ما تتصورين اشلووون , لكن من كثر حبه لها تملكها , يبيها له وبس , ما يخليها تروح لأهلها , تطلع بدونه مستحيل , يبيبها دوم وياه وبس , ما تكلم أحد , منعها من صديقاتها , ومن كل شي , يغار بجنوووووووووون عليها , هي ما تحملت هالحياة وحاولت تغيره لكنها ما قدرت , تعبت منه ومن كل شي , وقررت الطلاق , هو صادته حالة لما عرف إن خلاص طريجهم مسدود , وأهلها قالوا له لازم تطلقها البنت ما تبيك , حاول وحاول , وماخلا شي ما سواه , جاب شيوخ يكلمونها وماخلى أحد ما سواه واسطة الموضوع أبدا مافي فايدة البنت مصممة , عاشت معاه حياة صعبة , آخرتها روحة محاكم وعفسة وجية , طلقهااااا ! بس شنو عاش عذااااااااااب , الناس كانت تشوفه رد رجع يغسل سيارته عند بيتهم , ولما يشوفها يبجي , وداخل بيتهم يظل يصارخ من قلب , لدرجة إن أهله خافوا عليه يموووت , سفروه بره , مافي فايدة, حاولوا يزوجونه مافي فايدة , بعد فترة هي تقدم لها واحد , ما شاء الله كانت بنت طيووبة وخلووقة وجميلة جدا , وافقت وتزوجت ليلة زواجها شسوى , بغى يموت , يصارخ من قلب قلبه , يرقع راسه بالطوف , مو متخيلها ويا واحد غيره أبد , ذبح عمره ذباح , البنت راحت فحالها , لكنه بعد فترة تمينا ما نسمع له حس , سألنا عنه قالوا إن واحد من ربعه خذاه وسافر وياه , فترة يعني مدري بالضبط جم , رجع إنسان غير , بعد تقريبا 3 سنوات تزوج !! بس أخذ بنت أكبر منه ب 5 سنين تقريبا , و رغم ذلك ما زال يمر بين بيتهم بين حين وحين , لكنه تغير كمل دراسته , واشتغل شغلة ممتازة , والحين عنده بنت ما شاء الله , والموضوع صار له سنين طووويلة , فالعبرة يا صبووورة من هالسالفة الواقعية اللي فعلا صارت , إن العشق يسوي عمايل والحب يقتل مثل ما قلتي , وهالشخص عشق من قلب قلبه , لكنه شوفي اشلوون صار لما نوى يتغير , هو ما تغير جذي , بين يوم وليلة , هو حاول يغير ونوى يغير من نفسه فعلا , هذا مو معناه إن قلبه صار حجر وقاسي , لا , بس معناه إن صار أفضل وترك التصرفات اللي كان يسويها مع زوجته الأولى وعاش حياته بالطول والعرض , صبوورة عمري الحياة ما توقف عند إنسان واحد , إذا انتي حاسة روحج ف مصيبة شوفي الناس والعالم برع , بتقولين صج آنا بنعمة , شتقولين عن الأم لم تييب ولد ويكبر وتربيه ويعيش معاها وتحلم بيوم عرسه وفجأة ( يموت ) بعيد الشر عن الجميع , شنو حالها هذي , وغيرها وغيرها من المواقف , صبوورة صح الدنيا صعبة وقوية , بس احنا لازم نكون أقوى منها ونجابهها ولا ماراح نقدر نعيش فيها أبد , انتي لازم تتحلين بالثبات والصبر وقوة الإيمان "كن مع الله , يكن الله معك " رب العالمين ما ينسى عبده , وكثر ما تقربتي من الله , كثر ما حياتج وأمورج بتتيسر , وثقي تماما إن نصيبك يصيبك , ونصييج مكتوب لج من لما كنتي ببطن أمج , وكل شي فحياتج يصير هو من رب العالمين ودايما كرري اللهم لا اعتراض , ولما تضيق بج الدنيا , فتحي القرآن واقريه بتمعن , بتشوفين عظمة ورحمة الخالق وبتحسين إن فعلا الدنيا ماهي إلا شي زائل , كلما تضايقين شوفي الناس وحياتهم ومصايبهم والله مصيبتج بتهون عليج وبتحسين روحج عايشة فنعيم , مافي أحد مرتاح ياعمري , وكل من وله همه , بس يختلف شي واحد مقدرة الإنسان على التحمل , ناس تتحمل , وناس لا , ناس إيمانها قوي بالله تشوفين ما يهزهم شي , وناس تنكسر من البداية , آنا اعرفج ياصبوورة إنسانة طيبة وعاقلة ورزينة , والأهم قوووووووووية , تذكرين قبل شقلتج انتي قووية وبتمين قوية واحنا معاج , كل ما تضايقين تعالي فضفضي حتى لو محد عطاج حل الأهم ترتاحين , وتحسين إنا معاج , لا تقولين تعبتكم ومللتكم بمشاكلي , لا والله احنا لبعض ياعمري , وبإذن واحد أحد حياتج بتحلى وبتحلى وبتقولين شيخة قالت , انتي فكري فكلامي زين ما زين وكلام الأخوات بعد , وقلبيه بمخج زين ما زين , وفكري بعد , وصدقيني كل شي بينحل , هونيهااااا وتهووووووون , ترى والله الزعل والدموع مو حلوة عليج , لا تبجين ياقلبي دمووعج غالية والله , من كثر من أحبج , كل ماشفت لج رد قلبي يتقطع وأبجي عليج , واتمنى من كل قلبي لو عندي شي اقدمه لج جان والله ما بخلت عليج , فدوووورة لعيوونج ياعمري , كل ما بتيين تبجين تذكري أحبابج وقولي عندي ناس تحبني موووت ليش ازعل وابجي ؟ يالله عاد أبي ضحكة حلووة لما تقرين هالرد , تبين أقوولج نكتة , افا عليج عيوني لج ياعمري يقولج الله يسملج مرة نذل طايف على مقبرة جان يقوم ويشغل مسجل على اغنية الحياة حلوة  , يقولج مرة دكتور في مستشفى مجانين دخل على ثلاثة مجانين في غرفة بروحهم , يبي يسوي لهم اختبار , وداهم مسبح فاضي مافيه ماي , قال لهم يله كل واحد يدش ويسبح , اول واحد طب وانبط راسه , الثاني طب وبعد انبط راسه , الثالث قاعد بعيد قال الدكتور شكله هذا صاحي , قال له ليش ما نزلت تتسبح , قال له : اخاف اغرق ههههههههههههههههههه ابيج تضحكين يله , ابي اسنان اللولو يبينون ياقمر انتي ياحلوة الحلوات , ياعالم تهبل هالبنووتة والله ما في مثلها ,, المهم حبوووبة سامحيني على خطابي الطويل العريض القاسي , وايد هذرت هالمرة وكتبت لج حجي واااااااااااااايد , لدرجة إن اصابعي تعبوا هههههههههه فدووة لعيوونج ياحلوة , اعذريني وسامحيني على كلامي إذا ما عجبج , ترى هذا كله من حبي لج والله , ودي لج بالخير وما أحب اشوفج زعلانة لانج لما تزعلين آنا بعد أزعل واتضايق , اعذريني لو كلامي كان قاسي ف حقج ياعمري , واتمنى اسمع اليووم اخبار تونس وتفرح , وفكري دايم إن الجــــآي أحلــى ياحلوووةأحبــج , وبقوووووووووووة بعد  |
11-02-2011, 05:11 PM
|
المشاركة الأصلية كتبت بواسطة شيخة البنـــات
صبوووووورة مضطرة أطلع ألحين وراجعة بعد جم ساعة أتمنى أسمع شي يسرني ويسر الجميع تحلمي برووووحج أحبــج يالغاليــة قلبي معــآج |
11-02-2011, 05:13 PM
|
المشاركة الأصلية كتبت بواسطة أنين_الروح
الحل بيدك .. لا تتنازلي عن اي حق لك .. وقولي له اها جدد الشقه
|
11-02-2011, 05:17 PM
|
المشاركة الأصلية كتبت بواسطة كويتيه 30
السلااااااااااام عليكم
شخبارج صبوره .........؟؟؟ اعذروني على الانقطاع كنت مسافره وتو راده حبيبتي صبوره عليج بالدعاء اولا وثانيااااااا الحب موجذي الي حاطج بشقه مفروشه وكل يوم والثاني طايره لأهلج حياتج اصلا مافيها استقرار ابي افهم ليش موحاطلج بيت يااختي هذا وضع غير مقبول اما يحط بيت وتستقرين عنده على طول او تشوفين حل ثاني انتي زوجة مو عشيقة صابره اختي عقلي وفكري انا استفزني انه موحاطلج بيت؟؟؟؟؟ حبيتي الله يعينج بس صدقيني اذا كان يحبج مثل موانتي ميته فيه مايخليج تبعدين عنه ويحطلج بيت فكري بعقلج والله يجيب الي فيه الخير تقبلي مروري وصراحتي بس والله من كثر مو منقهرا عليج |
11-02-2011, 06:12 PM
11-02-2011, 08:12 PM
|
المشاركة الأصلية كتبت بواسطة صابرة بدنيتي
الله عليك يابعد روحي
الله ياشيخة احبك حب لو اوزعه على البحرين يمديه بوصل للسعودية بكبرها كلامك زي العسل ويرحيني كثير تاثرت بالقصة حقت الشاب الي حكيتي عنه بس سرعان ماضحكت بصوت عالي على النكت اضحك الله سنك ياروحي واساله ان يجمعني بك في الدنيا والاخرة الله يحقق لك كل ماتتمنينه ياروحي ويسهل امرك ويجعلك ثريا وسط الناس ويجعل قبوله بين عينيك ماحلى الكلمة الطيبة وتاكدي انه بكل حرف كتبتيه لك الاجر فيه ويجعله في ميزان حسناتك المقبول صدقيني كان نفسي اتواصل معك بشكل خاص لكن ...صبر جميل كل تحليلك عني صحيح وكثر تعلقي هذا بيوصلني للهلاك انا لازم اتغير وان شاء الله راح اجاهد نفسي على قد مقدر بالنسبة للطلاق انا عمري ماكنت ادوره بس كان هو البعبع الي يخوفني بس حسيت اني كل ما مر الوقت الا واتعلق به زيادة صرت اخاف على نفسي من هالحب اسال الله ان يرحمني برحمته صدقيني ياشيخة يابعد عمري اختك صابرة تعبانة من جميع النواحي امس مالقيت الا امي ابجي عليها تقول شفيك يابنتي اقول يمه مافي شى بس ودي اصيح لدرجة انها قالت يمكن تتوحمين قلت وين الوحم يمه تو الناس بالسنبة انه كان متزوج ولا لا انا راح افاتحه بالموضوع وبحاول اني اعرف منه الحقيقة بس ابغى اشوف هذا الرجل كم مرة تزوج يمكن لو اعرف يطيح حبه من قلبي وارتاح ويمكن اعيش معك على مودة وبدون حب ربك احيانا يجيب الاسباب حتى لو مؤلمة تكون شفاء للناس نفسي بشى يا شيخة نفسي اسافر على مكان مافيه لا جوال ولا نت ولا اي طريقة للتواصل ودي اجلس بخلوة مع نفسي لعلي ارتاح واضبط افكاري واموري سامحيني يا شيخة ياتاج راسي ادري انك اتعبتك معي وتعبت كل الاخوات سامحيني احذت من وقتك وخليتك تحزنين علي سامحيني اني ماقدرت اسعدك بنفسي واوصلك عني اخبار زينة لكن بفضل الله ثم دعائكم اكيد ان ربي راح يفرجها بيوم شيخة تذكري شى واحد اني احبك احبك احبك وماراح انساك لين يغطون التراب على وجهي |
لما قلتي لي إن كلامي ريحج
11-02-2011, 08:27 PM
|
المشاركة الأصلية كتبت بواسطة روح الطير
صابرة
إيش اللي لحد دحين جالسة في شقة مفروشة ؟ و إنت تصرفي على نفسك ، عشان سواد عيونه ؟ صابرة بدل ما تصرفي فلوسك على كوافيرات كل بعد 3 أيام و مادري إيش ؟ خذي فلوسك و روحي لمكتبة جرير و اشتري كتب ( عن تطوير الذات ) اشتري كتاب ( شوربة دجاج للحياة ) ، بيعلمك كيف تعزي نفسك نصيحتي لك ، لا تساااااااااااااااااااااااااااااااااافري لأهلك و طالبي بحقوقك كلها ،، و لا تتكلمي مع أخته ، لإنه مثل ما وصلني إنها حابة تستفزك بطريقة ( ودّية ) و إنت سمحتي لها بالشئ هذا ، لإنك عطيتيها أذنك |
11-02-2011, 08:43 PM
|
المشاركة الأصلية كتبت بواسطة موت النخيل
صابره بدنيتك الله يشفيك ويسهّل الحمل لك ويرفع عنك ما ابتليتي به
متابعه لبعض مواضيعك وردوك والصدمه ان كل ما عقبتّي برد زاد الطين بله واتعبك اكثر ويفاجئنا اكثر ساعات الواحد يحتاج كف علشان يفوق وانت اسمحيلي تحتاجين الف كف صابره اشوف فيك شخصيه عقلانيه بس وش الفايده لا جا على محيطك انت صارت تصرفاتك مافيها شي من العقلانيه لاتقولين الحب الحب عمره ما يخنق صاحبه نهائيا تقولين ومن الحب ماقتل وانا اقولك من الوحده ماقتل الاحظ انك معيشّه نفسك انعزاليه مع انك شخصيه تبدو لي اجتماعيه وتحب الجمعه والوناسه بس انت مقوقعه نفسك في محيط الكآبه والكدر والانتظار والشك وهاللي تسمينه حب والتفكير في المجهول! غير كذا انت عارفه انك بمشكله وعارفه الحلول بدليل انك تأيدين كلام الاعضاء ومدى صوابه وبعدها ستوب مع الاصرار على عدم التنفيذ! ليه تعيشيّن نفسك دور الضحيه وانك مسلمّه لواقع تعيشينه وكانك تنتظرين الخطوه الجايه كيف بتكون علشان تتقوقعين اكثر واكثر اللي زاد عليك شغلتين الاولى ان زوجك جلس فتره عندك وشفتي تغيير بروتينك وبلمح البصر رجعتي لطبيعه حياتك الكئيبه اللي معيشه نفسك فيها من دموع وشك اللي تبين انك شخصيه مهزوزه فقدت الثقه بنفسها ولا تقولين حبه سيطر علي اللي يحب يعيش بثقه ويكون واثق من تصرفاته وقدراته وامكانياته, والشغله الثانيه مكالمه اخته لك عزيزتي بالنسبه لاخته انت من نفسك ماقعدتي تسالينها عن زوجك وحياته قبل؟ بعدين هي استرسلت؟ لاني استغربت من اخته ليه هالوقت اللي فكرت تقولك ليه مو قبل عن خطبته وزواجه ووش هدفها اذا بالاخير ماراح تطلع بشي من كلامها ؟ ليه خليتي كلام اخته بين عيونك ليه تفكرين فيه 24 ساعه هذا بيزيد نفسيتك دمار وليه كلمت وليه قالت واكيد من زوجته خلاص شي وصلك وهي وّنيتها.. وانت مخيره تاخذين به او لا مع انك المفروض تردين عليها ان هالشي يرجع لك انت وزوجك وتقررون من انفسكم واللي كاتبه الله بيصير يا حياتي كل هالاشياء وتسليمك لها تحسسك ان حياتك مع زوجك على شفير الهاويه بدليل تكرارك ممكن يتزوج علي ممكن يخون واتمنى الموت بسم الله عليك تحتاجين انك تواجهين نفسك لان كل شي انت تسوينه يرجع عليك بزين وشين تصرف زوجك معك وسؤاله عن التجديد قد يكون نتيجه تصرفاتك اللي قد تكون ممله ومنفره فيستغل هالشي للابتعاد وللعوده بعد اشتياق بعد فتره وتتوالى وتتكرر ولكن لمتى ؟! لاتغيرت بعض سلوكياتك اللي انت شايفه ومقرّه انها قد تدمر نفسك وزوجك وبيتك قبل مايشوفها زوجك بتتغير حياتك بشكل جذري وتذكري كل ما تقوقعتي اكثر كل ما خسرتي والعكس صحيح الله يوفقك ويسعدك ويحبب زوجك فيك اكثر وتظلين ماليه عينه ان شاء الله اختك موت النخيل |
11-02-2011, 08:56 PM
|
المشاركة الأصلية كتبت بواسطة khaled_2006
أختي في الله ..
أستميحك العذر في الرد على موضوعك و لأنني من المتابعين لمواضيعك ، ويعلم الله أنني أدعو لكِ ولزوجك في ظهر الغيب بأن يوفقكما الله لبعضكما . لفت انتباهي أنه ليس هناك أي عدل في مسألة المبيت ولا السكن أو خلافه ، ولا أحب أن ازيد من غضبك ولكن كل من قرأ ردودك علم أن زواجك مثل ما يُطلق عليه بزواج المسيار . أحببت أن أنقل لك رداً مختصراً لأحد المشائخ في مسألة العدل بين الزوجات : أمر الله بالعدل بين الزوجات ، وأخبر سبحانه وتعالى أنه العدل التام لا يُستطاع ومع ذلك نهى عن الميل ، فقال تبارك وتعالى : ( وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ فَلَا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ ) وجاء الوعيد الشديد في حق من مال مع إحدى زوجتيه أو فضّلها على الأخرى ، فقال عليه الصلاة والسلام : من كانت له امرأتان فَمَالَ إلى إحداهما جاء يوم القيامة وشِقّـه مائل . رواه أبو داود والترمذي . فلا يجوز لك تفضيل زوجة على الأخرى خاصة في المبيت والنفقة ، إلا بِرضا الأخرى . أما المسكن فتكون الزوجة فيما يُناسبها ، أو يَصلح لِمثلها . أما المعاشرة فلا يجب فيها العدل ، ولا يجوز فيها الجور ، بحيث يُضرّ بإحدى الزوجتين في ذلك على حساب الأخرى . وقد يكون أحد البيوت أكثر من ناحية العدد ، فتكون الزوجة الأولى عادة أكثر أولاداً ، فتحتاج إلى نفقة أكثر ، خاصة فيما يتعلق بالأطعمة والكسوة . ولا تجب المساواة في الملابس ، وإنما يُلبس كل واحدة ما يَليق بها ويَصلح لمثلها ، فلباس الشابّة ليس كلباس الكبيرة . أما الهبات والهدايا فتجب فيها المساواة . ويجوز أن يَخرج في ليلة إحداهن ويتفقّد الأخرى أو يتفقّد أمّـه . وقد كان النبي صلى الله عليه وسلم يطوف على نسائه في الليلة الواحدة . قال أنس بن مالك رضي الله عنه : كان النبي صلى الله عليه وسلم يدور على نسائه في الساعة الواحدة من الليل والنهار ، وهن إحدى عشرة . قال قتادة : قلت لأنس : أوَ كان يطيقه ؟ قال : كنا نتحدث أنه أُعطي قوة ثلاثين . رواه البخاري ومسلم . حاولي قدر المستطاع أن تتحدثي معه بطريقة طيبة أن يُسكنك قريباً منه وأن يعدل بينكما في المسكن والمبيت لأن هذا حقٌ من حقوقك ، وقد توعد الله من لا يعدل بين زوجاته بأن يأتي يوم القيامة وشقه مائل ففي الحديث  من كانت له امرأتان فمال إلى إحداهما، جاء يوم القيامة وشقه مائل  .. والله أعلم .وفقك الله لكل خير . |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
