السالفة يا حلوه انه منتدانا مافيه خاصية الرسائل الخاصة إلا بين الادارة والأعضاء عشان عريس الهنا ما يتضايق من دخلتك المنتدى ويحرمنا منك

تقدري ترسلي الرسالة للإدارة وأحد المشرفات ترسلها لي ...

إذا صعب فنكتفي بالاستخارة من جهتي واقعدي مع الوالدة أو أخت من خواتك اللي تشوفيها قريبة منك وناقشي المواصفات معها ...
ربي يكتب لك الخير ويوفقك للرأي الصواب

__________________

وشلون باين علي التميز والنبوغ ؟؟؟ وش اللي دل على كذا ؟؟

جزاك الله خير أخوي على ردك وصح لسانك على الشعر الإرتجالي هههه
مشكور على نصيحتك ربي يسعدك ويوفقك
لكن أنا بصراحة خاآآآآآآآآآيفة خايفة يقول هذا شرطي من البداية لاتناقشيني فيه !!
يعني بس مجرد هواجيس ,,,,
لأني أسمع وأشوف قصص كثيرة بعض الأزواج يكون متسلط على زوجته ..
وأنا بصراحة لاأستطيع التعايش مع متسلطين لأني أبعد مايكون عن التسلط ...
عموما مشكور أخوي وربي يجعل ماكتبته في ميزان أعمالك ,, والله يتقبل منا ومنك الدعاء ,,

__________________
الدراسة مقبلة دعواتكم

آهاااا الحين فهمت ,,, وأنا اقول ليش عيا يرسل ,,,
عريث الهناء
عريث الهناء بيطلع لي بكل سالفة هههههه
بحاول أتواصل مع المشرفات وأشوف ..
دعواتك ياقلبي ..... ماقصرتي حبيبتي ومعليش تعبتك معي ..
تصبحين على خير ياوجه الخير ..

__________________
الدراسة مقبلة دعواتكم

عزيزتي بعض البلدان لها عمر محدد للزواج وبعضها لا

المقصود ان الدراسه ليس لها عمر معين ممكن تدرسي حتي وانتي في عمر الااربعين اما الزواج فلا

__________________
الحمدلله علي أنعم الله الظاهره والباطنه

باين عليك عنيده + موسوسه

وانا قلت موسوسه لانك تهوجسين ع حسب كلامك


واللي تهوجسين فيه هو بينك وبين نفسك


الحل والربط عند العريس الله يكتبه لك

فبدل ماتهوجسين وتاخذك الافكار يمين ويسار ناقشو سوى الشروط



فالحل في رأيي هو في التحرك والمناقشه


ولاتعاندي والله اني متعاطف معك خاصه لما قرأت موضوعك الاخير وعشان ماحد يغثك ويسألك ليه ماتزوجتي؟؟؟؟

و قدمي شوية تنازلات
مش تبغين تكوين الشماغ وتصبين له القهوه؟؟


الله يزوجك ويسعدك
وآسف ع تطفلي ومداخلاتي

عادي أخوي لاتتأسف مافيه أي تطفل أنا ماحطيت هالموضوع إلا لكسب نصايحكم القيمة المثمرة
وجزاكم الله خير جميعا على نصايحكم الله يثيبكم ,,,
لا والله موب عنيدة بس إني حريصة جدا على حياتي المستقبلية إنها تكون جدا رائعة إن شاء الله
وأبي تكون حياتي المستقبلية قليلة الفشل والخسائر قدر الإمكان وماذلك على الله ببعيد ..
بالنسبة للهواجيس ايه موجودة وبكثرة هههههه
وشلون ياأخوي الله يسعدك نناقش الأمر ؟؟؟ أهلي بنظرهم هذا متميز وينتظرون مني الرد !!
وهو حتى الآن مجرد خاطب فقط ينتظر الرد ... ولايصلني إلا كلام أهله لأهلي..
وحتى لو وافقت وتملكنا إن شاء الله فلن يكون بيننا أي تواصل إلا بعد الزواج ...
فنحن بطبعنا مافيه مكالمات بين المخطوبين حتى لو متملكين ...
يعني بقعد الفترة هذي كلها شايلة هم دراستي ...
أنا ياأخي لو معدلي عادي وقليل كان مااهتميت بإكمال دراستي ..
لكني متحسسسفة على شقاء وتعب أربع سنوات من عمري الغالي ...
وأخاف أتنازل عن الدراسة مثل ماتنازلت عن العمل وأنصدم لاقدر الله ويكون لايستحق التضحية !!!
واللي يخوفني أكثر السكن بعيد عن أهلي ....
أشكرك أخي على ردك ونصايحك الله يجعله في ميزان أعمالك ...

__________________
الدراسة مقبلة دعواتكم

كلامك درر لافض فوووووك ...
كلامك وسطورك أوقدت أفكار جميلة ...
وأحس لمبة فوق رآآآسي << متأثرة بأفلام الكرتون ..

مشكورة حبيبتي .. صدقتي أقدر أدرس بأي عمر ليش أنا ماسكة السلم بالعرض ؟؟؟؟؟

جزاك الله خير حبيبتي الله يجعله في ميزان أعمالك ورفعة لدرجاتك ...

__________________
الدراسة مقبلة دعواتكم

يعني مافي شوفه شرعيه ولا كلام بعد الملكه

والله مشكله


ما الومك ع الهوجاس





شوفي انتي قيسي في ميزان عقلك


وش الافضل لك والاقرب لقلبك واللي تتمنيه

زواج وتكوين اسره سعيده

او دراسه وعلم



وصدقيني بما انك ذكيه وشاطره ومتميزة تقدرين تجمعين الأثنين


الموضوع محتاج تفاؤل

الترتيبات عندنا خطوبة يجي هو وأهله عند أهلي
بعدها موافقين ايه موافقين بعدها شوفة أدخل ركض دقيقة ثم أطلع ..
بعدها ملكة ومايشوفني بالملكة
كذا النظام عندنا ,,, وعليييييييييييييييها إلى يوم الزواج :14:
يعني معي حق بالهواجيس اللي ذابحتني ,,,,,

بصراحة الأقرب لقلبي زواج وأسرة لكن الخوف لاعب فيني ربي يهديني لقرار سليم ...

شكرا جزيلا أخوي ..

__________________
الدراسة مقبلة دعواتكم

لا ابد ما معك حق تهوجسين

والسبب انك حددتي هدفك وطموحك وهو الزواج والاستقرار وتكوين اسره سعيده ان شاء الله
ودام هذا هدفك تأكدي ان رب العزة والجلاله راح ييسر لك امرك وتنفتح لك ابواب وتحصل لك امور احسن من اللي متخيلتها
ويبارك في زواجك

وتفائلي يمكن زوجك ان شاء الله هو يقول لك كملي دراستك



وسبب الخوف هو ( نزغ من الشيطان) يوسوس لك ويخوفك

قال تعالى:

(( واما ينزغنك من الشيطان نزغاً فاستعذ بالله انه هو السميع العليم))

اذا حسيتي بخوف وهواجيس تودي وتجيب تعوذي من ابليس واذكري الله بيشرح صدرك وترتاحي

ولاتنسين صلاة الاستخاره


الله يوفقك