__________________

جميــــــــــــل .. ومريــــــــــــــح !!

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

__________________

أجلس طول عمري بدون زوآج ومـأأقبل بـ المعدد .. لسبب خاص فيني
ماأبي أخذ زوج ( وحده غيري ) .. ماأبي أبني سعادتي على تعاسه وحده غيري
صح يمكن تأزمت بسبب المعدد لأنه طلبني ( زوجه ثالثه ) وكنت تحت تأثير صدمه طلاقي
فـ أنصدمت كثير .. والوحده ماتدرين وين سعادتها مع شاب او مطلق او معدد
الله يكتب لنا الخير بحياتنا

هلا ندمانة حبيبتي

الحمدلله حسيتك فهمتييني صح

بالنسبة لهالنقطة أنا معاك يا أختي من حقك ترفضي المعدد , وكل انسان حر باختياره ..

ولكن قصدت لا تتأزمي ولا تتضايقي لما يتقدم لك معدد

اعتبريه مثل أي خاطب ما عجبتك صفاته وارفضيه وانتهى الأمر

بس لا يكون تقدمهم لك يخليك تشعرين نفسك بالانتقاص او الاكتئااب

وبالنسبة لخاطبك

استمري على الاستخارة واسسألي عنه وتكلمي معه ووضحي لك كل شي تبين تعرفينه وان شاء الله ربي يسر لك الأمور

الله يوفقك يارب ويرزقك الزوج الصالح

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

نصيحتي لك يا ندمانه
لا تكرري تصرفاتك مع زوجك الأول
بمعنى تهميش دور اهلك ورأيهم بحياتك وبالرجل الذي سترتبطين فيه
انتي يا ندمانه حسستيني شخصياً -وأكثر من عضو اقرأ لهم وأيضاً قد توافقني برأيي الاخت الفاضله الماضي الدفين-
بأنك تهمشين رأي أهلك وبل برأي الاعضاء الذين تستشرينهم ثم تفعلين ما يحلو لكِ
لا اهاجمك ولا اسلبك حريتك باتخاذ قرار هو من اهم القرارات بالنسبة لكِ
لكن لا يعني ان تعطي انطباع بأنك لا تهتمين لرأي من حولك
في تعاملك مع زوجك القادم إن شاء الله
لا تتصرفي تصرفات تندمي عليها مستقبلاً
لذلك استشيري والدك او اخوك المقرب ان شعرتي بالاحراج من والدك
المهم ان لا يلمس زوجك المستقبلي ان لا كلمة لأهلكِ عليك >> اكتب هذا الكلام والعذر منك اشعر بالاحباط
لأني اتوقع ان تمري عليه مرور الكرام
فترة الخطبة المسؤول عن السؤال عن خطيبك هم اهلك وليس انتي ..
كل ما عليك هو الاستخاره فقط ..

لا أؤيد ان تحدثيه قبل الملكه ابداً ...
وحتى بعد الملكه لا تجين كلك >> قلبت عامي
اثقلي واركدي
وماني شايفه شيء يخوف بالموضوع
ماشاء الله تبارك الله شخص مناسب
مواصفاته مناسبه
اهلك رأيهم به انه مناسب
اعقليها وتوكلي ..

اما طليقك انتهى والحمدلله الي جت على كذا .. انسيه وتزوجي وسافري وافرحي بشبابك مع شخص يقدرك
انسيه وانسي ابوه الي جابه ..
وانسي الخوف توكلي على رب العالمين ..
وبالعكس احس الزواج في هذا الوقت مناسب لكِ والا اكلتي بنفسك وشربتي
من تصرفات انسان مريض نفسياً الله لا يبلانا
ابتلاك هو بنفسه

هل تتفكرين برزق الله وكيف جاءك نصيب مع شخص آخر والحمدلله
وتثقين بالله .. وتحمدينه
والحمدلله على كل شيء

ارجع واقول اهلك عزوتك وسندك ابوك واخوانك هم الي وقفوا بوجه طليقك
انتبهي ان لا تجعلي لهم مكانه بنفس زوجك
قدريهم انتي بداخلك حتى يقدرهم زوجك تلقائياً

الله يوووووفقك ندوومة ،،
مااحدث لك حدث لي تقريبااااا ،،
اسال الله العلي العظيم ان يعووضك
نصيحة الزمي الصدقة وبعد كل صدقة الجئي لله بالدعاء ،،
فالصدقة تدفع البلاااااااااء

__________________

ندمانه ياحبيبتي ليش الخوف
ليش ماتفكرين باايجابيه وان ربي بيعوضك
بالنسبه لطليقك انسيه صحيح اني بس قريت مواضيعك الاخيره واحس ودي اقتله كيف انتي اللي عاشرتيه للحين تحبينه وتفكرين فيه لازم قبل ماتوافقين على الخاطب الجديد تنسينه ولاتعبين نفسك بالتفكير فيه لانه مصيرك راح تنسينه ليش تسمحيله يهدم حياته اعتبري اللي صارلك مسلسل خليجي وانتهت الحلقه الاخيره وطفيتي التي في ورحتي تكملين اشغالك
بالنسبه للخاطب الجديد عن نفسي اشوفه مناسب ولو يحصلي واحد زيه مااقول لا ليش
لانه وضعه نفس وضعك كلكم مطلقين
لان فترة زواجه ماهي بعيده عن فترة زواجك كلها مدتها قصيره
لان العمر مناسب
لانه حتى لمن سالتوه عن سبب الطلاق قال الحقيقه ماجلس يسب بالبنت ويطلع العيوب كلها فيها بالعكس احترم العشره ولاتقولين ان عدم الحب موسبب لانه انا ماحبيت طليقي ولا هو اعتقد حبني بس الفرق بيني وبينه اني كنت امثل اني احبه وكنت اقول الحب يجي مع العشره ومعطيته حقوقه كامله وهو العكس عذاب نفسي والحقوووق صفر وتطلقنا
وشي حلو انه ماخطب الا بعد زواجه بفتره ليش لانه لو خطب بعد طلاقه مباشره بيكون مو مستقر نفسيا وخطب بس علشان يثبت لطليقته انه حتى لو طلق بيتزوج وبتكون اثار الزواج الاول للحين باله زيك الحين
لكن بعد سنه بيكون نسى التجربه الاولى بحلوها ومرها واستقر نفسيا
يعني انا الحين لي قريب سنه مطلقه نسيته ونسيت اللي خلفوه ههههههه
ويمكن كانت الماديه مو متوفره او كان عندك شغل وآجل زواجه لين مايفضى ويروق
وبعدين تعالي ايش فيه المطلق مااحنا بعدمطلقات
يعني احنا نستغرب من الشباب اذا قالوا مانبغى مطلقات واحنا المطلقات مانبغاهم فعلا عجيبه
ببداية طلاقي كنت اقول مستحيل اخذ مطلق او متزوج لازم عزوبي بس لمن فكرت عرفت انه انا اخذت عزوبي وماخطب غيري ومع هذا عشت بنكد وتطلقت وياكثر اللي اخذوا متزوجين ومطلقين وعايشات بسعاده وقررت اني مااتزوج ابد واربي بنتي خلي اهلك يسالون عنه كويس واستخيري ربك لاتستكثرين على نفسك الفرحه صدقيني المكتوب مامنه مهروب شيلي الافكار السوداء وابدي سنه جديده كلها تفاول لانو اللي كاتبه ربي لك بيصير فليش تفكرين ونصيحه غيري اسلوب تعاملك مع زوجك الجديد اسلوب الطيبه اللي ضيعك وضيعني انسيه
آسفه طولت عليك

اختي موفقه حيل بالخير

اذا كانت الشغالة عنده بدون محرم فانصحك رفضه لانه مستهين بالدين فسيستهين بك والعلم عندالله

ويبدو لي انك مرتاحه وغير مرتاحه يعني متردده فما انصحك فيه اذا لم ترتاحي مطلقا وبقوة وبدون تردد حتى لاتندمي مستقبلا
اختي الراحة لك ان تتبعي حديث المصطفى وقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.


الراحة هي الاقدام بدون تردد ولكن لابد معها سؤال واستشارة عن الخاطب

اختي تذكري ان رزقك على فاطر السموات والارض وسيعوضك الله خيرا كما عوض ام سلمة برسول الله عليه الصلاة والسلام عندما قالت ( انا لله وانا اليه راجعون اللهم اجرني في مصيبتي واخلف لي خيرا منها) ردديها وتوكلي على وتفائلي خيرا بالله فهو نعم الولي ونعم النصير

وفقك الله ووفق الله الجميع

هلا ندمانه فرحتلك من كل قلبي ع الخطووبه واسال الله اذا كان فيها خيير انه يتممها لك عاجلا غير اجلا
نصيحتي لك لاتتصلين ع طليقته لانه انتي مطلقه وجربتي شعوور المطلقه اكيد انها مابتقلك الصدق لاكن خلي ابوك او واحد من اخووانك يروح يكلم ابو طليقته ويساله عنه ويساله ليش طلق بنته هذا افضل حل من ذي النااحيه
وبالنسبه للرجل انا اشوفه جدااا مناسب لك كون انه ماعنده اطفاال هذا شي حللو وعمرره مرره مناااسب لانه هذا السن الرجل يككون واعي فيه ونااضج وغير كذا مساله انه ماخطب غير بعد سنه هاذي حاجه حللوه تبين لك انه انسسان يعرف يفكرر وانه تعلم من تجربته لاكن اللي يطلق ويتزوج ع طوول هذا اعرفي انه انساان من غيير احاسيس ولا مشااعر مو شرط انه ماخطب ع طول عشانه يحبها لانه لو يحبها رجعها خلال السنه يمكن يكوون متاثر من تجرببته وهذا شي لازم منه
وغير كذا انا اطلب منك سوال امام المسجد الي جنب بيتهم عن صلاته لانه اذا كان مايخاف من الله خاافي منه
وحاجه ثانيه اسالي عن بره بأمه اذا كان بار فيها هاذا لاتخافين على نفسك معااه اتوقع السوال عن الصلاه وبره بأمه هذا اهم شي وتضمنين بها حياااتك وبالتوفيق يالغلا
اسال الله ان يقر عينك بالزوج الصاالح الي ينسسيك ألمك
دعووواتك لي

__________________