حسيت أنك ناقص عقل أخى

أسفة على الكلامـ بس هذه لحسيتها

الله يعين روجتك

حاول تاخذ دروس فى الحياة الروجية لحتى تعرف تعيش بهذه الحياة

يا اخي الموضوع بسيط
وهذا ما اسمه تفتيش لان على حسب مفهومي ان مافيه بين الزوجين رسميات وشي عادي اذا اخذت جوالك وشافت وش فيه
وما توصل للطلاق ولولا حبها لك ما سوت كذا
وانت غلط لو دقيت على الصيدليه وريحتها وارتحت
يعني الموقف كبر اكبر من حجمه الا بحاله وحده اذا انك تدور سبب من اول عشان تطلق
شي ثاني بقول لك موقف صار علي وشوف الفرق ووش سبب الغيره عند النساء
انا صار لي نفس الموقف واخذت جوال خطيبي
ودخلت على الاستديو وكله صور بنات واشياء تااافهه
وبعدها على المسجات وفيه مسجات من ساره وعهود ومدري مين تدري وش سويت ؟؟؟

عطيته الجوال وضحكت ووريته اني شفتها قلت سلم لي عليهم
والصدق والله ما انقهرت ولا زعلت وعااااااادي جدا وحتى بعدها كلمته ولا كان شي صار
مواقف كثير صارت لي معه ولا اهتميت

تدري ليه ؟؟
لاني ما احبه وزيه زي الجزمه عندي ولو اعرف انه طالع مع وحده كمان ما همني ولا فرق معي لاني كذا ولا كذا بشووته
ولا ناويه اكمل معه

زوجتك او اي زوجه تسوي كذا ترا تحب زوجها لو ما تحبه ما غارت
ياخي من حقها تدافع عن حياتها وتعال اقرا بقسم المتزوجين شوف مشاكل الخيانه واكيد انها تسمع وتقرا عن الخيانات الزوجيه
وبعدين هي وش يدري اهلها انه رقم صيدليه ولو انت لاقي اسم رجال بجوالها كان سألتها واتحداك
لكن الله يصلحك كبرتها واللحين حتى لو بتروح تقول رقم صيدليه ما بيصدقونك وما الومهم صراحه


الله يصلحك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

انا كمان نفس الشي لقيت في جوال زوجي اسم بثينه طبعا مو تفتيش لكن اتصلت عالوالده من جواله وماردت لما رديت اعمل ريدايل لقيت الاسم طلعت بنت اخوه وكنت توي متزوجه وموحافظه اسماءه انحرجت والله لكت فعلا المرأه التي لاتغار ليست بامرأه هذه طبيعتنا لكن عمره ماجاب سيرة طلاق الله يهديك يأخوي اتعوذ من الشيطان حرام عليك احنا الحريم عاطفيات واذا الوحده حبت زوجهأ تبغى تتاكد كل لحظة والتانية انه مابيخونها وان كان الرجل ابن ناس وكفو ويخاف ربه فاصحاب السوء موجودين


صالحها ورجعها بيتها وخلي عنك الطلاق تروح تندم ندم شديد

__________________

حبــــ نادر ـــــي

الله يهديك بس هذا موضوع يستحق أنك تزعل عليه وتزعلها وتوديها لبيت أهلها بعد !
هل هذا مفهوم الزواج عندك وقدر الزوجه ؟
لأنها أسألتك أو حتى على قولك أتهمتك ! وين المشكله رد عليها وقولها رقم الصيدليه واتصل ماراح تنقص منك ايد ولا رجل ان وضحت لها الموضوع !!!!
طلاق مره وحده من جدك والا تمزح ؟
اذا هذا مفهومك الزواج الله يخلف على مرتك المسكينه
تعوذ من أبليس بنات الناس مولعبه لأنها أسألت تجازيها بالطلاق
وتحلى بالحكمه والهدوء بحل أمورك الزوجيه وياليت تفهم المعنى من الزواج وتكون على قدر المسؤوليه

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

اشكركم على النصيحة
بالنسبة لمن سأل لو شفت اسم رجال في جوالها راح اقدم حسن الظن يمكن ولد اختها او ولد اخوها مثلاً
لكن القضية ليست في الاسم
فلو انها شافت الاسم صدفة وسألت ما عندي مشكلة ابداً
لكن التفتيش وكأنها مبيته لي سوء الظن وانها لا تثق فيني

من سأل عن اني تزوجت سابقاً
ابداً هذا اول زواج لي ولكن سبق لي ان خطبت وما كتب
انا تزوجت ابي اغير حياتي
وانا مافكرت اني اطلقها بسبب قصة اسم ياسمين فقط
لكن القصة الي صارت فتحت عيني على اشياء كثيرة

اتوقع انك تشك ان لزوجتك علاقات في السابق


الله يهديك عيب وحرام عليك
انت الخسران في ناحية الطلاق ومين الغبية إلي بتقبل فيك بعدين
الله يهديك ويصلح حاللك

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

البعض قال اني ادور عليها اي زلة عشان اطلقها
لو ابي اطلقها طلقتها بدون لا انتظر كل هذه المدة

لكن اعترف اني ما حبيتها ولا كرهتها

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ

موبالضروره أنك تهيم بحبها ! الهدف السكن والموده والرحمه ..

عن نفسي أشوف الحب له أعتبارات كثيره مايجي بيوم وليله

تروى فى حكمك وقراراتك الموضوع مومستاهل تهدم بيتك وتكسر قلب بنت الناس

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

يا أخي هنا مربط الفرس
لوكنت تحبها لكنت سعدت من غيرتها( وفهمتها حب من زوجتك) وكانت معاملتك لها تغيرت و لكنت تغاضيت عن تصرفها
وعن زوجتك إذا لم تشعر بحبك نحوها( خاصة وأنكم لس جداد في الحياة الزوجية) فستتسائل هل هناك ما يبعدك عنها ومن هنا يبدأ عقلها ينسج قصص خيالية
وربما لو دخلت زوجةك المنتدى واشتكت لكتبت عن الحرمان من العاطفة وعن بعدك عنها وعن اهمالها وتجاهل كل ما تقوم به لتلفت انتباهك إليها(وأقول ربما )
لأن الزوج إذا لم يكن محبا لزوجته لن يشعر بحاجاتها وآهاتها
والزوجة في هذه الحال إن رأت أي إسم أنثوي في جوال زوجها و مع الغيرة والتي تكون شديدة تصرفت من غير ما تحكم عقلها ولها العذر في ذلك
لأن الزوجة تحب أن تحس بالحب من الزوج واهتمامه وتقديره
وبحبه لها تطمئن وإن غارت تكون غيرتها معقولة(يعني لا تصل للشك)
هداك الله لما فيه الخير لكما
لكن إن الطلاق أبغض الحلال عند الله ولن يكون إلا إذا استحالت العشرة يعني بعد تطبيق كل الحلول الممكنة للإصلاح
ولا أظنك كتبت الموضوع للاستشارة إلا لأنك متردد في اتخاد القرار بين الطلاق والبقاء على الزوجة وذلك لأنك لا تحبها وأنت خائف من أن تقع في ما قد تندم عليه بعدين
لذلك أقول راجع امرأتك وحاول أن تستمر معها وتصبر عليها وحاول أن تتقرب إليها وتفهمها وبعد مرور الوقت قد تفهمها ويجعل الله في ذلك خيرا
( لأن الرسول صلى الله عليه وسلم يقول لنا لا يفرك مؤمن مؤمنة إذا كره منها شيئا أحب منها آخر)
وعليك بعد كل هذا اللجوء إلى الله بالدعاء أن يجمع بينكم بالحب والرحمة والمودة
وتأكد أن الزواج في مراحله الأولى يكون صعب لأن الأزواج يكونان مختلفين في الأفكار والتربية والمجتمع وأشياء كثيرة كالعادات والسكولوجية لذلك يجب الصبر والتريث
وفقك الله لما فيه الخير وأصلح حالكما

خليك شهم و امتص الغيظ و شوف لمحاسنها و الانسان لا يخلو من عيوب ربما غيرتها عليك شديدة لانها تحبك و لو حتى تزوجت من مرأة اخرى مستقبلا لا تحط انك راح تتعامل مع ملاك ياأخي الصبر على الزوجة فيه اجر كبير و الدنيا لا تخلو من الكدر خصوصا بين اثنين الحياة بينهم ضيقة و مشتركة