أهلين بالخاله بيتا، أشرقت و أنورت
لا الحمدلله البنات ما قصروا الله يجزاهم كل خير و الحمدلله أنا حالتي الحين أحسن بكثير
استوعبت الكلام و قريت ردودهم كثير إلين تقريباً فهمت وين أساس المشكله

بارك الله فيكي عزيزتي

__________________

الامومة هي ان تضحي بكل شيئ جميل ليكون في اطفالك الاجمل

مستنياكي خذي وقتك و لما تكوني جاهزه تعالي فضفضي

__________________

الامومة هي ان تضحي بكل شيئ جميل ليكون في اطفالك الاجمل

:*

شفت كلامك لنورا بخصوص البنت
وأنا أقولك سوي إلي يريحك لأنك أنتِ أعلم منا بالشيء إلي يناسب شخصيتك
وإلي يساعدك لتكوني مرتاحة
وأنتِ طيوبه وحساسة كثير ومنتِ حابة تجرحي حد منك وخاصة أحد محتاج لك
لذلك الافضل فعلاً تتبعي طريقتك أنتِ بالإنقطاع عنها والإستمرار على عدم الرد
:*
الله يوفقك ويهدي سركم

:*

__________________

سامحيني يا لوف .. أتابع موضوعكِ منذ بدايته ولم أنتبه لطلبكِ .. ولم أستوعب إلا بعد أن قرأت رد العزيزة بيتا فرجعت لبداية الموضوع لأرى أين ذكرتِ اسمها .. وتفاجأت بأن اسمي معها .... أعتذر منكِ كثيراً.

ولكن حقيقةً ردود العزيزات نورة وسيدة الموقف وروح كفت ووفت .. ولم أكن سأقدم لكِ أفضل مما قدمن .. تبارك الرحمن ربي يكملهن بعقولهن.

وكما قالت العزيزة بيتا .. استحضري رضا الله وثوابه عندما تمرين بمثل تلك المواقف .. وسيخف التوتر بإذن الله وترتاحين أكثر .. وأنا شخصياً أفعل ذلك.

أسأل الله أن يصلح بينكِ وبين زوجكِ ويبعد عنكما نزغات الشيطان.

__________________


اللهم طِيبَ الأثر .. وحُسْنَ الرحيل.

بيتا .. بأجرب دحين .. ^_^

.
.

لوفي ..
( أنا و زوجي عكسكم تماماً ) ..

أنا زوجي وقت تزوجني و فترة الخطوبة ، قالي أنا من البيت للشغل و المسجد و العكس ..
و بأجلس معاك طول الوقت و نروح و نجي و نسافر وو إلخ ..

تعودت على كلامه هذا و كان فترة الملكة لاصق فيا ، و عودني على وجوده جنبي ..
و أنا كنت أروح و أجي عند أقاربي و صحباتي و كذا و كان يبغاني بس أفكر فيه و أسأل عنه و اتصل عليه و زي كذا ..

.
.

سافرنا برة و تعرفي الغربة، ما فيها حياة اجتماعية ..

بعد ما ترتبت أمورنا هناك، كان يساعدني مرات في شغل البيت .. يطبخ مرات و زي كذا ..
تعودت على قربه و وجوده و خاصة الفترة الأخيرة ..

.
.

رجعنا السعودية .. انشغلت أنا مع مرض أمي الله يرحمها .. و هو تعود عالسهر و على أصحابه و كذا بزيادة ..
صح من قبل كان زي كذا ، بس زودها مرة ..

.
.

بديت من كم شهر أتناقش معاه بالموضوع هذا بشكل جدي ..
مرات يقول لي ( أنا كذا .. و عودي نفسك خلاص ) .. يعني ما أشوفه غير نص ساعة باليوم مرات ..
و مرات أنام و هو لسلا برة و يجي عالفجر أو قبل الفجر ..

اختلفنا بالموضوع هذا، تزاعلت معاه .. ما ينفع الوضع هذا ..
و أخدت موقف جدي و لحد ما بدأ ينظم حاله و سهراته .. و وصلنا لنقاط اتفاق ..

.
.

و أنا مادري إيش فيا، صرت بيتوتية بقوة ؟؟؟
ما أحب أخرج و لا أروح مكان .. استمتع بجلوسي بالبيت و استغلالي لوقتي عشان أشبع من أولادي الإثنين ..
يمكن لإني في ولدي الأول، كنت محرومة منه بسبب انشغالي بالدراسة .. و ولدي الثاني كنت مضغوطة الترم هذا
مع الدوام .. فما أصدق إني ألقى وقت فاضي عشان اجلس معاهم و خاصة الصغير ..

حابة استمتع بكل لحظة من مراحل حياتهم و طفولتهم ..

.
.

صرت أصاحب و أتواصل بسسسسس مع اللي يستاهلوا ..

.
.

زوجي لإنه ماشاء الله توه اللي انطلق بالحياة، فماله خبرة بالتعامل مع الناس و يوثق بأي شخص ..
و كنت مرات بالنااااااادر جداً احذره ينتبه من فلان .. و سبحااااااااااان الله يتعدي الأيام و يطلع عدو مو صاحب ..
و زوجي يقول لي ( ليتني سمعت كلامك ) ..

بس طبعا مستحيل أجبره يكلم فلان و لا علان .. و لا أتدخل بعلاقاته معهم ..

.
.

بس فيه واحد من أصحابه ( أكرهههههههههههه ) .. كان هو و زوجته حبيسببوا مشاكل بيني و بين زوجي
و زوجي وعدني ما يكلمه و يقطع علاقته فيه، لإنه قليل أدب ، يتكلم عن زوجي قدام زوجته و هي تروح و تتكلم عن زوجي
و زي كذا تطور الموضوع .. و حكاية طويلة ..

المهم ..
زوجي عادي، رجع يكلمه بعد فترة .. لكن أبدااااااااااااااااا ما يجيب سيرته قدامي و لا يكلمه قدامي
لإني أعرف إني اتضايق من صاحبه هذا ..

.
.

فاللي بأقوله لك ..

- حلول نورة رائعة، و هي اللي طبقناها ..
- زوجك ما يبغاك تنعزلي عن العالم، بس يبغى يكون هو و البيت و الأطفال ( رقم واحد ) في حياتك ..
- لا تحكي له التفاصيل اللي تزعجه عنك و عن علاقتك بزميلاتك ..
- للأسف، هو تعود على لوفي اللي عاش معها 6 سنوات .. و خايف إنه كثرة علاقاتك تلهيك عنه و عن البيت ..
- وقت يكون معاك، لا تحكي مع صحباتك و تطولي بالمكالمة معاهم ..
- مرات بيني له، إنك لغيتي مناسبة أو حفلة ( عشااااااااااااااانه و عشان تجلسي معاه )
راح يحزن بعد كذا، و يخليك تحضري المناسبة اللي تبغيها ..

بس يبغالها شوية مسايسة و دلع و غيره ..

إذا مثلا تعرفي وحدة لها أطفال قد أطفالك .. فاستغلي ( محبته لأطفاله و الجو العائلي ) ..
و اخرجوا كلكم سوا .. أو تجمعوا كم عيلة و اخرجوا مع بعض اتمشوا ..

أو وضحي لهم دايم إنك تقابلي زميلتك مثلا عشان ولدك يلعب مع ولدها و ينبسطوا ..
هو عشان أولاده أظن ما راح يرفض .. لإنه الهدف ( عائلي و أسري )

شوفي .. كلامي كثير و ملخبط و مو مرتب ..
بس حلول نورة يوم قريتها ، اختصرت الكثييييير الصراحة ..

و زوجي وقتها بدأ ينفذها ..
صرت ما اهتم إن غاب كثير ..

المهم، إنه يحسسني إننا نحن رقم واحد في حياته و يهتم بنا
مو كل حياته ( أصحابه و كل اسبوع شبكة و ملكة و زواج وووو إلخ )

يعني أنا زوجي يبغى ينطلق دحين و بأستنى متى يمل و يشبع

فعلاً أنا مرتاحه أكثر للطريقه اللي ذكرتها بس أخاف تكون غلط فعشان كدا سألت عن رايكم
بتبعها إن شاء الله و ياريت تبعد و تسيبني لحالي و ارتاح

أشكرك للمره المليون حبيبتي

__________________

الامومة هي ان تضحي بكل شيئ جميل ليكون في اطفالك الاجمل

أهلين يا مهره أخبارك و أخبار العيال؟؟ و البيت الجديد؟
الحمدلله البنات ما قصروا الله يزيدهم حكمه و يجزاهم خير

شكراً عزيزتي

__________________

الامومة هي ان تضحي بكل شيئ جميل ليكون في اطفالك الاجمل

طلعات جماعيه مع عوائل ثانيه ما يحب، يقول خلينا نطلع لحالنا ماله داعي وجع الراس
طلعات لحالي مع العيال عشان نقابل عيال ثانيين ما يمانع أبداً

سالفة التلفون لو وحده اتصلت و قلت لها من البدايه زوجي موجود فتختصر المكالمه، يقول ليش بسرعه كدا عندك سر و ما تبغيني أعرفه؟
و إذا اتكلمت عادي مع المتصله، أول ما أخلص يقول عن جد قرارات
ما أدري ايش يرضيه

شكراً يا روح و الله يخليلك عيالك و زوجك

__________________

الامومة هي ان تضحي بكل شيئ جميل ليكون في اطفالك الاجمل

الله يعينك و أساساً إنت الحين في مرحله ما يهمك غير عيالك و خاصة البيبي (إلا كم عمره الحين الله يحفظه)
فعشان كدا ما تهتمي كثير، بس لما عيالك يكبروا شوي بتبدأي تفتقديه

الله يخليكم لبعض إن شاء الله

__________________

الامومة هي ان تضحي بكل شيئ جميل ليكون في اطفالك الاجمل