احب طليقي بجنون لاسف !
تعبت تعبت تعبت اشيل هم يهد جبال بدري علي الهم انسان ماخاف ربه فيني طلقني بدون سبب والله العظيم بدون سبب
كذا فجاءه تغير علي كرهني عين حسد هذا الي متاكده منه بس تفرقنا هذا الي يقهر
حبيته قبل اتزوجه وكان فارس احلامي تمنيت اتزوجه دعيت ربي طحت عند الكعبه وقلت يارب زوجني اياه
واستجاب الله وليته لم يستجيب !!
عشت معه اجمل ايام عمري واحلاها نساني الناس نساني صحباتي واهلي نساني هموم الدنيا
لقيت فيه اجمل الصفات لقيت فيه كل الصفات الي اتمناه
كان رجال بين الرجال وكلن يمدح فيه وباخلاقه
كان , حنون , طيب , وسيم , رومنسي , يحس فيني ويفهمني من نظره ..
كان كل الحريم يحسدوني عليه وكانت عمته تبيه لبنتها ونظرات الحسد لاحقتني لحد مافرقتنا وراح لبنتها !!
اذا كنا مع بعض تهاوشنا ولارحنا عن بعض اشتقنا واجتمعنا مشتاقين ونسينا اساب زعلنا ورجعنا نحب بعض اكثر واكثر
زواجنا كان سنه بس والله مامداني استانس واعيش معه واشبع منه !!
استعجل بطلاقنا ماعطاني الفرصه اغير واعدل او حتى اتعلم !!
كرهني لدرجه ماقدر يعطيني الفرصه
ماني قادره اكرهه ولاني قادره انساه ماتذكر فيه صفه وحده اكرهها كل صفاته احبها وكنت اتمناها بزوجي
ياليت فيه شي واحد يخليني اكرهه
القهر ياكلني الحزن دمرني الندم الحسره
حاولت الانتحار اكثر من مره لكن مشيئة الله فوق كل شي
ركبت دباب و كنا بالعيد دعست عليه لاخر شي وجيت عند طلعه عاليه وركبت فوقها ولفيت بسرعه وانقلب الدباب
على امل ان يصير فيني شي ادخل غيبوبه او اموت لكن الله كاتب لي اعيش بقهري الى مالايعلمون طحت حصلي رضوض تمنيت اموت ادعي على نفسي بغيبوبه ماصحى منها الابعد سنه يمكن يكون عقلي نسى
والان بعد شهور من طلاقي وبعد مابديت ارفع راسي للحياه جيت لكم و اتمنى مساعدتكم
فوالله محد حاس فيني غير امي العجوز الي عمرها فوق الـ 50 سنه
لمى تشوف بنتها بنت العشرين تذبل قدام عينها تبكي بسببي كثيير وبسبب الحال الي تشوفني فيه تشكي لخواتي مني وانا بغرفتي معتزله الناس واسمعها واسمع بكائها
لكن مابـ اليد حيله
جيتها مره وقلت لها يمه انا مطلقه ومطلقه من واحد ماتمنيت الحياه ولاتخيلتها بدونه
تجاوبني واذا يعني تطلقتي انتي صغيره وانتي ... وتبدى تذكر مميزاتي
وشلون بتحس فيني وشلون بتفهم الي انا فيه وهي عجوز كانت بعصر التخلف والجهل
وشلون بتفهم وضعي والي انا فيه امي عندها تتطلقين عادي وبعده تتزوجين عاادي ماتوقف الحياه
طيب كييف وانا قلبي مع طليقي كيف واذا لقيت الثاني غيير واذا لقيت فيه صفات اكرهها واذا ماتقبلته واذا ماحبيته اتطلق مره ثانيه والا ارضى اعيش بهمي وحسرتي لاخر العمر معاه ولاكيف ومن بياخذني وبيرضى فيني وانا مطلقه !!
هذا الي يذبحني هذا الي يخليني اتقطع باليوم مليون مره من يعوض مكانه من يعيشني حياه احلى من الحياه الي عشتها معاه
تعبت تعبت التفكير والقهر هد حيلي
اصبت باكتئاب ومتاكده انه شديد مارحت اي دكتور نفسي لان شفت ناس يتعالجون عند دكاتره نفسيه اصبحو مخاابيل والا انا محتاجه طبيب نفسي يشيلني من الوضع الي انا فيه
اعتزلت الناس صرت 24 ساعه بغرفتي لاكل لانام بس ابكي هم فعلا عرف كيف يكسرني وينهيني
كرهت الحياه بالوانها كرهت اهلي وامي وكرهت الناس رسبت بالجامعه حملت جميع المواد بغيت افصل لكن امي رفضت واصرت اروح للجامعه صرت اداوم اقعد باخر مقعد بالقاععه واحط راسي على الطاوله وابكي هذا حالي كل يوم ماعندي صاحبات بالجامعه كان هو صاحباتي ودنيتي والحياه بالنسبه لي
حااالي نحف نزلت فوق 18 كيلوو صرت مومياء
شافوني الناس قالو تحبه ونحفت بعد ماطلقها مسكينه للهحين تحبه وصارو يتكلمون الكلام يوصلني ويزيدني هم على همي
صارو يتدخلون حتى بشكلي ماخلوني بحالي حتى نحفي تدخلو فيه
طلاقي بائن يعني ثلاث مرات
وطليقي ملك
انهرت زياده اصبحت انام على دموع واصحى على دموع
ماني متخيله يروح لمره غيري اه تمنيت الموت ولااسمع خبر ملكته
ادعي على نفسي بالموت وبالحادث وبالغيبوبه لان والله العظيم اريح لي بمليون مره من الوضع الي اعيشه الحيين
محتاجه دكتور نفسي ابي شي يهديني شي ينسيني شي يغيبني عن الدنيا
بس ماابي ادمن على حبوب مابي اصير مثل الناس الي يتعالجون الي تغيرت شخصيتهم وصارو مخابيل
مابي انكسر زياده
مابي ادمر مستقبلي بسبب الحبوب النفسيه
وبنفس الوقت ماني قادره اتحمل الواقع ابد مت والله العظيم مت
ساعدوني وش الحل ابي انساه ابي انساه ابي انساه ابيه يكون نسيا منسيا وقفت حياتي عليه وقفتها غصب علي مو بيدي وش الحل عارفه مافي حل بس وش تنصحوني اسوي حالي مايسر لاعدو ولاصديق
تكفون احد يحس فيني
تعبت والله العظيم
التعديل الأخير تم بواسطة أعماق ; 11-07-2012 الساعة 01:49 PM
10-07-2012, 03:37 AM
ضوابط المشاركة
العرض الشجري