انا صايمه و بفطر و برجع لج ان شا الله بعدين


مبدئيا الحلم حاولي تفسرينه عند شيخ ثقه (لان الحلم فيع قط لهالسبب ابيج تفسرينه)...


كم صار لكم مالجين؟؟؟ عندي كلام وايد و برجع لج للتعليق بس خبريني كم فترة الملجه...

الله يتقبل منك يارب العالمين حتى أنا صايمة لكن احنا ما زال لم يأذن العصر بعد
ربما أنتم تسبقون في الوقت نعم ان شاء الله ساحاول أفسره عند شيخ ان شاء الله
فترة الملكة دامت شهرين ونصف
ربي يحفظك حبيبتي ربنا يوفقك اشكرك جزيل الشكر على اهتمامك بمشاكلي
ربنا يعطيك كل ما تتمنيه

و شو يعني "متبوع"؟؟؟

أختي مجاهده...

في امور تصير دايما لخيرة للإنسان...

توقعت اخوه يتفهم أكثر... بس الظفر عمره ما يطلع من اللحم مثل ما نقول... و ما راح يذم في اخوه قدامج.. خاصة ثالث زواج و إذا ما تم فراح تكون مشكله كبيره..

بصراحه و من الآخر... التبريرات اللي عطاج اياها غبيه... زوجج كان يقدر يشرح هالكلام كله من البدايه فليش كان يتصل بس علشان حاجته الجنسيه!!!! هو مب ياهل... متزوج مرتين.. يعني الأخطاء اللي ارتكبها في الزواجتين المفروض يتجنبها الحين...

و لكن هذا ما يمنع انه انتبه لنفسه و نحاول نعدل الأمور... سبحان الله... يمكن هالخطوه اللي خطيتيها هي اللي قومته من سباته و خلته ينتبه على نفسه و أخطائه...

ارساله للمبلغ تصرف ممتاز و هي خطوه حلوه منه... فليش يا مجاهده ما نحاول من جديد و نعتبر انج ملجتوا البارحه... البخل... راح تعرف إذا هو بخيل او لا... اطلبي منه يرسل لك مصروف شهري (أعرف الإخوان و الأخوات ممكن يعترضون على هالنقطه بس هذا الشي الوحيد اللي راح يبين بخله في الوقت الحالي لأنه مب موجود معها)... و حددي القيمه بأنها تكون وسطيه...

الصور اطلبيها من بنت اخته... إذا تحججت فاطلبيها منه مباشره... و خلينا نشوف تصرفه معاج..

علاقته مع بنت اخته... اطلبي انها تكون رسميه و مب وايد طايحه الميانه بينهم (لاحظي انه بنفسه تكلم عن علاقته بها و معنى هالشي انه عارف ان تصرفاته غلط)..

المتبوع هذي ما فهمتها.. فيا ليت تفهميني اياها..

موضوع انه ملك عليك بعد وفاة اخوه مباشره مالج دخل فيه... هم اتخذوا هالقرار فهذا التبرير غباء...

ابتعدي عن المواضيع الجنسيه في الوقت الحالي معاه.. و إذا فتح المواضيع... قولي له انج تتفهمين انه محتاج يرتاح معاج بس الموضوع مب مريح لج في الفتره الحاليه لأنه شي جديد و تفضلين ان هالفتره تكون لفهم الشخص الآخر...

لا تردين على اتصالاته او رسايله في الوقت الحالي و لا حتى اخوه... لأن أخوه صاف معه الحين.... خذي اسبوع فكري فيها عدل في الشروط اللي تبينها... تقدرين ترسلين له رساله اليوم و تطلبين منه انه يعطيج فرصه تفكرين في الإستمرار او الإنفصال و انج تتمنين انه ما يتواصل معاج هالفتره علشان تقدرين تفكرين فيها بطريقه سليمه و بدون تأثير من أحد... في حال قررتي الإستمرار اطلبي منه ان يتصل (لالالالالالالالالالالالالالالا تتصلين انتي)... و حطي شروطج كلها...

كلام اخوه عن الزوجه المثاليه و الصبر و القوه خله يقوله لأخوه بالأول... الزوجه تصبر إذا شافت شي زين من زوجها مب شي سيء..

في حالة انج قررتي الإستمرار... خبري امج او اخوج الكبير بالمشاكل اللي صارت بينكم و انكم وصلتوا لطريق مسدود و بكل شي صار و انج راح تحاولين مره ثانيه معاه.. علشان ما يجي حد يقول لج بعدين عطيه فرصه...

خلال هالفتره حاولي تسألين عنه عدل و تتقصين شو الأسباب الحقيقيه ورا الطلاق و لكن بشكل غير مباشر...

خلينا نحاول شهرين على الأقل يا مجاهده... و انتي بنفسج راح تقدرين تشوفين بعد الشهرين إذا الإستمرار معه صح او لا...

حبيبتي مجاهده... الحمدلله اني أقدر أساعدج في شي و أقدر اساهم في توضيح الأمور لج...

مثل ما قلت لج قبل... اطلبي منه فتره اسبوع تفكرين فيها بكل جديه في كل النقاط و في الشروط اللي تبينها... مع عدم التواصل نهائيا معه علشان ما تتشتت أفكارج.. رتبي افكارج في هالفتره... حطي الإيجابيات و السلبيات... فكري بعقل و بدون عاطفه...

و ان شاء الله ما راح يصير الا كل خير...

كل أمر المسلم له خير.. صحيح اني انا نفسي احيانا اتسائل شو هو الخير في الشر اللي يصير لي... و لكن ثقتنا بأن الله سبحانه و تعالى يعلم وين الخير لنا هو اللي يصبرنا...

لا تستعجلين في ارسال الأوراق...

قولي له انج محتاجه شوية وقت تفكرين و هذا زواج و مسؤوليه... و أتمنى انج ترسلين له هالكلام كرساله مب في مكالمه هاتفيه لأنج تتأثرين بسرعه و تتعاطفين...

زوجج مطلق مرتين... و المطلق مرتين يكون حريص انه ما يطلق مره ثالثه....

اعذار اخوه بايخه ترا معروفه اخوه بيزكيه ما بيغلطه
مجاهده تحسين فيه امل انو يتغير ؟؟؟؟؟
وانتي حاليا وش شعورك تجاهه ولايش مرتاحه اكثر للاستمرار ولا الانفصال ؟؟

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

نعم حطموك يا قلبي أعرف بأن أخوه لا يقول عله أي عيب ولو غلط في حقي

بصراحة لا أحس بأي شيء تجاهه لانني بمجرد أن سافرت معه تغير وما أحسست أنه مبسوط معي

ولا تصرف معي جيدا لكن بمجرد أن سافر بدأ يتصل بي ويقول كلام حلو وكلام الحب ويقول بأنه يشتاق لي

ويبسط معي ويضحك والله ما استغرب منه أكثر عندما كان معي لايعير لي أي اهتمام وبعد السفر تغير للاحسن؟؟؟؟؟؟؟؟؟؟؟
والله خفت أنه مسحور أو عنده مشكل لانني عندما تكلمت معه بدأت أذكره بأخطائه معي يقول لي اسمحيلي

فأنا لم أقصد أن أجرحك أو أتصرف معك تصرف سيء .
بصراحة كنت مرتاحة أنفصل أحسن لكن عندما طلب مني المسامحة عدة مرات أريد أن أكمل لكن

خفت أن ينتقم مني لانني جرحته ببعض الكلمات
أرجوكم مرة أخرى واسمحولي كثيرا على الاطالة وعلى رجائي لكم كثيرا
هل أتصل به وأطلب منه المسامحة على ما صدر مني من كلام جرحه أم لا أدر على اتصالاته

حتى يفوت أسبوع أو أكثر أرجوكم ماذا أفعل في مثل هذه المواقف

ليش خايفه ينتقم منك عشان كلامك تتوقعين هو من النوع ذا او كان يلمح باشياء كذا
اذا كان من ذا النوع فانتبهي انتبهي انتبهي
تدرين مجاهده بيني وبين خطيبي اكثر والعن من اللي بينك وبين خطيبك
وكان يلمح لي بطريقه غير مباشره انك لو سويتي كذا بردها لك بكذا وكذا اللي يقصدها شي ما ينلعب فيه فعشان كذا لو يسوي اللي ما يتسوى لو يتوب لو يصير داعيه ما ارجع عن طلب الانفصال
بعد ما مسحت بكرامته الارض
انتبهي لعمرك ولا تاخذك العواطف والثقه الزايده محد يضمن احد
كلامي ذا في حال ان لو عندك احساس حتى لو بسيط انو من هالنوع
اما اذا لا فقفلي جوالك هالاسبوع اطلعي تمشي انسي الايام تمر بسرعه غمضي عينك وفتحيها مر الاسبوع
بس رفهي عن نفسك لا تقعدين تفكرين بس وبعد الاسبوع لكل حادث حديث

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

ما تتصلين تعتذرين و لا شي... خليه يفكر في كل شي سواه معاج.. و يراجع تصرفاته...

و الكلام اللي قلتيه عادي... و المفروض كان ينقال من زمان... المراعاه تكون للشخصين... مب لطرف على حساب شخص آخر..

التزمي بكلامج... انتي قلتي له تبين اسبوع تفكرين... إذا خلال هالأسبوع ما شي اي تواصل بينكم... لأنج محتاجه تفكريييييييييييييييين...

هو محتاج اكثر منج ان هالزواج ينجح.. لأن فشل زواج ثالث له و خاصه قبل الدخول راح يعطي صورة سيئه جدا عنه... و ما راح تقبل فيه اي بنت ثانيه الا بشق الأنفس.. لهالدرجه تلاقينه مستميت على انجاح الموضوع الآن..

سالفة انه قال انج جرحتيه.. خليه ينجرح.. علشان يحس ان له زوجه... و فعلا هذا اللي صار.. توه حس انه زوج!!! وينه طول هالفتره ما يفكر فيج الا وقت الشهوه!!!

الحين هو يعرف انج تبين تفكرين.. خلاص خذي الأسبوع و فكري في الموضوع عدل..

و رجاااااااااااااااااءاااااااااااا لا تتواصلين معاه... خذي وقتج في التفكير بطريقه سليمه بدون تدخل منه...

رعاك الله يا أختي لكل شيء حد نصائحك استفدت منهم كثيرا
أشكرك جزيل الشكر ربنا يحفظك أختي الان سأعمل بكل نصائحك أن شاء الله

وبعد أن أفكر جيدا وأستخير ان شاء الله بعد أسبوع أكون قررت قرار فيه خير يارب العالمين
ربي يكتب لي اللي فيه خير
أختي ربنا يجازيك عني بألف خير ويصلح أحوالك حبيبتي