الوالد يرفض أن يزوجني(المستجدات بالرد 45)
السلام عليكم ورحمة الله وبركاته
انا متابعتكم من زمان ومره تعجبني ارائكم(ماشاءالله) المنتدى اغلبه ناس حكيمه ..
ماعمري صرت محتاره بحياتي ولا عاجزه كثر هالمره،، انا عمري 29 (الحمدلله محظوظه بكل شي) اهلي اسره متماسكه ووضعنا الاجتماعي جيد وحالتنا الماديه ممتازه ووظيفتي مرموقه جدا، انا البنت الكبيره ولي اخوين مبتعثين للندن واختين في بداية سنتهم الجامعيه،
مشكلتي فالزواج، كل ما انخطب الوالد حفظه الله يرفض بمزاجه بدون ما يشاورني
واذا الوالده شاورته،، يقول ما يستاهلها ( على فكره ابوي مكرس حياته لي ولاخواني يعني لو نطلب لبن العصفور جابه، وانا مطيعه جدا له واحترمه مره)
المهم اني انخطبت كثير مره، والله كل العوائل اللي نعرفهم وعندهم اولاد خطبوني حتى لو اولادهم اصغر مني،
انا مرررررررررره طفشت وتعبت من هالوضع، ابي اتزووووووووووووووووووج
انا من كثر احترامي لابوي ماعمري كلمت شباب ولا اعطي احد وجه،ب
س انا بنت ولي مشاعر واحب الاطفال وعندي غريزه ومن حقي اعيش حب بالحلال
الناس تسال ليه ماتزوجت وش فيها؟؟؟ كل الي حولي تزوجوا والله صرت احس بالنقص وانحرج..
الزبده**
خطبني واحد من عايله معروفه بالطيبه وامي ارتاحت لهم لما كلموها
شهادته اقل مني( انا دكتوراه وهو بكالريوس)
وكمان يدخن-- مفصول من عمله الاول بسبب الغياب ومتوظف حكومي بشغل ثاني براتب جيد.
انا ماتفرق معي لا شهادته ولا اذا كان يدخن او لا
يهمني اخلاقه ومره ارتحت لهم وابيه
والله لي شهرين قبل انام ابكي صرت اجلس لحالي 24 ساعه
الوالد لما عرف عصب مره مره
بدون مبالغه مره تضايق وصارخ
وانا طفح فيني الكيل.. سكت كثير والان لازم اتكلم.. انا دايم اقدم رغبات ابوي على رغبتي وهو يعاملني كاني بنت صغيره..انا قررت اتزوج غصبن عن ابوي
بيزعل كثير ويمكن مايكلمني طول العمر بس خلاص مافرقت معي
ابي نصيحتكم.
رجاء لا تقولون ناقشيه واجلسي معه كلميه
ابوي ديكتاتوري واحنا عياله ممتلكاته الخاصه
ويحس محد بالدنيا يستاهلنا.
لو سمحتو عطوني حلووووول
لا تشرهون على اي شي كتبته لاني في اشد كربه وضيقه
التعديل الأخير تم بواسطة شقـردية ; 01-09-2012 الساعة 04:53 PM
31-08-2012, 06:42 AM
ضوابط المشاركة
العرض الشجري