ذكرت كل المقالب التي تعملها الزوجة بزوجها افلا يوجد للرجل المعدد مقالب يقوم بها على زوجاته وحيل ام انتم الملائكة ونحن الشياطين

بصراحة فيه بعض بعض المواقف قلة خوف الله فيها وقلة حيا وتعدد علي حق الغير.
دايم اقول لامي لازم تتعاملين كأننا بحرب حشا احياناً ارحم أبوي لانه اكثر من ثنتين.
مرة قهروني كانوا مسافرين وقلنا تستأنس نستفرد بابوي نحس شوي انه لنا
لكن يا فرحة ماتمت كل شوي وحدة تدق فلان مريض وفلان مدري وش فيه صجونا
قلت لأبوي حركاتهم ما تمشي علينا الحين مسافرين ويبون ينكدون عليك لاتصدقهم
ضحك أبوي قال انتي الجارة مؤ امك. أمي كالعادة مطنشه تقول كيفه ماعليه شفات.

حسب الي أشوف المعددين هم ماكلينها. خلوهم ماحد علي قولتهم يجمع الحريم.
كلامهم مؤ أنا مالي شغل فيهم.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

الأخ الكريم/ أبو خليفة
-رأيك هذا سوف يتغير مع مرور الأيام؛ لأنك لم تستسغْ بعد التجربة الجديدة، ولم تتأقلم معها.
-نعم! لا بد من فصل الأمور بين الزوجتين.. وعدم إخبار كل واحدة بمشاكل الأخرى.
-الغيرة أمر طبيعي.. فتعامل مع هذا الأمر بذكاء وفهم وهدوء.
-فيك عجلة وسرعة عصبية يا خالد.
-أرجع الزوجة الثانية للبيت.. ولا تجعل الأمر يتطور بارك الله فيك لأشياء لا تستحق.
:::
الأخت الكريمة/ ياسمينة الشوق
-نحترم رأيك وتحليلك.
:::
الأخت الكريمة/ صفاء
-شكراً لإيراد هذه القصة المشهورة.. وهي موجودة في كتب السيرة والحديث.
-صدقتِ.. هناك قلوبٌ بشعة في زمننا.
:::
الأخت الكريمة/ سها رائد
-شكراً لمرورك.
:::
الأخت الكريمة/ هل ترانا نلتقي
-أعان الله والدك.. وحفظ لكم الوالدة.

السلام عليكم ورحمة الله تعالى وبركاته
اسعد الله اوقاتكم بكل خير اخي الفاضل البليغ انت وجميع اخواننا واخواتنا في المنتدى الطيب وكل عام وانتم ومن احببتم بخير وصحة وعافية يارب

اعجبني هالموضوع وانا اقرأ في صفحاته وحبيت اشارك فيه باللي عندي
الصراحة النزاع والخلافات مستحيل تنتهي بين زوجات المعدد بالذات لو الزوج مو ضابط اموره زين وحاط لكل وحدة من زوجاته خطوط حمراء ويجب عليهم ما يتجاوزونها مهما صار

لي معرفة خاصة بصديقة عزيزة وغالية عليه زوجها تزوج عليها وزواجه عليها كان بالصيفية اللي فاتت المهم اول ماجابها للبيت الأولى وعيالها مسكنهم بالدور اللي تحت والثانية بالشقة اللي فوق الدور طبعا لما جاب عروسته الثانية الجو كان مشحون عند الأولى وكانت في قمة غضبها وزعلها عليه وهو من خوفه من ردة فعلها جلس يومين عند الثانية ماقدر ينزل لها تحت جلس يومين على باله الأمور هديت واستقرت وجاء لبيت الأولى وسلم على اولاده وبناته وزوجته مطنشته لا استقبلته ولا اعطته وجه ولما جاء يراضيها عصبت عليه وطردته من البيت شر طرده وجمعت كل ملابسة القديمة والجديدة حتى اللي ماعاد تصلح يلبسها وحطتها له بكيس وارسلت فيها اولاده يحطونها عند باب شقة زوجته الثانيه عاد لما جابوها له اولاده شالها منهم وخلاها عند زوجته الثانية وعنده اولاد وبنات من زوجته الأولى كبار ومتزوجين ومخلفين بعد كلمهم وتدخلوا في الموضوع وحلوا السالفة بين امهم وابوهم طبعا بشروط امهم وافق ابوهم على مضض شرطت عليه اللي دفعه وكلفه في زواجه الثاني يدفعه لها كاش في يدها وبعدين ترضى تجلس مع اولادها بالإضافة لشروط اخرى المهم اعطاها طلباتها و سامحته ورجعت المياه لمجاريها رغم وجود بعض الأوقات انسدادات بالمجاري بعدها قال لزوجته الثانية العروسة خلاص الملابس اللي ارسلتها ام فلان لبيتك اقسميها نصين وخلي نص عندك والنص الثاني ارسليه لبيت ام فلان يقصد زوجته الأولى عاد هي وش سوت ماقصرت نفذت كلامه لاكنها كانت تشيل ملابسه القديمة والمهترئة وتحطها بكيس الأولى والجديدة واللي تصلح تحطها عندها يعني كل الملابس اللي ارسلتها لشريكتها غير صالحة للبس وخلت عندها اللي صالحة تقول لي زوجته الأولى والله اللي ارسلتها لي كلها ماعاد تنلبس تقول شلتها منها وعلى طول على برميل الزباله وانتم بكرامه قالت خير ان شاء الله تبغاه لما يكون عندها لابس وكاشخ جديد ولما يكون عندي حالته حاله ولما سألها وين ملابسي قالت له روح اشترى لك جديدة هاذيك رميتها ما عادت تنلبس
وراح واخذ له ملابس جديدة غيرها

وانا اشوف من وجهة نظري الخاصة إن اللي ينجح في التعدد قبل كل شئ يوضح لزوجاته كل شئ ويحط لهم نظام بأنه كل وحدة فيهم تحترم النظام هذا وتمشي عليه انا شايفة تجربة هالزوجة اللي تزوج عليها زوجها ومو علشان اني اعرفها وصديقة لي متعاطفة معاها لا والله اني انصحها في اوقات كثيرة هي امرأة في الأربعينات وما عهدت عليها إلا كل خير من يوم عرفتها امرأة صوامه قوامه وتهتم بدينها وصلاتها وحجابها قبل كل شئ وتربيتها لأولادها وبناتها احسن تربية نحسبها كذلك والله حسيبها انا اعرف نساء في محيطي كثر لاكن لم أراهم متمسكين بالدين كثر هالمرأة حتى انا اغبطها على اعمالها واتمنى اوصل لنصف اللي هي عليه من التزام احيان لما تشكي من شئ او تفضفض بشئ عليه اقول لها يا ام فلان انتي انسانه فيك خير كثير ونيتك لله ومن عرفتك وانتي مخلصة في كل شئ ولاتحبطين اعمالك اللي فيها خير وتخلين الغيرة تعميك وتضيعك من الدنيا والآخرة خليك كما عرفتك برزانتك وعقلك اللي يوزن بلد انتي اذا استمريتي على كذا بتخسرين اللي قدمتيه في حياتك كلها من طاعة وعمل صالح وعندك اولادك وبناتك ماراح يقصرون معاك ان شاء الله تعالى واليوم اللي زوجك عندك عيشي حياتك كأنه لك لحالك واليوم اللي مو عندك انسيه واعتبريه راح مشوار وبيرجع لك قالت لي والله اني انا اسوي مثل كذا لاكن هو اللي ذبحني وقهرني بنقل اخبارها لي كلها وهو اللي فاتح لها مجال تتصل عليه وتراسله ولما يكون عندي تختلق اي عذر علشان يجي عندها ويجلس معاها في يومي وانا والله اني ماعمري رفعت عليه سماعة هاتف لو هو عندها ولا راسلته ولو صار شئ عندي بالبيت عيالي مايقصرون معاي يقومون بالواجب

يعني المشكلة يابليغ بالزوج هو اللي يسبب حساسيات بين زوجاته بالمقارنة وبوصفه باللي يصير في حياته مع الأخرى

نحن النساء تقتلنا المقارنة اذا كانت بين اختين يغارون من بعض اذا قال الأب او الأم بنتي فلانه احسن من فلانه تسوي كذا وتعمل كذا ومدحها نغار من بعض ونحن اخوات فما بالك بالضرة اللي تشاركها في زوجها ونصفها الآخر صعبة جدا

كمان هناك زوجات يتزوجون بالمعدد على بالها تستطيع ان تصبر وتتحمل المسؤلية وتتحمل تبعات قرارها اللي اخذته لاكن في النهاية ومع الوقت تندم انها اخذت زوج معدد وتتمنى انه لها لحالها بدون اي وحدة تشاركها فيه وتنبع عندها غيرة داخلية في نفسها ما تقدر تسيطر عليها وتفتضح غيرتها في بعض تصرفاتها وكمان فيه زوجات تتأثر بنظرة الناس لها وكلامهم عنها وتبتدي عندها ردات فعل سوى انها زوجة اولى او ثانية او ثالثة او رابعة يعني من كلمة قد تسمعها تنمي عندها جانب الغيرة وتحفزها على اشياء هي بالأساس ماكانت تفكر فيها وتبتدي المشاكل وشغل العناد والمكايدة والمكر بين الزوجات
بعضهم تتعب وتقتنع بعد فترة ان هذا واقع لامناص منه فتصبر وبعضهم تستمر في اللي هي فيه حتى إما انها تضحي بحياتها او حياة شريكتها او اذا كانوا كلهم الثنتين نفس الطبع هنا نقول الله يخلف على الزوج هو اللي بيضيع بينهم

بالنسبة لكيد الأزواج عندي واحد قريب لي متزوج ثنتين زوجات لو تحاشروا وبلغ السيل الزبى وش يسوي يروح يطيح بينهم ويسوي يغمى عليه ويشيلونه للمستشفى وياخذ له إبرتين مع مغذي بعدين كلن منهم تداريه فلان لاتزعلونه ولا تضايقونه يرتفع عنده الضغط والسكر وهو مافيه إلا العافية بس علشان يتفقون حريمه يسوي حركات عليهم بس مدري وضعه بيطول على كذا ولا حيلته بتنكشف لهم


وكمان واحد متزوج له معلمتين وعينه على رواتبهم يروح للأولى ويسوي نفسه متضايق عنده ازمه ماليه عاد هي تسأله وش فيك يبو فلان يقول لها بالسالفة اللي في راسه بعدين يقول طلبت من زوجتي الثانية تعطيني سلف ومارضيت تعطيني طلعت تحب الفلوس اكثر مني الحين عرفت قدري وقيمتي عندها عاد زوجته الأولى قالت هاذي فرصتي راحت ساحبة له نصف رصيدها واعطته له يفك ازمته قصدها انه بيحبها اكثر وتكبر بعينه زيادة
طبعا هو اخذ الفلوس وحطها بجيبه وراح لثانية واعطاها الفلوس وقال لها ارفعي لي هالفلوس بروح بكرة اسدد فيها دين عليه هي ذبحها الفضول من فين جبت هالمبلغ قال لها هاذي ام فلان الله يذكرها بالخير لما عرفت ان عليه دين راحت ساحبة هالفلوس وتعطيني علشان اسدد الدين وحلفت ماتاخذ منها ولا ريال وقالت لي نصىالراتب لك شهريا حتى تسدد دينك
عاد الثانية شعلل قلبها وقالت هين هي تبغى تبين له إنها تحبه احسن مني راحت جابت له الصرافة واعطتها له وقالت الرصيد اللي في الصرافة كله لك وكل شهر راتبي شيله كله لك لاتعطيني الا مصروفي حتى تسدد ديونك وهو ماصدق خبر جالس يلهف في كل وحدة من زوجاته على حساب الثانية وهم يتسابقون كل وحدة فيهم تبغى تظهر له انها تحبه اكثر من الأخرى وتسحبه لها

الموضوع جميل بارك الله فيك اخي الكريم البليغ وجزاك خير
.*

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الخوف من الله وتقوى الله هي الفيصل ان كان في الزوج او في الزوجات
الوالد متزوج ثنتين وماينام الا لحاله والشيب في راسه الله يطول عمره والى الان رايح جاي بين البيتين يودي ويجيب ويشتري ويشتغل مسؤليه مو لعبه وحظ الله يكون في عونه
واعتقد انه صعب تواجه كيد النساء لانه اكبر من أن تتخيل وهو ايضا الذي خلقه الله واستعظمه

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

مع ان زوجي مومتزوج علي وولله الحمد

لكن اود ان اهدي للااخوات الي ازواجهم معددين

هذة الحيلة في ليلة التانية ضعي له قرص منوم في عصير

اوضعي له قليلا من "الشربه " المسهلة للبطن اعزكم الله

وتمني له ليلة سعيدة ههههههه

__________________
للتنبية: ترى المعرف بيني وبين صديقتي فلاتستغربون اختلاف المشاركات

الأخت الكريمة/ بنت الحكمي
-كان الله في عون ذاك الزوج.
-أحسنتِ.. بعض الرجال هم السبب.
-خطير كيد بعض الرجال.
-أما ذاك فيحرم عليه أخذ أخذ أموال زوجتيه بالكذب والباطل.
:::
الأخت الكريمة/ صباح العود
-تقوى الله هي الفيصل.. أحسنتِ.
-أعان الله والدك.
:::
الأخت الكريمة/ درة الخليج
-تخيلي لو قامت إحداهن وطبقت اقتراحك هذا، وخربت حياتها بسبب اقتراحك.. فماذا أنت فاعلة؟

... درة الخليج حتى المزح ترى حلال عليهم حرام عليك
الحين الله يهديك يالبليغ حاطه ههههههه وش طوله
واضح وضوح الشمس انها تمزح وش دعوى الحريم لهالدرجه
عقولهن ناقصات وان سوتها وحده من المخفات
وش بتسويلها درة الخليج يعني هههههه (ولو الله يهديك شاد علينا هاليومين)
الله لايحوجنا لهالسالفه كلها ولايجعل بقلب زوجي غيري آآآآآمين

كل هذا صنع بي ومثله معه !!

__________________
## مهم ##
هل تتعرضين للابتزاز في الانترنت؟


هنا من ينقذك

اتذكر زماااااان يمكن قبل 17 سنه
لما كان ابوي الله يطول بعمره ويمده بالصحه والعافيه عنده زوجتين
كان يودينا السوق الكل يروح امي وخالتي واحنا يالبنات
فكانت خالتي ترجع من السوق وهي ماعجبها ولاشي
بصراحه كنت وقتها استغرب ليه ماتشتري ومعقوله بتعيد من دون ملابس جديده
بس لما يجي العيد اشوف عليها ملابس جديده
وقتها مافهمت هالسالفه ابدا ولااهتميت لها مع انها تتكرر فكل مناسبه تقريبا

بس قبل فترة كنا نتذكر ايام زمان ومن ضمنها هالسالفه
فقالت امي الله يحفظها ان ابوي كان يرجعها الصباح لوحدها وتشتري اللي تبغى وترجع
ياحليلها خالتي الله يرزقها ماتتمنى ياااارب العالمين ويحفظها لعيالها

__________________