اه يااختي والله شايله كبر الجبال من اشياء كثييييييير ومو قادره اتكلم اشياء صغيره بس تجرح وتكره في الحياه غير القسوه وهذا الموضوع اكبر دليلل عليها مايرحم قبل ثلاث ايام امه كانت موجوده وكان عندي نزيف فاهمه. اتوقع اني انام ماصحى او اطيح ماعااد اقوم وهو صحي يقول امي بتجيك واذا تنشطتي سوي لها شي تاكله رغم ان اخوه وزوجة اخوه معاها يعني امه ثم نفسه ثم اولاده وانا اخر القائمه احس كرهت الحياه اللي لازم اكون فيها مااقصر رغم كذا كلامه مرررره يجرح واسلوب ماعنده اقول له امك تجي اشيلها على راسي يقول غصب عنك مو بكيفك يااااعالم انا قاعده اموت من ذا العيشه

في نقاط انتو مب يالسين تلتقون فيها...

طبعه هل هو جاف دائما معاج؟ شو أكثر المشاكل اللي تكون بينكم؟

الرجل عموما يحب يحس بقيمة أهله عند زوجته و خاصة امه... في الموقف اللي ذكرتيه انا معاه و مب معاه.. امه و اخته و زوجة اخوه ياينج ضيوف يعني ما يصير هم يقوومون بأي شي في بيتج (إلا إذا الميانه طايحه و الوضع حلو بينكم و هالشي ما اشوفه).. ردج عليه واااايد حلو و رده عليج قاسي... و لكن هل كان رده بسبب طريقة ردج...

أحيانا لغة الجسد عندنا تلعب دور...

ما اقول ان انتي الغلطانه و لا أقول ان هو الغلطان... و اضح ان في بعد في العلاقه يا اختي... حاولي تصلحين هالشي و ان شاء الله راح ترتاحين...

اسال الله لكِ الراحه...

والله مايدكروني بالخير ولاقد سووها قبل اليوم عمتي مانكر تدعيلي وتذكرني وتشكرني بس سلفاتي واخوانه بالعكس يكرهوني اكثر ويحسدوني لانهم مايبغون احد يمدحني او يقولو شوفو فلانه

اوضح نقطه هم في بيتهم تحت وانا في بيتي فوق مفصولين عنا وعشان انزل او اروح لاهم لازم عبابه لان البيت في سكان فهمتو وهم مو ظيوف كل اسبوع جاايين

نقطه مهمه..

كل رجل عنده أمه ثم نفسه...

البعض يحط الزوجه ثم الأولاد و البعض يحط الأولاد ثم الزوجه...

كيف علاقتج مع امه؟ أمه هي المفتاح السحري لج...

بقول لج على شغله وااااااااااااااااااااااااااااااااايد حبيتها في مرت اخوي... الله يحفظها... امي مسافره... و كنا جالسين مع بعض انا و خواتي و مرت اخوي.. اتصلت لأمي و كلمتها و اختي كلمتها و انا نسيت ان مرت اخوء راح الغرفه شوي.. أول ما طلعت تذكرتها.. و هي رفضت انها تتكلم امي من تلفوني و أصرت انها تتصل من تلفونها الخاص.. المبادرات الشخصيه هي اللي تفرق يا جرح... و اكتشفت انها تتصل لأمي اكثر من مره.. و ما تكون معانا و هي تتصل و اخوي اصلا مب معاها علشان يقول لها يلا اتصلي لأمي... شفتي يا اختي.. المبادرات الشخصيه.. امه مفتاحج السحري...

مشاكلنا سببها انانيته وعدم اهتمامه فيه وتجاهله لي يعني اروح لاهله اجلس من الظهر اليييييين الساعه عشره بغرفتي لان ماعندي شقه ويقدر يحط لي شقه في بيت اهله الشقق فاضيه مابها احد ومايرضى بتقولو لي ليش ماتجلسي مع امه وابوه اخوانه يجون من العصر مايروحو الا الساعه10 وهم يعرفو ان ماعندي شقه ويعرفو اني موجوده
من. مشاكلنا برضه انهم اذا بغو يتمشو ماياخذوني معاهم مع اني معاهم في نفس البيت ويقولو له يوصلني لاهلي حتى لو توني جيت من عندهم وياخذو بنتهم عشان اصير عائليه بدون زوجات طيب مو انا الللي اكرف لكم والا ماشوف الا الكرف منكم
وغيره وغيره عجزت تصير ماعندي كرامه عشان اقدر اعيش معاه

والله ما انافق ولا اكذب لو اقلك اني اسوي اكثثثثثثثثر بس انا بديت احس ان الي انا في ابتلاء او عقاب لاني اتعب ولا ناس تحس ولازوج يشكر او يعاملني ع االاقل زين

كلمتيه في موضوع التمشيات مسبقا؟

طيب يبون يطلعون مع بعض.. ليش تروحين بيت اهلج؟؟ خلاص بلاها الروحه لهم...

ممم... بصراحه يبالج تنزلين موضوع في مشاكلج و تكتبين فيها سلبياته و ايجابياته و ووضحي اكثر المشاكل اللي بينكم في نقاط و ان شاء الله تستفيدين...

احاول اكتب لاني قربت انفجر واضيع تعبي وكل شي بسبب تصرفاته بس مو عارفه كيف ابدى وش اقول وش اخلي الحمدلله الله يجزاكم خييييير جميعا ولا يحرمكم اجر التخيف عني خاصة اختي لكل شي حد وانا عساه يتعدل ويحن علي واعطيه عمري

اخي مشكلتي رايك مهم