أخي أنت رجل مبتلى لحكمة ربك يعلمها فلا تحزن ولا تقنط من رحمة الله هذا أولاً

ثانياً أشدد على ما ذكر بشأن أن لا تحاول التواصل معها خصوصاً برسائل قد تستخدمها ضدك

ثالثاً يبدو أنك تقع في اختبارات من قبلها ومنها ابنة عمتها تلك.. ومن وجهة نظرها يبدو أنك أخفقت في بعضها

رابعاً زوجتك إما أنها شخصية شكاكة بطبعها وإما أنها تمر بمرحلة مؤقتة ومتعارف عليها عند الفتيات في سنها وهي المراقبة اللصيقة للزوج أو الخاطب وإساءة الظن به حتى تظهر براءته... وللأسف هذه الظاهرة تجد رواجاً كبيراً وإقبالاً عظيماً من قبل كثير من النساء..

خامساً خسارتك في هذه الزيجة لا يعني أن ترى اعوجاجاً ولا تقومه وإلا ما فائدة القوامة يا أخي..

سادساً أعتب عليك كثيراً حينما تحمل في سيارتك كهذا نوعيات من الفتيات ويفعلن المنكر أمامك من كشف للوجه و حديث من غير ذي حاجة.. كان الأولى أن تجبرها على ستر وجهها ونهرها عن تلك الفعلة القبيحة
بدل أن تنتظر زوجتك لتأمرها أو توبخها .. هداك الله

كلما كتبت أكثر كلما فهمنا الوضع أكثر فلا تتردد في كتابة كل ما يدور في رأسك

أخوي صح كلامك من ناحية أني أنا المفروض ما أطلعهم صحيح أنها اول مره
بس اللي أنا مستغرب منه مافي ردود منها


ومن ناحية الاتصال ولا أني اتصلت ولا رساله علما بانها خرجت من البيت بدون علم زوجها وذهابها للمدينة لمدة يوم دون علمي وخروجها عند صديقتها وبدون علمي

امس الساعة 2 بالظهر اتصلت أمها على والدتي ماردت بسبب تعبها النفسي فأتصلت على خالاتي أبي ارجع البنت وقالوا لها الرجال نفسيته تعبانه

الساعة 8 العشاء بنفس اليوم خالاتي جوني البيت وقلت لهم البنت أنا ما طرتها من بيتي خليت أبها يادبها لكن للأسف بدل التأديب سب رسائل وقلت لهم عندهم حالتين يا أنها تجئ تعتذر لبنت الناس قدام اهلها ومن ناحيتي أنا إذا اعتذرت أحط شروطي عليها ما رضيت خليها بيت أهلها ورقتها بتوصلها

وياللاسف أبوها ماييي مصلحتها ويقول أن أهلي مكبرينها قذفت بنت الناس واهل زوجة. أخوية ماهم راضين على قذف ابنتهم بدون سبب

عشان كذا أنا حظيت شروط وهذا الصح مؤ عيب

أخواني واخواتي اعضاء المنتدى

أسعد الله مساكم ... طبعاً المرجع لإخواني بهذا المنتدى بعد معاناتي بالمشكلة والان صار لها 15 يوم كان مافي وجود رد ولا شي .
امس بالساعة 8 مساءُا اتصلت والدتي على والدة زوجتي لكي اخبرها بعدم خروج زوجتي من بيت والدها الا بإذني لاني سمعت انها تخرج فهذا اتصالها لها ... فاخذنا السواليف ومن بعض الكلام اللي عرفته من الام ان البنت انضربت من أبوها بسب السب فيني والقذف في زوجة اخي . وان البنت غلطانه وما اتوقعت ان بتحصل هذه المشكلة . وفي سالفه حصلت انا عرفت من ام زوجتي انا ماكان عندي خبر ان زوجة اخي تقول لزوجتي انتي ليش تنظفي بيتك ليش تبخري ليش تسوي اكل عادي مو شرط ومو شرط تكوي ملابسه والكلام هذا صار قبل المشكلة بكثييير وانا توني عرفت من ام زوجتي . فردت زوجي لها هذا واجبي ؟ فقالت لها والدتي بغذض النظر على الكلام اللي اول وبنتك ليش ما تكلم زوجها ليش ما تتطنشها . خلينا من هذا الكلام اللحين الكلام بالسب والقذف قالت الا والله صح كلامك هاذي ما تفهم وانا اقولها ولا تسمعي الا كلام زوجك وعلمتها وقالت يابنتي عيب هذا الكلام هاذي امها وقالت مهما صار عيب تسبي . ومالك ومال بنت الناس تكشف ما تكشف انتي بيتك زوجك عندك خلاص . انا قلت ابي الخلاصة البنت وييييييييين بتجي تعتذر انا لا تعتذر مني تجي تعتذر لبنت الناس امها قالت خير انشاء الله ما يصير والله الا كل خير وقفلت . الساعة 11 بالليل اتصلت زوجتي علي اكثر من مره ما رديت اخر مره رديت عليها وكنت مررره رسمي معاها قلت نعم قامت تبكي وتقول انا اسفه والله اني غلط عليك ...قلت انا مابي منك شي انا بالنسبة لي اني اقدر اتغير عليكي . المشكلة انك سبيتي البنت سب مو حلو محد يقوله قالت الا صح طيب ما قدرت اصبر قلت لا شفتي كيف اللحين وين وصلت وكيف كبرت . واللحين ما ابغى منك الاشي واحد انك تعتذري للبنت وعادي مو عيب انا ما خليت ابوكي ياخذك الا بإذني عشان يهدا الوضع 4 ايام 5 ايام بس انتي هداك الله استعجلتي بالسب . قالت يعني اجي انا واهلي قلت لا لا لا انا زوجك وانت معاية انا اخليك تعتذري من غير اهلك مو جودين ولا عاد تعديها واي كلمة تسمعيها طنشي انا لو ما احبك ما كان رجعتك سبت سبك لي انا بس انا حبي لك اللي متعبني . قالت ولا يهمك من عيوني قلت خلاص ابوكي وين قالت خرج قلت البسي عبايتك قال من عيوني وتبي تنزل البنت شووووووووفي وش صااااااااار اللحين خلاص البنت تبي تعتذر بغلطها وهي تعترف وامها تعترف . بس شوووووفي ابوها ( امها اتصلت على ابوها وقالت خلاص زوجها بيجي ياخذها قال لاااااا ما تزل والله لو نزلت ماهي بنتي ولا اعرفها ) انا تحت بالسيارة أنتظر انتظر ادق ادق دقيت على تلفون البيت رد هو ) قلت سلام عليكم قال بنتي ما تخرج ) قلت طيب ليش انا ما بيني وبينها مشكلة واعطيتك ياها ) وبنتك معترفه انها غلطت قال لا اهلك كلهم يجون هنا قلت وش ولييييش قال يجون يعتذروا قلت والله ما اخليهم يجون عندك ولو على رقبتي بدون اي سبب المشكلة عندك انت بالبيت وثاني شي لا تحلف علي عشان قسم بالله لو ابغاك انت تجيبها لخليك تجيبها وانت تضحك ) بنتك غلطانه وكمان تعترف وتقول جيب اهلك يعتذرو ليه ) خلي بنتك عندك عساك لا جبتها ان ما رحت المحكمة وعلمتهم بالرسايل قام نخ قال لا لا البنت مالها ذنب انا سكت وقلت ويكون بعلمك خلها عندك وانا بصراحع ما اقدر اصبر بتزوج واذا تبي ترجعها حياها قلبي ما زال مفتوح لها ولو تبي تخليها عندك خلها عندك .. قال طيب طلقها قلت لا أعوووذ باللله انا ما اطلق دام البنت تحبني وانا احبها لكن انت كذا تحرمها وقفلت السماعه ) علما بأن والدي حلف ان مايروح بدون اي سبب حصل مننا لها لا سبيناها ولا طردناها لا شتمناها ومع ذلك اروح لعنده يخصيييي ... وانا والله محتااااااااااااااااااااااااااار لا أدري يعني بالله لا سوينا شي ويبي نروحله بيته ... يعني ابوها اللي مكبرها وبنته غلطانه وهي معترفة ياناس زوجتي معترفة وامها معترفة يعني هاذا راسه يابس يااااااااااااسلام سلم هاذي اهانه لي يبي يمشي كلمته قدام بنته لا والله . ولا وش رائكم يا جماعة الخير انصحوني البنت والله تبيني وانا ابيها لاكن الاب يقول والله ما تتطلعي لو طلعتي لانتي بنتي ولا اعرفك اللي يشوفه يقول خلني ساكت احسن

يالبلييييييييييييييييييييغ والله إني في حيييييره من امري

برأيي إنك مكبر راس زوجة أخوك ومعطيها أكبر من مقامها بزيادة..

عندك استعداد تخرب بيتك عشان كلام فاضي هذه قالت وذيك قالت لا يقدم ولا يأخر!!!!

يا أخي كل البيوت يصير فيها من هذا المنوال..،لكن محد يخرب اللي بينه وبين زوجته عشان أحد.

زوجتك أخوك اللي مخرب بيتك عشانها..مبسوطة مع زوجها...وإنت وزوجتك متخاصمين ومتقاطعين.

زوجتك طيبة وبنت حلال ومسكينة عشان تحافظ عليك أبدت استعدادها لﻹعتذار،، فليش تنزل من قدرها وتخليها تعتذر من سلفتها ليه؟

والله برأيي أبوها معه حق في الرفض يبي يصون كرامة بنته،،ومافي سبب يحوجها لﻹعتذار وزي هذه المشاكل كثير تحصل،،،مافي داعي لتكبير المواضيع،،لوأختك أو بنتك ماترضى تذلها..

نصيحتي انس موضوع اﻹعتذار تماما وابدأ صفحة جديدة مع زوجتك..اتصالحوا واتفاهموا

بدون شروط ولا قيود.

مكلوكة رأيك على راسي
بس احسك ماقريتي الموضوع من البداية

أنا ماني على زوجتي أنا معاها ومساندها صح هي غلطت ووسبتني أنا وسامحتها بس أهلي رافضين بسبب الستم علئ بنت الناس وبنت خالتها ياناس كلمة عاهرة وروحي اسهري معاه . وفوق كذا خليت أبوها ياخذها بإذني أنا عشان يعلمها وإيادبها ًلا ضربتها والله ولا سبيتها ولا خرجتها من بيتي وفوق كذا أنا انسب منها

واللحين عشان زوجتي تعتذر هاذي مذلة سميتيها ) وين كلامنا من الله

لقد حرّم الله تعالى على المسلم الاستطالة في عرض أخيه المسلم ( و سواء في هذا الحكم الرجال و النساء ) .
قال تعالى : ( وَ الَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُبِينًا ) [ الأحزاب : 58 ]

وأبوها لو عاقل ماكان حلف ويقول لا تروحي ! وأنا زوجها جنتها ونارها وهي تبي ترجع أبوها يقولها لا ) وإنتي يا مملوكة كلامك غلط هذا مؤ إهانه كرامتها لبنته ( انا بهين زوجتي انتي معليش اسف كلامك خطا

يعني أمها تنصحها عيب يا بنتي طيب أبوها ما يبيها تعتذر ) مؤ عيب ) تقبلي مروري

أنا أنصحك نصيحة أم لابنها ولو كنت ولدي من بطني ماقلت له غير هذا الكلام

لا تخرب بيتك عشان كلام قالته زوجتك وهي غاضبة...لا تحاسبها وتعاقبها على كلام تفوهت به لحظة غضب..
بما أن زوجتك هدأت وحست بخطأها واعترفت به..هذا يدل على طيب معدنها وأنها فيها خير كثير

بإذن الله..وصدقني لن تعيد الخطأ ولن تكرره فلم نجبرها على اﻹعتذار...وتقليل شأنها..وتكبير مقام السلفة عليها؟!!

يبدو لي العلاقة بين أمك والسلفة جيدة ،، مم جعل موقفها بهذه القوة..

ثم إنك أنت لم تهول وتعظم ماقالته زوجة أخيك لزوجتك وتحريضها عليك !!!لماذا؟!

إذا عندك مبدأ الحساب والعقاب فليكن لﻹثنتين لا واحدة دون اﻷخرى...

والله ماتدري وش وش بدور بين الحريم.....وماتدري أي قهر وحرة بقلب زوجتك خلاها تقول اللي قالته

في حق زوجة أخوك،،

كون إنك ماعرفت التحريض اللي قالته زوجة أخوك إلا من أم زوجتك فهذا يحسب لزوجتك..وإنها

ما تحب اللقلقة والكلام الفاضي...

رأيي خل عنك هذه قالت وهذه قالت ،، ولا تخرب بيتك و لا تخرب اللي بينك وببن زوجتك عشان أحد..

إنتو الحمد لله ماتشتكون من بعض.. تخربون علاقتكم عشان الناس.!!!

اتصالح مع زوجتك واتفاهموا وحلوا أموركم بينكم،،ومن كلامك زوجتك مطيعة يعني مو صعبة
في التفاهم والحمد لله..

الحربم خليهم لﻷيام الله يصلح بينهم،،،وزعلهم ماراح يدوم بإذن الله..

والله يا مليت مدري وش سالفة خالاتك
شكلك ما خليت حرمه في عايلتكم ما تدخلت أو عرفت السالفه وأخذ وعطا من فلانه وفلانه
صعبت على نفسك السالفه والناس عندهم كرامة
عموماً لا تلين كثير مع زوجتك تقوم تسوي سواة أبوها.... خلها تتفاهم مع أبوها وتقنعه واطلع منها

انت مافي يدك شي الا انك نكون اكثر حزم وهدوء وثبات


لاتستسهلها. تصير زوجتك تتساهلها


ليش انت تبكي لها !

هي اللي لازم تبكي وتروح لأبوها وتدور سبعين ألف حل. ونقاش وتقنعه



خلها تتحمل مسؤولية خطاياها. عشان تحسب حساب. لابغت تخطي. في المستقبل لاسمح الله

انت سامحتها وخلاص سويت اللي عليك انك بغيت ترجعها وهذي شهامه منك

خلها تبدا تستوعب حجم المشكله

لاتتصل عليها ولو كلمتك. قول لها كل شي في يدك. الامر خارج عن يديني
إلا اذا تبيني اخذك بالقوه ؟؟؟


وكون جاد




صدقني كل شي بيتغير

راح نذهل

الله يلم شملكم على خير

__________________
..

دخل احد محايد للصلح بشرط يتنازل ابوها عن طلب اهلك للاعتذار وتتنازل انت عن طلب زوجتك للاعتذار لزوجة اخوك..
واتفق انت وزوجتك ان تقدم اعتذار بشكل سري لزوجة اخوك (طبعا بعد عودتها لبيتها)لا يحضره سوى ابوك وامك...
حاول اخي الفضل ان تدير مشاكلك بشكل حكيم بعيداً عن المواجهه الصريحه والتحدي خاصه مع كبار السن..

اخي الفاضل اعذر ابو زوجتك في موقفه ..بل اقول لك لو كنت انت مكانه لفعلت مثله..
ابو زوجتك سمع من ابنته لوحدها ...
شكت له وبكت وظهرت امامه بمظهر المظلومه التي تحافظ على بيتها من امرأة تعشق زوجها ...
شكت له كيف ان ابوك وامك وقفوا في وجهها وعاتبوها ورفعوا صوتهم عليها ثم انت اكملت الباقي واخرجتها من بيتها...
فهو يرى ان اهلك لم يسمعوا منها ...ولم يعطوها فرصه ...بل الجميع تجمع عليها وكذبها ...
لذلك يرى ان ابنته مظلومه مسكينه ...ويريد ان يرجع كرامة ابنته ...
وصدقني لو كنت في مكانه لفعلت مثله ....
لذلك اترك الصدام المباشر معه ...استعمل الحكمه لتحافظ على بيتك واسرتك ....
واذا هدئت الامور ممكن تشرح له الامور بشكل واضح ...
لذلك اختر رجلا حكيما ...يذهب اليه ويظهر له رغبتك في ارجاع زوجتك وانك تنازلت عن شرط اعتذارها لسلفتها مقابل ان يتنازل هو عن شرط اعتذار اهلك لها ..
واذا رجعت زوجتك الزمها بالاعتذار بشكل سري ...
اسأل الله ان يفرج همك..