صفاته وما ذكر عنه هل تستطيعين التعايش
والتأقلم معها .... أنت أعرف بنفسك وماذا تريدين
سخر الله لك عبيده في الأرض وملائكته في السماء

جزاك الله خيرا على الدعاء
لا اعرف اذا كنت استطيع التاقلم والتعايش الي في البر مش زي الي داخل التجربه

عزيزتي

الرجل مليان سلبيات و عيوب ..
لا سمح الله لو تزوجتيه .. الميزة الوحيدة الي بتحصلي عليها ..
انه ممكن تجيبي طفل ..

و حتى الشي هذا .. بيحرمك منه ..

و يعني ماراح تستفيدي بزواجك منه غير سلبيتين ..
بدل ما تجلسي بدون زواج .. تخرجي باسم مطلقة ..
او تتحملي غصب عنك و تصرفي عليه و تربيه من جديد ..

.
.

وحدة اعرفها كانت مطلقة و تقدم لها مطلق ..
امها سالت طليقة الرجل عن سبب الطلاق .. و قالولهم السبب ..

لكن البنت رفضت تسمع النصيحة من امها و تزوجت المطلق هذا ..

ما مر سنة .. الا و هي مطلقة للمرة الثانية و ندمانة انها ماسمعت نصايح طليقته السابقة
لانه كل شي قالته .. طلع صحيح ..

.
.

الله يسعدك لاترمي نفسسسسسسسسك ..

كلامك صحيح
وعلى فكره روح ترى انا متابعه مواضيعك مره ويعجبني تفكيرك واحس فيكي مني ومن عصاميتي
احب ردودك وارتاح لها وانبسطت لقيتك راده على موضوعي
صادقه شكله مو راعي زواج والدليل الي سمعته كله

هناك رجال بخلاااااااء على زوجاتهم و اطفالهم ..
لكن كرماء على انفسهم ..

يعني بخيل و مايتحمل مسئولية زوجة و لا بيت ..

و يجمع الفلوس لنفسه؛ عشان يبسط حاله و يسافر و يتمشى ..
و مايبخل على حاله ..

العينة هذه موجودة بكثرة

اختي الي ماتقبليه من عشر سنين بسبب سوء الصفات
لاتتنازلي و تقبليه الان فقط لان خانة العمر تغيرت

استخيري اكثر واسالو اكثر وربي يكتب لك
الخير حيث ماكان

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

احب اسمع من العقلاء والحكماء واتصورك كذلك
ممكن تفصلي اكثر بهالناحيه
وش رايك بمبدا ان المراه تتنازل عن شروطها كلما تقدمت بالسن
وهل لو تقدم لك هالخاطب لاختك وهي بعمري توافقي عليه
امي تقول جربي حظط وش رايكم بهالجمله

تسلمي حبيبتي هذا من ذوقك
لا حكيمة ولا شي بس قناعات شخصية
ممكن غيري يشوفها غلط
بس انا مقتنعة بها


صح مقولة المراة تتنازل كل ماتقدمت بالسن
بس عن ايش تتنازل؟؟

بالمجمل والمقصود انها تتنازل عن الكماليات
فامثلا تتنازل عن صفة الوسامة .. الغنى
الشهادة العالية .. السكن لحالها وتقبل تسكن
عند اهله .. تتنازل وتقلل من مهرها وطلباتها

لكن التنازل لايكون بتاتا في الدين والخلق
الا اذا اختلفت اولويات البنت

هنا نرجع لاول سوال سالته في اول مداخلة لي

كل بنت يختلف تنازلها حسب اولوياتها

الي اولويتها زواج مستقر باذن الله تتنازل
عن الكماليات زي ماقلت وتمسك في الاساسيات ومنطقها اما زواج مستقر وسعيد
ياجلستي ببيت اهلي احسن ..

الي اولويتها زواج بس ولا يهمها مابعد ذلك
يعني تدخل الموضوع على انه تجربة وتخوضها ياتنجح ياتفشل وماتخاف من لقب
مطلقة. احتمال تتنازل اكثر عن جزء من الاساسيات.. فتقبل انها مثلا تتحمل النفقة
وترتبط بانسان بلا عمل.. او انسان
لا يتناسب معها فكريا او اجتماعيا او علميا

وفي الي اولويتها هي الامومة فيكون تنازلها
اكثر من الي ذكرتهم سابقا .. واهم شي تطلع
بطفل

طبعا اتكلم عن النساء اللواتي يمكلن قرارهن
بانفسهن دون ضغظ من الاهل او غصب

فا عزيزتي اقعدي ورتبي اوراقك وشوفي
ايش تبي بالضبظ.، ارجعي اسالي عنه جيدا
لا مانع من التواصل معه هاتفيا امام الاهل

وان وصلتي لحيرة شدييييييدة
اقبلي بالملكة بعد الاستخارة وتواصلي معه
وطوليها نوعا ما.. وشوفي طباعه ..
راح تعرفي خطوط شخصيته العريضة
البخل اللامبالاة الانانية العين الزايغة الخ ا
اذا شفتي مايريبك فالانفصال افضل
بتكوني مطلقة قبل الدخول لكنه يضل اهون الف مرة من مطلقة بعد الدخول

ثانيا لن تندمي فيما بعد وتقولي ياليتني اعطيته فرصة وجربت

ثالثا بتسلمي من الاهل على الاقل اذا رفضتيه بعد الملكة بتكوني اثبتي لهم انك حاولتي بس هو مايصلح . بعكس اذا رفضتيه من الان
احتمال يضلو يذكروك به ..

هي فكرة وجت ببالي ومادري اذا تنفعك
فكري تمام واستخيري وربي يكتب لك الخير حبيبتي



بالنسبة لسوالك .. لا ارضاه لاختي
لكن اذا هي فوق ال 28 سنة فلا سلطة لي عليها
انسانة عاقلة بالغة راشدة وقرارها بيدها
لي النصيحة بانه مايناسبها لكن بالنهاية
هي تقرر وماتجي تلومني بعدين
ج

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مشكورة مبتعثة متفائلة و اختها

شوفي .. اخت مبتعثة ..
ممكن تتجاوزي عن نقطة انه بخيل و نغض النظر عنها ..

بما انه راتبك ماشاءالله كويس ..
يعني ماتحتاجي له ..

انا الحمدلله ما اقصر على حالي و لا اولادي من راتبي ..

.
.

و حكاية انه مايبغى اطفال بالبداية ..

زوجي نفس الشي .. عشان مايبغى مسئولية ..
بس انا ماهمني رايه ..

انا مرتبة حالي باللي اشوفه صح ..

.
.

اول سنة حملت .. و امه تضايقت و تبغاني احمل بعد الزواج بست سنوات .
بس مو بكيفها ..

كنت اقول .. عالاقل اضيع وقتي على شخص يستاهل و هو ولدي ..
و حتى لو ماكملت مع ابوه .. عالاقل ولدي يورث نتيجة تعبي بالدنيا ..
فكرت كذا .. لاتضحكي ههه

.
.

و ركبت لولب عشان اكمل دراستي و بعثتي و اشوف كيف حياتي بتستمر و لا لا مع زوجي ؟؟؟
و سبحان الله .. ربي كاتب لنا نكمل .. و جبت التاني .. و ماني ندمانه لانهم احلى شي بحياتي

.
.

و لو نويت اكمل دكتوراة بإذن الله .. فافكر اسافر و لو زوجي وقتها شد حيله و اهتم ..
فلنفسه و اكون رجعت بزوج و شهادة

لاسمح الله .. لعب و استهتر ..
اكون رجعت بشهادة .. و بنيت مستقبل اولادي الي بيشيلوني بكرة ان شاءالله ..

هذا تفكيري ..

.
.

لو بتقبلي بالرجل هذا ..

حطي مصلحتك .. و مستقبلك .. امام عيونك اهممممممم شي ..
معليه على كلامي و الي راح يزعل الرجال .. بس ماهمني ..

خليه جسسسسر .. للحصول على الامومة .. و لبناء مستقبلك ..

.
.

لكن .. لا تتأملي تغيييييره ..

.
.

انت معيدة بالجامعة .. مصيرك بإذن الله تكملي دراستك و تحصلي عالدكتوراة ..
و بصراحة .. اغلب الدكتورات بالجامعة غير متزوجات .. و بعد فترة تتقاعد و تجلس لوحدها ..

و انت مصيرك بإذن الله .. تصيري وكيلة بعد حصولك على الدكتوراة ..

.
.

اضمني طفل ..

بشرررررررط .. لا تقولي راح اصلحه و راح اغيره ..
و راح احصل على الامان معه ..

عملك و وظيفتك و راتبك .. هو الامان لك بعد الله ..

.
.

رديت كذا .. لاني عايشة كذا ..

لكن انا ماكنت ادري انه زوجي فيه سلببات مثل اتكاليته و كسله ووو الخ
غير بعد ماتعبت كم سنة وكنت ماخدة مقلب فيه ههههه

و قبلت فيه على اساس انه شيخ و حافظ قران .. بس كذبوا علينا

.
.

المهم طاح الفاس بالراس هههه

الي خلى سفينتنا الزوجية تستمر .. انه زوجي تعلق بي و الحمدلله من البداية ..
و كان بداية الزواج يسمع لامه و اخواته و متعلق بهم ..

و كانوا كثير يحرضوه .. لكن انقلب السحر عالساحر ..
و هو عجبته طيبتي على قولته ههه

شاف تعاملي مع الاخرين .. و شاف الفرق بيني و بين اهله

هما لازم وراهم مصلحة لو قدموا لك خدمة ..
لكن هذا ضد مبدئي و دايما كنت لو ساعدت احد لله ..
زوجي يبغاني استفيد من الشخص بخدمة بالمقابل .. بس كنت ارفض و اقول له
الواحد يساعد لله .. و ربي يردها لك بيوم

.
.

فكري و استخيري

الله يجزاكم خير