فيه بعض العيادات الخاصة عندهم ممرضات للعناية بكبار السن ..
إنتي ابحثي عن العيادات وكلميهم وشوفي لو تحصلين ممرضة تجي يوم ويوم تحممها ..
إذا ماتتقبل .. قوليلها هاذي ممرضة تساعدج مب خادمة ..
وخلي زوجج يقول لها عن ريحتها ..
بصراحة ماقريت كل الردود وما أدري لو أحد قبلي قال هالفكرة ..


الله يعيينج ..

مشكلته مو متقلبه احد يدش وياها الحمام حتى تقول
مابي احد يتفرج على المفروض بناتها اول فيها بس وش تقولين
نا والله تعبت منها

__________________

انا متكلم من فراغ بس انا منبطه جبدي من بناته ومن حريم عياله
حريم عياله اقرب مني له وحدها بنت اخوه وحدها بنت اخته
امس كان عند عشاء كلهم يتمسخرون يقلون بيتج فيه ريحه شينه غريب يعنى بيستغزوني
انا والله قاعده عندي ست شهور ولا قلت شيء بلعكس محترمتها
حتى مطلع ولا اروح من سبتها ومع هذا متحمله وسكته ياختي بناته
وعياله ليش ميقمون فيها حتى راتبه ماخذينه عياله يعنى على حسابنا
كلشي متكفلين فيه وحنا والله مانبي
منهم شي بس الأجر
ولاهي غريب على جمعتنا
كل ما مرض واحد جبوها عندناا وحطوها وراحو
يعنى متعودين على أسلوبهم
اما من نحيت النظافة والله تعبت وياي ولا لقيت حل اسال الله ان بس يصبرني وان يفرج همي
بس هذا اللي اقوله لان سبحان محد يعذر احد ولاحد يتحمل احد ولاحد يقدر اللي تسوينه
فى هالزمان

__________________

غريبة إن بناتها مب مهتمين فيها ..
المفروض هم احرص على نظافة والدتهم الشخصية وعلى صحتها ..

في عايلتنا .. نحرص أشد الحرص ان الكنة ماتاخذ فكرة عن أهل زوجها ..
امي تقول لو تصغر الصابونة فالحمام تستبدلها بس عشان زوجة أخوي ماتشوفها وتظن انه بخل في أهل زوجها او تاخذ عنهم فكرة سلبية ..

الله يعينك يا أم بدر ...

صدقيني حاسين فيكِ لأن الحمل يثقل أكثر لما يكون مو بكيفك والناس محملتك اياه غصب

شنو رأي زوجك بالموضوع ؟؟؟ اذا هي تسببت بتطفيش شغالة واحده ... أوك .. ما تقدروا تجيبوا غيرها ؟؟ خاصة لو كان زوجك حاس بأهمية الموضوع ..أكيد بيجيب غيرها وما بيسفرها حتى لو ضيفتكم تبرمت منها ..المفروض انه هو يدرك أبعاد المشكلة ويفهم أنه ما ينفع الوضع بدون الشغاله حتى لو كانت بدوام جزئي تجي ساعتين كل يومين تعتني بنظافة ضيفتكم وتروح .وتكون تكلفتها أخف شوي .

هو ما يشم الريحة اللي وصفتيها وماليه البيت لدرجة الزوار يعلقوا ؟؟

أحد الردود تكلمت عن الشبه وفوائدها بخصوص التعرق ونصائح لبعض الادوات بالحمام تخلي الاستحمام وإطالته أسهل على ضيفتكم فما تكت ماي وتطلع بسرعه .. مدري اذا انتبهتي للرد

__________________

شايف من ردودك ام بدر ان مشكلتك هو كيفية ابلاغها بسوء رائحتها وليس كيفية التصرف فى الرائحه ..
بما ان قدرتك على الاحتمال بدات تنهار فلا مفر من المجابهه ..
انتى لن تسيئى اليها ولكن لا تخجلى من نصحها ..
تصريحا او تلميحا .. قد تغضب قليلا ولكن اليس افضل من رائحة القبور التى تحيى فيها ..
قولى لها بشتى الطرق ولا تخجلى وشجعيها على الاستحمام .منفرده او اخر يحممها ..
برضه نهوى الشقه ونغير الفرش دوما ..
قولى .. اللى ينكسف من بنت عمه .. مايجيبش منها عيال
واللى مايشوفش من الغربال يبقى ايه ؟

حبيبتي الله يعينك حاسه فيك الله يكتب لك الأجر كامل
مادام إن بناتها مو مهتمين فيها الحل انك تستخيري ربك وتجيبي خادمه وإذ كانت اندونسيه أفضل

ولازم ولدها يتدخل ويفهمها ان هذي الخادمه تصرفها الدوله مجاني لكل أنسان كبير ويكون راتبها من الضمان الأجتماعي
هي نفس أطباع جدتي الله يحفظها حريصه جدا قلنا لها انها من الملك عبدالله هو صارفها لها ودايم تدعي له^_^

والخادمه لازم تبلغ عن حالتها قبل ماتجي وانها أمرأه كبيره ومريضه وتعاملها زي الطفل وحتى لو تلفظت الفاظ مو زينه الخادمه مارح تفهم اللهجه
وتكون متفرغه لها بس يعني لاتكلفونها بأعمال ثانيه
جدتي بعدين حبتها وصارت زي بنتها
لدرجة انها ماترضى تخليها تدخل معانا المطبخ
خايفه انها تتعب

والأغراض اللي تشترونها مو لازم تشوفها
طبيعي يصيروا حريصين زياده لأنهم في مرحلة شبابهم كانوا عايشين حياه صعبه

أم الدانــــــة
ترى بعض الأزواج مايرض ان زوجته تجيب أمها
عنده بيقول وش مكلفني فيه عياله أولي فيه




Beta2
والله حرام اظلم ريلي والله يقول اصبري ودريه مالكم اللي الأجر
حتى هو احيان تعصب عليه بس لما اسمعه يهديه اقول الله يبي يرزقه على نيته
حتى احيان يأخذها وياه يمشيه يعنى ريلي مااعنده حل غير الصبر
وياهافقط

تخيلي واحد يسوى وهو واقف بدون يقعد وش يصير وهي تصب المويه
من فوق المويه




أخ رؤوف
تبي الصج انا تعبت
بس انا احسه فشله والله فشله واكثر من
مره احول بس لما اشوفه يضيع كل اللي بقول لها
انا معندي الشجاعه الكافية وهم استحي من حييييل حرمه جبيره
واقول هذا الحجي صعب والله



دوندرمه
لا تمتنين وبتلقين من يشيلج هههههه
امزح وياج أمين يارب والله يمتعج بصحه والعافية ولايحوجج لاحد غير ربج
ان قلت اكثر من مره انا صعب اقوله انا اليوم سويت العشاء وقلت ابي اقوله
ويوم جئت واطلعت في ويه استحت منه





دنيـ غريبھ ـــا
الله يسعدج يمكن هذا الحل ينفع بس فيه مشكله
هي اذا ملت من عندنا تروح لم زرعتها فى الديره
عند ها بيت وتأخذ الشغالة وياها وهناك عمال وتعرفين الباقي
حتى هي من النوع اللي تقصر على الشغالة من الأكل ومن كل شي
الشغال ذيك كانت تشتكي تقول مامه مافيه اكل وهي ترى من الحريم
اللي محد يرد لاهن طلب اللي تبيه تسويه حتى ريلي يقول اقعدي
هنا بس تقول تبي تحبسني فى بيتك





طيب اذا صبرنا على الريحه هي بتمرض من الوسخه
وراح تتعب أخاف تروح من عندنا وهي بهذا الشكل
لازم احد يعطيه درس لنفسه هي لصحته
امس يلسين في الحوش قلت يبي يجون ناس روحي تسبحي
قالت ليش تشمون شي قلت لا بس احسن تنظفين وسكتت
ولما جاء ريلي قالت حرمتك تقول تسبحي ترى ابي اروح عنكم
اذا ماتضيجن مني قال ريلي لا ما تقصد وقالي خليه على راحته
اتركيه وش اسوى فيها

__________________

انتوا بعد لا ترمون اللوم كله على أم بدر ..
يكفي أنها مقعدة معاها عمة زوجها .. بالأول حسبتها ام زوجها وقلت معليه أرضي زوجك ..
والمرأة عندها بنات مافكروا يسبحونها ويقعدونها معاهم ببيتهم ..
وبعدين هي تنقرف وكثير منا ينقرفون من هذا الامر ..
وصعب علينا نحمم وحدة لا هي أمنا ولا حتى ام زوجنا ..
إلا لو مثلا كنا نعمل في مجال التمريض أو في مجال رعاية المسنين راح يكون الموضوع سهل ..
أنا قبل ما أرد على المشاركة حطيت نفسي مكانها .. مستحيل أقدر أدخل الحمام وأحممها ..

اختي ام بدر ..
لما زوجك يقول خليها براحتها وما أدري أيش ..
هو ناسي ان هذه نجاسة ؟؟ حتى المكان اللي تقعد فيه .. والكرسي اللي تجلس عليه يتنجس ..
ولو يصيد ثوب حد منكم ماتنقبل صلاتكم ..
ولا هي أصلا صلواتها كلها غير مقبولة ..

يا اختي صارحي بناتها وقولي لهم تعالوا حمموا امكم مب زين عليكم ..

اختي الفاضلة لم افهم معنى الجملة ، ولكن ما اعرفه شرعا لا يجوز الحكم على طاعة شخص بانها غير مقبولة (قرأت عائشة رضي الله عنها ذات يوم: وَالَّذِينَ يُؤْتُونَ مَا آتَوا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ ، ظنت أن هذا في باب المعاصي والآثام، قال: لا يا بنت الصديق ، إنما هؤلاء أقوام أتوا بصلاة وصيام وزكاة ويخافون ألا يتقبل منهم) كان السلف الصالح يخافون الا يتقبل عملهم ، فمسألة قبول العمل يحكم بها الله عز وجل وليس لبشر ان يحكم على بشر مثله ويقول هذا لن يقبل منه ، وحكم صلاة هذه المرأة الكبيرة أسأل الله ان يعافيها ويشفيها يتم سؤال أهل الشرع فيه وهم من يجيبون عنه ، فهي والله أعلم في حكم من لا يستطيع التطهر بنفسه او بغيره والله اعلم ، وصلاتها لا تسقط ابداً عنها طالما انها تعي وتعقل أما التكليف فهو مقيد باستطاعتها البدنية على تنظيف نفسها وبمساعدة من معها والله أعلم وأهل العلم سيفيدوني ويفيدوك في ذلك بالجواب الاكيد لانهم الاعلم بذلك ويمكن نقل السؤال لقسم الاستشارات الشرعية او طرحه في أحد مواقع الفتاوى الشرعية في النت لبيان الفائدة الاكيدة منهم بهذا الشأن .