كيف اعف نفسي واتزوج بطرريقه ترفع من قدرري

السلام عليكم ورحمته الله وبركااته
اولا. مساء الخيرر
ثانيا.حابه اشووف رايكم بكل جديه واحتررام
ثالثا. انا بنت تاخر بي الزواج عمري ( 26 ) وطبعا انا كنت ارفض لحد مافاتني قطاار الزواج ،وارجوا منكم لاتعلقوون على موضوع اني كنت ارفض لان مو هذاا موضوعنا ،اررجو منكم تركزون على صلب المووضوع
ثالثا.وهذاا هو موضوعنا الي ابغى التركيز عليه وهو كالتالي
طبعا تقولون صلي وادعي وتصدقي واستغفري اكيد راح اعمل بكذاا لان القرب من الله اهم شئ وهو المعطي والرزاق
............
ابغى طررق اتزوج بها بشكل محترم ولاتقولون خطابه اغلبهم نصابين يهمهم الفلوس ،ياليت تعطوني طرق ممتازة اقدر بها اعف نفسي رغم والله مو ناقصني شي من جمال وشهاده وكل شي ومن اسره كبيره وقريبه لشيخ معروف وطيب والكل يحبه
بس هذاا النصيب وايش نسوي
ورفضي للي سبق كانت لاعذار مقبوله وليس لمجرد الرفض فقط ولان العمر تقدم قل عدد الخطاب او نقول انتهى انتهى وطبعا اكيد النصيب لسى ماجاء وعند الله بس انا متاكدة مثل مافي بناات يدورون الزواج اكيد في رجال محتارين مثلنا ويدورون بنات الحلال
هل في احد منكم مر عليه قصص زواج
وكيف تزوجتوا يابنات
ممكن تعطوني افكااار اعرض نفسي بطريقه محترمه رغم تقدم السن بي


اعطوني امل وربي جالسه ابكي وماحد يحس فيا الا الي جرب ضروفي
واكثر شي يبكيني ان لي صديقات علاقتي فيهم سطحيه يكلموا شباب وربي موفقهم
وانا الحمدلله طريقي مستقيم واهلي مممرا حريصين بس للاسف اكتشفت ان شباب هاليومين تجذبهم البنت المتحرره الي تخرج وتكلم وتحصلوا مليون واحد يخطبها
والله اكبر قهر لما وحده تشوفني وتستغرب اني مو متزوجه وانو مو ناقصني شي
كرهت هالكلام وودي افهم كل سعودي وسعوديه جاهلين ان النصيب بيد الله مو بيدي

سجلت بموقع ...... وكلمني شخص ملتزم بالموقع وقال بس شرط اني اشوفك
قلت له الله يحيك تعال شوفني بمجلس بابا شوفه شرعيه وكالعاده رفض
ليه مادرررري ؟؟؟؟
وكثير كلموني ع اساس زواج بالسر او مسيار !
ايش صار لشبابنا السعودين
يعني الزواج بس عشان هذاك الشي !؟
مو عشان استقرار وحب وتفاهم واحترام

الحمدلله متخرجه من تخصص حلو < شريعه اسلاميه >
وهالتخصص احلى شي كسبت فيه حفظي للقران الكريم الحمدلله يارب
وعايلتنا يشهد لها بالطيبه والاحترام
لدرجه انهم بس يبغوا شاب يخاف الله وربي حتى مهر مايتشرطون ابدا ويستحون يحددوا مبلغ

واقرب لشيخ معروف جدا ومتاكده لو بقوله مشكلتي حيساعدني بس والله استحي مممممرا بحكم انه من عيال العم وهالشي مستحيل
رغم انه مشهور جدا وله مكانه بشيوخ وامراء السعوديه
مادري ايش اسوي وربي محتاره كثير

واكثر شي كاسرني وفاه بابا وانا صغيره الله يرحمه يارب
وبابا عاش طول عمره راسه مرفوع
ويارب اموت ولا ادنس شرف بابا وهوا بقبره
عشان كذا اخاف اسجل ثاني بموقع الزواج ....... وانا بجد ضعيفه ويتيمه وحساسه لو تقولو ليا كيفك او ابسط كلمه احبهم على طووول من النقص الي فيا

وفي الاخير لاتنسون اختكم في الله من خالص الدعااء لها بزوج حنون وحبيب صاادق عازب تكفون بنات ارفعوا ايديكم في هالوقت الثلث الاخير من الليل وادعوا لي وتأكدو ان دعوه لاخيك المسلم بالستر والعفاف ربي يكرمك ويرزقك