وعليكم السلام ورحمة الله وبركاته ..
أختي الكريمة ماهي ردة فعله عندما أخبرتيه عن الإنفصال ؟!
وفقكِ الله لكل خير ..

بالنسبة لقرار الانفصال ،،،لم اجد منه استغراب بل ( كل شيء قسمة و نصيب ) وهي اقدار الله
لم يكلفه الامر ،،بالتودد و بالرغبة و انه سيذلل كل الصعاب و تتحسن العلاقة بيننا

.


بين ..
اللي قاعدة تمري فيه .. وتصفيه من الم ومعاناة، ..
واصارحك، .. احسك من كلامك ..
شوية وحتتجنني وانتوا لسه توكم ما بدات حياتكم

وبين ..
كلامك اللي اقتبسته فوق، ..

اشوف اللي فوق حيكون رحمة .. مقابل اللي انتي قاعدة تمري فيه


فـ انا جاي اقولك ..
اهربي بعقلك .. قبل ان تفقديه


.

.



بعدين ايش اللي كارثة .. ومستقبلك حيضيع !!!

اختي .. انتي تعرفي الغيب !!؟

ما في ايمان بالله ؟

ما في توكل عليه ؟

ما في لجوء اليه ؟



اصطلحي مع الله ..
واقتربي منه .. بصدق واخلاص وصبر والحاح

حيلهمك .. ويهديك ..
لكفية اتخاذ قراراتك وانتي قانعة وراضية ومسرورة

حتعيشي بهناء وسعادة .. بغض النظر ايش يكون نصيبك بالحياة





.. ، دعواتي لك



.

اكثري من الاستغفار كل يوم

استخيري استخيري

فيه ثلاث أنواع للمخطوبات لا رابع لهن
أول نوع ماشيه مع خطيبها بالبركة وماتفكر هذا مناسب لي
ولا لاعايشه عالم رومانسي مع نفسها والادمي مادرى عنها ..
يعني ماتدرس حالته وتفتح عيونها الا بعد ماتتزوج وتتطلع
البلاوي السودا وكان فيه علامات كثيرة قبل ماتتروج.. هذا النوع
من البنات لما تجيني انا اسحب نفسي بهدوء لاني ما اقدر اساعد انسان
مايساعد نفسه .. لان افضل حل هي اللي تتعب بنفسها وتحل مشكلتها

النوع الثاني .. عارفه وفاهمه جوه ومتنبئة بشكل حياتها
وعارفه انه هذا الخطيب مو مناسب ولا ينفع بس عشان ماما وبابا
والجيران اموت احسن ..واتزوج واتدردب واشحطط عيالي وامرض نفسي
ومدري وقت الجد يفزعون معها ولا كلن يرفع يده ويقول ماجبرناك
ويومنك عارفه وافقتي ليه .. الحين العيب فينا... روحي حاسبيه وسوي
عليه شخصية واتفرعني عليه مو احنا !!! وهذا الموقف حصل فعلاً ومن الواقع احكي

النوع الثالث والأخير.. البنت المتزنة واللي تعرف لكل مقام مقال
تدرس حالة الادمي وتحتفظ بقلبها ولا تسلمه الا اذا شافته يستحق
او تنسحب بكل بساطة وثقة إذا شافت الأمور مو مناسبة
ولا تسمح لنفسها بالتنازل في حياتها عشان الاستجداء العاطفي
والنفسي اللي كالتالي .. انت كبرتي .. ماراح يجيك احسن منه
ياكثر اللي رفضتيهم خلاص ماحيجيك عريس.. امشي عشان اخواتك يتزوجو
بعدك ... تزوجي خلاص كل الرجال كذا تعبانين وعندك فلانه وعلانه مثال
.. كل الرجال كذا وشوفي ابوك وصبرت عليه ومشيت الحياة... وهلم جرا
بل بعد ماتتركه بعض الاسر يجلسو ورا البنت .. تركتيه شوفيه خطب واتزوج
ومافيه عيب .. وبعض الاسر تتفهم .. وانا شخصياً اعرف وحده بهذلوها اهلها
لما رفضت كذا عريس مو مناسبين ولما رزقها ربي بالزوج الصالح صارو الاهل يمدحو
فيها وفي اتزانها

عموماً سواء كان الاهل في صفها اولا في النهاية هي اللي راح تتزوج
وهي اللي راح ترتاح .. اما اللي تتزوج حيالله زواجه اول من يطفش منها
اهلها من كثر مشاكلها معاه .. وهذي كمان من الواقع

وكل وحده تنام عالجنب اللي يريحها
وبالتوفيق للجميع..

الله يكتب لك الخيرة
استخيري وادعي ربك وليس الكارثة الانفصال الحين بل الاستمرار مع واحد يدخن ويسمع الاغاني ويسهر
وهل هو محافظ على الصلاة

__________________
يارب ابدل حزني فرحا وسرورا وابدل مرضي صحة وعافيه ياكريم

ادرسي شخصيته بهالفتره اكثر

أستخيري .. صارحي .. طولي فترة التعارف
برأيي هو متشبع عاطفيا من حياته السابقه
يعاملك ع أساس نظرته السابقه طليقته يعني ما يعتبرك شخص أخر ويبغى يصحح أخطأه عليك
ممكن يحتاجك تسدي فراغ وجود الأم بحياة أبنه
هذا النوع ما يفكر في حياة مستقره وزواج يحتاج أعادة تأهيل .

حبيبتي أذا بدأتي حياتك بتردد وعدم قبول ورضا كيف بتعيشي بعدين , فضل الله واسع لا تفكري في سن وكلام الناس
أنت اللي راح تعيشي لوحدك هذه الحياة ..

كان الله في عونك ويسر أمرك

__________________
يارب توفيقك """

واضح انها شخصيته وممكن مايقدر يتحكم فيها

من الصفات اللي قلتيها هو يندرج تحت النمط الشمالي في البوصله

وانتي النمط الجنوبي الحساس الذي يبحث عن العاطفه والمشاعر

اذا كانت هذه صفة من صفاته الشخصية فما راح يتغير غالباً

اذا شايفه ان هذا الوضع مايناسبك استخيري والله يكتب لك اللي فيه الخير