حبيبتي غروب بما انهم خدج فطبيعي حالتهم ولا تخافين مافيهم الا كلللل عافية ،، احنا الكبار بين فترة وفترة تنقص كريات الدم او تكثر فما بالك بالصغار اللي للحين مناعتهم مش قوية اساسا ... وبعض الاحيان انخفاض كريات الدم البيضاء يتزامن مع انخفاص كريات الدم الحمراء ،،،

طبيعيا لدى كل الاطفال تبتدي مناعتهم في النقصان من عمر 6 اشهر من بعد الولاده او 3 اشهر من هالسبب كثير امهات يشتكون من تواصل حالات البرد او ارتفاع الحرارة بشكل ملاحظ الى عمر السنة والسبب ان جسم الطفل قاعد يتخلص من كل المناعه اللي حصلها بجسم امه وهو جنين وقاعد يخلق له مناعه جديدة من صنع جسمه بالتالي يصير انخفاض بالمناعه وممكن تشوفي اطفالك تصير لهم مرحلة تسنين بهالوقت اة اعراض برد وكلها طبيعية ... عليك بعصير البرتقال واي خضار تحتوي على فيتامينات ب اعطيهم لان كلها تساعد الجهاز المناعي ...

ومثل ماقالت الجوري لا تحسسيهم بخوفك الشديد نصيحة لان بنتي بالبداية كنت اسوي لها مثلك وصارت لي خوافة شوي وكله تبغي تلصق فيني وبعدها غيرت الاسلوب وصرت حتى لو تطيح تطالع فيني تشوفني خفت او ركضت لها او لا وبناءا عليه تصيح او تواصل بكائها وكانت فعلا لما اطنش ما تفتكر وتواصل لعب وماشاء الله صارت شخصيتها قوية وشجاعه هههههه ،، انتي بعد علميهم على هالشي عشان يصيروا مثل امهم ... وربي يحفظهم من كل سوء

الله يسعدك يا ام مريمي ريحتيني اسال الله ان يحفظ لك ذريتك من كل شر
امس خاطري تكدر وخاصا من قال الدكتور نعيد للتحليل بعد شهر خفت
وعليه عنهم وقت يدخلون فيهم الابره ويبكون قلبي تقطع
بالحضانه كان شبه يومي يصلحون لهم تحليل وكانو يطلعوني من الغرفه لاني ماتحمل
والله اخاف عليهم من نسمه الهوا الطاير
تخيلي ماشاء الله ولاقوة الا بالله بناتي يجذبون النظر رغم انهم مو متطابقات وكثير حريم يطالعون فيهم ومنهم لي تطلب انها تشيل احداهن او تبوسها والشي هذا يضايقني
صرت ماطلعهم الا نادر
الله يحفظ لنا عيالنا من كل شر
وانا استودعتهم عند لي عينه ماتغفى ولاتنام

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

لمحي له انه بتتركين البيت وتتركين بناته عنده كثير يسوونها وتجيب نتيجه
توؤم يهتم فيهم مايقدر ويرجعك غصب عنه

شوفي حبيبتي هو الموضوع من يجي على موضوع خدج فطبيعي بيطلب اعاده فحص بعد شهر فقط للاطمئان ولو كان فعلا فيه خوف كان ما خلاك تروحين الا بعد الف مليون تحليل هههههه ، بنت اخوي كانت خديج ومن طبع عائلتنه قلة الدم وبعد والدها فيه نقص خميرة وبعض الثلاسيميا فيبين كانها تعاني من مشكلة بالدم ولكن ابوها طنشهم لان اسبووعيا فحص! واكي كبيرة صارت مرة ماشاء الله عليها بالغه وماعندها اي مشكلة بالدم كلش ولله الحمد ،، فتوكلي على رب العالمين واقري عليهم كل ليلة واستودعيهم وادعي لهم بصلاتك .... ربي يحفظهم ياارب وتشوفينهم عروسات حلوات ،،،

امين يالغاليه ام مريمي الله يسعدك يارب

واسفه تعبتك معي جعله الله في ميزان حسناتك


فاطمه ترى هو يستانس لو اجلس عند اهلي يعني مافرقت معه
ولا اي تصرف يجيب نتيجة معه
انا والله الحين تغير مودي اهم شي بناتي وصحتهم هو بالطقاق لي ينفعوني بناتي الله يحفظهم اما هو مب نافعني بشي
امس اكلمه وطلعت كل لي بقلبي انفجرت
قلت له ما اسامحك اذا ماتغير طبعك معي
سوى وضع الموت وساكت الضرب فالميت حرام يا فاطمه
ولا حياه لمن تنادي معه

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اممم ،، لمسة هل جا ببالك تساليه هالسؤال (( هو شنو يبغي منك الان؟! )) ،، فقط جواب هالسؤال بتعرفي نهاية موضوعك معاه ... ايضا انصحك لا تبيعي بيتك خليه على الايجار تستفيدي منه انتي والبنات هذا لمستقبلكم والاسعار بعد كم سنة بتصير اضعاف ،، واشتري لك بيت يناسبك صغيرون لبناتك عبر البنك وتدفعي اقساطه من عملك او حتى ايجار البيت وكم سنة يكون لك مصدرين رزق ولكن ارد واقولك خليك ببيتك هو يصرف عليك هالشي من حقكم ...