اول شيء يا اختي الفاضله اسال الله العلي العظيم ان يهدي زوجك ويحببه فيك ويبعد عنه كل منكر

ثاني شيء واهم شيء

والله العظيم صرت اخاف اخرج من البيت لوحدي لا بد ان اخرج بزوجتي او بولدي لما اراه من بنات اليومين هذه مع العلم انني لا املك الوسامه ولا املك المال لا نعلم هل هي فتنة الدنيا ام ماذا لدرجة اصبحت سجين البيت امام المباريات او زياره العائلات
ولست الوحيد من الرجال او الازواج الذين يشتكون من هذه المشكلة فسوف تجدين ان اغلب الرجال يقولون ان الشوارع اصبحت كلها نساء
وهذه هي الحقيقة المؤلمة التي يجب على كل زوجه ان تعرفها

__________________
حبيبتي .... عندما تبتسمي الي سوف تنير كل النجوم التي في السماء

الله المستعان اصﻻ انعدم الحياء والخوف من الله صدق رسول الله {*فاتقوا الدنيا واتقوا النساء فإن أول فتنة*بني إسرائيل*كانت في النساء*} .
الحين كل المشاكل خيانه مادري السبب من البنات واﻻ الرجل نفسهم
حسبي الله ونعم الوكيل

اختي الكريمه

هل انتي متأكده من الجوال الثاني انه لزوجك ؟؟ كيف عرفتي انه عنده جوال ثاني ؟؟

انا اعتقد ضعي الشروط اللي تبينها لكن ان تربط شروط الخيانه بمبلغ من المال رضاوه ما اشوفها حلوة لو خان بيعطيك فلوس وتسكتين

حطي من شروطك جوالك مايكون فيه قفل مفتوح 24 ساعه وجوالك الثاني تلغيه لو ثبت انه له

ايه متأكده انه له
انا مابي اشرط فلوس ﻻن الفلوس ماتهمني كسر قلبي وجرح كرامتي وش فايده الفلوس اذا مانصلح حاله

ارسل لي اليوم على جوالي كأنه مو مسوي شي وﻻ رديت عليه
انا بفهم النوعيه هذي وشلون اتعامل معها

ثقي تماماً انه بيقلب الموضوع ع راسك .. طالما ارسل لك عادي كأن مافيه شي يعني انه مخطط يطلعك غلطاااااانه وموسوسه وتتهمينه باطل.. بكل بساطه بيقفل الرقم الثاني واذا كنتي واثقه ومتأكده ان هالرقم له ولقيتيه معه بيقولك لواحد صديق او قريب او أي حجه بس يطلعك غلطانه ويقلب الطاوله ع راسك ..

انتي كيف عرفتي الرقم وكيف تأكدتي انه له .. لانه لماراسلتيه واخذ يقولك من انت .. ومن هالحكي يعني يبي يوهمك انه مو هو والا كان عرف رقمك ع طووول ..

انتبهي لهالجزئيات ....
و ضعي خطوات مدروسه عشان تحلين مشكلتك وفكري دايما في ردود افعاله ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

الفلوس مو معناته انه خذي واسكتي

هذي الاشكال ماتهتم بكسر قلبك ولا عندهم قوة ايمان تخليهم يتركون هذا الفعل

لكن لما يخسرون من جيوبهم واتكلم عن مبلغ يكسر الظهر مو مبلغ بسبط يحسبون الف حساب لخيانتهم ...

وبصراحه الي تحس نفسها ضعيفه في المواجهه وسهل يقلب عليها الموضوع ماتصارحه وتدعي له بالهدايه

امثاله يبغاله وحده تعلمه ان الله حق والزواج ميثاق غليظ لايمكن العبث فيه ...

لا تخافي أبداً من ردات فعله العنيفه قابليها بردات اعنف منك ...

وكثير الي فادت معاهم الطرق هذي ...ياليت تبتعدي عن العواطف وتفكري بعقلك كسر قلبك إكسري جيبه....

هل مازلتي في بيت أهلك ؟؟؟!!!
والا انتقلتي عنده

أولا" كل رجل عنده ماضي خذوها قاعده عشان ماتنصدمون
الا من رحم ربي وأنتي قلتي متزوجيين لكم ثلاث شهور
طيب ثلاث شهور مع سكنك في بيت والدك بضنك هل بينسى بها السهولة المكالمات مع البنات
وليه ما انتقلتي عنده أشوف أنك تسرعتي كثييييير
طالما انتي بعيدة عنه كيف تحاسبينه ليه ماقلتي له بعييش عندك
بعض الرجال يمكن يكون ماضي عنده ولسا ماتعود عليك يعني بالعقل فكري فيها انتي
في ثلاث شهور بيقدر يترك الماضي مع بعد زوجته له ماهي عايشه معاه
يعني كانه عزوبي ماكانه متزوج معليييش بس هذا الصدق
طبعن هذا غير الخوف من الله
اعرف لك وحده في بدايه زوجهم اكتشفت خيانه زوجها وشوي شوي قام هو يصرفهم لما استقر وجاه ولد

__________________
استغفر الله وأتوب إليه

تم دمج المواضيع لترابط المحتوى ..

__________________



احيانا يجب ان نفقد ذواتنا كاملة لكي نستعيدها كاملة ...

احس اني تحسفت اني واجهته ماتخيلته بيتعامل معي وكأنه مو هو توقعت ينكسر
بس شين وقوات عين
احس محتاره مادري ارسل له واﻻ اطنشه هالفتره