السلام عليكم
انا عمري 23 سنة متزوجة من 3 سنوات وعمر زوجي 32 سنة وكانت عندي طفلة وتوفت
الحمدلله على كل حال راح احاول اسرد لكم المشكلة بشكل سريع
انا احب زوجي جدا هو قريبي واغار عليه بشكل مو طبيعي بس هو العكس مااحس بحبه ابدا ولا يشتاقلي نهائيا كل مشاعر الحب تجي من طرفي انا
احيانا اكرهه كره مو طبيعي احيانا اتمنى كل شي موزين يصير له او يموت

مشكلتي غيرتي الزايده ودي المشاعر هذي مااحس فيها ابدا لاني اتقطع من جوا بس ماابين له ابدا بس ابين له بحدود انه مايعجبني اللي يسويه !
ومشكلتي اني احبه وهو مايحبني ولا يقدر مشاعري او غيرتي
مادري شسوي احيانا اقول ودي اتطلق منه وارتاح بس ماقدر لاني احبه

دايم الويكند يسهر عند اصحابه واحيانا يسافر كم يوم مع اصحابه هالمشكلة ماقدرت اعالجها . انا مااشك فيه ابدا بس ودي يكون معي

فيه مشكلة ثانيه انا عندي اكتئاب واتعالج بالادويه والى اخره من هالامور في بداية حياتنا عرف اني مريضة بالاكتئاب ماكان عنده خبر ولا احد قاله ولا انا قلتله بيوم وصارت مشكلة كبيرة بسبب هالشي , يمكن غلط انه خبينا هالشي عنه المفروض الصراحة والصدق تكون موجوده من البدايه

مره سمعته يتكلم مع امه يقولها الله بلاني بوحده فيها نكد العالم كله انا مو نكديه ابدا انا بس مريضه شوي
انا حاولت اشرح له حالتي بس ماتقبل قلت له انه احيانا اكون حزينه بدون سبب هو كذا الاكتئاب مقرف تحزن بس مافي سبب بس انت حزين بدون شي والحاله تجي وتروح
احيانا تحس بحزن بدون سبب واحيانا وحيد وفيه اشخاص بس انت وحيد
غرفه ماتقدر تطلع مشاعر غريبه بس مو كثير مو دوم عادي
هو مايفهم ابدا
انا احب الفرح واحب الضحك بس احيانا الحاله تمنع انا طبيعية مافيني شي عادي مثلي مثلهم بس احيانا بس
مادري

فيه بعد شي انا عندي شك بس مو اكيد انه زوجي يحب قريبه لي من زمان من قبل ماياخذني انا كنت اعرف بصراحة بس لاني احبه قبلت على طول
بس مادري ليش ماتقدم لها هي وتقدم لي انا
انا مابي افتح الموضوع معه ابدا احس مافيها حكمه احس غباء

كيف اخلي زوجي يتقبلني وكيف اخليه يقلل سفرات وسهرات واخليه يحبني ويتقبلني ويتقبل حالتي
وشكرا

(تم تعديل العنوان ليتناسب مع المضمون)

(مستجدات الرد40)

http://66n.com/forums/showpost.php?p...6&postcount=40

(مستجدات الرد 51)

http://66n.com/forums/showpost.php?p...3&postcount=51