مين قال ان زوجي يمون عليها ؟؟؟ اصلا مايكلمها ولا يدري عن هوى دارها !!! وزوجي كان ساكن فترة ببيت اخوه فلما اخوه يكون مب موجود هي تجي تكلمه وتطلب منه طلبات وهو يقول طيب ويروح يجيب لها ولأولادها اما مسأله فيه ميانه بينهم لا والف لا
وبعدين اذا فيه ميانه بينهم كان حضرتها ماتتكلم معاه وهي تتأسف مثلا تقول انا أسفه اني أقولك ذا الكلام وانا أسفه ادري انك تقول ذا الشيء خاص ومو لازم تقولينه ؟؟؟

وااما عن ردي فما ادري اذا كان مب قاسي وعنيف ؟؟ بس أحسه عادي وردا ع كلامها لما تقول فلان زي أخوي ومدري وش ؟ !!

مدري بس حسيت انو لازم أشد معها شوي

انا اللي خلاني أتدخل بعض الكلمات اللي صدرت منها زي انا يافلان والله ما اشتكي لاحد غيرك حتى امي ما اعملها بشي وانا ارتاح لكلامك. ..

او توصف حالتها وتقول لما كنت منسدحه بالصاله واسمع زوجي يكلم وحده هذا اللي قهرني ورفع ضغطي

حبيبتي نهاد

انا أقول صح اللي عملتيه
اقطعي عرق وسيحي دمه على طول
ايش اللي ارتاح لك وافضفض لك ومدري ايش
اللي اختشوا ماتوا !!!
حبيبتي الشيطان لسا موجود مامات
ومعروفة هالقصص وبدايتها وكيف تنتهي !!
خليكي نبيهه وفطينة في دي الامور
وزوجك اعطيه على راْسه ووضحي له حدوده
وصكيه على راسو ومعاه بنت عمه

يعني لازم الوحده لما تشتكي تقول ذا الكلام ؟؟؟! مو عيب بالله ؟؟؟؟؟
وبعد اللي قالته كيف أرد عليها ؟؟ بحب ولطف ولا بحزم عشان تتأدب وتلزم حدودها ؟!

ماله داعي اللي سويتيه واسلوبك معها مو حلو
هي الان تعتذر منك بس بعدين راح تتغير العلاقة لعداوة ويتفرقوا اولاد العم
كان ممكن تحلي المسألة بدبلوماسية شوية بحيث تحافظي ع اللي بينكم و نفس الوقت تبعديها عن التواصل مع زوجك

ردة فعلها و فعل زوجك
توحي لي ان الرد مناسب لهما. و الا لما اعتذرت هي
و الأعظم. هو سكت و غالبا الرجل يعاند و يدافع عن فعلته
انتم ولاد عّم بس من بعيد. و ايضا انت ما تشوفيها الا نادر
يعني كذلك زوجك علاقته بها بعيدة

سيكون الامر مختلفا حتى لو خطأ
اذا كانوا قرايب متربين مع بعض و كلامهم مع بعض حتى بالعلن و متداخلين كثير
ممكن هنا نقول ان العادة و الميانة. أدت لذلك
لكن الامر غير مقبول عند من يتكلمون برسميات
حتى السؤال عن الشهادة. من ضمن الرسميات
الفضفضة امر مختلف

__________________

لا طبعا كلامها مو مقبول !
عسى ما شر .. اي والله ما افضفض لأحد غيرك
😐 خير ان شاء الله .. تراه مو فوزية الدريع ولا مصلح اجتماعي
منسدحة لو متشقلبة اشله خص تقول له هالكلام!
آنه احتريت وآنه ما لي خص...

مع ذلك اسلوبج ما كان لطيف..
احس ما له داعي هالعنف اللفظي
كنتي تقدرين تنتقين كلمات قوية بس مو جذي
الله يهداج بس ..

__________________

حاجة الناس إليكم من نعم الله عليكم ، فـ لا تملوا النِعم ☁✨

أرسلتي واللي صار صار وإن شاء الله إنها خيرة
لو اعتذرت بالكلام لطفي أسلوبك وقولي يافلانة لو كنت مكاني كان فعلتي مثل ما أفعل، الفضفضة تكون بين النساء وليس مع رجل غريب

قال إيش قال منسدحه بالصالة أنا انقهرت

نهاد اللي سويتيه صح
معليش هو زوجك ولازم تنتبهين
احنا مانشكك لا بزوجك ولا ببنت عمك
لكن قبل لا تزيد الامور.. وتخرب علاقتك بزوجك او فيها وتصيرين انتي تشكين .. وتوسوسين
هذا الحل الافضل ..
مثل ماهي تغار على رجلها بتقدر غيرتك على رجلك
غالبا هي من حر مافي قلبها على زوجها وانعدام الحلول تشتكي لاخوه مع انه غلط والله يصلح لها زوجها ويسخر لها ..
ويمكن لو عرف زوجها تصير مشاكل بين زوجها وزوجك والخ .. فماله داعي
..
فانك دخلتي بالخط وقطعتيه افضل لك ولها ..
اذا تحبين انتي اوقفي معها وساعديها..

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..