السلام عليكم ،
هذي اول مشاركة لي هنا . ولا اعرف ان كان من الصحيح اصلا ان اشارك
انا اعتبر حديث زواج لاني ما اتممت السنة . زواجي من بدايته مشاكل مع زوجتي . مشاكل في كل شي . على الدخول والخروج والعمل والمصاريف وكل شي . وكل مشكلة فيها زعل وهي الله يسامحها تبالغ في غضبها . وتبالغ في تفتيش اغراضي . تقرا الرسايل غصب عني او بدون مااعرف وحتى تقرا الفواتير ....
اعتقد ان كثيرين بينصحوني بالصبر والتحمل لكني تعبت من الصبر والتحمل . لان الموضوع تفاقم وصار يجيني اكتئاب لانها ممكن تضرب او تهين او تكسر اغراض او تهدد بالانتحار او تهدد تتصل على الشرطة وتتبلاني عندهم ... وصلت ان مرة الجيران اتصلوا يتطمنون.
الان كملت شهر وما افكر الا بالانفصال ، لاني لا يمكن انسى تعاملها تعقدت صرت اخاف منها وان كنت الحمدلله مسامحها
مشكلتي اني ما اعرف وين ابدأ معها لانها تنكر حجم المشكلة وتعتبر ان الموضوع عادي ، طرحت عليها موضوع الانفصال لكنها رافضة وتعتبرني مكبر الموضوع او حقود او مدلع او انها ممكن تتغير مع انها ما تغيرت ولا تقدر تتغير
مشكلتي خايف من النقاش مع بعض الناس الذين يحاولون الاصلاح
مشكلتي اني خايف عليها من اهلها اذا عرفو كيف عاملتني
دعواتي للجميع بصلاح الحال وراحة البال

تم تعديل العنوان ليتناسب مع المضمون