الله يصبرك حبيبتي ،و يهدي زوجك ، الطلاق مو حل ، لانه انت بدك العاطفة و الاهتمام و بالطلاق ليس هناك ضمان انك تجدي ضالتك
للأسف بعض الرجال لا يفهمون ان المراة تبحث عن الاهتمام قبل كل شيء
اختاري وقت مناسب و كلميه وجه لوجه و كوني حازمة و عبري عن ما تريدينه

،اخبريه انه هدفك من الزواج هو العفاف و التمتع بالحلال من غزل و وناسة .......
و ليس هناك امرأة تتزوج لأجل ان تاكل و تشرب و لديها مأوى تنام فيه لانه لم نكن ننام في الشارع او بدون اكل بل كنّا في بيت اهلنا نأكل و نشرب و نخرج و ننام في غرفتنا الخاصة ....... و لما قررنا الزواج هو لإضافة شيء جديد عن ( الاكل و الشرب و المأوى و الخروج .....) هو الرفيق الذي يأنسنا و إطلاق عاطفتنا اللي ضلت مكبوتة تستنى حلالها
خبريه انك لا تريدي كل وقته لكن ان ينظم وقته بين أسرته و انشغالاته ، و ذكريه شرعا انه واجب عليه و انه مسؤول عليكم من هذه الناحية
عبري عن اشتياقك له كزوج و ليس كصرافة
الله يوفقكم

__________________
اللهم أحسن خاتمتنا و ارزقنا بر اطفالنا و صلاحهم و اهدنا
اللهم فرج هم المسلمين في كل بقاع الارض و انصرهم
اللهم ارحم ضع كل الاطفال و كل فقير و كل محروم و كل مظلوم

الله يسعدك ي ندى ☹💔 عبرت كثير كني انفخ بقربه مشقوقه مدري المشكله فيني او في المتلقي ،





ابو مريم شكرا على دعواتك لك بالمثل يارب
لكن كيف اصير امه ايش الفرق بين لما اكون صغيره او مقاربه له علمني ايش نوع الاحتواء اللي يحتاجه مني لانو مرره مشوشه ومو قادره افكر ،

بالنسبه انو الرجل مايحب النكد وكذا ، هو مرات يجيبه لي ولنفسه ،
قسم بالله انو اذا كنت فرحانه ومبسوطه من شيء هو ماله علاقه فيه يتنكد ويقلب اليوم هم ، قبل فتره كنت مره مبسوطه لامور مبهجه حدث لي وكانت معنوياتي مرتفعه ومزاجي عالي حتى بعيوني واضح اني مبسوطه ، هذاك الشهر وربي انه كل اسبوع مفتعل مشكله ، هو مايدري ليش انا كذا مروقه ماقدر يخليني حتى بروحي اخرها عمل مشكله كبيره عريضه بس لينكد علي، كنت طالعه مشوار معاه وبنتي تحط شيلات نسمعها بالسياره وقلت يوو ماحب الشيلات دوري بحط شيء يونس وحطيت اغنيه غربيه احبها تتكلم على انو المغني حب بنت متعقده من الحب والرجال وانو راح يخليها توقع بحبه وانو مو زي حبيبها الاول وكذا فيها مقطع يقول نو مان نو كراااي كنت اغنيه واضحك واناظره بمزح قلب الرجال بسم الله ، ولما وصلنا البيت حطيت شنطتي بغرفتي ورحت اغير للبنات فجأه جاني وجوالي بيده وعيونه مليانه شرار ، وسحبني الغرفه ويصارخ صراخ والسبب ليش ترسلين صور بناتي ، يقصد ارسل الصور لقروب صحباتي ، ويصارخ انا طبعا ردا عليه سحبت الجوال وقلت له وش دخلك هم بناتي زي ماهم بناتك مالك شغل فيني وجلس يصارخ انتي قليلة ادب لاب لاب لاب !!!!! هل الموضوع يسوى وش الجريمه في ارسالها للقروب ، عشان ماحد ينظلهم !!!!! هو كذا مرا يقول لا ترسلين صور البنات وانا اطنش لاني حره فعلا في بناتي وعادي بيني وبين صديقاتي وكلهم امهات يعني لا يدخل بكلش خنقني ترى كرهني عيشتي ان عشت وتونست بدونه نبش علي لما ينكد علي وان عشت اطلب وجوده ومشاعره كمان نكد علي
لما اصير حزينه وكئيبه ومليانه هم كذا يرتاح اكره شيء له انو يشوفني مبسوطه لازم ينكد علي 😞😞💔

__________________
أستغفر الله العظيم واتوب اليه

__________________

اختي هاذ الي يصلح معاه.. زوجك يحبك ويغار مره اذا شافك مبسوطة بشي مالو علاقه فيه.. يشوفك مبسوطة بلاه يمكن يفكر قادرة تعيشي بلاه.. وعالاغنية جابت العيد صدقيني بيحبك والغيرة المجنونة من الحب..

برأيي كثري من هالامور لكن بتوازن.. لا تركضي وراه وانتي بتفهمي لكن بنفس الوقت لما يكون معاك اعطيه لحظات حلللوة واءا صرخ عليك لا تعندي فقط بيني حزنك واسأليه ليش بتعمل هيك ونزلي دمعتين... لا تصيري منشغلة عنه مررررة وتصيري قوية مررره مو حلو ابد.. لكن حاولي تنشغلي مع نفسك وتبيني انك مبسوووطة عشان يغار ويهتم فيك..

لما يروح عالاستراحة بالليل. . اعملي هالحيلة.. خليكي online بالواتساب كل مرة عشان تشغلي بالو.. واسهري انتي كمان..واذا سالك ليش متصلة قوليلو مع صديقتي.. وتكون مكالمة مع صديقة مثلا امسحيها.. وامسحي كل المكالمات وتحججي انو الجوال مليان عشان كذه تمسحي.. كمان روحي عند اهلك واذا حكى شي قوليلو انت اساسا بالستراحة لكن برواااق من غييير انفعال..اضمن لك راح يبطل الاستراحات ويجي هو يدور عليك

الغريب يانونا زوجك طبيب وبالعادة الأطباء أكثر جدية والتزام بحياتهم مرة ماني مستوعبة انه في طبيب كذا تفكيره واهتماماته .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

والاستراحه اللي تبعه عباره عن نخبه من الاستشاريين والاطباء
كلللللهم اطباء الا كم فني وكذا ،
عنده صديق بالاربعينات استشاري اطفال كبير بالمستشفى ذا اذا دق يجلس ساعتين يقرقر مع زوجي عن المبارا ويحللها تحليل كامل حتى اذا دق زوجي يقولي ارد ارد اقله رد والله المستعان
وعقب القرقره يقوله تعال الاستراحه عشان يكمل تحليل ، هالصديق انسان كويس لكن لا تدقدق عشان مباراه احترم انه جالس ببيته اذا شفته في العمل او الاستراحه قرقر معاه ماعندي مانع بهواياته واصحابه كلن له هوايات وامور بوجهة نظره كبيره ومهمه ، بس انا ابي جزء لي ماعترضت الا عالسهر والهروب من البيت قد قلت له لك ساعتين ثلاث اطلع فيهم شيش وارجع مامنعته وربي وبعدين تساهلت وقلت اطلع متى ماتبي والوقت مفتوح بس عطني حقوقي !!!! وبرضو مافي فايده كل مره اتنازل تسوء حالته خاصه بعد البلوت مرررره الوضع لا يطاق تجيني حالات امرجنسي وادق عليه ومايرد عشان مايقطع اللعب واظطر استعين ب اختي وزوجها !!

__________________
أستغفر الله العظيم واتوب اليه

نوني ماتزعلي( ومن يتق الله يجعل له مخرجا)تبي حالك يتغير تخلصي من بعض. الشغلات اللي مممن تجيب الهم لحياتك..اغاني بدليها بقرآن مثل ماقال ابو مريم..بعض المعاصي اللي تحسي انك تسويها حاولي تتخلصي منها باختصار قربي من ربك اكثر وشوفي كيف تنصلح حياتك وتصيري نوني السعيدة بعد شغلة التصوير انا مع زوجك فيها ..لاتستهيني بالعين لعلها من غير قصد تجي حتى لو صاحباتك امهات مرات صاحب العين مايقصد الاذى...والمفروض تناقشتي بهدوء كلمة انا حرة ببناتي تنرفز..لماتجيك عاصفة نزلي راسك لين تمر ثم ارفعيه ثاني بذكاء ..انت مشحونة منو اصلا عشان كذا ردات فعلك عنيفة..

ابو مريم وجرحي الدامي انا الحمدلله مو مدمنه اغاني لكني اسمعها الله يغفر لي ويتوب علي طبعا برمضان اقطعها وفي مشاكل ، لكن الله كريم ويغفر لي ذنوبي وخطايايً ان شالله

__________________
أستغفر الله العظيم واتوب اليه

الله يعينك ويفتحها بوجهك

ويزيل هذه الغمة باسرع وقت

ويعوضكم خير عن ماسبق

__________________

الاخت تبحث عن حل لاهمال زوجها وفراغها العاطفي وليس لتسمع مواعظ
اخت نوني هذي حياتك ووضعك انت اعلم بما يحدث في بيتك لم توضحي اذا كان زوجك يحبك ام لا لان من اهم اسباب هجر الزوج لزوجته عدم حبها او ربما في حياته امراه اخرى او غير مرتاح في معاشرتك لاي سبب كان انا اضع احتمالات فقط لانه اذا عرفت الاسباب يتم الوصول للحل