والله صراحه اشوفها عيب ومو حلوة اذا تقدم شخص يشترط او يشرط عليه انه مش مسوؤله
او مسوؤل عن عيال يعني بالعقل الرجل او المراه بيرمو عليهم عشان شريك الجديد
والله عيب ادري مش ملزومه فيهم ومن حقها تعيش حياتها بالطول والعرض بس
لازم تحسب حسابها( رجل متزوج سابقا )و انهم اولاده قبل ماهي تكون زوجته انا لا اقصد صاحبه الموضوع باذات
انا شفت كثير مواضيع تتكرر فيها نفس السالفه اللي تريد الرجال بدون اولاده اويريد المراه بدون اولادها خافو الله

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

عزيزتي مين قال يرمي عياله الان لما تشرط مثلا أنه يجيب لهم شغاله تهتم بغسيل ملابسهم بأكلهم بطلباتهم صار عيب؟
رضت بوجودهم بحياتها بس ماعندها قدرة أنها تخدمهم ولا هو من واجباتها تخدمهم ترى هي مكلوفه بزوجها فقط لو خدمتهم من طيب خاطر جزاها الله ألف خير لكن إذا ماعندها استعداد ما تنجبر على هالشي..وش العيب في أنها تشرط الشروط اللي تبيها بالعقل اصلا مين بيرمي أطفاله عشان وحده
كثير من المتقدمين لمطلقات وأرامل يشرط انه مايبي عيالها ويقولها بالصريح ولا طق خبر لأحد
عالعموم أتكلم عن نفسي لو تقدم لي أحد ماراح أجامل على حساب راحتي بالنهايه له حق الرضى أو الرفض مازالنا عالبر أحسن من أوعده بأشياء أنا ما أقدر عليها ولاراح أنفذها
نصيحه لا أحد يجامل في مشروع زي الزواج ويتنازل عن اشياء بالبدايه ظناً أنه بعدين يقدر يغير من شريكه خليكم واضحين من البدايه وتناقشوا بكل شي و ما أحد ماخذ الا نصيبه

يااختي الموضوع مو بهذا الشكل
وعمر علاقة الزواج ماكانت حقوق وواجبات فقط او واجب عليها كذا وواجب علي كذا
الزواج علاقه اسمى من كذا بكثير
مثلا لو تزوجت انسانه عندها عيال هل اقول ماني مسؤل عنهم واتركهم والا احسن لهم واعتني فيهم عشان اكسب اجرهم واكسب حب زوجتي وتقديرها لما تشوفني مهتم باولادها او والديها
يااختي فيه واجبات اخلاقيه الانسان السوي مايقدر يتنصل منها ويقول انا مالي علاقه
فـ لو الحياة الزوجيه صارت بس حقوق وواجبات ماراح تمشي الحياه بينهم وراح يتحول البيت الى جحيم
والزوجه هي المتضرره الاكبر
واما عن خدمت العيال ممكن تطلب من ابوهم انه يجيب شغاله تساعدها وهذا الصيغه اللي تنقال تكون بهذا الشكل اما قولت مالي علاقه بعيالك هذي قويه على اي رجل

وعلى العموم انا اضم صوتي لصوت اللي يطالبون الاخت تباشير بان لاتقدم على الزواج لمجرد اسم مطلقه ولازم تكون مقتنعه بالانسان اللي تنوي الارتباط فيه

أخ وحيد كلامي واضح جداً اللي تقدم للأخت مطلق ومعه أطفال وهي ماجربت الأمومه+فيه فرق بالعمر بينهم مثل ماذكرت ،،، أشكاليتها تقول ماعندي صبر عليهم،، إذا شرطت بعض الشروط مثل شغاله تنظف وراهم والا طلبت جناح خاص فيها بالبيت تاخذ راحتها فيه لو حبت ترتاح صار عيب !وصارت ماتستحي ؟!وليش تقول هالكلام وش بيقول عنها !؟
ما اتكلم عن معاملتها لهم هذا يعتمد على تربيتها وأخلاقياتها بالتعامل ولا أظن فيه إنسانه سويه بتقسى على طفل حتى لو ماتعرفه ولا تربطها فيه علاقه كيف لو هالطفل ابن زوجها واخو أطفالها بالمستقبل ! ليش لما البنت تشرط شي من ابسط حقوقها تظهرونها بمظهر اللي ماتستحي ومالها حق تقول هالشي
مادام خطبها وعارف أن بينهم فرق بالعمر وهو معه أطفال يتحمل
ومن قال لك ان الزواج ماهو حقوق وواجبات ؟ بالعكس الزواج حقوق وواجبات معه موده ورحمه إذا زوجي ما همه راحتي فالأكيد إني ماراح أدور راحته ولو ماقام بحقوقي أكيد ماراح اهتم بحقوقه هاللي اقوله هو الحقيقه المره اللي ما أحد راضي يعترف فيها وجالسين نجامل ونوزع مثاليات لين المنتدى غص بمواضيع المشاكل والطلاق نظرتنا للزواج نظره ماهي واقعيه للأسف


أخت تباشير خذي ورقه وقلم واكتبي فيها مميزات هذا الرجل وسلبياته من وجهة نظرك أنتي فقط فاهمه أنتي فقط
إنسي الناس وأهلك وسالفة أنك مطلقه الله يهديك ترى بهالزمن مافيه بيت ماتلقين فيه مطلق ولا مطلقه شوفي هل مستعده وعندك صبر تعيشين هالجو أو لا خذي مهله وفكري بعقلك لو حسيتي أنك ماتقوين أرفضيه وربي بيعوضك ويعوضه خير

ان شاءالله بتلقى الزوجة الطيبه الصالحه تفائل بالخير اعيالك عندك ماهي نهاية الحياة صحيح ان كثير من النساء لاتريد مطلق بأولاد وخاصه اذا كانوا عايشيين عنده لكن لو تبحث راح تلاقي كلن حسب ظرفه ووضعه يقبل بالاخر فالمسأله تبادل مصالح ومنافع ولاضير من هذا ابداً

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ههههههههههههههههه
اي والله شكلنا تورطنا يالعشير

نصيحتي كانت للأخت اللي قالت نصيحة ابعدي عن مطلق وليست لك

علشان تعدل بنصيحتها

اما المطلقة مايعيبها شي انا مطلق وعندي طفلين وتزوجت مطلقة بدون اطفال ووافقوا علي بنات ابكار بس مارتحت هذي اللي ارتحت لها وحسيت انها نصيبي ويحبونها عيالي كثييييييير
وهي تحبهم والحمدلله والشكر نعمه من ربي رزقني هالزوجة وبيننا 10 سنوات فرق عمر تقريبا

بس هي متقبله للاطفال وتحبهم ومارضت فيني علشان تشيل اسم مطلقة رضت فيني لانها مقتنعه

تعبت من التفكير 💔

رجل يطلق بعد سنوات من الزواج ليش؟!

ابي تحليل منطقي ؟!

طيب ليش بالاساس طليقته تزعل وتترك بيتها ؟!

اكيد في سبب صح ؟!


طيب وش ممكن يكون !؟

في اشياء كبيييييييييره جداً انا خايفه منها

اختي تباشير الله يبشرك باللي يقر عينك قولي امين
اختي الموضوع مو بهذا الشكل
اختي المطلق او المطلقه مو شرط انه يكون سىء
ولو كل الناس يفكرون مثلك كان مااحد تزوج مطلقه او مطلق تزوج
اللي بين الزوجين مايعلم فيه الا الله
ممكن تكون اسباب قويه
فـ اللي اشوفه انك المفروض تركزين على الجوانب الواضحه عندك واتركي الخافي لرب العالمين
يعني مثلا ركزي على اخلاقه واسألوا زين عنه في عمله واي واحد يعرفه
واسألوا عن دينه وعن تربيته وعن عقله وكيف هو بعلمه وهل هو انسان ناجح في حياته وكيف حالته الماديه والجسديه
اعتقد هذا المهم اللي لازم تعرفينه وعلى اساسه تقررين