واحد من زملائي في العمل
اليوم يقولي تتزوجيني !
فاجأني لاننا كنا نتكلم عن العمل
بعد ما سألني طبعا اذا متزوجه او لا
واذا سبق تزوجت او لا
بعدين قال بس بالسر!!
هو متزوج

طبعا رفضت
قال اهلك يعرفون بس زملاء العمل لا!!
قلت اللي بيتزوجني لازم يتشرف فيه امام كل الناس
قال لا بس تعرفين احراجات و مشاكل العمل!!
اهلك يعرفون لكن هنا بالعمل لا

قالتله فيه غيري ترضى بهذا المستوى
انا لا
وطلعت

قهرني واحس جرحني!
بعد ما طلعت تمنيت اني نزلت الجزمه
وضربته بها!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لاعاد تخيلوا اذا حملت
والعمل مايدرون انها تزوجت
الرجال الكفو الله احل له التعدد
تزعل زوجته الاولى شهر شهرين يضبط اموره
مو يروح مثل الحرامي ياخذ بنت الناس بالسر وعياله بعذ يالمستقبل بالسر
الي مو قد التعدد يصير رجال ولا يعدد

__________________

صدقه ووضوحه ما يرفع عنه وزر الفكره الاساسيه
يعني اقبل بزواج زي هذا لانه كان صادق وواضح في طلبه!!

الف الحمد لله
ولن يتم زواج بهذي الطريق معي

الصادق الواضح اللي تمدحه
ما طلب كذا الا يبي وقت ما يشبع شهوته
يطلقني لا من شاف ولا من درى
اما اللي بيعلن لكل الدنيا هذا غالبا نقول غالبا
هو الصادق مو الجبان ابو السر حتى عن زملاء العمل!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ماعنده طريق الا يكون واضح برغبته المختله
اجل يخطبها ويمكن تعلن الخطبه
لا يسبق السبت ويبلغها باهم شي زواج بالسر حتى عن زملاء العمل
هذا مو وضوح وصدق هذا خوف على نفسه وتقديم مصلحته
وشلون عرفت طباعه هو من شرط ظالم يبين رداه نفسه

لا تستبعدين فكرة الاطفال

لو لك تجربة زواج سابقة قلت لك سوي تجميد بويضات

__________________

اختلافي عنك لا يعني اختلافي معك

هل فيه بالسعوية خدمة تجميد البويضات؟ وهل هي متاحة فقط لمن سبق لهم الزواج؟ وهل لديك فككرة عن المراكز الطبية اللي مصرح لها بهالشي؟

ما اتوقع لازم اكون تزوجت قبل

لكن مو هنا الفكره
الفكره وش الفايده دام البويضه كبيره؟!
هي هي النتيجه وحده

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الموضوع ابدا ماهو بعمر البويضة بل بجودتها

بالنسبة لعندنا بالسعودية ما اعتقد متوفر ولازم بالخارج

لكن بستحق التفكير فعليا

__________________

اختلافي عنك لا يعني اختلافي معك

السلام عليكم يا احبتي
مدري كيف جا المنتدى ببالي !
قلت خليني ادخل واشوف وش اخبار اللي موجود منهم
طلعلي هذا الموضوع
تخيلوا اني نسيت اني كتبته واستشرتكم فيه؟!!!

جديدي يا احبه
طلعت من بيت اهلي واستقليت من سنه و3 اشهر
شقه اجار في نفس مدينة اهلي
في حي حلو فيه كل الخدمات
وجنب ممشى واكبر مولين في مدينتي

شقتي حلوه واثثتها اثاث جميل وهادي وعلى ذوقي
ومازلت اعدل وابدل فيها

لست نادمه ابدا ابدا على هذي الخطوه
نفسيتي تحسنت كثيرا
لكني اشعر احيانا بالوحده واحيانا اشكر ربي عليها!!
ما عرفت احدد🥴
لكني عموما مرتاحه الان اكثر من قبل

هذا بختصار

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )